ضيفتنا في : مدينتـك تحــت الميكروسكوب : الاخت الكريمة : Dr.sma

[شاعر واسير الحب]

بســم الله الرحمن الرحيم


النهاردة نقدم
مدينتـك تحــت الميكروسكوب


مدينتك فين علي الكرة الارضية ؟؟



:762::762::762:
لن أطيل حديثي بمقدمــة !!
لكــن هدفي من هـذا الطــرح هو معرفــة بعض ما يخفى علينا
في
بعض المدن والمنـــاطق
ولزيااااااده نشااط القسم..
هنستطيف عضو / عضوة
ويحكي لنا عن مدينة ويزودنا بملف عن مدينتة
ويقدم الدعوة إلي زملائة/ئها واحبابة/ها بالمنتدي بالمشاركة بمشاهدة مدينته ويشاركوة بالرد
وكل اعضاء المنتدي من مدن تتمتع بسحر الجمال وامتلاك الاثار
وشواطئ ساحلية رائعه
عرفونا ومتعونا معكم
:sml2:

الموضوع الاصلي مدينتـك تحــت الميكروسكوب .. في بنات مصر

:sml2:
:003:وحال لسانكم بيقول
:762::762:
مدينتي تحكي قصتي
صفحاتها الجدران
في الساحات / المنتزهات / المباني /الحدائق
كانت حروفي فيها هي الخطوات
سطورها الطرقات والممرات والجسور والأرصفة
حروفي فيها هي الخطوات
وكلماتها في كل إنسان وكل بستان
وكل / مركبة / لوحة /علامة / شجرة /
اعتقد
ان كلماتي كانت سر معانيها في زهرة
وقد يكون حبرها خليط من دمي ودمعي
قلمها جسدي
أنفاسي أصبح إعصار
ودمي ودمعي فيضان
اغرقي مدينتي
في بحري اغرقي
ذوبي كل شيءً في حياتي
بحري أنتِ وحبري
انتِ ما بنيتهُ من مباني
أنتِ كل معاني
اخبريني كم جعلتي
من الاحجار فيني؟
أشجار نعم اشجار
وكم انشطر بحري
فاصبح من عذوبتك
اسير وشاعر وبقيت بحار
نعم بحار واسير وشاعر
:762::762:
فيها ولادتي
طفولتي / ألعابي
وصباياا / صعابي
شبابي / أتعابي
وأحبابي / أصحابي
وترحالي
ولكن ولكن
في
مدينتي
بحر لا شاطئ له
ولا حدود له
إلا نهايتي
وعليه تبحر سفينتي
فوق ذكريات مدينتي
وتكتب على البحر قصتي
القلم سفينتي
وذكرى مدينتي
والبحر صفحتي
فيها كتبت قصتي
ولازالت هي
مدينتي حبيبتي



:762::762::762::762:
ضيفونا معروفين بينكم بالاخلاق الحميدة والصفات الكريمة
معنا في
@§@مدينتـك تحـت الميكروسكوب .. ضيفتنا الاخت الكريمة

DR.SMA
مشرفة قسم الأقلام

@§@

@ DR.SMA @

السيره سألت حكيم الزمان الحب اقوى ولا الصداقه قال الحب اقوى لكن الصداقه ابقى الوظيفه طب اسنان المنصورة محترمة جدا ومؤدبه جدا ومتدينه ومثقفه لها ردود مفيدة ومقنعه بعلم وبحس ثقافي وعقل راجح موضوعات علمية افادة للاعضاء ومناقشات جادة بهدف الاصلاح وتشجيع علي الحوار

:762::762::762::762:

نقترب منها ونقدم اليها


الاسئله...




السلام عليكم
ازيك د/ اسماء


الحمد لله بخير وتمام
وان شاء الله حضرتك والجميع بخير


اتمني ان تكوني في احسن حال
نستاذنك لمدة بسيطة لتكوني
ضيفتنا في مدينتك تحت الميكرو سكوب

اكيد طبعا ...

