عندما تتساقط الدمعات

[miraa]

بسم الله الرحمن الرحيم

عندما تتفاجأ بما يحدث

عندما تتسارع النبضات وتتعالى الانفاس

عندما تقف مصدوم

تتسأل ماذا يحدث؟

فمنذ قليل اتيت ممتلأ باللهفه والشوق للقائهم

لم تكن لتشعر الا بفرحتك التى غمرتك عندما ادركت

انك ستقابلهم بعد وقت طويل مضى منذ اخر حديث

وانت قادم تترد فى ذهنك كلمات

حقا لقد افتقدتهم

كم اشتاق لحديثنا ولضحكاتنا

كم افتقد وجودى بجانبهم .... فهم فعلا اصدقاء

كثيرا ما افتقد وجودهم فى لحظاتى الماضيه

فى كل يوم اضطررت الى ان تجلس وحيدا بدونهم

تتمنى لهم التوفيق وعلى امل فى لقائهم
.
.
.
.
.
ثم فجأه وبدون سابق انذار

تتحول كل هذه الاحلام الرائعه والامانى

تتحول من احلام ورديه تحلق فى سماء براقه صافيه

الى ضبابه وغيام يخيم على قلبك وعلى كل مشاعرك

وربما يفقدك التوازن

صدمه

حقا تقابلهم على صدمه جديده

تبتسم انت فى البدايه وتغمرك الفرحه وتستعد لتقول لهم

حقا افتقدكم ..... كم اشتاق اليكم

لكن تجدهم هم من يبدأ بالكلام

وياليتها كلمات بل هى سهام قويه متخفاه فى هيئه كلمات
يقذفونك بها

وانت مصدوم لا تعى ماذا يحدث

من ؟ ماذا تقولون؟ .... ما الذى تتحدثون عنه؟

لم تجد لديك القدره حتى على النطق باى كلمات

حتى للدفاع عن نفسك

فانت فى حاله صدمه حقا وما قيل لم يحدث حتى بينك وبين نفسك

لم تفعل هذا ....... ولم تقل هذه الكلمات

فقط تقف مذهول لا تجد كلمات لان عقلك الان فى حاله توقف

فلا تستطيع ان تستوعب

انك ستظلم وعلى يد من اعز الناس

من ضحكوا بوجهك يوم كنت عبوسا

من خلتهم المنقذ الذى اتى من بعيد ليعيد اليك النور

من اتى ليجعلك تتمسك اكثر بحياتك بوجودك

بطيبتك واخلاقك ومبادئك واخلاصك الذى تحمله

اه حق شعور صعب

شعور مؤلم ..... مميت ..... يجعل الدموع تنسال من عينيك

ويبدل الفرحه التى ارتسمت على شفتيك الى حرقه ومراره

لا تجعلك تقوى على الابتسام

لكن فقط لتعلم ان حقك عند ربك

فهم ظلموك لكن الله اعلم بانك برئ

وانك لم تفعل ذلك وانهم لم يحاولوا ان يلتمسوا لك عذرا

او يفكروا للحظه انك لم تفعل ذلك

اعذرونى حقا

على كميه الالم والكلمات القاسيه

وربما خاننى التعبير فى بعض جمل وربما لم اعطى

الموضوع حقه

لكن هذا ما ضاق به صدرى

ولم اجد مكان لاكتب وارتاح عما بداخلى غير هنا

[doiss]

ازيك يا ميرااا يا رب تكوني بخير ""

انا شايف قنبلة هتنفجر ""

وربنا يستر وما تبقاش لغم ""

ميراا " انا قولت لك قبل كدة ان قوة تحملك عالية وانتي

اكيد فاكرة ""

وبعدين انتي عاوزة ناس تعزك وتخاف عليكي

اكتر من كدة المنتدي كلة بيعزك واسمك نبض المنتدي "

اية الطمع دة ""

وبعدين تبقي غريبة لو طلعت القنبلة زي موضوع

ارق بنت في الدنيا " ههههههههههههههههه

وبجد قلمك جميل وعبر بطريقة جميلة "

وبعدين انا لسة اهوة مصلي الفجر "

