من القلب للقلب ومعانا عروس المنتدى بقايا أنثى

[مشتاقه للجنه]

النهارده معنا أستضافه جميله من بنوته زى العسل هى عروس المنتدى أحتفلنا بخطوبتها قريبا .. عضو مقرب للجميع هى قلم مميز .. مرورها رقيق وملئ بالمشاعر الحلوه معانا ومعكم ... بقايا أنثى تعالوا نتعرف عليها عن قرب وتفتح لنا قلبها [COLOR=#]اذا تمثل الحياه بالنسبه لكى ؟ الحياه النسبالى طريق كبير فيه محطات مش هستنى فى محطه واحده طول عمرى لكن هكمل من محطه للتانيه مش هقف عند حاجه واحده ماهو هدفك وأمنيتك بالحياه ؟ هدفى انى اول حاجه اكمل مشوارى بخير واوصل لمكانه كويسه ان شاء الله وطبعا قبل اى شىء رضا والدى ربنا يخليهولى يا رب وطبعا زى اى بنت اكون ام صالحه واربى ولادى كويس ان شاء الله -ماهي رسالتك في هذه الحياة ولمن توجهها ؟ كل الحكايه مسأله ضمير مش أكتر لو كل حد فينا راعى ربنا وضميره فى اى شىء اكيد هنبقى احسن ان شاء الله ولو وجهت الرساله لحد هيبقى لينا كلنا تجربه تتمنى تكرارها ؟ بصراحه فى حاجات كتير يعنى مثلا السفر ....سافرت اماكن كتير بس للاسف جووه مصر فقط وبجد استمتعت جدا كانت كلها جنون بس بجد كانت احلى حاجات عملتها أفضل مكان تترددى إليه ؟ مش مكان محدد بس بحب الاماكن ال فيها بحر فطبعا هبقى بحب اسكندريه فى المرتبه الاولى بتخافى ؟ طيب اكثر شئ تخشيه ؟ اكيد طبعا بخاف ...عمتا بخاف من بكره لانه مش محسوب ابدا بس بسيبها على ربنا مالذي يشعرك بأكثر قدر من الحرج ؟ اكتر شىء ممكن يحرجنى كلمات الاعجاب المتتاليه بتكسف جدا جدا وبتلخبط وببقى مش عارفه اعمل حاجه غير ابص فى اى اتجاه تانى خطيبك وخداه عن حب ؟ أحكى لنا كيف اتعرفتم ؟ هههههههههه الحمد لله اه فعلا قصه حب شوفى هيا التفاصيل كتير جدا بس احنا نعرف بعض من تلات سنين تقريبا ...اول كلام كان بينى وبين احمد تخيلى كانت خناقه ههههههههههه بس الحمد لله احمد شخص جميل من جوه اكتر من بره وعلى حد كلامه ان اول حد يفهم هوا عايز يقول ايه من قبل ما ينطق والحمد لله كله كويس أكثر شئ يغضبك ؟ أكثر شئ يفرحك ؟ اكتر شىء بجد بيعصبنى هوا التمسك بالخطأ والكدب .... يا ربى ما بقدرش اتحملهم بجد اكتر شىء بيفرحنى انى اشوف ال حواليا مبسوطين دا طبعا بخلاف الشيكولاته ال بمووووووووت فيها باقة ورد لمن تهديها ؟ولماذا؟ اولا طبعا ليكى يا سكر وميرسى جدا على الاستضافه وطبعا لكل اصحابى هنا فى المنتدى بجد ناس بعتز بمعرفتهم جدا جدا واكيد هاخد منهم اجمل ورده دا طبعا لاحمد ربنا يا رب يخليهولى دعوه صادقه من اعماق قلبك لمن تهديها ؟ هدعى ربنا وبتمنى كلنا نعمل كدا يا رب ارزقنا الامان والطمئنينه ووفق بلدى للخير اللهم أمين يا رب العالمين -شخـــص لطــالما حـــلمـــت بــــه؟!؟ مممم مش عارفه والله احدد شخص معين بس بحلم احيانا بأمى الله يرحمها ودايما جايبالى خير دمـعـــه انـذرفــــت رغـمــاً عنـــك؟!؟ للاسف دا بيحصل كتير اوى معايا لانى دمعتى قريبه جدا بس اخر مره كان يوم مذبحه بورسعيد ولانى اهلاويه جدا طبعا كان ال بيحصل دا كانى انا ال بندبح بالظبط كنت حاسه انى هتشل والله مـوقـــف صــدمــك ولــن تنســــيه ؟!؟ للاسف كان من صديقه هيا كانت غريبه شويه بس انا كنت متقبله دا منها وكنا بجد وكانها اخت واكتر كمان لكن فجاه بعدت وغيرت تليفوناتها وهيا كانت من بلد تانيه استغربت جدا وحاولت اوصلها تانى بس للاسف اول ما وصلتلها عملت نفسها مش عارفانى وكانت لاول مره فى حياتى اغلط فى تقييم شخص شــئ او عمــل أو شخص لا تستطيــعى مســامحته؟!؟ الشىء ... هيا صفه زى ما قولتلك الكدب وما يندرج تحته من خداع او خيانه او غدر عمل ... بكره جدا جدا الهرجله وعدم النظام شخص... اى شخص اساء ليا ممكن اسامحه يمكن بس عمرى ما بنسى ابداااااا ومع اول غلط تانى بفتكر القديم والجديد شخــص غيــّر مجــري حياتـــكِ؟!؟ كان دكتور عندنا فى الجامعه للاسف من خلال موقف عشان قولت رأى بصراحه اتسبب فى تغيير مسار الكليه وطبعا الوظيفه بعدها وتخصص الحياه كلها -كلمة تود سماعها كل يوم ومن منَ؟!؟ ههههههههه ايه الاحراج دا بقا:445: ممممم عمتا اى بنت بتحب الكلام الحلو دا اكيد وطبعا احب اسمعه من الناس القريبين منى وطبعا من خطيبى:120: القمر-الشمس-النجوم...ايهم تفضلى والسبب؟! القمرطبعا ...بشوف فيه فلسفه جميله اوى بالرغم من انه بطبيعته جسم معتم الا انه دايما مرشد الطريق للى يقدر يحسه ويشوفه دا غير طبعا انه اكتر رومانسيه من الشمس او النجوم أيه أخبارك مع المطبخ ؟؟ اووعى تكون مش تمام ههههه ههههههههه لاء اطمنى انا الحمد لله تمام جدا وبعرف اعمل اغلب الحاجات الحمد لله أفضل الاكلات اللى بتعرفى تعمليها ؟ المكرونه بالبشاميل والصوانى تقريبا كلها والمحاشى بانواعها بتساعدنى ماما بالنظافه ؟يعنى ست بيت شاطره ؟ اها بعمل الحاجات بتاعه البيت ما عدااااااا الغسيل ..ما بحبووووووووش بس الحمد لله الحل موجود ربنا يخليلنا الغساله الفول اتوماتيك بزرار واحد حلت المشكله بتحبى الميك أب ؟ بتهتمى بالموضه ؟ مش اوى بس بحب جدا اهتم برسمه العين جدا ممكن استغنى عن اى شىء بس رسم العين لالالالالالالالا يمكن الموضه مش اوى لان اغلب الوان لبسى اسود برتاح فيه اكتر دا طبعا بالنسبه للموجود فى مصر كلمه توجهيها لاعضاء المنتدى ؟ بجد شكرا جدا جدا لكل الناس الموجوده وربنا يديم الموده والحب بينكم ويفضل جو الدفا دا موجود دايمما بينكم بنشكر بقايا أنثى على اتاحة تلك الفرصه لنا [COLOR=#] [/COLOR] [/COLOR]