* اســــــــــم مدينتك "منطــقتك"؟
المحله الكبرى { الغربيه }



*هـل تعرف/ ـين مـاذا يعني ذلك الاســم ؟
هو ليه معنى وانا معرفش :762:
لا والله ما اعرف بس انا طلعت لاقيتها كده هههههه
ونضيف معلومة

عرفت مدينة المحلة الكبرى فى عهد الفراعنة باسم "ديدوسيا"
ومعناه نبات التيل وكانت مركز حضاريا فى قلب الدلتا حتى العصر القبطى
والرومانى فقد تسمت "محلة دقلا" وهو نفس الاسم الفرعونى
ولكن باللغة الاتينية وكانت مركز لصناعة النسيج
والملابس حتى الفتح العربى لمصر حين اقاموا
على تل ديدوسيا القريب من المدينة واسموها محلة الكبراء.
وكانت تعرف بالوزارة الصغرى لانها كان فيها من النفوذ
والحكم و مكان اقامة الامراء والشيوخ وعدلت بعد ذلك إلى المحلة الكبرى
وفى عهد الناصر قلاوون اصبحت عاصمة لاقليم الغربية سنة 715هـ 1320م
الذى كان يضم وقتها محافظة كفر الشيخ والأجزاء الغربية من محافظة الدقهلية
وفى عهد محمد على ضمت اليها محافظة المنوفية وسميت مديرية روضة البحرين واصبحت عاصمة لهذه المديرية الكبيرة التى كانت
وقتها كامل الدلتا ماعدا محافظة دمياط وظلت هكذا حتى سنة 1836 م
ونقلت العاصمة بعد اكثر من 515سنة الى طنطا
وكانت المحلة مدينة ليس لها زمام أى ليس لها اراضى زراعية
وكانت مدينة قائمة بذاتها حتى سنة 1260 هـ 1844م ثم
اضيف اليها الزمام الحالى حتى
وصلت مساحتها إلى 105,749 فدان أى اكثر من 444 كيلو متر مربع
لتصبح كبرى مدن محافظة الغربية وتشغل حوالى ربع مساحة المحافظة

وبعض الاقوال عنها


ورد فى كتاب نزهة المشتاق فى اختراق الآفاق للشريف الادريسي 1160م
بأنها مدينة كبيرة ذات اسواق عامرة وتجارات قائمة وخبرات شاملة
ورد فى كتاب تحفة النظار فى عجائب الاسفار لابن بطوطة 1354 م
بأنها مدينة جليلة المقدار حسنة الآثار كثير اهلها جامع بالمحاسن شملها ولها قاضى قضاة ووالى ولاه

ورد فى كتاب صبح الأعشى للقلقشندي 1411 م
بأنها مدينة عظيمة الشأن جليلة المقدار رائعة المنظر حسنة البناء كثيرة المساكن ذات جوامع واسواق وحمامات


ورد فى كتاب الخطط التوفيقية لـ علي باشا مبارك 1888م
المحلة الكبرى هى قصبة كورة الغربية وأكبر مدنها بل
لا يزيد عليها فى الكبر من مدن الوجه البحرى إلا الاسكندرية
وموقعها على ترعة الملاح فرع بحر شبين
ويسكنها نحو خمسين الف نسمة ومساحة ما تشغله
من السكن 280 فدان واكثر ابنيتها بالآجر المتين
على طبقة او طبقتين او ثلاث او اربع وبها قصور
مشيدة بالبياض النفيس ومناظر حسنة بشبابيك الخرط
والزجاج ومفروشة بالبلاط والرخام وقيساريات
وحوانيت وخانات واسواق دائمة يباع فيها الانواع المختلفة
من مأكول وملبوس وغير ذلك وبها ديوان المركز والضبطية
والبوسطة ومحكمة شرعية كبرى من احدى عشر محكمة
فى مديرية الغربية كلها مأذونة بتحرير المبايعات
والاسقاطات والايلولات والرهونات ونحو ذلك وفيها مدينة لتعليم
اللغات وفيها نحو اربعين مسجد غير الزوايا الصغيرة
واكثرها عامر مقام الشعائر والجمعة والجماعة
(وقد تم ذكرهم لاحقا) وفيها اربعة وعشرون سبيل لشرب
الادميين والبهائم بعضهم تابع للمساجد والاخر مستقل فى
داخل البلد وخارجها وفيها نحو 25 مكتبا لتعليم اولاد
المسلمين القراءة والكتابة وبعضها تابع للمساجد
والاخر مستقل وفيها مكاتب لأطفال النصارى
وفيها بيعة لليهود بحارة جامع النصر (العمرى)
تعرف بخوخة اليهود مبنية قبل الاسلام ورمت سنة 1280هـ
وهى على طبقتين ويسكنها بعض اليهود وقد بنوا لها حماما
فوق تل بجوارها وجعلوه حلزونيا على ارتفاع 13.82متر
وفيها كنيسة للاقباط بسويقة النصارى
وهى قديمة وعلى دورين وبها معمل
فراريج يستخرج منه كل سنة نحو 100000 فرخ
وبها ثلاث دوائر لضرب الارز وبها ثلاث ورش احدهما للمرحومة والدة الخديوي إسماعيل وورشتان للخواجة فرنسيس الانكليزى
عند قنطرة النيروز ومبنى المديرية سابق

