فزع إبراهيم خليفة رمضان

[حانة الاقدار]

فزع إبراهيم خليفة رمضان

فزع


وف نص الليل الجواني

وأنا برسم صورة وقمرايه ..

وألفين شراع

وقعت من ايدي الورقة الصغرا

- من ظرف جواب –

كانت بتقولي : أنا جاي

وجايب لك ألف سلام ..

من أرض الحرم الغالية

وأنا مشتاق لأحضان بلدي ..

وأحضانكم

لكن مش عارف ليه بافرد خطاويا بيدي

وكأني مش هاطلع من كعب الباب

***

آه يا ليل ياللي انت مضلل وراك الف ليل

وليل طويل

ياللي انت بتشع في صورتك

حزن دفين
علي فين مودينا؟

ولفين بحورك مرسينا ؟

ملقتش جواب !

***

وفضلت اعاتي الموج لوحدي

ف بحر ملتم ف عنيه الغاب

وميت الف طفل .. لمية صبية

ــ قومي يامه

وألبسي فوق التوب الفرايحي الف توب وتوب حزين ..

القدر مد ايده واتصلب

فوق رقاب متكحله بعرق السنين

عمي ياسين

خالي شاهين

وابن جاري المستكين

والطفل دا ..

شارده منه ضحكته

والاب ده قرفص قعدته

والام زارها افزع

سابت دمعها يمسح ما بين كفوفها

حنة لقا

وما بين خدودها فتح الطريق

لجرحها

آه .. يا زمنا ..

يا زمنهم .. يا زمن ..

ياللي انت راسم فوق كفوفهم صورة كفن

وما بين خطاويهم كلمة عدم

متبعتره بصوات ودم

***

طاب ليه بيرسموا الملنقي

صورة تقي

ويزوقوها بولوله

ويزوقوها بولوله ؟!

ــــــــــــــــــــــــ
إعداد حانة الأقدار ( مصعب )

[جبل عالي]

طاب ليه بيرسموا الملنقي

صورة تقي

ويزوقوها بولوله

ويزوقوها بولوله ؟!





ممممممممم والله صحيح كلامك

يمكن عشان الحزن ساكن جوه الضلوع

يمكن عشان البكا قال للبسمة

مفيش رجوع

يمكن ,,, ويمكن ,,, كل واحد مننا موجوع


راقتنى همستك بكل المعانى

دمت بكل الود ,,,, حانة الأقدارر

[مهندسه بغداد]

الاخ الفاضل

انا شاكره لك

على هذه النقلات

الجميله

كلمات راقتني


تقبل تواجدي


تحيتي

[احمد الحلو]

كلم جميل ومميز ويحمل بين طياته معنى رائع


انتقاء مميز سلمت الايادي


اسعدني المرور هنا اخي


تحياتي تحمل ياسمينة حلوة



مررت هاهنا انا 000 احمد الحلو

[شبح الحب]

تحياتىعلى النبض الجميل

ولا يحرمنا من جديدك المميز


أحترااامي وتقديري

شبح الحب