كلام من الاخر بخصوص احداث مباراة بورسعيد

[ღ Gի๐sτ ღ]

بسم الله الرحمن الرحيم

الرد دة انا هاوضح فيه لية الداخلية والمجلس العسكرى بيكرهونا
ولية الداخلية والمجلس العسكرى وجمهور المصرى عملوا فينا كدة
ودة اخر كلام عندى والقصة من بدايتها من زمان لحد دلوقتى

1 - من قبل الثورة والاولتراس ضد الداخلية لاننا عارفين انـه نظام فاسد وكل الناس فى مصر كانت بتخاف من الداخلية وبتحترم كلام الامن وبتسمع الكلام وبتاخد بالجزمة ومفيش حد بيفتح بقو مع الامن الا الاولتراس فقط هو اللى كان بيتحدى الداخلية ومن غير خوف وكتير قبضوا علينا وسجنونا وبهدلونا ولكن بردوا كنا ضدهم والكلام دة من قبل الثـورة

2- مع الثورة احنا نزلنا كنا فى الثورة ويوم موقعة الجمل اللى اتصدى لابناء مبارك بالخصوص شباب الاولتراس
وانا مش بتكلم بغرور على الاولتراس ولكن انا بتكلم ليه الداخلية والمجلس العسكرى بيكره الاولتراس واللى كان موجود فى الثورة عارف ان اول ناس كانت واقفة فى الصف الاول ضد ابناء مبارك فى موقعة الجمل هما الاولتراس ومن ثم خلفنا الاخوان المسلمين ومن ثم خلفهم باقى الثوار

3 - وقت محاكمات مبارك كان بلطجية الفلول بيروحوا يضربوا اهالى الشهداء وكلنا عارفين ان طنطاوى والمجلس العسكرى تابع لمبارك بدليل ان حتى الان لن يتم الحكم عليه ولا اولاده وكل دة واضح جدا
قبل محاكمة مبارك اولتراس اهلاوى اعلن اننا هاننزل نروح المحاكمة عشان نقف نحمى اهالى الشهداء واى بلطجى هايحاول يعتدى على اهالى الشهداء احنا هانتصدى ليه ومش هانخلى حد يلمس اهالى الشهداء

كان قبل المحاكمة بيوم كان فى مباراة بين الاهلى و كيما اسوان وقتها رجال الامن طلعوا علينا ضربونا و سجنونا ودة عشان يمنعونا من اننا نحضر المحاكمة وينهوا علينا بعد مايسجنوا الناس الكبيرة بتاعتنا ويضربونا واعتقد الكل فاكر المشكلة دى .. فقبل المحاكمة بـ 24 ساعة الداخلية انتقمت مننا وضربتنا فى الاستاد وسجنونا ومروحناش نحمى اهالى مبارك بالفعل لان الناس اللى عندنا اتسجنت وكلنا كنا واقفين ورا الناس المحبوسة ومروحناش نحمى الشهداء

من وقتها ومفيش اى مشكلة بينا وبين الامن

ولكن يوم 24 يناير الماضى احنا قمنا برسم دخلة فيها اساءة لرجال الشرطة ودة بمناسبة عيد الشرطة بعد اللى عملوة فينا وقتل الناس واللى حصل فى الثورة

ويوم 28 يناير الماضى قمنا بالسباب للمجلس العسكرى وهتفنا يسقط يسقط حكم العسكر ودة لان الشهيد محمد مصطفى قتلوة العسكر

والكلام دة كان قبل ماتش المصرى بـ 4 ايام

فبعد ماحنا شتمنا الداخلية وهتفنا يسقط حكم العسكر من اسبوع .. الداخلية والجيش حبوا ينتقموا من اولتراس اهلاوى بسبب الشتايم اللى عملناها عليهم من اسبوع كان وزارة الداخلية والمجلس العسكرى عاوزين ينتقموا مننا

فالمؤامرة كانت ..
الجيش يقفل البوابات من خارج حتى يتم حبس جمهور الاهل
ى
والامن يفتح البوابات فى الداخل ويطفى علينا النور وينسحب حتى يسمح لجمهور المصرى الدخول علينا

وجمهور المصرى يستغل الفرصة ويقتل فينا عشان ياخدوا البانرات و التى شيرتات اولتراس اهلاوى
والفايدة اللى هما هايستفدوها انهما كدة يبقوا علموا علينا وخدوا شرفنا ويتم الغاء اولتراس اهلاوى وتفكيكه

لان البانر دة بمثابة شرفنا ولما يتاخد مننا البانر يبقى كدة نتلغى وميبقاش فى حاجة اسمها اولتراس اهلاوى لان شرفنا اتاخد ويبقى كدة اولتراس جرين ايجلز اللى هما اللى خدوا البانرات بتاعتنا والتى شيرتات بتاعتنا وهى دى الاستفادة اللى ياخدها اولتراس جرين ايجلز انهما يبقوا علموا علينا وخدوا شرفنا وهما المسيطرين على التشجيع فى مصر ولكن بغبائهم خدوا البانرات بقتل الناس
لان البانرات المفترض تتاخد بدون قتل .. مش زى ماعمل جمهور المصرى اخدها بالقتل لانهم اغبياء ميعرفوش يعنى اية اولتراس وميعرفوش قوانين ولا مبادىء الاولتراس ولايعرفوا ازاى تاخد بانر وشرف الجمهور المنافس بدون قتل

اعتقد كدة الرؤية وضحت كل واحد استفاد اية .. الجيش استفاد اية . والامن استفاد اية . والجمهور استفاد اية

وملحوظة **
اللى يقولى مش جمهور المصرى اللى قتل ودول ابناء مبارك وقلة مندسة .. عفوا

1 - من قبل الماتش ناس ع النت قالت انهم قعدوا فى تجمع اولتراس جرين ايجلز
وعرفوا التخطيط كلو وانهم هايدخلوا الاستاد باسلحة وهايضربونا ودة من قبل الماتش !

