حلقات برنامج ( نجوم المنتدى )

[۩۩ elMagic ۩۩]

حلقه جميله جدا مع عضوه عاقله وتعمل فى صمت
بالتوفيق ليكى فى دراستكـ ان شاء الله
مجهود مميز يا ابو حمــيد
ودى واحترامى

[Love Paradise]

بسم الله تبـآركـ الله :: دينآ مآشآء الله عليهآ عقلهآ كبير؛
والأهم .. إن قلبهآ آبيض مآشآء الله عليهآ ::
حلقة جميلة بالضيفة والمُضيف ::
دمتم علي خير ؛

[الحان الورد]

،

silver spectra

تسلم يا طارق على ردك الرآقي
ورأيك دا شيء يسعدني ..
شكراً ليك ..

el magic

شكراً على وجودك يا أحمد
نورت وبالتوفيق ليك ..

الاستقلال التام

غيرتي نفسك يابنتي ومعرفتكيش
^_^
تسلمي يا آلآء .. ماتحرمش من وجودك أبداً
نورتِ ..

[كبرياء رجل]

	اهلاً ومرحباً بكم وحلقة جديدة من برنامجكم ( نجوم المنتدى )اللي هو اصلا بتاع مورشوواحنا اخدناه عشان نعمل معاه حوار لانه مش هينفع يعمل حوار مع نفسه :biggrin: والا يهمك يا غالى اعتبر البرنامج بتاعك :biggrin: النهاردة هيبقى معانا ضيف متالق ومشرف مميز في يوميات الاعضاء وهو كما ذكر الكثير مذيع المنتدىومميز ببرامجه معانا النهاردة الاخ اللي زكرنا اسمه فوق المتالق والمحاور المميز morshoooمشرف قسم اليوميات اهلا بيك كبرياء وسعيد جدا باستضافتك ومبروك عليك الاشراف على قسم من اهم اقسام المنتدىوهو قسم يوميات الاعضاء ودلوقتى تعالو نشوف ضيفي قال اية عن قسمه المفضل قسم اليوميات فى البداية اهلا بيك فى برنامج ( نجوم المنتدى ) اهلا بيك واهلا بجميع الاعضاء الكرام س / هل تستحق لقب ( نجم المنتدى ) من وجهة نظرك ؟ لية ؟ انا كنت عارف اول لما قررت انى احط السؤال دا ان الاجابة هتكون من الجميع واحدة وهى ان الاعضاء هما الى يحكمو علينا اذا كنا نجوم المنتدى والا لا بس كنت بقول لنفسى دائما ان طالما تم استضافة اى عضو فى البرنامج فهو اكيد من نجوم المنتدى ودائما جميع الاعضاء بيكونو نجوم ولكن فى اقسام معينة . عموما اكيد الاعضاء هما الى بيقررو وبيقولو اذا كنا نجوم والا لا س / فى بداية دخولك المنتدى كنت مهتم بقسم يوميات الاعضاء ولا مكنش فى دماغك ؟ البداية خالص مكنتش مهتم بية وكنت بهتم بالقسم العام وقسم النقاش وكان السبب انى كنت فى منتدى تانى ووقتها كنت شغال على توبيك اجمد عضو ولما دخلت هنا قسم يوميات الاعضاء حسيت ان وجود اجمد عضو هنا فى المنتدى هيكون مميز لان فكرتة كانت جديدة على المنتدى والحمد لله من وقتها وانا متواجد فى القسم ومخرجتش منة :biggrin: س / اية سبب حبك لقسم يوميات الاعضاء ؟ دائما انا بكون من عشاق الاستضافات والبرامج خاصة لما يكون حاجا جديدة والاعضاء مش متعودين عليها وانا بحب دائما اشتغل على الكلام دا انى احاول استضيف اعضاء واخرج كل حاجا انا حابب الاعضاء تعرفها ودا الحمد لله عملتة كتير س / اية هى ميزة قسمك من وجهة نظرك ؟ الميزة ان القسم مش ملك حاجا معينة عكس باقى الاقسام بيكونو ملتزمين بأسم القسم يعنى مثلا القسم العام مواضيع معينة القسم الاسلامى مواضيع معينة قسم اليوميات بيعتمد على صاحب التوبيك سواء استضافة يبقى لازم انتا تحضر اسئلتك كمان لو تشوف هتلاقى مواضيع القسم متعددة استضافات او حكايات الاعضاء بتقولها موقف حصل الاعضاء بتدخل تقولة والاهم طبعا انة بيعرفنا اكتر على بعض ودى اهم حاجا فى القسم س / يا ترى ايه سبب انخفاض معدل مواضيع موروشو في القسم وسبب غيابه المتتالي فى اعضاء كتير فاكرين ان سبب قلة تواجدى الوقف الى اخدة من فترة بس مخدوش بالهم انى بعد رجوعى قولت ان وجودى هيبقى قليل لفترة بسبب ظروف خاصة بشغلى وهى الى منعانى من التواجد الدائم زى الاول لكن ربنا يسهل والامور ترجع تانى وابقى متواجد الفترة القادمة بشكل افضل . س / اية المشاكل الى بتواجهك فى أدارة القسم ؟ تقريبا مفيش مشاكل والا حاجا وانتا اهو بقيت معانا وهتشوف بنفسك ان القسم عادى جدا ومفيش مشاكل والا حاجا فية والحمد لله الاضاء متفاهمين ولو فى توبيك فى حاجا بنقولها لصاحب التوبيك واكيد بيتفهم س / انا حابب ارجعك لبداية دخولك المنتدى وخاصة قسم يوميات الاعضاء حابب تكلمينا عن الفترة دى ؟ اكيد طبعا لانى فاكرها كويس جدا بداية دخولى كان القسم فية برامج ولكن بنظام اسئلة ثابتة والاعضاء بتدخل تجاوب عليها ودا كان موجود فى جميع المنتديات ولحد دلوقتى . وقتها زى مما قولت كنت شغال فى منتدى تانى بتوبيك اجمد عضو وكان الحمد لله ناجح جدا هناك لانة كان بيعتمد على حوار كامل واسئلة مختلفة كل حلقة ودا نفس الى اشتغلت علية هنا لما قررت اعمل نفس البرنامج هنا فى المنتدى وكان كل لما انزل حلقة هنا الاعضاء بتستغرب اذاى عامل حوار بالشكل دا واسئلة متناسقة وباخد اجابة ضيفى اعمل منها سؤال جديد مكنش حد عارف انى بعملة عن طريق الرسائل الخاصة :079: س / فاكر مين كان مميز فى هذا القسم والا مش فاكر ؟ اة طبعا كانت نودى ود . مرمر كنت متابعهم وكانو مميزين جدا والقسم افتقدهم والمنتدى اكيد س / وجه رسالة للاعضاء الجداد بخصوص قسم يوميات الاعضاء اقولهم اهلا بيكم فى القسم واكيد هتستمتعو معانا خاصة فى البرامج والاستضافات لان قسم اليوميات بيعرف الاعضاء على بعض عن طريق اللقاءات والحوارات . س / لو قولتلك قولنا مين الاعضاء المميزين فى قسمك فى الفترة الحاليه ؟ انا مش متابع بصراحة الفترة دى بالشكل الكافى لكن كبرياء رجل كنت متاكد انة هيكون مشرف على القسم لانة فعلا مميز بمواضيعه س / اية الجديد الى بتفكر فية بخصوص قسمك مع باقى مشرفين القسم ؟ والله انا دلوقتى بحضر توبيك جديد وطالما انا ضيف هقول هنا فكرتة هيكون عبارة عن لقاءات مع مواطنين فى الشارع المصرى هيحكولنا مواقف بيمرو بيها وهتكون بطريقة بسيطة وهكون انا المزيع طبعا طبعا الشخصيات الى هستضيفها فى الشارع من وحى خيالى :biggrin: س / فى تعاون بينك وبين المشرفة الى معاك ولا القرارات بتتاخد بفردية ؟ بقالنا فترة بصراحة مفيش تعاون بينا بس لسبب ان رفيف عندها دراسة وامتحانات وانا دلوقتى شغلى واخدنى عن المنتدى بس طبعا دى ظروف خارجة عن أرادتنا . س / تحب تقول اية لاعضاء منتدى بنات مصر بخصوص قسم يوميات الاعضاء؟ اقولهم القسم مفتوح امام الجميع واهلا بيكم وبرامجكم واستضافتكم واى حاجا محتاجنها ابعتولنا سواء لمورشو او رفيف او كبرياء او اى اقتراح قولولنا علية ولو هيفيد المنتدى اكيد هنشتغل علية ونحققة س/ هل اليوميات كان بحاجه الى مشرف ثالث لينضم الى مشرفين القسم ؟ اكيد القسم كان محتاج مشرف ومخبيش عليك انا كنت بعت لطارق من اسبوعين انة يرجع تانى مشرفة سابقة فقالى لما نشوف تواجدها بس هى تقريبا مش بتدخل بأنتظام ولكن . الى اقصدة ان فعلا انا كنت مؤيد لوجود مشرف معانا ويكون متفرغ للقسم الفترة الحالية س/ ماذا ينظرون مشرفين قسم اليوميات الى مشرف جديد قد انضم لهم وبصفتك مشرف اليوميات ما هي نظرتك ؟ انا حابب بس اقولك حاجا بما انك مشرف جديد بالقسم بلاش تخرج كل الى عندك فى بداية اشرافك عشان تبقى مميز ولكن حاول انك تخرج كل الى عندك على مدار فترة طويلة عشان تفضل مميز وماتبقاش زى اعضاء كتير يفرحو فى البداية ولكن مع الوقت وجودهم بيكون زى عدمة . انا بمشى بالشكل دا طوال فترة وجودى فى المنتدى لكن طبعا الفترة الحالية الامور متغيرة س / يا ترى هنبقى متعاونين ولا لا ؟ والله حسب :079: اكيد طبعا هيبقى فى تعاون ومحدش هيبخل على حد بحاجا والاول والاخر مصلحة القسم فوق اى مشرف او مراقب او أدارى س / شايف اليوميات ازاي دلوقتي يعني فيها تغير ولا لا ؟ فيها تغيير للاسوء بصراحة معظم البرامج غير مفيدة والشكل متغير فى القسم حتى أثارة الاستضافات مبقتش موجودة زى الاول بس ان شاء الله بوجودك الشكل يتغير ولازم انتا كمشرف القسم تمشى القسم على طريقتك وطريقة المشرفين الى معاك . س/ سبب عدم نشاط القسم يا ترى تدني المواضيع التي تطرح به .. ام عدم نشاط المنتدى ؟ فى فترات بيبقى المنتدى نايم فيها بس الاقسام شغالة زى ماهى مبنقفلش القسم ونروح ونستنى لما الاعضاء ترجع والمنتدى يبقى نشيط . فا اعتقد ان السبب تدنى المواضيع يعنى مثلا فى مواضيع تلاقيها ان عضو كلم عضو تانى ( فون ) يقوم حكيلنا الى حصل طيب احنا مالنا بالكلام دا او عضو تانى حلم انة عمل موقف فى حد فيجى يقولنا برضو احنا مالنا بالكلام دا بس ماينفعش تقولهم ماتنزلوش توبيكات بالشكل دا لان القسم مفتوح للجميع حتى لو نزل توبيك قولت فية انى اتصاحبت على بتاع الفول والطعمية عشان ما يوقفنيش وانا بشترى :biggrin: س/ ايه اللي ممكن يخلي مورشو يضايق من مشرف معاه في القسم ؟ معتقدش ان فى حاجا هتضايقنى الا لو فى مشكلة وانا قررت انى ادخل واحلها وجية مشرف معايا ادخل بطريقة تانية يعنى مثلا رد انا حزفتة لسبب معين وجية هو رجعة من غير ما يبقى فى نقاش بينا ويعرف سبب حزفى لية . س/ يا ترى ما هو سبب حذف اكتر من موضوع لمورشو فو اليوميات ? هى الاسباب بتبقى غريبة لما بسئل لية تم حزف موضوعى واخرهم التوبيك الاخير الى كان بيكلم عن ( العادة السرية ) كنت اتمنى عدم حزفة لان التوبيك مكنش فية حاجا انا كاتبها من وحى خيالى كان كلة كلام معروف لينا كلنا . الاغرب ان الادارة قالتلى ان التوبيك كويس بس المشكلة ان المنتدى فية اعضاء صغيرين فتم تجاهل الاعضاء اصحاب الاعمار المتوسطة والكبيرة عشان خاطر الاعضاء الاقل من 16 سنة مثلا وانا متاكد ان مفيش حد ما يعرفش حاجا ان الكلام دا . س/ كنت متعمد دائما في برنامجي الحواري عضو على طاوله الحوار اني اسال سوال مين مذيع المنتدى والحمد لله كله قال مورشو ما عدا عضو /ة تقول ايه لكل الناس اللي زكرم اسمك وتقول ايه للعضو/ة اللي مزكرش اسمك ؟ بشكر الجميع على ثقتهم فية والحمد لله اكيد مبيقولوش كدا من فراغ اكيد عارفين كويس الواحد بيعمل اية عشان يقدم حاجا كويسة والعضو / ة الى مزكرش اسمى اقولة دى حرية شخصية وكل واحد بيقول وجهة نظرة س/ هل كنت تتوقع وجودي معك كمشرف في القسم ام لا ؟ هتصدق لو قولتلك اول لما دخلت على الصفحة الرئيسية وبصيت على المتواجدين ولقيتك باللون الازرق عرفت انك مشرف ليوميات الاعضاء :biggrin: . س / احنا ضوقنا عليكم المكان .. ام يوجد لي مكان للجلوس بينكم ؟ انتا ضيقت الخانة علينا بتاعت المراقبين لان بقينا 3 :079: طبعا وجودك اسعدنا جدا لانك تستحق الاشراف وانا متاكد ان وجودك فائدة كبيرة للقسم ولينا كمشرفين س / اخيرا اية رائيك فى توبيك ( نجوم المنتدى ) ؟ :biggrin: توبيك تعبان زى باقى توبيكات مورشو :biggrin: وبكدا بتنتهى حلقتنا النهاردة اتمنى البرنامج ينال اعجابكم انتظرونى الحلقة القادمة تحياتى كبرياء رجل من برنامج morshooo

