BACK--> يـلآ كـورة مع Silver Spectra وحـوآر عن آحـدآث بورسعـيد ~

[тoкα..♥]

GooD
MoRnInG / eVeNiNg / AfTeRnOoN

وعـوده مع برنـآمج يلآ كــورة .. تـآبعآ لحمله آستعـآده آلمـوآضيع آلقـديمة
وآللي وقفت بسبب ظـروف كسليه لآ آكثـر :biggrin:
حبيت آبدآهـآ بطـآرق وبحـوآر عن آلآحدآث آلآخيرة ف بورسعيـد
تـآبعو بقــآ

آولآ آهلآ بيك ي طـآرق
آنت آهلآوي ولآ زملكـآوي ؟ :biggrin:
بالوراثة أهلاوي المفروض
بس لما كبرت باقيت بشجع الي يلعب كويس
و ان كنت بنحاز للأهلي شوية كنادي محترم , لكن لو لعب وحش ببقى عايزه يخسر





آي رآيك ف آحـدآث بورسعيد آلآخيرة ؟
أحداث غير متوقعة و كانت مفاجئة للكل ان يوصل مستوى الشغب في كرة القدم للقتل و تبقى عقيدة المشجع سفك الدماء!

تفتكـر مين من مصلحـته يعمل كـدآ ؟
أعتقد مش في مصلحة حد

مقتنـع بآلكلآم آللي بيقـول آن آلمجلس آلعسكـري هو آللي ورآ آللي بيحصـل ؟
بصي في ناس بتقول ان دا كان تعمد من المجلس عشان مواقف الألتراس ضد العسكري , بس احنا نعملها حسبه بسيطة
المفروض الي بيعمل حاجة بيعملها عشان يحقق مكسب من وراها
بعد كل أحداث أكبر خاسر دايما بيكون المجلس العسكري
و في كل مره الفترة الانتقالية الي كان عامل حسابه انه هيحكم فيها بتقل , يعني العملية مش بتمشي على حسب المخطط بتاعه
الي كان عايز يسلم السلطة في 2013 و بعدين قلت و باقيت في نص 2012 و الله اعلم ايه الجديد بس قرروا يعجلوا في فتح باب الترشح للرئاسة بعد شهر تقريبا لكن مش حددوا معاد الانتخابات , ممكن تكون في ابريل أو مايو أو في المعاد الي حددوا مسبقا , لأن في 3 اسابيع توكيلات و في كمان حملات دعائية و غيره

أعتقد العسكري كان عايز يأجل الانتخابات لحين عمل دستور
و أتصور بعد قرار فتح الترشح الدستور هيكون بعد اختيار الرئيس , يعني لو شارك هيشارك كجهة عسكرية مش أكتر مش كحاكم للدولة و هنا تفرق كتير

فأنا شخصيا شايف ان الي كان في مصلحة العسكري هو الهدوء مش الشغب و اثارة الرأي العام ضده
و عامة دي رؤيتي التحليلية
و مش معناها اني بدافع عنه , أنا من أكتر الناس الي كاره الحكم العسكري الي كابس علينا من 60 سنة
و أكتر واحد كاره سوء الادارة في المرحلة الانتقالية , لكن دي نظرة عامة حسب مجريات الأحداث في كل مرة
بيتضح ان الهدوء بيكون في صالح العسكري و العكس بيكون ضده

طب وآللي بيقـول آنو قله منـدسه ؟؟ هتفضل لحد آمتى نقول قله مندسـه !
شوفي الكل أخطأ
النظام أخطا و الشرطة أخطئت لأن هي المسؤول الأول عن التأمين , و الا تبقى انت بتحكمني ليه و لا بتاخد مرتبات على ايه , عشان تحط المسدس على وسطك و تلبس النسر فوق راسك!!
أكيد عشان تأمن , فهنا أكبر خطأ كان على الأمن و الداخلية و المفروض يحاسبوا قبل اي بلطجي

و دا طبعا مش بيقلل من خطا الجماهير من الطرفين
احنا في آخر كام سنة وصلنا لدرجة غير مسبوقة من شغب الملاعب و عدم الاحترام
في كل مباراة تلاقي الي بيسموا نفسهم أولتراس حاطين لافتات مسيئة , و كلو شغل ليزر و شماريخ , بجد حاجة تكسف
فلو أنا انسان منصف ما اقدرش لومي يقتصر بس على النظام , لأ الجماهير سلوكها سيء
دا بصفة عامة , و أكيد اللافتة المسيئة ما توصلش للقتل!!
لكن زي ما تقولي قلبت فوضى و مهلبية فالعنف أخد مسلك غير متوقع و فاجئ الكل

