لو كان بيننا

[فريق العفة]

هسسسسسسسسس : )

مش عايزة أسمع صوت : )

كل واحد إيده على بؤه : )

عقله فى دماغه : )

و مصحصح كده و مركز : )

و عينتينه الإتنين فى وشه : )

و زووووووووووم على التوبيك ده بقى : )

علشان هو عسول ^^

لإنه ببساطة : )

بيحكى عن :

الرسول صلى الله عليه و سلم : )

♥

ويالا نبتدى بأول حدوتة : )

الرسول كان ليه جار إسمه " أبا عبد الله "

و كان شاب

ففى مرة لقى " أبا عبد الله " مجموعة من الفتيات قاعدين

قدام المنزل بتاعه تقريبا : )

فأول أما شافهم

دخل ظبط نفسه و لبسه وبعدين خرج : ) : )


فالرسول " صلى الله عليه و سلم " شافه

فقال له الرسول :
أبا عبد الله ماذا تفعل؟؟

طبعا أبا عبد الله إرتبك جامد : )

و قاله فيما معناه إن الجمل بتاعه بيشرد كتير فهو كان بيدور له على مكان يربطه فيه

بس على مين ؟ : )
الرسول طبعا كان فاهم بس سكت ^^

و بعدها مشى بدون أى كلمة

: ) : )


و من ساعتها و كل أما أبا عبد الله يشوف الرسول يستحى منه : )

و الرسول كل أما يشوفه يقوله

أبا عبد الله ايه أخبار الجمل بتاعك؟؟
لسه بيشرد؟؟ : D


شوفوا الأسلوب يا شباب ^_^


فأبا عبد الله من كتر أما استحى من الرسول و إن الرسول فهمه : )

فمش بقى قادر من كتر الإحراج

فقرر أبا عبد الله يهجر المسجد النبوى و تعجل المسير إلى المدينة علشان الرسول مش يشوفه

فأبا عبد الله مضى عليه فترة فشق عليه ذلك

يعنى تعب من كتر التفكير فى الموضوع و من بعده عن الصلاة فى المسجد النبوى : )

فأنتهز الفرصة و قال إنه هيروح و المسجد فاضى بحيث إنه مش يقابل الرسول تانى فيتحرج منه

و بالفعل ..أبا عبد الله
شاف المسجد لقاه فاضى..فدخل يصلى



فالرسول ساعتها كان خارج من بيت السيدة عائشة
مع العلم إن جدار بيت السيدة عائشة هو نفسه جدار المسجد


فشافه بيصلى


فصلى الرسول ركعتان خفيفتان


فأبا عبد الله قال انه هيطول فى الصلاة لعل الرسول يدعه

يعنى بمعنى أبسط .. قال إنه هيفضل يطول فى الصلاة بتاعته يمكن الرسول يزهق و يمشى من غير ما يكلمه فى موضوع الجمل اللى بيشرد : )

واخدين بالكوا من الإستحياء؟؟ : ) : )


فالرسول فاهم طبعا انه بيتهرب منه


فقاله..أبا عبد الله طول زى أما إنت عايز و برضه قاعدلك قاعدلك هههههههههه


وهنا بقى إستحى أبا عبد الله..و قال فى نفسه و الله لأعتذرن من رسول الله

" أصل الرسول صلى الله عليه و سلم .. بمفهومنا دلوقتى ..أفشه : ) "


وبالفعل أبا عبد الله سلم و خلص صلاة


فلقى الرسول بيقوله..ها..إيه أخبار جملك؟ههههههههههههه


فأبا عبد الله قال : يا رسول الله لم يشرد لى جمل منذ أن أسلمت

يعنى بشكل أبسط : )

من ساعة أما دخلت الإسلام و أنا مش شرد لى جمل خالص يا رسول الله : )

فصلى الله عليه و سلم
وضع يده عليه و قاله رحمك الله رحمك الله رحمك الله


و من ساعتها أبا عبد الله ما كررهاش

فيه أدب كده ؟ : )

و فيه خجل كده ؟ : )

و الله موقف رهيب جدا يا شباب : )

صحيح إحنا الرسول مش عايش معانا

بس مع ذلك ممكن كل حد مننا يعمل زى أبا عبد الله : )

يعمل إيه يعنى يا فدوى ؟

يستحى يا شباب : )

يستحى من ربه : )

