الفصل الاخير

[عمدة الصعيد]

الفصل الاخير
*****************************************
انسى حبى وانسى حنانى
انا حبيتك وانت انانى
سكين حبك جوا حشاى
ليل ونهار منها بعانى
*********************
انسى حبى وخلينى ذكرى
جوا تاريخك مرت فترة
اتعلمت خلاص انا منها
اتعلمت وخدت العبرة
**********************
اتعلمت ازاى ماامنشى
للى يغدر بى ويمشى
قاللى بحبك والله بحبك
اتاريه وهم وانا مافاهمشى
************************
اتعلمت القسوة ازاى
اتعلمت الغنى فى بكاى
اتعلمت فى سوق الحب
غدرالقلب يكون ازاى
*************************
اتعلمت الدرس كويس
اتعلمت فى زعلى اهيص
غصبة عنى ولازم اتعلم
اتعلمت صبحت الريس
*************************
حبى انا ليك كان جد بجد
حبى انا ليك كان مالهوش حد
آه ياعذابى وآه ياآلامى
آه يادموع نازلة ع-الخد
*************************
حبى انا ليك كان لى الفرح
صبح الحب دا اصعب جرح
جرح حبيبى اللى انا حبيته
خان العشرة وخان الملح
*************************
خان ايام وليالى الحب
وبسكينه طعن القلب
ايام حلوة عاشها معاى
صبحت مرة وكلها غلب
*************************
ليه يا حبيبى فتحت الباب
توهم قلبى ان نحنا احباب
اتاريه وهم انا عشت عليه
حبك لى دا اصله سراب
*************************
ليه يا حبيبى منى بتهرب
بتبعد عنى كل ما اقرب
ببنى فى قلبى ليك بنية
كل ما ابنى انت تخرب
**************************
انسى خلاص انسانى وافرح
قلبى خلاص مافيهوش ليك مطرح
قصة وهم وانسى خلاص
انت بطلها فوق المسرح
****************************
وانت ياقلبى عيش ايامك
داوى جراحك داوى آلامك
وانسى حبيبك اللى امنته
واتخيلت معاه احلامك
***************************
كلمة اخيرة ليك يا حياتى
ياللى كنت سبب فى آهاتى
مش ندمان على حبك ابدا
انا ندمان على وقتى وذاتى
**************************
وقت حياتى راح فى بلاش
وقت حياتى راح ولا جاش
لما امنت لقلبى معاه
سرق القلب طلع غشاش
***************************
قلبى قفلته بالمفتاح
على احزان واهات وجراح
مهما يخبط مين على بابه
قلبى خلاص كدا بقى مرتاح
*************************
بقلمى /عمدة الصعيد
6/3/2012

[sokara]

حروفك تنبض بمشاعر متنوعه

لقد تعمقت فيها لاستمتع بجمالها وعذوبتها

سلمت وسلم بوحك الجميل

ننتظر جديدك بكل الشوووق والود

دمت بخير وتقبل تحياتى والتقيم

[فداااااااااااء]

ررررررررررررائعه جدا واسلوب ولا اروع
تسلم الايادى الحلوة على التميز

[شظايا عمر]

كلمات رائعه في المعني والاسلوب
نبض قلم كان رائعا في احرفه
ومميزا في تنسيقه
برغم قسوة العذاب في الحب
الا ان الكلمات جاءت في غاية الجمال
جاءت قمه في الروعه والابداع
وصفت وعبرت عن قلب
احب بصدق واهدي بصدق
وفي المقابل لم يجد شئ
ابدعت في وصفك
تحياتي لروعة ما نثرت

[عمدة الصعيد]

اقتباس المشاركة الأصلية كتبت بواسطة sokara حروفك تنبض بمشاعر متنوعه لقد تعمقت فيها لاستمتع بجمالها وعذوبتها سلمت وسلم بوحك الجميل ننتظر جديدك بكل الشوووق والود دمت بخير وتقبل تحياتى والتقيم

تحياتى الى شاعرتنا الرائعه و شكرا
لمرورك الكريم والطيب الذى اسعدنى كثيراً

[عمدة الصعيد]

اقتباس المشاركة الأصلية كتبت بواسطة فداااااااااااء ررررررررررررائعه جدا واسلوب ولا اروع تسلم الايادى الحلوة على التميز

شكــــــــرا على تعليقك البسيط الرائع سلمتى وسلم قلمك
تحيـــــــــاتى

[عمدة الصعيد]

اقتباس المشاركة الأصلية كتبت بواسطة قوة أنثي كلمات رائعه في المعني والاسلوب نبض قلم كان رائعا في احرفه ومميزا في تنسيقه برغم قسوة العذاب في الحب الا ان الكلمات جاءت في غاية الجمال جاءت قمه في الروعه والابداع وصفت وعبرت عن قلب احب بصدق واهدي بصدق وفي المقابل لم يجد شئ ابدعت في وصفك تحياتي لروعة ما نثرت

شكـــــــــرا لشاعرتنا قوة انثى واعجبنى رقى تعليقك كثيراً لانه لمس
المعنى بداخلى وهذا يدل على صدق شاعريتك
تقبلى تحياتى وشكرالمرورك الطيب