هاتي يا ستي القنبلة وانا ارميها لك في تل ابيب ""


ان شاء الله بخير وسعادة ""

اخوكي ضياء """"

[حامد فوزى]

مبدعة انتى يا ميراااااا

[قلم بلا حبر]

حتصدقى ,, على قد ما الواحد كان معاكى فى انك تبعدى عن الطريقه دى فى الكتابه

على انها فرصه بجد ان الواحد يتعايش معاكى فى لحظات ممكن اى حد يمر بيها

وانتى بصراحه اللحظات دى بتعرفى تعبرى عنها كويس جدا

بس نرجع ونقول ,,, مفيش اجمل من راحة البال

راحة البال بتعتمد ان الانسان يكون عنده ثقه فى ربنا وثقه فى نفسه وفى اللى بيعمله ,, وبعد كده تعامله مع المحيط الخارجى حيكون فى غاية البساطه

بقولك اهو المره دى ,, مفيش اجمل من راحة البال ,,, وزمان كانوا يقولوا (( راحة البال متتقلشى بمال الدنيا كله ))

وانتى عندك المقومات اللى تخليكى تكونى مرتاحة البال ,, جايز مش واثقه فيها ,, وجايز مش واخده بالك منها ,, وجايز انها غامضه ,,, وجايز حاجات كتير تانيه

بس وقت ما حتلاقيها حتلاقى راحة البال

واللى معاها حتحسى ان الدنيا ماضيها ذكرى وحاضرها عمل ومستقبلها تمنى

بالتوفيق يا ميرا

تحياااااااااااااااااااااااااااتى"""""""""""""

[حنـــــون]

الله عليكى بجد ياميرا

كلمات قاسيه وحزينه

بجد مش لاقيه كلام اقوله

رائع ماخطه قلمك

انتى لمستى بكلامتك

شئ واقعى بيحصل فى حياتنا

انا والله مش عارف اعبرلك

على مدى اعجابى بكلماتك الحزينه

تحياااااااااااااااااااااااتى لك ياميرا يامبدعه

حنون

[قلب برىء]

بجد يا ميرا كلمات رااااااااااااااااااااااااااائعه

[*nona*]

شكرا ليكى يا اميرا على موجهودك الرائع وكلماتك توحفة

[~ zahorah~]

الله يا ميرا

اخدتيني الى عالم تاني و انا بقرا الموضوع

عالم مليء بالقسوة و الظلم

/

/

هم الناس كدا يا ميرا

لازم عمرنا ما نوثق في حبهم لينا


لان عمرنا ما حندخل داخل قلوبهم و نعرفهم كويس ،،،


و زي ما دكر سيد ،، انوا لازم يبقى عندنا ثقة في ربنا و بانفسنا

و بعد كدا مهما جرا من الناس لينا من ظلم ،،، مش حنهتم ليهم و الى رأيهم







ثانكيووووووووو يا ميرا على الموضوع الهايل

و الجميل

و بجد احساسك صادق لانو خارج من قلبك بجد


أختك/ دموع الندم

[الحان الورد]

كلماتك قمة في الجمال والتعبير ياميرا
الظلم شيء بشع اكيد
لكن لما يكون من اقرب الناس ليك
ده بيبقى صدمة وانت عرفت تعبري عنها كويس جدا
اقرب الناس لينا بنبقى محتاجين منهم كل عطف وحب وحنان
لما يظلمونا بنحس بفرااغ وان احنا اتخدعنا او مابنبقاش
عارفين ايه اللي حصل وبجد شعور مؤلم جدا
تسلم ايديكي على كلماتك الجميلة اللي خلتنا عشنا معاكي
وياارب تكون كل ايامك حب وسعادة ويبعدك عن
الحزن والظلم
مع حبي وودي

[noona]

كلماتك رااااااااااائعة يا ميرا

مليئة بالاحاسيس المعبرة

برغم قسوتها

قسوتها على نفسك

ولكن يكفى قدرتك الرائعة على التعبير عما بداخلك

تسلمى يا غالية على ما سطرتيه

تحيـــــــــــــــاتى ليكى يا قمر