مين في الحياه متولدش برئ

مين في الحياه متولدش برئ ما بتختلفش عن الملايكه بشئ والله الله يسمحها الدنيا بتغير
و اتاري البراءه عمرها قصير في ناس بتداس في طريقها و ناس السكينه بتسرقها
و ناس مطره تمشي في اي طريق في ناس بتداس في طريقها
.....................و ناس السكينه بتسرقها و ناس مطره تمشي في اي طريق
العيب في مين يا زمن ولا الغلط في مين في ناس بتدفع تمن زنب ناس تنين
ايام ضربطها اضيه و كأن الدنيا فضيه و خلاص ما بقاش في حاجه اسمها بني ادمين
في ناس بتداس في طريقها و ناس السكينه بتسرقها و ناس مطره تمشي في اي طريق
في ناس بتداس في طريقها و ناس السكينه بتسرقها و ناس مطره تمشي في
اي طريق مين في الحياه متولدش برئ ما بنختلفش عن الملايكه
بشئ والله الله يسمحها الدنيا بتغير والله الله يسمحها الدنيا بتغيرو اتاري البراءه عمرها قصير




انت اية رايك فى كلمات الاغنية دى هل كل واحد ممكن يتغلب على الظروف ولا الظروف هيا الى بتتغلب على الواحد وانا مستنيه الردود بتاعتكم على الموضوع دة ؟

[كريم الشاعر]

اقتباس انت اية رايك فى كلمات الاغنية دى

أولا كلمات رائعه

ولحن أروع من الكلمات

أسلوب : الأغنيه عباره عن سؤال >>
ثم يأتى الشاعر بجواب راااااائع

اقتباس هل كل واحد ممكن يتغلب على الظروف ولا الظروف هيا الى بتتغلب على الواحد

أولا >> مافيش إنسان فى الدنيا مش عنده ظروف
كل الناس تعبانه والحياه بالنسبه له صعبه جدا
والدليل : قول الله تعالى (( ولقد خلقنا الإنسان فى كبد ))

ثانيا >> بما إن كل الناس تعبانه وحياتهم صعبه
يبقى لازم تتغلب على ظروفهم وإلا كل الناس كانت إنتحرت

ثالثا >> لازم نكون عارفين إن فى قوى وفى ضعيف

تقديريـ،،،،،،،،،،،،،،،،،،،،،،،،

[lolla]

انا رايى ان دا يتوقف على الشخص فى ناس زى ماتقولى كده عندها مبدأ يعنى مهما حصل
مش بيغيروا مبدأهم وفى ناس مطرة بتمشى فى اى طريق

[ranomaa]

طبعا الاغنيه دي كلماتها واقعيه جدااااااااااا
انا كمان رأيي ان دا تبع الشخص
فيه اللي بيقف ويعافر
وفيه اللي بيستسلم للامر الواقع
لكن مش الكل بيداس عليه
صوابع ايدنا مش زي بعضها
يسلمووووووووووووووو

[عاشق الأحزان]

اختى الغالية/¨°o.O (a7la banota ) O.o°¨


يسلموووو يسلموووو يسلمووو

اختى احلى بنوتة بصراحة الاغنية جميلة اوى جدا ورائعة
وبجد انا احبها وهيا حزينة فعلا وبتحكى بعض من الواقع
واعتقد انه الانسان بيولد برئ خالى من اى ذنوب والدليل انه الطفل اليهودى والمسيحي لو مات حيدخل الجنة لانه ما اقترف ذنب
وبعدين صوابعك مش واحد فى ناس تعبانة فى الدنيا وناس مبسوطة على حساب الناس الثانية
احنا فى زمن القوى بياكل الضعيف
للاسف دى حالتنا اليوم

موضوع راااائع ومتالق وراقي
قلمك مميز ودمتى مبدعة

دمتى بود

مع خالص شكري وتقديري

¨°o.O ( عا الأحزان شق ) O.o°¨