أقولك مثال بسيط
في انجلترا و أوروبا عامة لما واحد يشرب سجاير في الاستاد الجمهور نفسه بيطرده برا , بغض النظر طبعا ان أحيانا بيحصل عندهم شغب لكن مش بالدرجة الي حصلت عندنا
مثال تاني
لو انت رميت منديل في الشارع أي حد هيشوفك هينبهك و هيزعقلك ازاي ترمي منديل في الشارع!!
مش هيستنى النظام و لا الشرطي هو الي يكلمك
يبقى هنا في سلوك رقابي المجتمع بيفرضه على نفسه , و دا للأسف مش عندنا بالرغم من ان الاسلام أوصانى بكدا
( من رأى منك منكرا فليغيره بيده فإن لم يستطع فبلسانه فإن لم يستطع فبقلبه و ذلك أضعف الايمان))
و مش لازم المنكر يكون فاحشة أو حاجة كبيرة
لأ
رمي الزبالة في الشارع منكر
رفع لافتة مسيئة منكر ,المفروض الجمهور نفسه ما يقبلش حاجة زي كدا و لا يسمح باي سلوك سيء
الهجوم على الملعب منكر

تفتــكر آي سبب آللي حصل آصلآ .. وهل ممكن ينـدرج تحت آلتعصب لآي فرقه آحـدآث زي كـدآ ؟
التعصب موجود طبعا
لكن أكبر لوم هنا هو لتقصير الداخلية
للاسف احنا عندنا الشعب سلوكه متراخي
لما بتشوف لواء شرطة بيتكلم ضغطي بيرتفع
دايما تلاقيه بيقلل من كل حاجه و يحسسك اننا زي الفل
ماعندوش رؤية جادة و دا مش في الشرطة بس
في اغلب الوظائف و المصالح الحكومية

آلعـآلم كلـو بيقـول آنو حدث مأسـآوي وآسـود في تآريخ آلكـرة آلعآلميه وآلعربيه وآلمصرية وآلمشير طآلع يقول آن آللي حصل ممكن يحصل ف آي حته ف آلعـآلم , آي ردك عليه ؟
لسه كنت بقولك السلوك المتراخي
كل حاجه نقلل من شأنها
عارفه الانسان دايما أو في الغالب بيحقق نص طموحة في أحسن الأحوال
لما يكون انت طموحك كنظام ان مثلا الموظف ياخد 1000 جنيه
في أحسن الأحوال هياخدله 500
لو طموحك ان 30 واحد يموتوا هيمتلك 60

فالمفروض النظام يكون هدفه و طموحه و يستميت على انه يكون احسن بلد مش انه يكون بلد و خلاص لأن بلد و خلاص دي هتخليك في قاع البلدان
و دا الي كنا بنعاني منه أيام نظام مبارك

وهـل ممكن آللي حصل دآ يحـصل ف آي حته ف آلعـآلم ؟
يحصل في اي بلد فيه تعصب كروي و فيه تخبط اداري من قبل النظام القائم
عشان نكون صريحين الداخلية ايديها مهزوزه لحاد دلوقتي
و دا ناتج من انعدام الثقة
ماحدش بيثق في حد
حتى الثوار و اصحاب المطالب و الشعب ماعتش بينهم ثقة و كلو بيخون في كلو , و دي أكبر مصيبة احنا عايشين فيها

آعتـبر نفسك مش مصـري .. هتكـون نـظرتك للكـرة آلمصرية آزآي بعد آللي حصل ؟
هقول البلد دي فيها فوضى و مافيهاش نظام

ليه حصل تبـآطؤ غير عـآدي ف حضـور آلآسعـآف آو آنجـآد آلنآس آللي بتموت ف آلآستـآد ؟
الأحداث كانت سريعة
انت بتتكلم عن آلاف نزلوا الملعب فجأة

آي رآيك ف موقف آلمشيرآنو يبعت طيـآرة تآخد آللآعيبه وسـآب آلجمـهور !
يادوبك دا آخره :biggrin:

