انا الشهيد

شريف القناوى · منذ /02-02-2012, 09:34 PM

انا الشهيد وبدمى امير
رايح لبيتى الاخير
كان حلمى فى الاخر بسيط
صغير لكن مش مستحيل
من طفولتى وانا غريب
وسط ارضى ماليش حبيب

انا الشهيد ومين زى
فى جنة ربى جليس
سبت صورة وذكرى لكل حبيب
امسحى امى الدموع
وامسكى ايد ابويا الكفيف
ابنك مات شهيد

انا الشهيد وعلى الغدر شاهد
وعلى الجوع والذل مش ساكت
رفعت راسى وقلت مش راجع
خرجت من بيتنا وانا عارف
ان النهاردة للخلود مسافر
لجنة الرحمن طالب

انا الشهيد ومش عايز
غير دعوة لبلادى
اللى حلمت بيه لولادى
نور الشمس يظهر من تانى

انا الشهيد

ساحر الأحزان · منذ /02-02-2012, 10:05 PM

الشهيد جزؤة عند ربة

هو يجزية خير الجزء

ذكرى طيبة فى الدنيا

وثواب عظيم فى الاخرة

جميلة كلماتك

اتمنى لك من الله كل سعادة

بسمة العمر · منذ /02-03-2012, 01:29 PM

انا الشهيد المشهود روحى عند رب المعبود

طاهرة نقية مكرمة فى جنات عالية

كلمات جميلة خالص شريف

ربنا يرحم جميع الشهداء

تسلم ايدك نتمناا المذيد

كبرياء رجل · منذ /02-03-2012, 08:28 PM

ﻻ تحزن اخي

فهناك من يعدل بين الحق والباطل

مهما طالت ومهما مددت

فلكل شئ على اﻻرض نهايه

صرخه قويه من قلب مجروح

اتمنى انه تلملم جراحه قريبا

وجراحنا جميعا

اشكرك

تحياتي

game010 · منذ /02-03-2012, 09:52 PM

نحتسبه عن الله شهيداً
حسبى الله ونعم الوكيل

شريف القناوى · منذ /02-08-2012, 04:24 PM

اشكركم على المرور الجميل والرد الرقيق
دمتم بود ومحبه

DR.SMA · منذ /02-10-2012, 02:03 AM

الشهاده امر يتمناه الجميع بالكلمات
ولكن من منا يتصرف بفعله
من منا يوهب روحه لوطنه بدون انتظار المقابل
ربنا يرحمهم شهداءنا جميعا
في مكان اسمى واجل من الارض
جمعنا بهم الله في الجنه
تقديري لشعورك الطيب ,,

دمعه حائره · منذ /02-10-2012, 11:31 AM

الشهداء احياء عند ربهم يرزقون
يتنعمون فى جناته وينالوا رحمتة ومحبته
رحمهم الله وألهم زويهم الصبر والسلوان
كلمات جميله اخى سلمت اناملك ودام تواجدك الجميل
تحياتى وتقديرى لك

فارس الكلمة · منذ /02-10-2012, 11:57 AM

الشهداء أعظم درجة عند الله
مع النبيين والصدقيين
فمن أنعم الله عليه بهذه المنزلة فاليفرح وليسعد
حيث مآواه ومستقره الجنة
رزقنا الله أياها أجمعين
أخى كلماتك جميلة
تقبل مرورى

السفينة · منذ /02-10-2012, 03:32 PM

كلام شعارات ولا حروف

دي دماء شهداء قهرت الخوف

عشان الحلم واجهت الموت بالألوف

دماؤهم وقود الثورة ولسه أرواحهم

فوق ميدان التحرير طايرة بتطوف

بتسأل فين الأهداف اللي ضحينا

عشانها وفين القصاص من اللي قتلنا

ماتخافش ياشهيد حقك مش بعيد

ومليون سلام وتحية لدماء الشهداء الزكية

رحم الله كل من ضحى بنفسه
من أجل هذا الوطن الحبيب مصر
تقبل مرورى وأعجابى بكلماتك
الجميله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنا .... الشهيد ...	نبض النيل	قسم الخواطر - وهمس القوافى حصرى بقلم الأعضاء	11	05-22-2012 02:46 PM
دم الشهيد	حانة الاقدار	قسم الخواطر - وهمس القوافى حصرى بقلم الأعضاء	5	12-17-2011 06:28 AM
صورة الشهيد وفيديو جنازة الشهيد محمود خالد قطب	اسكندريلا	أخبارك فيديو , فيديو إخباري	6	06-30-2011 10:55 PM
ام الشهيد	عاشق ولهان	قسم الخواطر - وهمس القوافى حصرى بقلم الأعضاء	4	08-20-2009 03:13 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

انا الشهيد

منتدي ابداعات الاعضاء الادبية