[قلب وكلمات]

كبرياء حلقة كانت جميلة جدا


الحوار كان مميز واجابات من morshooo


رائعة والأسئلة معده بشكل راقي


ومنور يوميات الأعضاء أستاذ كبرياء


وبجد أنت مميز جدا ومبروك على الأشرف


تحياتي وتقديري

* قلب * وكلمات *

[♥..pure]

ايهـ الحلاوهـ دي :d
مورشو عندنــآ يـ مرحبــآ يـ مرحبــآ
مجهود مميــز يـ كبــريــآء .. بس تعليق بسيط على مورشو

اقتباس الاغرب ان الادارة قالتلى ان التوبيك كويس بس المشكلة ان المنتدى فية اعضاء صغيرين فتم تجاهل الاعضاء اصحاب الاعمار المتوسطة والكبيرة عشان خاطر الاعضاء الاقل من 16 سنة مثلا وانا متاكد ان مفيش حد ما يعرفش حاجا ان الكلام دا .

مش كـل النـآس مسموح لهـآ بـ توسع ثقافي يـ مورشو
انـآ بقولكـ اهوهـ ان في لسه نـآس متعرفش حـآجه :d
احنــآ في مجتمع شرقي .. ومش بيسمح بوجود التوسع دا
منورين اسرهـ اليوميــآت يـ جماعهـ
والمكـآن مضـآقش ولاحـآجهـ يـ كبريــآء
احلى حاجه انكـ فصلت بيني وبين مورشو :d
دوام التـآلق يـ شباب

[۩۩ elMagic ۩۩]

حلقه جميله جداا
مجهود مميز كبرياء
فعلا انت تستحق الاشراف
وان شاء الله القسم يبقى انشط وافضل بوجودكـ
نورت يا احمد الحلقه وان شاء الله ظروفكـ تتعدل وترجع زى الاول
ودىو احترامى

[тoкα..♥]

حلقه كويسه ي كبريآء ,,
وآحمد منور برنآمجك ,,
دوآم آلتآلق //
آحترآمي ,,

[ياسمينااا]

حلقه جميله كبرياء
احمد منور الحلقه
وان شاء الله ظروف احمد تتحسن ويرجع ذي الاول
مجهود مميز منك كبرياء
ومبروووووك علي الاشراف
انت فعلا تستحقه
في انتظار الحلقه القادمه باذن الله
تحياتي

[ساحر الأحزان]

جميلة الاستضافة كبرياء

مع مرشو وهو انتم بقيتم مع بعض فى قسم واحد

وان شاء الله دوام النشاط

ودوام التوفيق ليكم

تحياتى لكم على تلك الحلقة الجميلة