ادخل وقول اللى ف نفســك ..

[محمد الحلواتى]

السلام عليكم ورحمة الله وبركاته


الموضوع هيكون شامل كل حاجة نفسنا نقولها

مضايق

مهموم

زهقان

مبسوط

قول كل اللى ف نفسك

واول كلامى هقوله

...
آه يا صاحبى يا اللى معرفكش
كنت جانبى ف يوم ف ماتش
هزيت معايا الاستاد
... ورفعت اسم الأهلى فوق العباد
آه يا قلب أمك اللى انفطر
... وقلب اللى قتلك دا ايه ..حجر
آه يا صاحبى يا اللى كنت جانبى
واتخلع قلبك على قلبى
وحضنتنى ساعة الجوون
وقولت معايا عشان الأهلى كله يهون
آه يا صاحبى ياللى روحت وسبتنى
وانت ماتعرفش إنك كدا قتلتنى
فاكر لما مسكت كفى
وكان دايما كتفك ف كتفى
وقولت دايما التالته شمال
عرفنا فيها معنى الرجال
يا صاحبى دا الأهلى بيك هايفضل حديد
ويوم ما بطلت تشجع كنت ميت أكيد

[نــيــرفــانــا]

انا نفسسسسسسسي

ربنـــا يوفقني و نفسي كمان ربنا يهدي الناس في العالم كلو و تكون مصر حلوه و مفيهاش

حـــــــــــــــــــــــــــــــــــــــــــــروبـ


تسلم ايديكـ اخي عالموضوع فكره حلوه

[mema sief cr7]

نفســى المشيـــر يفهم يعنى ايه شهيــد

[محمد الحلواتى]

حسبى الله ونعم الوكيل ف كل واحد كان سبب ف موت الشباب اللى مالهومش اى ذنب ..

[محمد الحلواتى]

أعتذر لكل شخص قابلته في حياتي وأطلب منه أن يسامحني فقد يأتيكم خبر وفاتي في أي لحظة كما جاء خبر وفاة من ماتوا الامس لأهلهم في لحظة
لا أعلم كيف ستكون موتتي فلا يعلمها إلا الله
ولكني اسأله الشهادة في سبيله
وأشهد الله أني قد سامحت كل شخص أساء لي في يوم من الأيام بقصد أو بدون قصد ولو كانت بنظرة
اللهم أرزقنا حسن الخاتمة.

[~&ابتسم لحياتك*$]

موضوع جميل طيب واسينى فى التالى جبت الشهادة و لقيت درجات كان عمرى ما اتوقعها ودمى محروق قولى اعمل ايه

[فارس الكلمة]

محمد الحلوانى
موضوع جميل هيخلى الكل يبوح باللى فى قلبى
وأنا من هنا أبوح وأنادى

فينك يا مشير

فينك يا مشير وليه غفلان
البلد خربت من زمان
أنت سارح الفكر وتايه
عاوز الكرسى يفضل معاك
منك لله روح يا شيخ
أنت وكل اللى معاك فى اللعبة
مبارك مرمى فى المستشفى
وبيمشيك بهمزة منه وغمزة
البركة فى ماما سوزى يا مشير
وعلاء وجمال لهم خاطر كبير
علاء كان بيناديك ويقول يا أونكل
أنت أصل العيلة الطاهرة يا أونكل


محمد الحلوانى
تقيل مرورى ودمت بالخير

أمير الردود

[جوليت تبحث عن روميو]

فكرة جميلة قوى
انا نفسى اقول امتى هشوفك ياروميو اتاخرت قوى تعالى بقا كتك نيلة

[~&ابتسم لحياتك*$]

اقتباس المشاركة الأصلية كتبت بواسطة جوليت تبحث عن روميو فكرة جميلة قوى انا نفسى اقول امتى هشوفك ياروميو اتاخرت قوى تعالى بقا كتك نيلة

ههههههههههههه ربنا يصبرك يختى متزعليش يمكن عجله العربيه فرقعت منوا كام ساعة وهتلقيه جاى اصبرى

[elaitrwy]

نفسى ف 2 شيش وبطاطس
وواحد تشكن بانية لانى جعااااااااااان