جولة فى مذكرات المبدع واد حبيب

[دمعه حائره]

أهلا بيكم أعضاء المنتدى الغاليين ومن جديد يتجددبنا اللقاء وسابع جوله فى مذكرات المبدعين والمبدعات ومعانا ملك الرومانسيه وواد حبيب واد حبيب مـ الرومانسيه ـلك مشرف قسم الخواطر اهلا بيك واد حبيب وملك الرومانسيه نورت البرنامج البرنامج منور بيكي انتي طبعا يا دمعه فى البداية تحب تشرب ايه شاى,,, قهوة,,, نسكافيه ولا نبعت نجيب كشرى من عند مديح؟ ممكن تجيبي مانجو او كشري من طنطا اصل بصراحه واحشني اوووووي الكشري بتاع طنطا :biggrin: أتفضل يا استاذنا احلى طبق كشرى فى طنطا والرز باللبن كمان اول جولة هاتكون فى مذكراتك الشخصيه عاوزين نتعرف على واد حبيب من واقع بطاقتك الشخصيه يعنى اسمك محمد رمضان سنك لو تحب 25 سنه الحاله الاجتماعيه اعزب وعوز اجوز عندك عروسه ليه ولا اشتري من صيدناوي لاعندى عروسة صغيرة:biggrin: الوظيفة اعمل في ****************** بلدك طنطا المركزيه هههههههه محل اقامتك حاليا في ****************** اتعرفت على المنتدى ازاى وليه اخترت النيم بتاعك عرفت المنتدي عن طريق عاشق ولهان اما عن النيم انا كنت اسجل باسم الطائر المسافر بس كان مستخدم فاخترت واد حبيب جوله فى بروفايلك تاريخ التسجيل 02-24-2010 لكن لسه الاشراف كان قريب نقدر نقول اتأخر ولا فى ميعادة؟ هوه ممكن اتاخر شويه والسبب كان وجود اكتر من مشرف في قسم الخواطر وهوه ده القسم اللي انا موجود فيه دايما ومينفعش اكون في قسم تاني وكمان الاداره كانت بتقول عليا اني مشاغب شويه مش عارف ليه طيب انا هادي جدااا اهو واد حبيب كان قائمة الاصدقاء فاضيه لحد وقت قريب ودلوقتى عندك 27صديق تعرفهم كلهم؟ فعلا قائمه الاصدقاء كانت فاضيه عندي كنت حزف اكتر من 90 صديق وقعدت سنه مفيش عندي اصدقاء بس الصداقه مش بطلب الصداقه كلنا في المنتدي اصدقاء واخوات من غير طلب صداقه اما عن الموجدين عندي حالا اغلبهم مليش تعامل بينا كتير مجرد طلبات صداقه مش اكتر بس مش كلهم يعني وهل بترفض طلبات صداقه من اعضاء كنت الاول برفض طلبات صداقه كتير لكن دلوقتي لا اي طلب صداقه بقبلو علطول ألبوم صورك كله صور عليها اسمك ايه الحكايه دى؟ عادي مجرد صور مكتوب عليها اسمي مش اكتر من كده صور عاديه يعني ليه اختارت الرمزيه بتاعتك دى علشان بحب الصوره دي جداااااا هل بتضايقك ارسال الروابط على الزوار لا طبعا واضايق ليه طول ما الرسايل مفهاش حاجه وحشه مفيش منها اي مشكله وهل بترد عليها كلها اه طبعا كل الرسايل اللي بتوصلي برد عليه امته ممكن تقفل رسايل الزوار؟ لما احس انها هتعملي مشاكل في الوقت ده اقفلها ماشاء الله مشاركاتك كتير:198: تخدي منهم شويه وعندك كمان اوسمه للعضو المميز والنشيط هل بتشارك فى كل الاقسام ولا الادبى بس انا بشارك في اغلب اقسام المنتدي بحب كده اعرف اخبار المنتدي في كل الاقسام علشان كده بشارك في كل الاقسام جولة فى مواضيعك ماشاء الله واد حبيب مواضيعه كتير واغلبها خواطر وبقلمك امته بدأت تكتب خواطر؟ من اول ما دخلت المنتدي بس وانا بكتب قبل كده مكنتش خالص هل بتحرص على ان كلماتك تكون بقافيه ولا بتكتب اللى بتحسه وخلاص والله انا كل موضيعي بكتبها من احساسي انا ومش بكتب اي موضوع غير لما اكون حاسس بيه اول موضوع لفت نظرى واول مره اشوفه عوز رايكم ضروري قد كده المنتدى واعضاؤه مهمين عندك؟ اه طبعا هنا كل واحد بيقول راي وكل واحد له راي مختلف عن التاني وانا بستفيد جدااا من اراء كل واحد فيهم واكيد بيخليني اخد القرار الصحيح الغربه بتمثل ليك ايه محمد؟ حاجات كتير جداااا اولهم البعد عن الاهل والبلد والاصدقاء الموضوع ده ما تبكيش عليه يا امي خاطره فى منتهى الروعه وجدا مؤثره هيه فعلا مؤثره جداا بس دي كانت علشان شهداء احداث بور سعيد طبعا انت ماحضرتش ولا الثورة ولا توابعها انا فعلا ما حضرتش الثوره بس كنت بتابع الاحداث اولا باول علي التلفزيون واوقات الدوام كان علي التلفون يعني كنت متابع الاحداث كلها وكل حاجه حصلت في مصر اثناء الثوره كنت بتابعها احساسك ايه وانت فى غربه ومصر بيحصل فيها كل ده؟ والله انا كنت ببكي كل يوم علي شباب مصر وكان نفسي اكون معاهم واكون في مصر في الوقت دي والمشكله اني مش في مصر بس كمان الكلام اللي بتسمعيه هنا بيحرق الدم كل يوم كنت بتخانق مع واحد كويتي علشان الثوره اغلب الشعب ******************ي مع الرئيس المخلوع وعلطول كانو بيقولو شعب مصر ده شعب همجي وكان لزم ارد عليهم شايف مصر رايحه لفين ومستقبلها شكله ايه؟ مصر ان شاء الله رايحه الي العمار والعدل والاستقرار ان شاء الله هترجع مصر احسن من الاول بكتير وكل واحد هيعرف ياخد حقه فيها بس لو كل مسئول في الدوله عمل لصالح البلد مش لصالح نفسه الموضوع ده عوز تجوز وتهيص ادخل عند واد حبيب ايه خلاك تكتبه وياترى شايف ان الجواز بقا حاجه صعبه كده ومفيش وراه غير الهم؟ موضوع عادي بس بطريقه مختلفه شويه يعني كل حاجه حب لزم نغير شويه عن الحب بس الجواز علي قد ما فيه هم فيه حاجات حلوه هيه مشكله الجواز انه بيقصر العمر هههههههههههههههههه تصدق صح الموضوع ده انا وحبيبتى (تابع للمسابقه احساسي انا) ايه الرومانسيه والحب ده كله فضول بئا ايه ألهمك لكتابته؟ الموضوع ده كان في مسابقه احمد الحلو وكنت كل يوم الصبح اكتب فيه شويه قبل ما اروح الدوام علشان كده طلع بطريقه دي هوه فيه احساس حلو جدااا وبجد عجبني جدااا الموضوع ده وعجب ناس كتير في المنتدي هنا الموضوع ده اول من علمني الحب تعرف ان ميزة مواضيعك ان الكلام فيه احساس وصدق غريب بيخليه جدا قريب للى بيقراه واد حبيب هل كل مشاعرك بتكتبها خواطر ولا بتخبى منها حاجات؟ فعلا الموضوع ده فيه احساس جامد ومشاعر من القلب فعلا علشان كنت حاسس بحب فعلا وانا بكتبه واغلب موضيعي بكتبها من احساسي ومشاعري مش بخبي منها حاجه وانا بكتب الموضوع الموضوع ده ايام وسنين عذاب.................. طبعا الواحد لما بينصدم بيكون قاسى فى كلامه عمرك ندمت على حب عشته او كلام جميل قولته او حتى موضوع كتبته؟ انا عمري ما ندمت علي حاجه عملتها علشان لو عملت حاجه وطلعت فاشله بتعلم منها اما عن الحب الحمد لله معايا زي الفل وعمري ما اندم عليه مهما حصل علشان عشت اجمل ايام مع حبيبي الموضوع الاخير معانا رحله واد حبيب وعاشق ولهان وجراح المشاعر وجبل الخير وكبرياء رجل في صحراء ****************** كانت رحله جميله جدا المنتدى عرفك على اصدقاء كتير هل صداقة المنتدى ناجحه ولا لا؟ اه طبعا ناجحه والحمد لله هل ليك اصدقاء خارج المنتدى اه طبعا كتير ومعايا هنا وكل يوم بنكلم بعض علي التلفون وبنشوف بعض دايما لما بيكون فيه واقت فاضي عندنا بنروح لبعض علطول جوله فى مشاركاتك طبعا واد حبيب تالت امير ردود معانا فى الابداعات وردوده كتير جميله ومشجعه للكل هل بيفرق معاك الرد على موضوع بنت او ولد؟ والله انا ساعات برد علي الموضوع معرف ان كان صاحب الموضوع ولد او بنت انا برد علي الموضوع مش برد علي صاحب الموضوع لاني برد علي كلمات مش علي افراد ------------- الرد ده القدس ينادي هل احد يجيب النداء؟ القدس ينادي هل احد مننا سامع النداء؟ القدس ينادي اين انتو يا مسلمين لاحد فيهم سامع النداء الكل عن القدس مشغول ولا احد يسمع النداء اخي الغالي تسلم علي كلماتك وابداعك العالي جميل جدااا كلماتك ان شاء الله القدس لنا تقبل مني كل احترام وتقدير الحبيب تفتكر هايجى اليوم اللى العرب تسمع نداء القدس فيه ويحرروه؟ ياااااااااااااااااااااارب يجي اليوم ده ونشوف فيه القدس حر بس ان شاء الله اليوم ده قريب وهنشوف فيه القدس حر وكل العرب يسمعو النداء الرد ده انتي بتتكلمي في سنه اكنها يوم وهيعدي ما انا علشان في ****************** من زمان عوز انك مصر واشوف البلد احولها ايه هوه فعلا كلامك صح هيه هيكون فيها دخل اكبر كتير عن دلوقتي ربنا يعمل كل ما في الخير نورتي يا نبض الحبيب لو كان الاهل قالولك ارجع كنت هاترجع طبعا لو همه قالو انزل عمري ما اقول لا لزم انزل علطول وياترى قررت ايه هاترجع ولا هاتفضل سنه كمان؟ انا لسه لدلوقتي مقررتش ان كنت انزل ولا لا احنا هنقعد مع بعض وهنشوف ايه اللي هيحصل بس احتمال كبير هنزل حتي لو اجازه صغيره علشان احضر فرح اختي وبعد كده ارجع ****************** تاني الرد ده همسه الجوارح مررت هنا لاجد كلمات تعبر عن الحب الجميل ولكن مررت لقيت كلمات فيها الم وعذاب وجراح كلمات تدل علي حزنك الشديد في الحياه فيها عتاب وتسالات ومن الذي يجيب علي التسالات هل نحنو ام الحبيب الذي تحبيه ام الدنيا اللي فيها العذاب والجراح من الذي يجيب ؟ لا ادري لا ادري من يجيب تقبلي تحياتي الحبيب طبعا الخاطره جميله ودخلتك معاها فى حيرة واسئله بتحرص فى ردك على شكر الكاتب ولا كمان توضح فهمك للخاطرة فعلا الموضوع ده جميل جدااا بس علي الرغم انه جميل برده حزين جداااا فيها حاجات كتير حزينه عن فوات الاوان وعند الحبيب كان الاوان فات واصبحت في ظروف قاسيه جداا ومستقبل حزين الرد ده اخر رد معانا جراح المشاعر و قناص الكلمات ماذا اكتب بعد كلماتك اخاف اكتب حرف من حروفي يضيع روعه وجمال كلماتك هنا اصبني الصمت ووقف عقلي من جمال وروعه ابداعك ومشاعرك الجميله في التعبير حراج اشهد لك بانك للابداع عنوان وللكلمات قناص وللحروف استاذ اخي الغالي جراح المشاعر منذ زمن بعيد وانا اقولها انك مبدع الحروف واليوم اقول امام الجميع انك ملك وقناص ومبدع للحروف تقبل تحياتي لك ولقلمك ولابداعك العالي تسلم يدك يا غالي والتقيم والتثبيت لروعه وجمال الكلمات الحبيب فعلا فى مواضيع بتخلينا من جمالها مانعرفش نرد او نخاف نرد بحاجه لاتليق بروعتها بتتصرف ازاى وقتها؟ طيب اللي بيكتب موضوع يكون حاسس باعضاء لازم يكتبو هوين شويه علشان نعرف نرد عليه ههههههه لا بجد فعلا بتكون فيه موضيع جميله جدااا مهما تكتبي لها بتحسي انك مقصره في الرد ---------------------- لو موضوع ماعجبكش ممكن ترد وتنقد اللى كاتبه ولا تخرج من غير تعليق؟ مش كل الموضيع اللي ممكن انقد العضو فيه ممكن يكون موضوع فيه اسائه لعضو اخر بدخل ارد عليه وانقد فيه اما لو موضوع عادي مفهوش اسائه لعضو يعني في الكلمات بس بدخل ارد عادي مفيش اي مشكله ممكن انقده وممكن لا في اعضاء لما عضو اخر بينقد في الموضوع بيزعلو من كده انا اغلب الاوقات برد من غير نقد جوله فى اهتماماتك داخل المنتدى مين اكتر الاعضاء مقربين ليك؟ كل عضو هنا بيحب واد حبيب وبيحترمه اكيد قريب ليا فيه اعضاء برده كتير ليه هنا مش اقدر اقول اسامي علشان كده هتعملي موضوع لوحده اكتب فيه الاسامي بس مين الاعضاء اللى بتحرص على متابعة مواضيعهم؟ تقريبا كل الاعضاء اللي بيكتبوا في قسم الخواطر بتابع مواضعهم سواء رديت ام لا بس بتابع كل الموضيع لهم عندك طموح او شايف نفسك تصلح للمراقبه او الاداره؟ الاداره دي اسم كبير وعاوزه تكون العضو في المنتدي علطول انا دلوقتي في المنتدي علطول بس معرفش الظروف بعد كده ايه ممكن استمر علطول كده او هيحصل ظروف مش هتخليني ادخل بس الطموح موجود والحمد لله سواء كنت مراقب او في الاداره اهو طموح ومستنينوا ايه اكتر قسم بتفضل تشارك فيه؟ طبعا قسم الشعر والخواطر واللي بعده علطول الابداعات طبعا ماشاء الله قسم الخواطر نشيط الايام دى ابعتلك شويه موضيع في القسم الاقسام الادبيه لبعضها واحنا كلنا واحد ولا ايه؟ أيوة طبعا احنا جيران امال ايه :sml4: هل عندك افكار مستقبليه لتنشيط قسم الخواطراكتر ان شاء الله فيه افكار كتير بحاول اعملها في القسم لتنشيطه اكتر من كده ربنا يسهل بس ونقدر نكمل ايه رائيك فى قسم الابداعات؟ قسم جميل جدااا وفيه مبدعين بجد ايه هيا عيوبه؟ القسم انا مش شايف فيه اي عيوب في الوقت الحالي القسم شغال تمام ودلوقتي من احسن اقسام المنتدي وان شاء الله يفضل نشيط دايما ممكن نضيف ليه ايه جديد؟ بسم الله ما شاء الله انتي متميزه دايما في القسم وعندك افكار كتير بتعملها في القسم عوزاني اقولك افكار تعمليها علشان يكون قسمك احسن من قسمى لالالالالالالالالامش اقول هههههههه لاقول ماتخافش دى ارزاق يابنى:762: نصيحه تقدميها لمشرفى القسم؟ خالو بالكم من امير الردود فارس الكلمه وكل الاعضاء الموجدين في القسم علشان اعضاء القسم وتشجعكم لهم هيكون سبب في تنشيط القسم تنصح الاعضاء الجدد بأيه؟ ان كل واحد يكتب ويعبر عن نفسه ويحاول يكون المتميز دايما علي نفسه علشان يكون له بصمه حلوه في المنتدي ايه رائيك فى البرنامج؟ والله برنامج زي الفل وكفايه ان اختي اللي بتقدمه ليه قبلت الدعوة؟ علشان صاحي مش عارف انام هههههههههه بنشكرك واد حبيب وامير الردود على قبول الدعوة واتمنالك كل السعاده والتوفيق واد حبيب اه امال امير الردود دى مش تابعي بلاش مشاكل مع امير الردود الاصلي فااااااااااااارس الكلمه شكرا ليكى دمعه

