موضوع مهم اوى اوى (تابع مسابقة تنشيط الاقسامـ)

[ŌиĹч.Ḿё]

موضوع مهم اوى اوى



انهردا يا شباب هتكلم على مقولة مشهورة جدا جدا وهى مفيش حب بيكمل للاخر
هل ده صحيح يا شباب مش شايفين ان احنا بنقول كده علطول من غير تفكير
طيب عاوزين نعرف ايه سبب كده


كل شاب اليومين دول يكمل 15 سنه وينتبه للبنات وياخد نمر تليفونات ويكلم دى ودى ودى ويقول لواحدة بحبك ومعجب وهو بيتسلى طيب بنقول ليه الحب مش بيكمل مش لما يبقى فى حب الاول احنا بنبتدى غلط فى كل حاجة البنت تصدق انو بيحبها وتفضل تكلمو وهو حتى مفكرش يتقدم وفى الاخر يجيلها عريس وهو يخلع ويقولك ظروف

ليه مفكرناش نبتدى صح ليه الى بيحب حد مش بيخاف على سمعته ومشاعره ليه كل اصحابى بيقولولى انت خيبه علشان مبكلمش بنات
احب مين دلوق وليه وانا لسه بابا بيدينى مصروف مش لما تحب حد تبقى قد المسؤلية ومش لما تحب حد بتخاف على مشاعره وتخاف على سمعته وصورته قدام ليه تعترف لحد انك بتحبو وانت عارف انك مش قد المسؤلية ليه اكلم دى واضحك عليها واجرحها وليه دايما نحب الغلط


ومقولة تانية تقول الخطوبة افضل فترة والجواز حاجة وحشة وحاجة تجيب الضغط والهم طيب تيجو نعرف ليه.....اقولكم ليه علشان اى شاب بص كده وشاف واحدة عجبتو قام خاطبها وفى فترة الخطوبة كلها هدايا وفسح وكلام جميل بس فين ده بعد الجواز تلاقيه يبص لغيرها طيب ليه يا اخى لما هتجرحها اتجوزتها ليه من الاساس ليه دايما نجرح غيرنا وليه مش نديلو حقو ونراعيه زى مربنا قال هو مش بنى ادم وليه مشاعر ولا ايه ليه مصمم تبقى بنى ادم فاسد ليه بس


ونبص مثلا للبنت قبل الجواز بتهتم بنفسها وبعد الجواز تتخان بقى وتسيب نفسها طيب ليه كده لازم تبقى جميلة فى نظر زوجك ولازم تهتمى بنفسك وبيه وللاسف اغلبنا مش بيعمل كده طيب ايه السبب ونرجع نقول ايه الحب مش بيكمل للاخر الخطوبة احلى من الجواز مش لما تبقى صح تحكم ومش لما تبتدى صح تبقى تقول حكم يا معلم بص لنفسك انت قولت لحد بحبك وانت مديتوش حقه بعد ما تتجوزو تبقى محبتوش اصلا علشان تقول مش بيفضل للاخريا عم اتلقح للاسف يا شباب انا بقيت احزن على البنت فى مجتمعنا ده صدقونى اكترهم بيتاهنو وبيتجرحو علشان ازواجهم زى الحيوانات ماشيين ورا الغريزة وبقيت اشوف الاسرة بايظة والبنت ابوها ولا امها بيوعوها ازاى تلبس وتتكلم وتمشى للاسف حاجة بقت صعبة اوى


منين هنلاقى حب ومنين هنلاقى احترام وحاجة صادقة ومشاعر بجد واحنا غلط فى غلط واحنا مش محترمين بقول للشاب الى بيحب بجد متفكرش تعترف لحد بحبك الا وانت قد الكلمة دى وقد مسؤليتها وانك قادر تفتح بيت وتبتدى صح ولو قولتها اعرف انها دين وعهد طلما قولت بحب يبقى تدى الى بتحبو حقه مش ترميه للاسف بعد متزهق منوواسف شباب طولت اصل الحجات دى بتستفزنى بجد من كتر ما اصحابى مفكرنى عبيط وعلنياتى علشان مش بعمل زيهم وهم الى غلط وتايهين والنصايح مش بتنفع ربنا يهدى ومليش اسالة عاوز رايكم مش اكتر وياريت تنورونى وكمان تقولو رايكم مش تسيبو الموضوع وتمشو علشان المواضيع دى بجد مهمة ومش لازم ابعتلك رابط المضوع علشان تدخل ترد انا مستنى رايكم

[غزاوية وافتخر]

