شبشب الهنا

[حلا على]

شبشب الهنا
____

اه يا شبشب جبته بايديا


وعزمت وقلت عليه نيه


لو تطلع يوم مش على أدى


راح اشوطك والله برجليا


اه يا شبشب لونك ليه فاقع


فى كلامك لف وبتلاوع


لو تطلع يوم تلعب بيا


راح اخلى نهار امك ضايع


اه يا شبشب يركب مرجيحه


ويخزن دهبه فى صفيحه


ويسن اسنانه وياكلنى


والخيبة ليا وزحليقه


اه يا شبشب صيتك بيلالى


والتقوى شعارك يا ضلالى


ولهفت الدور كله لوحدك


والخيبة قاعده وبقيالى


اه يا شبشب فيلا وعربية


وفاكرنى ولاية مع تكية


ماتلم الدور بس يا خفه


دى فضيحتك عالية مدوية


اه يا شبشب وكسة على حوسه


دى الريحه قرع مع الكوسه


ومناصب تبرق لحبايب


وهات لى الرق يا ننوسه


اه يا شبشب جبته يفرحنى


من اول لبسه يمررنى


اخرتها هقولك من تانى


حرمت أشوفك توعدنى


اياكشى فاكرنى محتاسه


خط وبتخطه فى كراسه


اياك تستهر بجنابى


انا سيبت خلاص النخاسه

قلم حلا على

[ماتركس]

هههههههههههههههههههههه

والله انتي عليكي خواطر يا حلا بضحك والله

بس تسلم ايدك يا فنانه المنتدي

ومنتحرمش من جديدك يارب

[حلا على]

اقتباس المشاركة الأصلية كتبت بواسطة ماتركس هههههههههههههههههههههه والله انتي عليكي خواطر يا حلا بضحك والله بس تسلم ايدك يا فنانه المنتدي ومنتحرمش من جديدك يارب

اشكرك اخ ماتريكس على مرورك الكريم والحقيقة انها رغم ان الكلمات تبدو مضحكه ولكن كما يقولون شر البلية ما يضحك ... ........ مع تحياتى

[فداااااااااااء]

ههههههههههههههههههههههههههههه والله ضحكتينى بجمالها وتشبيهك الروعه لاصناف هؤلاء الرجال ههههههههههههه

تسلمى حلا على الطرح الحلو خالص ودى لكى

[دمعه حائره]

ههههههه
ربنا يسعدك يا حلا زى مابتسعدينا بخواطرك الجميله
كلمات جميله جدا مبدعه فى كل انواع الشعر
مانتحرمش من تواجدك المميز
ودى وتقديرى لكى

[ahmed201]

ههههههههههههههههههههههههههههههههههههههه
جميله عن جد تلك الكلمات

دوماً يذهلني نبض قلمك الشجي والرنان
وتحالفه القوي مع الابداع
انتى صاحب الانامل الذهبيه
وصاحبة القلم المميز
انتى تكتبى بأحساس راقي ورائع
مااجمل ماترويه لنا
لكى بوح كالبحر يحتوي اللؤلؤ والمرجان
دمتى بشموخك نبضاً لايجف نبعه ولا تتوارى همساته ...
وروود الكوون لسموّك سيدتى...

[حلا على]

اقتباس المشاركة الأصلية كتبت بواسطة دمعه حائره ههههههه ربنا يسعدك يا حلا زى مابتسعدينا بخواطرك الجميله كلمات جميله جدا مبدعه فى كل انواع الشعر مانتحرمش من تواجدك المميز ودى وتقديرى لكى

اشكرك دمعه على مرورك الرائع بكلماتى ورغم ان كلماتى تضفى بسمه على من يقرأها الا ان معانيها بداخلى تعبر عن حال لا يرثى له وعلى فكرة كلماتى لها مغزى وبعد سياسى ولكن كل من قرأها اخذها دعابة ولكن كده احسن ..... المعنى المتوارى احسن ويا بخت من يمشى جنب الحيط هههههههههه..... مع تحياتى يا جميلة

[حلا على]

اقتباس المشاركة الأصلية كتبت بواسطة فداااااااااااء ههههههههههههههههههههههههههههه والله ضحكتينى بجمالها وتشبيهك الروعه لاصناف هؤلاء الرجال ههههههههههههه تسلمى حلا على الطرح الحلو خالص ودى لكى

تسلمى يا قمراية على مرورك الرائع والراقى بكلماتى وتقبلى تحياتى

[حلا على]

اقتباس المشاركة الأصلية كتبت بواسطة ahmed201 ههههههههههههههههههههههههههههههههههههههه جميله عن جد تلك الكلمات دوماً يذهلني نبض قلمك الشجي والرنان وتحالفه القوي مع الابداع انتى صاحب الانامل الذهبيه وصاحبة القلم المميز انتى تكتبى بأحساس راقي ورائع مااجمل ماترويه لنا لكى بوح كالبحر يحتوي اللؤلؤ والمرجان دمتى بشموخك نبضاً لايجف نبعه ولا تتوارى همساته ... وروود الكوون لسموّك سيدتى...

اشكرك اخى الكريم على مرورك الراقى بكلماتى ...... وتقبل كل تحياتى

[(طائر الشرق)]

تلميح وكلام جامد وفيه تحزير

ومفيش حد فينا بياخد غير نصيبو

والقدر مكتوب وصعب منه الهروب

ولازم حد فينا يبات غالب والتانى مغلوب

دعواتى بالسعادة والتوفيق

عصام