مين قال ؟؟ ( بقلم / حامد فوزى )

[حامد فوزى]

مين قال ؟؟؟

مين قال ان الحياه صعبه والدنيا معقده والاوضاع مش ها تتغير للاحسن .
مين قال ان الزمن قاسى وغدار وابن *** والايام الحلوه خلصت ... مين.
مين فينا مجتش عليه لحظه لعن اليوم الى جه فيه الدنيا واكيد جت اللحظه عليك الى حسيت فيها بانك لوحدك فى الدنيا دى ملكش حد واللحظه الى تحس فيها ان كل الناس باعوك واتخلوا عنك ومش عايزينك معاهم فى الدنيا دى واللحظه الى تكره فيها ابوك واخوك والبيت والمدام والعيال والعيشه والى فيها .

كل اللحظات دى بتعدى على كل الناس السعيد فيهم والمهموم كل الناس الغنى والفقير الجعان والشبعان والمتفائل والمتشائم المعروف والمغمور الوزير والغفير ، لكن صدقونى وبكل اخلاص هى دى الدنيا مش وحشه وقاسيه وظالمه الى اخره من الصفات الى وصفناها بيها وحلاوة الدنيا فى مشاكلها وصدقنى فى كل لحظه من الى فاتو بتبقى بتلعن ابو الظروف والاوضاع بس بعد كده بتفتكر اللحظات دى وفى المقابل الخبرات الى طلعت بيها من كل لحظه وهاتيجى تحسبه هاتلاقى انك انت الكسبان ...


وصدقنى ما ضاقت الا ما فرجت ومن وسع وعن تجارب مش تجربه


وخلى زادك فى الدنيا الصديق الى يا ريت بجد تلاقيه لانه هو ده الى ها تطلع من الدنيا بيه الى هو الصاحب الجدع ، واذكر على سبيل المثال سألو واحد - محمود حميده الممثل المصرى - ايه احلى حاجه فى الدنيا رد وبكل ثقه الست الجميله والصاحب الجدع انا معاه فى الى قاله بس مع تغيير الترتيب

وفعلا الحياه وجمبك ست جميله ليها طعم تانى ولو ليك صاحب جدع فى الدنيا دى يبقى انت كسبت الدنيا كلها.

عارف انه كلام يمكن مايتقريش بس ده الى انا شايفه والى طلعت بيه من الدنيا دى هو شوية الكلام الى كتبته

والى اللقاء قريبا فى لحظات تانيه

حامد فوزى

[قلم بلا حبر]

اقتباس عارف انه كلام يمكن مايتقريش

بالعكس ,, كلامك مظبوط

شوف فى حكمه بتقول اللى يمثل السعاده بيجيله يوم ويبقى سعيد

واللى بيخاف من العفريت بيطلع له

لو انا حستسلم للمرض حيتمكن منى ,, انما لو صرفت انتبتهى عنه حيروح (( مجربها وبقالى سنين مش بروح لدكاتره ))

المهم ميكونشى عندك يأس ,, مع انك وانت اللى كاتب الكلام ده يئست وقلت محدش حيقراه

وادينى برد عليك اهو ,, يبئى المفروض تبدأ بنفسك ولا تستسلم لليأس

بالتوفيق يا غالى

وفى انتظارك فى المزيد

لك خالص التقدير

تحياااااااااااااااااااااااااااااااااتى"""""""""

[abo adhem]

موضوع رائع يستحق التقدير
شكرا جزيلا والى الامام دائما









ابو ادهم

[doiss]

كل اللحظات دى بتعدى


جزاك الله خيرا علي قلمك الصريح


وفعلا اخي الكريم كل اللحظات دي بتعدي


بس يا تري نحن من ننتظرها

ام هي من تنتظرنا

المهم اننا نتقابل معها ونتفارق ""

الدوام لله عز وجل ""

جزاك الله خيرااا

اخوك ضياء

[miraa]

كلامك كتير مظبوط يا حامد
حقيقى فى لحظات المشكله بنحس ان خلاص الدنيا هتقف وان مفيش حل
بنحس ان مفيش حد اننا وحيدون فى هذه الدنيا وكان الزمن يمر كالدهر

لكن حقا ما نستفاده من هذه المشكله وهذه اللحظات يفيدنا فى بقيه ايام حياتنا

الاهم ان يكون فى دائما امل ان اكيد فى حل وان الحياه لا تتوقف عند مشكله معينه
تسلم اخى حامد على هذه الكلمات الحقيقيه والواقعيه
وبدايه موفقه ان شاء الله

[حامد فوزى]

اخى قلم بلا حبر

يكفينى شرفا وفخرا ردك الرقيق على كلامى المتواضع

اخى العزيز

كلامى السابق لم يكن اكثر من فضفضه بينى وبين نفسى

وان كانت مكتوبه من سنوات

ولم تكن فى نيتى ابدا ان انشرها فى اى مكان

ولكنه قد حدث

فى اوقات عديده لا استطيع ان اخرج ما بداخلى الا بالورقة والقلم

لتظهر كما تظهر

قصه حوار قصيده خواطر ... ايا كان

وسترى انى كل مواضيعى على نفس الوتيره

علها تنال اعجابك

**************

وبالمناسبه

فعلا الى بيخاف من العفريت بيطلعله

وعن تجربه والله

دمت بخير حال يا اخى

[حامد فوزى]

الاخ الغالى ضياء

معك كل الحق



اقتباس:
وفعلا اخي الكريم كل اللحظات دي بتعدي
بس يا تري نحن من ننتظرها

ام هي من تنتظرنا





حقا كل تلك اللحظات تمر بنا او نمر نحن بها

العبرة بالنتيجة ... والخبرة .... والى ماذا انتهينا

ذلك اهم ما فى الأمر

[بنوته متغربة]

ما فيش كلام اقدر اعبر بيه عن اعجابى الشديد بموضوعك
بجد موضوع اكتر من مميز
لان كلنا بنمر باللحظات ديه الى بنكره فيها حياتنا وبنشوف كل حاجه فيها وحشه
لكن الدنيا عمرها ما بتثبت على حال
انا مثلا لما بكون فى بلدى وبرجع للغربه تانى بحس انه خلاص الايام الحلوة كلها رراحت ومش حترجع تانى
لكن بالصبر والايمان والاصحاب الجدعان الغربه بتهون وبتحس انك فى بلدك والايام الوحشه بتتحول لفرح وسعاده
واشكرك تانى على مواضيعك المميزة

[حامد فوزى]

الاخت miraa

اسمحى لى اختى الغالية ان ارفع القبعة

امام ردك العطر ومرورك العطر على موضوعى المتواضع

حقا وقفت امام ........

اقتباس لكن حقا ما نستفاده من هذه المشكله وهذه اللحظات يفيدنا فى بقيه ايام حياتنا الاهم ان يكون فى دائما امل ان اكيد فى حل وان الحياه لا تتوقف عند مشكله معينه

لماذا وقفت امامها

لأنك اختى الغالية لخصتى موضوعى فى جملتين

دمتى بخير حال وصحه

حامد فوزى