ومـوقف آلآمـن آللي كـآن متفـرج ..؟ تفتـكر هو تـوآطؤ ولآ لآن مفيش للآمن هيبه ؟
بصي أنا مش هقدر أجزم و هقول الموقف كان ازاي بالظبط لأن دي حاجة بتندرج تحت علم الغيب و ممكن الجهات المختصة تقدر تكشف جزء منها
لكن حسب الآراء و بعض التحليلات في ناس بتقولك ان كتير من بتوع الأمن بورسعيدية , فكان نفسهم دا يحصل كنوع من التشفي و الله أعلم

لكن أنا أعتقد ان العملية فيها كمان ضعف هيبة الشرطة
و أحيانا بتخيل نفسي رئيس او شخص مسؤول فعلا هتلاقي العملية صعبة جدا في انك تتحكم في الاحداث

زي مثلا انت عايز تطهر ماسبيرو
ماسبيرو شغال فيه تقريبا 60 ألف موظف و أغلبهم مش كفاءات و متعينيين بالواسطة و غيره
لكن ناس متوظفة من 5 و 10 و 20 سنة
هتعمل فيهم ايه ؟
لو مشيت ناس منهم هيعترضوا و هيعتصموا و مش بعيد يقفلولك ماسبيرو
هتعمل ايه ؟ هتضربهم ؟ الاعلام هيهيج عليك و هيقولك شوف عمل و سوا و ضرب و سحل
فمش هتلاقي غير انك تراضيهم

و دا بيحصل في أغلب الاعتصامات
اقولك مثلا هنا في دمياط قطعوا طريق المينا و مداخل دمياط كلها من كام شهر عشان مصنع سماد عايزين يقفلوه بحجة انه ملوث للبيئة
الجيش ادخل و حصلت اشتباكات و كام واحد ماتوا و الناس هاجت أكتر
ماكنش ادامه غير انه راح مطلع قرار بغلق المصنع لأجل غير مسمى

فالعملية مش سهلة
و للاسف التحدي الأكبر لمصر هو الجهل
و الجهل هو أخطر أعراض الفقر

لـيه حكم آلمبـآرآة ملغآهـآش رغم وجود آلشغب من آلبدآية ووجـود بوآدر تدل على كـآرثه قـآدمه ؟
أعتقد الشغب كان هيحصل برضو
اذا كان حصل و المصري فاز فمابالك كمان الحكم يلغي المباراة
دول كانوا ولعوا في بورسعيد كلها

ليه آلمـآتش آتلعب برغم آنو كآن في تهديدآت صريحه من جمهور آلمصري وآلآغنيه آللي طلعت وعلى مآ آتذكر آن فيهآ مقطع " لو جآي بورسعيد آكتب لآمك وصيه "؟
التعصب موجود في كل المباريات
مع ان ثقافة التعصب الكروي دي جديدة علينا
برزت مؤخرا نتيجة تأثرنا من دول شمال افريقيا
مع انهم دلوقتي بقوا اهدا مننا
بس كالعادة نحب ناخد السلوك السيء من أي مكان و ندوس فيه جامد

و طبعا التقصير الامني دا أمر مفروغ مش محتاج أزيد و أعيد عليه

تفتكـر نشـآط آلدوري هيستمر ف مصر آلموسم دآ ولو آستمر رد فعل آلجمآهير هيكون آي ؟
اعتقد هيعلق لمدة لا تقل عن شهر و ممكن شهرين
و ممكن يتلغى لأن لسه في انتخابات رئاسة الاتحاد

و عامة الدري اتلغى كتير قبل كدا مش اول مره
لو شوفتي تاريخ الدوري المصري هتلاقيه كان بيتلغي في سنوات الحروب
و الثورة دي حاجة ما تقلش عن الحروب في التاريخ




ولو آنت ضـد آستمـرآر آلدوري .. تفتكـر بعد قـد آي ممكن يرجع بآلصورة آلمطلوبه ؟
أعتقد ان سلوك الجمهور هيتغير بشكل تلقائي
المشكلة اننا بننسى بس ,,يعني ممكن مباراة أو اتنين و يرجع تاني نفس السلوك السيء

بس أنا مع نظرية ان سيب الشعب يتعلم لواحده عشان يعمل الحاجة بقناعة
زي احداث الفتن و التحريض و غيره
قلت كتير عن فترة ما بعد الثورة مباشرة
الناس بدأت تتعلم و لو بقدر ضئيل عن المطلوب

