في حب مصر

[الاميرة الحساسة]

	كلمات فى حب مصر للامانة منقولة لكنها اعجبتنى كثيرا عبارة عن خواطر لاكثر من فرد مختلف هحطها وياريت نحس بيها ...... ــــــــــــــــــــــــــــــــــــــــــــــــــ ـــــــــــــــــــــ مكتوب فى بطاقتى الشخصية مكتوب في بطاقتي الشخصية انا دمي سكر زي النيل وملامحي ملامح مصرية والنيل مرسوم جوه عروقي وعيوني عيون فرعونية وخدودي جبالك وهضابك وصوابعي صوابع عسلية وشفايفي بأسمك موشومة و صوتي نغم سمسمية *** مكتوب في بطاقتي الشخصية الصبح انا بفطر علي شوفك وعشايا حبك يا بهية والليل بتمشى علي شطوتك عاشق لياليكي السحرية والقلب معلق في هواكي علي قد ما كان عشقك ليا وكمان مكتوب جوه بطاقتي أنا مصري وأمي مصرية مولود من جوه رحم أرضك من طينك كحلت عنيا والحبل السُري كان نيلك مفطوم علي كلمة حرية والنبض اللي يدب في قلبي خطوات الناس رايحة وجيا ومساَجدك وكنايَسك شاهد علي روح الوحدة الوطنية مكتوب في بطاقتي الشخصية ــــــــــــــــــــــــــــــــــــــــــــــــــ ــــــــــــــــ باحبها وقلبها عارف واقولها وانشرها صحايف ومنين ما اروح والله انا شايف جوه العيون احلى صبيه فى حبها انا عشت ياناس عمرين محبه وفا واخلاص فى حضنها اجمل احساس وف خوفها م الغربه عليا يا أمى عمرك ماتخافى دينك ده شايله على كتافى برقبتى والله ومش كافى لو تندهى مره عليا ده انا اللى شربان من نيلك وانا اللى غرقان ف خيرك ومهما طارت زغاليلك لابد ترجع للغيه فطمانى ياامه على حنانك وكبرت من دفا احضانك ووعيت بفكرك وامانك وشقاوتى حب وملاغيه مليت كيانى بأثيرك ومشاعرى كلها تأثيرك وعمرى ما هاحس بغيرك ولايمتلك قلبى عليا مصريه ايوه انا مصريه وافخر بجمايلها عليا واسرح ف يوم ما اردلها واحنى كفى من طينها واشم ريحه ضفايرها تهوّن الغربه عليا ــــــــــــــــــــــــــــــــــــــــــــــــــ ـــــــــــــــــــــــــ مهما تعملي فينا بنحبك اصلك عزيزه علينا .................. يا مصر احبابك يا مصر .. احنا الرجال واقفين على بابك.. طالبين ايديكى . و كتروا خطابك.. وانا منهم . عاشق ف عشاقك.. طالب القرب منك . و جايلك شابك . ولو عمرك يفوق عمرى . يا مصر السن لم عابك . دى سمانا لو يوم ضوّت . يا مصر لمعابك . ولو مالت للعدا الدنيا . الكون يا مصر .. من هابك . يا فرحتى لو تقبلينى يا مصر .. محب وسط احبابك ــــــــــــــــــــــــــــــــــــــــــــــــــ ـــــــــــــــ الله عليكِ يا مصر و الكل بيحبك و الكل يا أمنا شايلاه هنا ف. قلبك و الكل مهما بعد أو حتى يتغرب لازم يجيلو اليوم يقعد هنا جنبك *** في ظل شجرة توت أو حضن جميزه كان المزاج مبسوط من طنطا للجيزه نقعد كدا شله نحكي نوادرنا و تسيل دموع العين م. الفرحه و اللمه نفتح قلوبنا لمين غير ليكي يا طاهره تاخدينا بالأحضان و ننام كدا ف. حضنك *** يا مصر عمرك يوم ما كنتي يوم قاسية اصلك رضعتي النيل و على الضفاف راسيه نخله و هرم و بيوت يتحدوا نصل الموت أما العدو الغدار ينهار أمام شعبك *** يا غاليه يا طاهره عايشين بأنفاسك عايشين هناك بره حاسّين بإحساسك و نقول بعلو الصوت و الفخر مصريين كاسبين جمال الروح و الخفه من طبعك و اللي شرب م. النيل لازم هيرجعلك ــــــــــــــــــــــــــــــــــــــــــــــــــ ــــــــ لو كان بايدى امسك ترابك واحطه فوق راسى يا بلدى ياللى احلى من العسل صافى يا مصر يا امى وابوى وكل اهلى وناسى بحبك وحبك بيزيد وعمرى ما اقول ناسى وهنسى ايه ده كل شبر فيكى اهلى وناسى بحبك يا بلدى وبحب نيل بيمشى فيه المركب الراسى اه تعبانين وشقيانين بس كله عشان بلدى ميسواشى ــــــــــــــــــــــــــــــــــــــــــــــــــ ــــــــ وهختم ببعض المقاولات المأثورة من ايام سيدنا النبي والصحابة قال عنها حبيبى رسول الله ((أوصيكم بشعب مصر خيرا فأن لكم فيه نسبا وصهرا)) قال عنها رسول الله ((أذا فتح الله عليكم مصر فأتخذو منها جندا كثيفا فهم خير جنود الارض)) وصفها أبن يونس بشبيهه الجنه اذا ازهرت دعا لها أبونا آدم عليه السلام بالبر والرحمه كما روى عبدالله بن عمرو دعا لها نوح عن أبن عباس حيث قال دعا نوح عليه السلام لأبنه بيصر بن حام أبو مصر فقال اللهم أجاب دعوتى فبارك فيه وفى ذريته واسكنه الارض الطيبه المباركه التى هى أم البلاد وغوث العباد ((فقد صدق نوح عند وصفها بأم البلاد قبل غوث العباد)) وصف عمرو بن العاص أن ولايتها تعادل الخلافه ((ياأرض مصر فيكى من الخبايا والكنوز ولك البر والثروه سال نهرك عسلا كثر الله زرعك ودر ضرعك وذكى نباتك وعظمت بركتك وخصبت )) انتهى التوبيك لكن منتهاش حبنا لبلدنا ولا عطائنا هينتهى

