هل االاعتراف افضل فى تلك الحالة ام اخفائة؟

[ساحر الأحزان]

المعظم منا فى حياتة بيمر بتجربة عاطفية وفية الى بيمر باكتر
من تجربة والتجارب دى ممكن يكتب ليها النجاح وبرضة ممكن
يكتب ليها عدم التوفيق وقد يكون السبب من الطرفين او احدهما
وتمر علية الايام ويقابل شريكة او شريك حياتة وبيجد فية الى بيسعد قلبة ويعوضة بحنانة عن الى فاتة وذاقة من الام واحزان
الفراق::


ويقول خلاص انا وجدت من ارتاح لة قلبى ولكن؟
هنا تاتى الهواجس فى نفس كل شخص منا عن الماضى الفائت

هل يصارحة بما حدث لة ام يخفية عنة؟

طيب واذا عرف احد الشخصين بماضى كلا منهما دون المصارحة

من اول الطريق ما موقف كلا منهما؟

هل يتقبل من يحب ماضى حبية ان كان يحبة بصدق؟

ام لا يتقبلة؟

وايهما افضل اخبارة ام عدم كشفة لة؟

وضعت الموضوع بين ايديكم فى انتظار تعليقاتكم القيمة

تحياتى لكم

[fankosha]

اولا الماضى حاجةعدت وانتهت
المفروض اى من الطرفين ما يسالش السؤال ده للطرف الاخر
هو الى يخصه حياة الشخص من بعد ماعرفه
واكيد لو بيحبه هيتقبل ومش هيشكل اعترافه اى تاثير على حبهم
شكرا على التوبيك

[نــيــرفــانــا]

انا رأيي انو لازم يصارحه بماضيه

و اذا الطرف التاني بجد بيحب و عايزه

هيسامحه و هيبدو حياه حلوه بس لو غير كده مش هيكون حب

[تجملت بالعفآف]

منـ رأيي : الصراحه أهم شي في الطرفين وإذا أخفي الصراحه سوف يأتي يوم ويندم ع ما فعله
و إلي بحب بسامح مهما عمل مدامت المحبه والسعاده في الطرفين

طرح جميل من قلمك
تقبل مروري

[ساحر الأحزان]

اقتباس المشاركة الأصلية كتبت بواسطة fankosha اولا الماضى حاجةعدت وانتهت المفروض اى من الطرفين ما يسالش السؤال ده للطرف الاخر هو الى يخصه حياة الشخص من بعد ماعرفه واكيد لو بيحبه هيتقبل ومش هيشكل اعترافه اى تاثير على حبهم شكرا على التوبيك

كلامك جميل فنكوش ولكن مش كل الناس الى بتعمل كدة

مرورك اسعدنى

تحياتى علية

[ساحر الأحزان]

اقتباس المشاركة الأصلية كتبت بواسطة الــمــشــاغــبــه انا رأيي انو لازم يصارحه بماضيه و اذا الطرف التاني بجد بيحب و عايزه هيسامحه و هيبدو حياه حلوه بس لو غير كده مش هيكون حب

تعليقك جميل مشاغبة وتوضيحك مهم فى الصراحة

ولننتظر باقى الاراء

مرورك اسعدنى

تحياتى علية

[سارية فى درب الرسول]

سلام الله عليك

اى علاقه فى الدنيا بين طرفين لا تقوم ولا تقوى الا بالصراحه والصدق

افضل المصارحه سواء هى كانت بتحب قبله او هو كان بيحب قبلها

لان الطبيعى ان الانسان بيمر فى مرحله من العمر بقصه حب او اعجاب

فما الداعى للانكار وهو او هى هتقدر قيمة الصراحه وهتكون باب افضل لحياه مبنيه على الوضوح

انما اخبى او هو يخبى وافرض اتعرف على شئ او ذكر امهم امر من الذكريات هيكون الاحساس وقتها صعب

الوضوح افضل اخ ساحر

سلم قلمك

[كبرياء رجل]

طبعا اهم شئ الصراحه
وممكن اتقبل الماضي على حسب ايه هو الماضي ده
وعلى حسب برضو انه ان كان يتناسي او جارح
موضوع جميل ساحر
تحياتي

[احزان ملكه]

من رأيى (والواقع عن تجارب حقيقية )
ان لازم نحكي لبعض الماضي ونصارح بعض بيه لان في ناس في الدنيا كل همها انها تقول انت عارف البت اللى انت عايز ترتبط بيها دي (دي كانت بتكلم فلان وكانومتفقين على الجواز بس الموضوع مش تم .... والله اعلم ههههه ) او العكس على الراجل ...... يبقا ليه ندي فرصه لناس ذى دول .... بس كل واحد قبل ما يحكي يكون متاكد انه ده ماضي وانتها وكمان انه عنده القدره انه يسامح ويسمع ويكون حد عادل ومتفاهم ............... بس انا عموما افضل ان البنت متتكلمش ومش تصارح احسن لان معظم الرجاله مش بيعرفوا يسامحوا ولا بيعرفوا يكونوا متفاهمين حتي لو مثلوا انهم مسامحين فا بيتلككوا بعد كده علي اي حاجه بعكس البنت لما بتحب بتسامح وتتفاهم وتعدي وتجيب الف مبرر للراجل ...... وشكرا

[زهرة الحياة 2]

السلام عليكم
طبعا اى شئ فى الدنيا لازم يكون ليه اساس يتبنى عليه والاساس اللى هتتبنى عليه اى علاقة شرعية هو الصراحة الصراحة اهم من كل شئ حتى لو كانت هتضرنى او هتبعد الشخص ده عنى بس فيه حكمة جميلة بتقول ضرر الصدق افضل من نفع الكذب
فالصراحة اهم شئ بذلك كلا من الطرفين سيكون لديه العلم بماضى الطرف الاخرلان ممكن فى اى وقت الحقيقة تنكشف والشخص يندم انه لم يصارح الطرف الاخر

موضوع جميل
ارق تحياتى