حوار بين اتنين سمعهم تقيل!!!

[ranomaa]

تخيلوا لو اثنين سمعهم ثـقيل يتكلموا مع بعض!! .ايه اللي ممكن يحصل ؟ تعالوا نشوف.

اثتين سمعهم ثقيل جداً واقفين على محطة الاتوبيس ودار بينهم الحوار التالي :

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان ؟

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي !!! انت تعرف خالي ؟ ده راجل كبير في السن

الأول : الجن !!! نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه ؟ عايز تولع؟

الأول : أدلع !!! أدلع عليك انت!؟ انت ما تملاش عنيا

الثاني قبضوا عليا !! ليه !؟

الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي...

الثاني : أنتاج محلي !!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :جواسيس !!!! نهاركم مش فايت ....قدامي على القسم بسرعة :d:d

[الفراشه]

هههههههههههههههههه
حوار تحفه والله يا رنومه

[ranomaa]

ههههههههههههههه
يسلم مرورك يا فراشتنا الجميله
نورتي التوبيك يا جميله

[hana]

ههههههههههههههههه
اصل سمعه تقيييييييييييييييييييييييييييييل
لا بجد تحفه

[ranomaa]

اقتباس المشاركة الأصلية كتبت بواسطة hana ههههههههههههههههه اصل سمعه تقيييييييييييييييييييييييييييييل لا بجد تحفه

مشكووووووووووره حبيبتي ع مرورك
نورتيني

[خلود]

هههههههههههههههههههههههه


حلووووووووووووووو الحوار دا

شكرا لك رانومه على الموضوع الحلو

تقبلي مروري

[عاشق الأحزان]

ههههههههههههههههههههههه
يسلمووووووووو يا رانيم
بجد حلوة
دمتى بود
تحياتي
عاشق

[haytham ali]

هههههههههههههههههههههههههههه

والله ماقدرت اكمل الموضوع من الضحك

خخخخخخخخخخخخخخخخخخخخ

الله يخرب بيتهم اتنين

[$شوشو$]

الله هده الحوارات ولابلاش هههههههههههه
بأخده للإنشاء ههههههههههههه
يسلمووووووو حياتي

[ranomaa]

اقتباس المشاركة الأصلية كتبت بواسطة خلود هههههههههههههههههههههههه حلووووووووووووووو الحوار دا شكرا لك رانومه على الموضوع الحلو تقبلي مروري

تسلميلي خلوووووووود
وشكرا على مرورك