2 - الاستاد كان 12 الف واللى نزل الملعب 10 الف
معقول 10 الف قلة مندسة ؟؟ معقول الاستاد كلو من اولو لأخروا قلة مندسة وبلطجية !!
امال مين اللى كان بيشجع ومين اللى كان بيولع شماريخ ومين االلى عمل الدخلة لجمهور المصرى؟
معقول البلطجية والمأجورين بيعرفوا يرسموا دخلات وبيعرفوا يغنوا ويشجعوا ويمسكوا شماريخ !
معقول جميع من فى الاستاد قلة مندسة ومفيش حد من جمهور المصرى الحقيقى ؟؟

3 - مدرج جمهور المصرى تالتة شمال كلوا نزل والمدرج دة كان فيه اولتراس جرين ايجلز
اللى هما مشجعى نادى المصرى


4 - انا كنت فى الاستاد وشايف بعينى مين اللى بيقتل وعارف مين اللى بيقتل ودول اولتراس جرين ايجلز

5 - اولتراس جرين ايجلز اتكلموا بنفسهم ع النت وفخورين بنفسهم انهم عرفوا ياخدو مننا 400 تى شيرت
ومعنى ان هما فخورين بنفسهم انهم هما اللى خدوا التى شيرتات .. يبقى اولتراس جرين ايجلز هو اللى كان بيقتل
لان اللى كان بيقتل فينا هما اللى كانوا بياخدوا التى شيرتات ودة مثال منهم اعتراف على نفسهم دة غير المثال اللى ذكرته الاول ان انا شايفهم بعينى وانا عارف ان دول اولتراس جرين ايجلز اللى كان بيقتلوا
ودة غير شهود عيان من ناس من قبل بداية المباراة كان بيحذرونا انهم شافوا اولتراس جرين ايجلز وهما بيخططوا لقتلنا ودة من قبل المباراة قايلين كدة ..

واللى ميعرفش مين اولتراس جرين ايجلز .. دول بمعنى اصح يبقوا مشجعى نادى المصرى وليس مأجورين

الرد دة انا لخصت فيه كل الحكاية من البداية للنهاية
اللى مقتنع بكلامى اوك .. واللى مش مقتنع بكلامى بردو اوك
ومسير الايام هاتمر وهاتعرفوا ان كان كلامى صح ولا غــلــط


ملخص الحكاية كلها
اللى قام بالليلة دى كلها

الامن و الجيش و اولتراس جرين ايجلز اللى هما مشجعى نادى المصرى
واعتذر ع الكلام لو كلامى بطريقة مش مناسبة او كدة ولكن انتوا عارفين ظروف الواحد

[dяєαм..|♥]

ايوه انا مقتنعه بكلام حضرتك ده
لان انا شايفه ان كلام حضرتك صح
هى فعلا مؤامرة عملها فعلا الجيش والامن والجماهير البورسعيدية
انما كلام البورسعيديين بيقولوا ان دى مؤامرة والناس دى بلطجية مش مننا
بس دول مش بلطجيه دول جمهور بورسعيديه
بس اهم حاجه اعرفها من الموضوع ده
ان الجماهير البورسعيدية ليهم دور كبير فى اللى حصل ده
علشان الناس اللى بتقول ان دول مش بورسعيدين دوول بلطجية !!!!!
وان الجماهير البورسعيدية ملهمش اى ذنب فى اللى حصل !!!!!!

اشكرك ع التوضيح

[game010]

كلام جميل جداً علشان الصورة تكون اوضح
شكراً للاستجابة يا محمد
ودى وتقديرى واحترامى للك

[ღ Gի๐sτ ღ]

بنوتات مصريات

تمام يا بنوتة
ميرسى على مرورك الجميل
العفو

game010

العفو يامحمد
شكرا لمرورك الرائع

[What do u think of u]

كلامك كله مقنع من اول حرف لاخره جتي قبل الماتش كان جمهور المصري قايل اللي هايجي من مشجعي الاهلي يجيب كفنه معاه واصلا اول واحد نزل الملعب كان واحد من جمهور المصري حسبي الله ونعم الوكيل فيهم

[ღ Gի๐sτ ღ]

شكرا على مرورك يا نيما
منورة قسم الرياضة

[سَـلمَى]

يـــــآرب يكون الكل شاف كلامك

عشــآن منعدش الكلام أكتر من مرة

وألف شكر يــآ محمد عل التوضيح

تســـــلم ^^

[ღ Gի๐sτ ღ]

ماهو الكل عارف كدة ياسلمى
بس بيعمل نفسه من بنها
الله يسلمك