الحب اختلف عن زماااااااااااااااان
دلوقتي بتلائي الكل بيئول للتاني انو بيحبوا
هالكلمه اصبحت عاديه جدا
مع انو معناها كبير جدا
وقليل جدا يلي بيعرفووووا معني الحب واصولوا
وبيخافوا من ربنا علي بنات الناس اللي عاملين يتسلوا بيها وهي مصدئه انو حبها بجد
تحياتي الك تووووبيك مميز جدا

[╯ Princess ╭]

فعلا موضوع مهم اوي اوي

^___^

وزي ما قالت غزاوية

بقت كلمة بحبك دي او الحب عامة بقا زي اي حاجة بتتقال او بتتعمل


تسلم ايدك

حملة تنشيط الاقسام

[بسمة العمر]

الكل دلوقتى اول ما يشوفله بنت يوم والتانى انا معجب والتالت بحبك

منين منعرفش وبقت كلمة الحب زى اللبانه

تسلم الايادى

[ŌиĹч.Ḿё]

اقتباس المشاركة الأصلية كتبت بواسطة غزاوية وافتخر الحب اختلف عن زماااااااااااااااان دلوقتي بتلائي الكل بيئول للتاني انو بيحبوا هالكلمه اصبحت عاديه جدا مع انو معناها كبير جدا وقليل جدا يلي بيعرفووووا معني الحب واصولوا وبيخافوا من ربنا علي بنات الناس اللي عاملين يتسلوا بيها وهي مصدئه انو حبها بجد تحياتي الك تووووبيك مميز جدا

تسلمى على ردك يا غزاوية

[ŌиĹч.Ḿё]

اقتباس المشاركة الأصلية كتبت بواسطة яϊηĉєṣāק فعلا موضوع مهم اوي اوي ^___^ وزي ما قالت غزاوية بقت كلمة بحبك دي او الحب عامة بقا زي اي حاجة بتتقال او بتتعمل تسلم ايدك حملة تنشيط الاقسام

عندك حق برضو تسلمى على الرد

[ŌиĹч.Ḿё]

اقتباس المشاركة الأصلية كتبت بواسطة بسمة العمر الكل دلوقتى اول ما يشوفله بنت يوم والتانى انا معجب والتالت بحبك منين منعرفش وبقت كلمة الحب زى اللبانه تسلم الايادى

والكلام على البنات بردو ولا ايه

شكرا نورتى

[۩۩ سيد الشرقاوي ۩۩]

فعلا اخي كلام سليم
منك تسلم اخي الغالي
علي الانتقااء القيم دي
تحياتي وتقديري ومننحرمش
ابدا من تواجدك

[زهره الشتاء]

«•●
مسآء/ صبآح الأنوار ,,
أشكرك على طرح هذا الموضوع الذي لو اطلنا الحديث فيه لما أوفيناه حقه
أما الحبالتسليه فلا يستحق أن يسمى حبا فهو زائل لا محالة
لا يصح أن نطلق على أي علاقة إسم المحبة فالمحبة هي الحب الحقيقي و لا يجوز مقارنته بالحب اللمجرد التسلية و العبث
مثل الصديق بالظبط لا نطلق على اي شخص هذا الكلمه ولا من حق اي انسان الا ال يستحق ذلك
هنااك حب يمكن تصنيفه درجة من بين هاتين الدرجتين و هو أن تحب ناسا لا تجمعك بهم سوا تلفونات أو انترنت فهو إما أن يكون صافيا خاليا من الشوائب
كما هو الحال بين أعضائنا الكرام
أو أن يكون مبنيا على الكذب و - التميلح - فيسقط أحدهم من عين الآخر
الحب واحد ليس به أنواع ولكن تعددت أسبابه فعندك ( حب من النظرة الأولى .. وحب من الكلمة الأولى .. وحب أعمى .. وغيرها )
ام الحب الصادق فا يا عيني عليه ,,
يحمل أجمل معاني الصدق والتضحيه ,,
سلمت يداك على الطرح
وسوري ع الاطآله
فـ انتظار المزيد
دمت بخير

●ZάhRД●


«•●

[Lost Pearl]

موضوع مهم فعلا

للأسف بنات و ولاد اد كدة بيتجرحوا بسبب الكلمة دي

الخدعة مش من الولد بس .. ساعات من البنت كمان

موضوع جميل و ربنا يهدي الكل

و اي واحد قبل ما يعمي كدة يفكر هيحس ازاي لو اخته او اخوه اتعمل فيهم كدة

تم تثبيت الموضوع 3 ايام .. تحياتي ليك