التفنن في اضاءه المنزل

[احلى عيوون]

اليوم حبيت اطرحلكم موضوع وهو التفنن في اضاءة المنزل نبدأ : الإضاءه LIGHTING طبعاً تختلف الإضاءه بإختلاف شيئين أول شي ذوق صاحب البيت وثاني شيء وهو الأهم مكان هالأضاءه بالنسبه للذوق يختلف بإختلاف مزاج الإنسان يعني مرات يجي في بالنا نبي ضوء أبيض بعدها نكرهه ونغير نبي أصفر أو ممكن ضوء عالي وضوء خافت هالشيء يعتمد على نفسيتنا كيف بهاللحظه عشان كذا أنا أفضل أننا نعتمد الإختيار الثاني وهو الصحيح اللي هو أختيار الإضاءه حسب المكان وحسب حاجتها 1 راح أبدأ بخارج المنزل OUTDOOR الأناره تكون محدده بأمرين توضيح الممرات والشي الثاني تسليط هالضوء على جماليات المنزل هالصوره موضحه كيف الإضاءه على سور المنزل الخارجي وكيف محدده مناطق الجمال فيه نقدر نوضح أشياء ونخفي أشياء ثانيه عن طريق الإضاءه المنظر هنا روعه تحديد الدرج بالإضاءه برك السباحه لازم تكون واضحه تماماً عشان السلامه وعشان تعطي جماليه للمكان النوافير نفس الشيء إضاءه النوافير غالباً تكون ملونه بس أنا أحب الأبيض عشان تبان نقاوة الماء 2 الحين ننتقل للداخلINDOOR المداخل الأساسيه للبيت لازم تكون كمية الإضاءه فيها كبيره غالباً نعتمد الثريات الكريستال لأن مدخل البيت هو اللي يحدد نظرة الزائر الأولى لازم ياخذ انطباع حلو وينشد للباقي النوعيه هذي جديده تصير كأنها ثابته بالهواء هنا نفس الشيء،،، لو كانت الإضاءه خافته ممكن تعطيه إحساس بالكآبه والممل قبل يدخل أما الأمور الجماليه في البيت مثل اللوحات والأمور الشبيهه لازم نسلط عليها إضاءه عشان يبان جمالها لو تركناها بدون إضاءه ممكن نحس انها مجرد جزء من الجدار مو أكثر 3 LIVING ROOM او غرفة المعيشه الإضاءه حقتها حلو تكون خفيفه ومحدده بمناطق معينه لأن غالباً يكون فيها تي في والمشاهده أوضح وأريح وأهدأ لما يكون الضوء خافت الإضاءه الجانبيه روعه لون الإضاءه يعطي إحساس ثاني الثريا روعه ونوعيتها مرره جديده وهي اللي مكمله كل الديكور حلو لو يكون عندنا مثل هالأمور بالأسواق تعطي منظر تحفه ×ابجوره حلو يكون الضوء محدد بأبجورات جداريه صغيره وأبجورات جانبيه حول الكنب عشان القراءه أو ماشابه روعه 4 المطبخ KITCHEN حدود الإضاءه بالمطبخ مالها نهايه لأن نحتاجها في النظافه والسلامه والتركيز بعد لازم تكون الإناره في المطبخ سقفيه وتحت الأدراج وتركيز على مناطق الشغل مثل الفرن والمغسله اللون رايق ولو كان فيه جزيره بالنص لازم يكون نازل لها ضوء من الأعلى يعني أبجوره معلقه </B> هالصوره تحدد لنا أماكن الإضاءه المهمه بالمطبخ 5 DINING ROOM أو غرفة الطعام تخيلو معي لو تدخلون مطعم وتلقون النور فيه مررره عالي وتدخلون مطعم ثاني بنفس الفخامه بس الإضاءه هاديه ورومنسيه ومحدده على الطاولات وبس وين بترتاحون أكثر؟ أكيد بالنور الرومنس الهاديء عشان كذا الإضاءه بغرف الطعام تكون محدده بأبجورات صغيره أو سبوت لايت موجه للجدران وثريا كبيره نازله أعلى الطاوله ولو كان فيه بوفيه تكون فيه أبجورات جداريه موجهه له ،، وأهم شيء يكون شكل الأباجوره نفس شكل الطاوله،، لو الطاوله مستطيله الثريا مستطيله ولو دائريه نختار نفس شكلها بعد روعه جو مو طبيعي وباقي الإضاءه خفيفه حيل فكرة الأباجوره روعه 6 السلالم أو الدرج STAIRS عندنا مانهتم الا بالجماليه ونهمل السلامه ماعمركم فكرتوا ليه دايم عندنا أصابات وكلها طايحين من الدرج ؟؟ السبب سمبل ماعمري شفت بيت حاط إضاءه على عتبات الدرج الإضاءه بهالمكان حلوه لأنها توضح لك وين لازم تحط رجلك وغير كذا لو كان فيه سوائل أو مويه على الدرج تبان مع الإضاءه أما جدران الدرج حلو نحط لها أباجورات جداريه وحلو النوع اللي يحدد الإضاءه من فوق ومن تحت يعطيك ديكور روعه روعه تعطي تأثير حلو أما سقف الدرج لامفروض مايكون فيه إضاءه لأن على الغالب صعب تغييرها أو تنظيفها حتى ممكن تكون فيه أبجوره نازله من الدور الثاني ممتده للدرج مو أكثر 7 غرف النوم BEDROOMS الإناره بغرف النوم لها حدود كثيره لازم تكون عاليه حيل عشان اللبس والميك أب وبيضاء بعد في نفس الوقت لازم تكون هاديه ورومنسيه ومحدوده عشان الراحه النفسيه هذي مو مشكله آبد لأن تنويع الإضاءه بالغرفه راح يحل لنا المشكله فوق السرير نحاول مايكون فيه إناره آبد يعني خليها على حدود السرير عشان ماتتعب عيونا الإضاءه في الهولز اللي على الجدار روعه شي جديد ورايق كلها على بعض روعه أبجاورات جانبيه على أطراف السرير لابد منها ولو كانت الغرفه ضيقه نكتفي بأباجوره واقفه وحده على أحد الأطراف أسلوب جديد الأباجوره البيضاء مع الألبيض والأسود روعه شي خيال الأبجاورات لازم تكون من النوع اللي تتحكمين فيها بحدة الإضاءه الجزء الثاني من الغرفه مكان اللبس والزينه لازم يكون الضوء فيه أبيض وعالي وموجهه للمرايه تحديداً الدواليب أو الخزائن حلو يكون فيها إناره داخليه جهة الصوفا أو مكان القراءه يكون فيها أباجوره واقفه أو منحيه عليه روعه 8 نجي للـ Bathrooms أو دورات المياه الإضاءه فيها مهمه عشان النظافه بس مو حلو تكون قويه مره وحلو إعتماد الألوان فيها المرايه لازم يكون حولها أناره عشان الظل البانيو فوقه أو حوله أناره بسيطه والباقي إناره بسيطه للمكان كله 9 الممرات Hallway الإضاءة فيها تكون محدده بأنوار أرضيه على الفلور نفسه أو على الجدار 9 الإناره بصفه عامه تقدر تتحكم في أمور كثيره في البيت لو عندك غرفه صغيره وجهي الضوء على الجدران وخلي الجدران فاتحه بيعطيك حجم أكبر ولو الغرفه حدودها كثيره خلي الإضاءه من الجدار للداخل وبتعطيك حدود أكثر حاولي توجهين الإضاءه للأشياء الحلوه اللي بالمكان لأن الإضاءه بحد ذاتها ديكور منظر خيالي كأنها شلال منظر خيالي انطباع روعه شكل له إيقاع خاص كأنها دايموند صح ؟؟ وبالأخير كل شيء يعتمد على الذوق والمزاج

[۩۩ سيد الشرقاوي ۩۩]

يااااسلام علي التفنين دي
ياااحلي عيون اضواء هاادئه
جدا مااجمل تلك الاضائاات تسلم
ايدك علي الطرح القيم وتوضيحات
الجميله دي احترامي

[Princess Noran]

حلوين اوى

تسلمى

[فداااااااااااء]

واوووووووو روعه جدا
تسلم الايادى الحلوة