حقوق آلضحـآيـآ ف بورسعيد آلكـل مهتم بيهـآ ومنحـآز تجآههـآ ويمكن آكتر من آلآهتمآم بضحآيـآ آلثـورة .. وده معنآه آن آلنـآدي آلآهلي كيـآن مهم بل آهميته تخطت آلدوله نفسهآ !! مـوآفق على كلآمي ولآ معترض ؟ وليـه ؟
آه المصريين بيموتوا في الكورة عامة
أنا بصراحة بيضايقني موضوع اننا بنركز على التعويضات في كل مره و بننسى القضية الأهم و هي ليه دا حصل و ازاي نعالج دا بحيث ما تحصلش تاني

جلسة مجلس الشعب النهارده رفعتلي ضغطي
كل تركيزهم على الهجوم على الداخلية , و طبعا أنا ضد الهجوم عليها
بس ضايقني انهم نسوا احداث بورسعيد و لا كأن في 74 واحد ماتوا
كالعادة بنبدا نركز على البلطجة و حرام عليكم و خربتوا البلد و الاسطوانة اياها
و بعدين الناس تهدا و تحصل احداث ناس تموت
الشعب يثار تاني و بعد يومين مزاج الشعب يقلب و يقول حرام عليكوا خربتوا البلد
و هكذا ,,
دائرة مغلقة و هنفضل نلف فيها طالما مش قادرين نمسك طرف الحبل و نحل جزر المشكلة

مؤخـرآ ظهـر حركه ع آلفيسبـوك من آولترآس آهلآوي تحت مسمى"آحنـآ آسفين ي شيكـآ" وف مقـآبلهآ ظهر من آلوآيت نآيتس آلزملكـآوي بيدج بردو تحت مسـمى "آحنـآ آسفين يآ متعب " آي رآيـك ف آلكـلآم دآ ؟
شيء جميل
المهم يكون على طول مش بس كدا طبطبة على الاحداث و بعدين كل دا يتنسى و يرجعوا للسلوك السيء و يشتموا في اعراض بعض!
التشجيع لازم يكون له حدود تتوازى مع حدود الحرية

وتفتـكر فعلآ دآ آتحـآد ونقـدر بعد كدآ نبقى مطمنين آن جمهور آلآهلي وآلزمـآلك مش هيعـآدو بعض تآني .. ولآ مجرد آن مشآعرهم آستفزت من آللي حصل وبيعبرو عنهـآ بآنهم يرآضو آلطرف آلآخر ؟
بصي طالما في منافسة لازم هتلاقي في غيرة و كره شوية
دا طبيعي
بس الي مش طبيعي انه يقلب عنف و انتهاكات
و لازم مش نستنى لما دا يحصل , لأ المفروض ما نعملش اي سلوك يولد عنف من البداية

آخـيرآ آي رآيك ف آلبرنـآمج :P
برنامج جميل
و عجباني فكرة احياء برامجك القديمة
عايزينك تنوري الشمعة تاني :biggrin:




آوكـي هنورهـآ دونت ووري
نـورت وآلله ي طـآرق
آجـآبـآت جميله وعجبتني
وحسيت آنك محلل سيـآسي معرفش ليـه
يلآ نــورتنــآ ~

[♥..pure]

اقتباس بس أنا مع نظرية ان سيب الشعب يتعلم لواحده عشان يعمل الحاجة بقناعة زي احداث الفتن و التحريض و غيره قلت كتير عن فترة ما بعد الثورة مباشرة الناس بدأت تتعلم و لو بقدر ضئيل عن المطلوب

لو سينـآ الشعب يتعلم لوحدهـ يبقى كل واحد يبص عالسلب مش الايجـآب
أنــآ جوز خالتي امبـآرح >> واحد من النـآس اهوه سمعته بيقول
ان اكتـر نـآس كسبت ف الليله كلهـآ همـآ البلطجيه ^^
والنبي واحد زي دا متعلم ومع الثورهـ وكل حـآجه بس متعرفش دمـآغهم متركبه ازاي
النـآس بيحزنوا شويه واول مـآ الحكـآيه تهدى يقولكـ أهـ شوف يا عم اللي نهب بالمليـآرات [ يـآ بختهم ]
الشعب المصري همجي بطبيعته >> ونسـآي بردو
لو ملقـآش اللي يربيه هيسيب وهيدوس ومش هيهمه
ودي الحقيقه للاسف :: حتى لو انـآ واحدهـ من الشعب دا
حـلقة مميزهـ يـ تقى !
أجـآبـآت تحليليه ممتـآزهـ كالعـآدهـ ي طـآرق ..