أما يغلط فى حاجة.. يبقى مكسوف كده من ربنا

و بيعترف لربنا بغلطه بكل إستحياء : )

ياااااااااه أد إيه صفة إستحياء العبد قدام ربه حلوة أوى : )

ربنا يرزقنى أنا و إنتوا بيها : )



و بكده أول حدوتة خلصت ^^


ندخل على الموقف التانى بقى : )



دلوقتى طبعا لو لقينا راجل بيفتح لبنت باب العربية

هنقول ع طوووووووووووول يا إما مصاحبين بعض ..يا إما مخطوبين


إنما متجوزين؟؟؟؟؟؟؟؟

إنت بتحلم يا حلمى


طيب شوفوا كده الرسول فى الموقف ده...عوضا عن العربية طبعا هيبقى الجمل

بصوا معايا : )



كانت السيدة صفية زوجة الرسول صلى الله عليه و سلم

لما يكونوا مغادرين للرحال و عايزة تركب الجمل

يقوم الرسول صلى الله عليه و آله و صحبه و سلم ينزل على الأرض

و " إتخيلوا معايا نزول الرسول " : )

و بعدين يضع ركبته زى مسند كده بالظبط

و بعدها تضع السيدة صفية رجلها ع ركبته علشان تعرف تركب الجمل

إيه ده ؟؟

فيه جمال كده ؟

فى زوج كده ؟

أعزك الله يا رسول الله.. بتنزل فى الأرض لزوجتك !

فى الوقت اللى " بعض " الأزواج بيتصارعوا فيه على لقب سى السيد مع أمينة !

و قبل أما أمشى

أحب أقول لبعض الشباب حاجة

الرسول صلى الله عليه و سلم كان بيدلع السيدة عائشة و بيقولها يا عائش : )

أو يا حميراء لإنها كانت بيضاء و فيه شوية حمرة : )

فعيب عليك إنت بقى

أما يفهموك إنك لو ناديت زوجتك بإسم دلعها

يبقى أنت هتفقد هيبتك و هتبقى عودتها عليك !

إنت متجوز علشان تبنى أسرة

مش علشان تربى المدام !!

هى جاية من بيتها متربية على فكرة : )

فنبطل بقى شغل هتفقد هيبتك و الكلام ده : )

علاقة الزواج مبنية على أساس مودة و رحمة و إحترام

مش خوف الطالب من المستر : )

أشكو إليك يارب : )

و السلام عليكم : )

بقلم:

فدوى إبراهيم : )

منقول من على صفحتنا على الفيس بوك
أنا هكون يوسف وانتي هتكوني مريم ومش هنحب الا ازواجنا

[mīĐŏ ǺĻ ƒâηâη]

آختيار جميل

وطرح جيد

تسلمـ آيدكـ

وجزآكـ الله كـل خيرآ وجعلهـ فى موازين سحانتكـ

[كبرياء أنثى..]

سلمت الاياادي

[رنا هشام]

جزاكــ الله خ ــير []
وســـــدد خطاكــ ....وبـاركــ لنا فيكــ .. وفيما طرحتيــه
... اللهم إجعلنا ممن يسمعون القول فيتبعون أحسنه ...

[ماسةالشرق]

جزاك الله خير الجزاء
والله يعطيك ألف عآفية على هذا الطرح الجميل والرائع
وشكراً لطرحك الهادف وإختيارك القيّم
رزقك المــــــــولى الجنـــــــــــــة ونعيمـــــها
وجعلــــــ ما كُتِبت في مــــــوازين حســــــــــناتك
يـــــــــــــــارب
ورفع الله قدرك في الدنيــا والآخــــرة
وآجـــــــــزل لك العطـــاء

[booody99]

فــعلاً مـوضـوع رائــع جــداً وقــيم

جــعله فــى مــوازيـن حســناتـك

ونـــفعنا بــما قــدمـتم مـن طـرح مـتميـز

كــل التــقـديـر والأحتـــرام

[ملاك صعبة الإمتلاك]

[شاعر واسير الحب]

اللهم صلي وسلم عليك يارسول الله

جزاك الله كل خير
دمت بخير
ولك تحيتي وتقديري

[ŅĢM]

جَزَاك الله كُل خَيرٍ
مَجهُود مُمتاَز مِنك بالقِسمِ
دَوَام التَميَز والَنشَاط
احِترَامِى