دورة لشرح الشعر الجاهلي (تفصيلي بالصور والفيديوهات)

[S n i p e R]

السلام عليكم ازي الجميع يا رب دايما بخير انهاردة هحكيلكوا قصة مؤثرة جدا ملحوظة : القصة فيها مشاهد دموية الرجاء من ضعاف النفوس اكمال الموضوع للاخر:biggrin: الحقيقة معركتي مع الشعر الجاهلي كانت صعبة جدا وهو يتمحور حقيقة في فهم بعض المفردات الصعبة على العامة اللي زيكوا انهم يفهموها عشان كدا انا قررت اشرحلكوا درس مبسط في الشعر الجاهلي يعني مثلا عبيد بن الابرص احد شعراء المعلقات العشرة قال في قصيدته الطللية ((ديارهم اذ هم جميع ف اصبحت *** بسابس إلا الوحش ف البلد الخالي)) طبعا اي واحد مش بيفهم ف العربي هيقولي معنى البيت ان ارضهم وديارهم السابقة كانت مليئة بالبشر فارتحلوا جميعا وانتشر فيها الوحوش احب اقولكم نو ابسولوتلي انا اللى شرحت البيت مش البيت هو اللى شرحني البيت ده باختصار شديد ومن غير لف ودوران معناه كالتاتي :- ديارهم اذ هم جميعا يعني ليلة العيد والحياة حلوة والعيال نازلين يشتروا من سوبرماركت (ابو شفلحة) ف اصبحت بسابس إلا الوحش ف البلد الخالي اي ان العيال وهما ف الطريق لابو شفلحة جه سرب من القطط (بسابس) بيجري وراهم وحوش (فئران يعني) فالعيال خافوا وطلعوا يجروا وابو شفلحة لعن حظه العاثر طبعا ده مثال عبيط قصدي بسيط يعني ونحب نشرح بيت كمان فيه جماليات عالية عشان الكل يتفهم الفكرة بوضوح شديد ففي مقولة لشاعرنا المقدام عنترة بن شداد ((حييت من طلل تقادم عهده *** اقوى واقفر بعد ام الهيثم)) طيب هنشرح شرح بسيط ومفصل في نفس ذات الثانية حييت من طلل يعني واحد بيطل على واحد بيطل على واحد بيطل اما بالنسبة لتقادم عهده يعني بالبلدي كدا الراجل خستع وعجز اقوى واقفر بعد ام الهيثم والمقصود هنا ان الراجل بعد ما طلق ام هيثم بأه فقير ومش لاقي ياكل والمعنى الاجمالي كدا هيكون بعد ما عنتر طلق ام هيثم عجز والعمر كبر بيه واصبح هنديا فقيرا اما نقطة الطلل فدي جاية غلط وملهاش اي علاقة بالبيت بتاعنا وبكدا شرح الدرس يكون خلص يلا يا حبايبي يلا يا حلوين الواجب بتاعكوا اهو اشرح الابيات الجاهلية التالية :- 1- قفا نبك من ذكرى حبيب ومنزل *** بسقط اللوى بين الدخول فحومل (امرؤ القيس) 2- الا الاواري لايا ما ابينها *** والنوي كالحوض بالمظلومة الجلد (النابغة الذيباني) 3- اثافي سفعا في معرس مرجل *** ونويا كجذم الحوض لم يتلثم (زهير بن ابي سلمى) يرجى الاجابة عن جميع الاسئلة اجابة مفصلة مع شرح سبب ممارسة الجيم يوميا. والله والموفق ايه رأيكو ف الصور والفيديوهات بأه؟؟؟ تمت BY

[Silver Flower]

هههههههههههههههههههههههههههههههه
الله الله الله على الشعر

ادي الشعر ولا بلاش

يالهوووي ولا الترجمه :198:

طب ممكن تترجملي شعر الشاعره هيفا واوه بوس الواوه خلي الواوه بح :biggrin:

هههههههههههههههه

[Lost Pearl]

هههههههههههههههههههههههههههههه

اشرح منين و انا و ربنا ما فهمت حاجة

لا خزعبلاية جميلة بجد

تستاهل 5 نجوم

تسلم يا احمد

صحيح .. ما تحل الواجب انت :762:

[نجم الحبيب]

ههههههههههههههههههههههههههههههههههه
ايه ده يا عم انتي هتموتني من الضحك ولا ايه
جميل جدااااااااااا يا غالي
استمر علي كده علي يدك هنموت ان شاء الله
هههههههههههههههههههههههههه
الحبيب

[بـقـآيـآ ح ــڻيـڻ დ]

ههههههههههههههههه
فظيييييع يا آحمد ضحكتنى والله
الـ صعب عليا ف الموضوع كلهـ هيثم راح فين بعد ما اطلقوا
وبعدين الواجب دا لا مفهوم عربى ولا حاجهـ علشان نحلهـ اصلا:669:
موضوعكـ روووووعهـ بجد
عايزين من دا كتير بئا

[тoкα..♥]

=))) =)))) =))))))
وآنآ آللي خوفت من آلتنبيه آللي ف آلآول بتآعت آلدمـآء وجو آلرعب دآ :d
تخخـريف مفيش بعد كدآ
وآلله آنآ خدت آلبيت بتآع قفـآ نبك من ذكرى حبيب ومنزل دآ ف آلترم آلآولآني
بس طبعآ كتـآب آلآدب آتقطـع من زمـآن فـآ ربنـآ معــآك يعنـي :d
موضوع جميل بجد ي آبـوحميد .. دوآم آلتخريف قصدي آلتـآليف =)
::

::

[وهج الايمان]

عبيد بن الابرص احد شعراء المعلقات العشرة قال في قصيدته الطللية

((ديارهم اذ هم جميع ف اصبحت *** بسابس إلا الوحش ف البلد الخالي))


لا بجد حبيت الشعر اوي
الكلام الراقي ده
ده طبعا الكلام ده ميفهمهوش اصحاب العقول الضعيفه اللي زيي


احب اقولكم نو ابسولوتلي انا اللى شرحت البيت مش البيت هو اللى شرحني
والله بتستقل بنفسك يا احمد
طبعا الحكايه دي مش عايزه شرح ولا تفسير
واضحه زي عين الشمس


تسلم ايدك يا احمد ع الشعر اللي فهمناه كله طبعا
واكيد انت مش عندك شك

تستاهل احلي تقييم
يسلمووووووو
ننتظر شعر اخر

[عراقي]

جميل جدا ابداع وروعه
الف تحيه
عرااابهجتااااقي

[&& برنسيسة المنصورة &&]

تسلم ايدك علي الابداع

بجد شعر جامد اوووووووووووي

[ღ Gի๐sτ ღ]

هههههههههه
هو دة الشعر الحقيقى )
جامدة يا احمد تسلم ايدك