[واد حبيب]

الي اين انتي يا مصر

كل يوم خراب ودمار

وسرقه ونهب وبلطجة


الي اين انتي يا مصر


وانتي بلد الامان والنصر

الاعتصامات في كل مكان


بيطالبوا بزياده اجور العمال


ياللا يا مصر اعلي بسرعه


ورجعي شبابك في عصر القوه


والبلطجي بقانون يتعاقب


وكفايه بقا يا مصر


سنين وسنين عذاب


والسرقه موجوده في كل مكان


عشنا الصعب وباقي السهل


بس نصبر شويه كمان


ومصر هترجع احسن من زمان


وبلاش اعتصامات وخراب في البلاد


مهما كانت ده مصر يا جدعات


بدمي ودمكم نخليها احسن ما في الكون


ويالا نعيش في امان وسلام


ونرجع مصر زي زمان


بلد الامن والامان
الحبيب

[تصدق نسيت]

((ياأرض مصر فيكى من الخبايا والكنوز ولك البر والثروه سال نهرك عسلا كثر الله زرعك ودر ضرعك وذكى نباتك وعظمت بركتك وخصبت ))
أحسنتِى الإختيــــــــــآر....
للطرح الرائع
دمتى ودام عطاؤك
بأنتظار جديدك القادم

[-esraa-]

ررروعة تسلم ايديك يا عسل نقل مبدع اشكر ك

[الاميرة الحساسة]

اقتباس المشاركة الأصلية كتبت بواسطة واد حبيب الي اين انتي يا مصر كل يوم خراب ودمار وسرقه ونهب وبلطجة الي اين انتي يا مصر وانتي بلد الامان والنصر الاعتصامات في كل مكان بيطالبوا بزياده اجور العمال ياللا يا مصر اعلي بسرعه ورجعي شبابك في عصر القوه والبلطجي بقانون يتعاقب وكفايه بقا يا مصر سنين وسنين عذاب والسرقه موجوده في كل مكان عشنا الصعب وباقي السهل بس نصبر شويه كمان ومصر هترجع احسن من زمان وبلاش اعتصامات وخراب في البلاد مهما كانت ده مصر يا جدعات بدمي ودمكم نخليها احسن ما في الكون ويالا نعيش في امان وسلام ونرجع مصر زي زمان بلد الامن والامان الحبيب

تسلم الحبيب على الاضافة الرائعة
وعلى تواجدك الفعال

[الاميرة الحساسة]

اقتباس المشاركة الأصلية كتبت بواسطة جنرال 25 يناير ((ياأرض مصر فيكى من الخبايا والكنوز ولك البر والثروه سال نهرك عسلا كثر الله زرعك ودر ضرعك وذكى نباتك وعظمت بركتك وخصبت )) أحسنتِى الإختيــــــــــآر.... للطرح الرائع دمتى ودام عطاؤك بأنتظار جديدك القادم

تسلم نورت صفحتي بتواجدك

[الاميرة الحساسة]

اقتباس المشاركة الأصلية كتبت بواسطة esraa samy ررروعة تسلم ايديك يا عسل نقل مبدع اشكر ك

مرسي ياقمر على حضورك الراقي