* أختصري لنا "مدينـتك" بكـلمة موجــزة مناسبــة؟
مدينه الغزل والنسيج او مدينه الصناعه
كميه مصانع الغزل والنسيج هنا ضخمه جدا
وطبعا المحله معروفه انها من اكبر المدن الصناعيه

هي كبرى مدن محافظة الغربية،

وتتكون من حيين، حي أول وحي ثاني.
وهي عاصمة صناعة الغزل والنسيج في مصر ،
وعلى رأسها شركة مصر للغزل والنسيج (ثانى اكبر شركة فى العالم بعد مانشستر)
في شارع طلعت حرب
، المسمى على اسم مؤسس الشركة
والصناعي المصري الكبير.

مقالة على باشا مبارك عنها
انها غاية فى حسن الموقع وطيب الهواء ولأن للبقاع تأثير فى الطباع فهى منبع كثير من الافاضل و منشأ للعلماء الجهابذة الأماثل و يتميز اهلها بالتدين الشديد والخصال الحسنة





*ما أشهــر الأمــاكن السياحــية المتواجــدة فيهــا؟


ارفق المناظر الجميلة فيها


*هــل يتواجــد بها معــالم تــراثيــة ؟
نفسنا نشفها ورينا
حطيتها تحت بقى كلها مع بعضها


*ما هــي أشهـــر ... الكــلمات المتــداولة ... والتي تميزكم عن الغير...اقولنا عليها في بعض الجمل والكلمات
( مثلا ابوالعربي .او هستناك علي القمة
ايووووة ياجدع . يا خراشي . ما خبرشي .
احنا هنكسروة ونعملوا بلاوي .وسيدي البدوي . وسيد المرسي .هنتخوة تخ طلجة واحدة.
.هيك بدي اتسالف معاك. شو .شنو .. اشبيك وهكذا )


مش عارفه بردو حاسه اني مش عايشه فالبلد دي
بس مره حد كده كان بيعلق دايما على كلمه بنقولها انا وفوفا ونور
مثلا كلمه صحيت من النوم
احنا بنقول صحت من النوم
بس اظن المعظم مش احنا :biggrin:

سياحة بقي ونتعرف علي اللهجة .


*ما هي أشهــر المــاكــؤلات ؟
لا بياكلو ويشربو عادي يعني هو الاكل فيه ناس عن ناس :198:


أكلة حلوة كدا وطريقتها
فين الأكلة المميزة يا دكتورة ؟؟ :yuck:
*كيف تصف/ ـي لنا أطــباع من يسكنون بهــا ؟
( طيبين .. مشاكسين .. متقلبين المزاج ..)
كل ما حد جديد يشوفني فالكليه يقولولي انتي من المحله طيب ازاي بيقولو المحله بلطجيه :biggrin:
مش عارفه والله مع اني مش بشوف الحكايه دي هنا
بس كتير قالوهالنا ان المحله معظمها بلطجيه
بس يمكن في اماكن معروف عنها انها مش حلوه هنا
مروحتهاش بس اسمع عنها لاني مش بتجول كتير يعني ولو تجولت بيبقى فأماكن محدده


اكيد مش كل المحلة كدا وكل بلد او مدينه فيها الصالح والطالح
ونكرر تاني
مقالة على باشا مبارك عنها
انها غاية فى حسن الموقع وطيب الهواء ولأن للبقاع تأثير فى الطباع فهى منبع كثير من الافاضل و منشأ للعلماء الجهابذة الأماثل ويتميز اهلها بالتدين الشديد والخصال الحسنة