[ساحر الأحزان]

جميلة الحلقة دمعة مع حبيب

وهو عضو ذو حضور جميل

واجاباتة جميلة جدا

وتكلم كلام جميل جدا

تحياتى لكم

على جمال الحلقة

[booody99]

حلقه جميله جداً مع اخي الغالي محمد

وفعلاً استمتعنا بحوارك الرائع والاجابات المميزه

ألف شكر لكي على مجهودك الرائع

كل الاحترام والتقدير

[حسام الشاعر]

دمعة حائرة

أشكرك على هذه الحلقة الممتعة جدا

وإختيارك لشخصيه رائعة محبوبة من الجميع

فكانت هذه الحلقة الجميلة نتاج اسئلة مميزة

من انسانه مميزة تعرف كيف تسال وكيف تجعل الضيف

يتفاعل مع الأسئله ومع السائله

شكرا لما متعتمونا به فى صفحتكم الرائعة بروعتكم

[فداااااااااااء]

جميله جدا الحلقه بجد وردود أخى الحبيب جميله على الاسئله القيمه
اتمنى له التميز دائما
شكرا دمعه على الحلقه الحلوة مع شخص يحترمه الجميع

[ملكة الهدوء]

توبيك جميل اوى منك دمعه وضيف جميل ومميز

يسلموا الايادى بنتظار المزيد من حلقاتك

[.نبض القلوب.]

جميلة الحلقة منك دموعة بجد
وجميلة ردود الحبيب
تلقائية بدون تكليف
دمتم بكل الخيرات يا رب
ولا ننحرم منكم ابدا

تحيااااااااااااااااااتى

[قلب وكلمات]

الرائعه دمعه حائره


والله خسارة أنك مش إعلاميه بجد من أفضل


الناس اللي بتعمل للقاءات متميزه جدا في إعداد الأسئله


أم الضيف واد حبيب دا بقى حد جميل أوي


طيب جدا قلب أبيض قليل وجوده دلوقتي


وأنا بعزه جدا وكلامي دا لأني عرفته عن قرب


ربنا يوفقك يا حماده أنت حد جميل جدا وقلبك طيب جدا


بتحب كل الناس مش بتحقد على حد حتى لو حد زعلك بتسامح


ودا أحيانا بينرفزني منك بس والله بحبك


تحياتي ليكي دمعه بكل الود والتقدير لشخصك الرائع


* قلب *

[شاعرة الرومانسيه]

الله عليكى يادمعه

حوار رائع من شخصيه جميله ومحترمه

واد حبيب من الشخصيات المحترمه الى بعزها جدا

اسئله ممتازه واجابات اروع

انتى بالفعل أفضل محااااااااااوره بمنتدى مصر
احتراااااااااااااااامى ياقمر

[عاشقة الهدوء]

حلقه كالعاده متألقه مع الضيف الرااائع واد حبيب

أنسان بجد بحسه لما بيكتب بيكتب من قلبه

ذو أخلاق طيب وتلقااائى فى معاملته معانا أستمتعنا معاك

يامحمد بالحلقه ربنا يوفقك ويحفظك وتسلمى يامنه

متميزه دائما ياحببتى فى باقى حلقاااتك وأجمل تقييم