[۩۩ elMagic ۩۩]

حلقه جميله جداا
طارق اجاباتكـ مميزه وعقلانيه كالعاده
مجهود مميز يا تقى
دوام النشاط والتميز
ودى واحترامى

[countess]

احجز مكان لاني لسه مش قريت الحلقه

منور يا طارقات

ليا عوده

[الحان الورد]

حوآر متميز
وإجابات رائعة من طارق
تسلمي ع المجهود يا تقى ,, عايزين من دآ كتير
^_^

بالتوفيق يــآرب ..

[ღ Gի๐sτ ღ]

اقتباس ومـوقف آلآمـن آللي كـآن متفـرج ..؟ تفتـكر هو تـوآطؤ ولآ لآن مفيش للآمن هيبه ؟ بصي أنا مش هقدر أجزم و هقول الموقف كان ازاي بالظبط لأن دي حاجة بتندرج تحت علم الغيب و ممكن الجهات المختصة تقدر تكشف جزء منها

للاسف صعب لان المسؤلين مشتركين ف الجريمة :669:
لأن اللى حصل مش تقصير امنى ولكنه اتفاق بعلم مسؤلى الامن والجيش لانهم ساعدوا ف كدة
بس حلقة جامدة واستضافة جميلة وكويس انك رجعتى البرنامج ياتقى سايباة كل دة لية مركون :biggrin:
بس توضيح بسيط بخصوص البيدجات وحملة اسفين ياشيكا ومتعب ليس لها علاقة بالاولتراس اهلاوى او اولتراس وايت نايتس ولكن الحمد لله من قبل المباراة بـ 24 ساعة كان فى اتفاق بعمل هدنة :biggrin:
حلقة جامدة والاسئلة جميلة والاجابات حلوة من طارق
منورنا يا سيلفر , ميرسى ع الضيافة ياتقى

[countess]

اقتباس حقوق آلضحـآيـآ ف بورسعيد آلكـل مهتم بيهـآ ومنحـآز تجآههـآ ويمكن آكتر من آلآهتمآم بضحآيـآ آلثـورة .. وده معنآه آن آلنـآدي آلآهلي كيـآن مهم بل آهميته تخطت آلدوله نفسهآ !! مـوآفق على كلآمي ولآ معترض ؟ وليـه ؟ آه المصريين بيموتوا في الكورة عامة أنا بصراحة بيضايقني موضوع اننا بنركز على التعويضات في كل مره و بننسى القضية الأهم و هي ليه دا حصل و ازاي نعالج دا بحيث ما تحصلش تاني جلسة مجلس الشعب النهارده رفعتلي ضغطي كل تركيزهم على الهجوم على الداخلية , و طبعا أنا ضد الهجوم عليها بس ضايقني انهم نسوا احداث بورسعيد و لا كأن في 74 واحد ماتوا كالعادة بنبدا نركز على البلطجة و حرام عليكم و خربتوا البلد و الاسطوانة اياها و بعدين الناس تهدا و تحصل احداث ناس تموت الشعب يثار تاني و بعد يومين مزاج الشعب يقلب و يقول حرام عليكوا خربتوا البلد و هكذا ,, دائرة مغلقة و هنفضل نلف فيها طالما مش قادرين نمسك طرف الحبل و نحل جزر المشكلة

صحيح تشبيهك صح > الدئره المغلقه

احداث مش متوققعه خالص وهزتنا كلنا ((

ربنا يصبر ذويهم

تقى استمري ياقلبو ع نشاطك

[رنا هشام]

حلقه جميله مع اداري مميز جدا
اجااباته كلهاا ما شاء الله
عقلانيه
..
في انتظار جديدك ي توتي
=)
تحياتي

[نجم الحبيب]

حلقه جميله جداااا منك يا تقي

واجابه طارق جميله جدااااااااا

تسلمو علي الحلقه الجميله

الحبيب

[game010]

حلقة جميلة جداً
واجابات ولا اروع
بس اختلف معاه فى موضوع الجيش
لا الجيش يجب ان يحاسب على ما حدث
مميز يا تقى
ودى وتقديرى واحترامى