* هل توجد عادات تقليدية من القدم ولم تزل ؟
عادات خاصه بالبلد نفسها مشوفتش
لكن في عادات اسريه اكيد زي كل الناس
يعني مثلا الاحتفال بالعيد بيختلف من عيله لعيله كل واحد وليه اسلوبه
بس بيحطو في العيد مراجيح حلوه اوي نفسي اتمرجح عليها بي بيقولوي انتي كبرتي :079:


تدعيم بالصور والمناطق الموجودة بها




برج ساعة شركة مصر للغزل والنسيج 1933م:






برج الساعة وشهرته ساعة الشركة من أهم المعالم السياحيه بالشركة.
تم انشاؤه على يد المهندسين الإنجليز وذلك بعد انشاء شركة مصر للغزل والنسيج
على يد طلعت باشا حرب.



شركة مصر للغزل والنسيج 1927:

تعد أكبر شركة في الشرق الأوسط والثالثة على العالم.

تأسست كإحدى شركات بنك مصر ، وتقع الشركة بشارع طلعت حرب

أقيمت مصانعها بادئ الامر على مساحة قدرها 32 فدان ثم زيدت إلى 580 فدان

تشغل الاقسام الإنتاجية 335 فدان والباقى المنشآت الاجتماعية ثم وصلت الآن
مساحتها إلى 1000 فدان وتضم مدن للعمال الأولى والثانية ومناطق إسكان في

منشية البكرى والزهراء وتحتوى على أول مدينة رياضية وترفيهية في الدلتا.

و معالم أخرى مثل:

نادي مجلس بلدية المحلة الكبرى 1931

نادي غزل المحلة 1927

نادى الصيد الرياضى

نادى الرياضات البحرية

نادى التجديف الرياضى

مركز شباب المحلة 1955ـ وهو ثانى أكبر مركز شباب فى الجمهورية بعد مركز

شباب الجزيرة بالقاهرة

قرية الميريلاند السياحية

مدينة ميدو بارك الترفيهية

سوق الجمعة والثلاثاء

عديد من المحلات التجارية

مسجد عبد الحى خليل

مسجد عبد المجيد قادوس

قصر عبد الحى باشا خليل ( قصر ثقافة المحلة)

مبنى مكتبة مجلس بلدى المدينة ( المكتبة العامة)

مصانع الغزل والنسيج الخاصة

محطة تقوية الارسال التلفزيونى العملاقة

مبانى مستشفى صدر المحلة القديمة (فاروق)

النصب التذكارى للجندى المجهول فى ميدان 6 اكتوبر

المسرح المكشوف بالحديقة الثقافية بميدان الشون

مسرح _ غزل _ المحلة

استادبلدية المحلة

استاد غزل المحلة (يحتل المركز الرابع بين استادات مصر من حيث المساحة وسعة

الجمهور حيث يسع حوالى70الف متفرج بعد اساد القاهرة والكلية الحربيةواستاد

الاسكندرية)

تمثال نهضة الصناعة المصريةالموجود بشارع 23يوليو(البحر)ويعبر عن مرأة

مصرية تحمل بإحدى يدها كتاب واليد الأخرى مرفوعة الى السماء حاملة ترس

صناعة الغزل والنسيج

و تعتبر مدينة المحلة الكبرى ثالث أكبر مدينة بها آثار اسلامية بعد رشيد

وفوة تتميز مدينة المحلة الكبرى بعدد من المنشأت الاسلامية الاثرية والتى

تحوى عدد من المساجد والقباب والمنشآت الاثرية على مر العصور الاسلامية

مثل:

مسجد العمري 21 هـ 641 م

مسجد المتولي (الطريني الكبير) 840هـ

مسجد ولي الدين الجندي 700هـ

مسجد بن عطاء الله السكندري 986هـ

مسجد ابو العباس الحريثي 725هـ

مسجد الشريف المغربي 1135هـ

مسجد الغمري القبلي 508هـ

مسجد أبو الحسن العباس 490هـ 1097م

مسجد الرديني 490هـ 1097م

مسجد أبو سيفين 611هـ

مسجد التوبة 423هـ

مسجد الامير مراد 766 هـ

توجد بمدينة المحلة عدد من الكنائس اقدمها:

كاتدرائية مارجرجس (منطقة صندفا)

وتوجد كنائس اخرى

مطرانية المحلة الكبرى وتوابعها (كنيسة السيدة العذراء)(منطقة السبع بنات)

كنيسة الملاك ميخائيل (منطقة شكرى القوتلى)

كنيسة مار مينا (منطقة الدلتا - موقف طلعت حرب)

كنيسة الانبا انطونيوس والشهيد جورجيوس (شارع 23 يوليو)

كنيسة القديسة دميانة (منطقة ابو راضى)

ويوجد كنائس للطائفة الكاثوليكية

كنيسة القديس اغسطينس (منطقة السبع بنات)

كنيسة الاخوة ( منطقة السبع بنات )

وكنيسة للطائفة الانجيلية

الكنيسة الانجيلية ( شكرى القوتلى )

في كنيسه منهم جنب بيتا بس مش هقول اسمها بقى :biggrin:

*ما هــو الزي التقليدي ... للرجــال / والنســاء المتعارف عليه؟

ده على اساس انها الهند هههههههه
زي ايه بس زيهم زي بقيت الجمهوريه
كل فئه وليها لبسها والمحله ما شاء الله فيها كل الفئات
من العامل لصاحب المصانع للطبيب والمهندس والمدرس وكله كله
يعني كل حاجه تلاقيها فيها
كرنفال يا اخواتي :biggrin:




* احب الاسماء اليك DR.SMAولا اسماء
وليه .....؟
سما بحبه اكتر كتير
مش بحب حد يناديلي بأسماء
بس مش معنى كده اني مش بحب اسمي بالعكس
هي بس مسأله تعود الاسم كان كبير ومش بعرف اقوله وانا صغيره فكانو بيقولولي يا سمسه او سومه وبعد كده قولنا نخليها سما عشان مبقاش فالشارع كده وحد بيقولي يا سمسمه :biggrin:
عيب حتى
دايما حكايه اسماء بتتقال في الجد اوي اوي يعني
لما حد يقولي يا اسماء بعرف انها يا مصيبه يا زعل يا مشكله يا حاجه كده وحشه )
اما سما فهو الاسم المتداول والمعروف
وهو الي بحب اتعالم بيه اكتر كمان

اين سنجد عيادة ... او صيدلية اسماء
في المدينة ولا القرية ولا الاماكن الراقيه ؟


لا هي عياده عشان انا طب اسنان
بس هي وظروفها يعني سيبها لله
مش بحب الشغل اوي ولو اشتغلت هكتفي بشغل المستشفى بس
لكن محدش عارف بكره فيه ايه



* مريض دخل عليك لا يوجد معه تكاليف الكشف او العلاج من الصيدلية وكررها اكترمن مرة ماذا تتصرفين؟
تبع الحاله في ناس فعلا محتاجه ولو اقدر اساعدها بإذن الله متأخرش
لكن لو مش محتاج اكيد مش هساعده لان دي نوعيه بشر مبستحملهاش
مبحبش الاستغلال :biggrin:


* هل كنت في العصيان المدني الذي دعي اليه القلة ؟؟


اه كنت معاه اوي بس مع تنظيمه
لان الحكم العسكري اكتر حاجه بتئذي البلد
وفي اخطاء لازم محاسبتها ومينفعش اسيب الجاني يمشي واقول هحاسبه بعدين
اولا مجرد وجود حاله التخاذل من المجلس محتاجه وقفه
فحاجات كتير يطول شرحها
زي المحاكمه الي ماشيه بتدلع دي :biggrin:
هو بصراحه المجلس متبهدل هو كمان بس حد قاله يخاف على صاحبه ضد البلد
العصيان صح بس يتنفذ صح الاول لانه لسه مش منظم ..



ماذا تفسرين حالات هؤلاء ؟


*احداث بورسعيد هل تركت انطباع عليك وهل لها تاثير علي السياحة ؟


اكيد لها تأثير كبير جدا كل حاجه حصلت فمصر أثرت على كل المجالات
والسياحه اكتر الجوانب الي اتأثرت
لكن احنا شعب بنتأثر بسرعه وبننسى بسرعه او يمكن البشر كلها كده
بس ان شاء الله كتر الضربات يخليهم مينسوش بسرعه بعد كده ويخططو لقدام وينظمو الامور صح ويكون عندهم وعي فكري مش عاطفي وبس ..



*لو هتعزمي اعضاء من المنتدي لمدينتك هتعزمي مين ؟
هعزم البت توتي تيجي تعد عندي يومين :sml2:
وحنون كمان والقلب الصامت ينورو
ودمعه حائره قريبه تيجي فأي وقت
واي حد عايز يجي يتفضل يا جماعه طبعا بس البنات بس :079:
* ما وجهه نظرك في تطوير المنتدي والاستيالات الجديدة ؟


في شغل حلو فالمنتدى زي الجديد بتاع الخزعبلات ده
اكيد عامل شغل ومسمع :biggrin:
انا عامله الاستايل القديم الجديد مش مريحني زيه زي المنتديات التانيه الي تحس انك تايه فيها كده


اين انت الان من المنتدي ؟
هنا اهوه موجوده بس وجودي قليل
واتمنى اعوض ده قريب ..

*هـل بإمكانك أن تضع/ ـي لنا ملف صــور سياحية بإختيارك وأنتقائك لمدينتك؟
وتكتب عنوانه
مدينتي المحلة مدينة تحت الميكروسكوب


شويه صور اهيه اتفضلو

مع انها لما بشوفها بتبقى زحمه مش رايقه كده

وده النادي كمان الي عايز يتفضل










وده مسجد المتولي



أتمنى أن تكون فكرة مدينتـك تحــت الميكروسكوب
نالت إعجابكم..

كنا هنا في المحلة
مع سما
DR.SMA
:762::762::762::762::762::762:
ان شاء الله يكون لنا لقاء مع ردودكم وتفاعلكم

مع الموضوع ومع العضوة الضيفة

اخواني الاعضاء
انتظارونا في لقاءات اخري مع اخوانكم من الاعضاء الكرام
للتعارف علي ( ميدنتهم ) ..مدينتـك تحــت الميكروسكوب



لاتنسو التقييم والردود<~ :762:

[دمعه حائره]

استضافه جميله لانسانه اجمل سما اختى من احب الاعضاء هنا واقربهم ليا
والمحله الكبرى من اهم مدن مصر دى بلد كلها صناعه ملابس وتجارتها
وانا ليا اعز اصحاب من ايام الدارسه من هناك
ناس طيبين وماينسوش حبايبهم ابدا
نورتى الحلقه سما
وشكرا شاعر على البرنامج عجبنى تنسيقه والاسئله والمقدمه
يعنى كله جميل
تحياتى وتقديرى للجميع

[واد حبيب]

استضافه جميله جداااا منك يا شاعر
بجد احسنت الاختيار دكتوره سما منوره الحلقه
طبعا المحله الكبري بلد جميله جدااااااااااااا
بتوفيق دايما
الحبيب

[حنـــــون]

منوره ياسومه
ومتشكره اوى ياقمرى على عزومتك
اكيد هاجى حضرى بس انتى الفطار بتاعنا
واوعى تنسى العيش زى كل مره هههههههه
تسلمى ياقمرى وربنا يوفقك دايما

[ساحر الأحزان]

نورتى يا سومة الحلقة

وبصراحة المحلة مدينة جميلة جدا

ويمكن معظم الاخوة معانا هنا منها

نورتى الحلقة سما

وجميل مجهودك اخى شاعر

تحياتى لكم

[۩۩ elMagic ۩۩]

استضافه جميله جدا واجابات اجمل
جميله جددا مدينتكـ سما
نورتينا يا قمر
تسلم جلال للمجهود
ودى واحترامى

[Silver Flower]

اجابات حلوه ومدينه احلى

بس برضوا هو الاكله المشهوره ايه ؟


عم استنى الجواب

[♥ملك روحى♥]

استضافه رائعه شاعر
منوره دكتوره سما
حقيقي استمتعت بالاستضافه
مجهود راائع وطرح مميز

[&& برنسيسة المنصورة &&]

استضافة جميلة جدا
للدكتورة سما

[شاعر واسير الحب]

اشكركم لمروركم وترحيبكم بالضيفة
لكم تحيتي