حلقات برنامج ( عيشها صح )

[Řǻet βanota]

هو فى حاجا بتعملها ومش بتعجبنا بردو

جامد يا نجم

بأنتظار اول حلقه

[طمطم]

فكرة جامدة جدى بجد
ف انتظار اول ضيف/ة

[۩۩ elMagic ۩۩]

الحلقه بكره بعده بالكتير هتنزل بأذن الله
معلش ظروف الجامعه بقى
ويا ست رفيف يمكن علشان اسم التوبيك ببتقولى انها مكرره مع ان هى بالانجلش
انا لو كنت فاكر ان ميشو عامله زيه كنت غيرت النيم واحنا فيها على فكره:biggrin:
انتظروا اول حلقهـ
ودى واحترامى

[عاشقة الهدوء]

برنامج جميل يأحمد وفكرته قيمه وهنستمتع بيه

أكيد بتمنالك التوووفيق والرقى وفى أنتظار

أن شاء الله أن قدر لنا البقاء ربنا يحفظك

[كبرياء أنثى..]

[۩۩ elMagic ۩۩]

السلام عليكم ورحمة الله وبركاته



ألنهارده هنبدأ أولى حلقات برنامج عيشها صح
لمعرفة مضمون برنامجنا ادخـل هنــا

مقتطفات كده من حوارنا مع ضيفتنا العزيزه

♥ Roby Cool ♥

عضو جديد

"banota 3adya 3ay4a 7aya 6abe3ya "

انا عجبانى طريقه عيشيتى وحياتى وشايفه انى عايشاها صح ... (:

طموحاتى انى اكون ناجحه فى حياتى واحققق ذاتى
ويبئالى اسمى المعروف

بابا سافر يشتغل فى بلد تانيه وسافرنا معاه

اكيد لما يستعين بحد ياخد برائيه ويثق فيه ويشجعو

دايما بئول اللهم ارزقنى الخير من حيث لا ادرى

الدنيا فيها حاجات كتير حلوه تستحق اننا نعيشها





ودلوقت مع الحوار كامل


*فى البدايه عرفنا عن نفسكـ ؟ وقولنا ملامح شخصيتكـ ؟

"banota 3adya 3ay4a 7aya 6abe3ya "
زى ماكاتبه فى تعرفى عن نفسى ^_^
شخصيتى متقلبه ... معظم الوئت ببئا مرحه واحيانا بردو بكون كئيبه
بس دى ايام الامتحانات بس O(^_^)O
وغالبا كل الوئت كريزى ... (:

*قولنا بقى انت شايف انكـ عايشها صح ؟

مش عارفه
الصح بيختلف بين كل واحد على حسب شخصيتو وطريقه تفكيرو
يعنى ممكن الصح اللى انا عايشه ومقتنعه بيه يكون غلط بالنسبه لحد تانى
بس انا عجبانى طريقه عيشيتى وحياتى وشايفه انى عايشاها صح ... (:

*الى اى حد انت طموح ؟ وياترى ايه هى طموحاتكـ ؟

اه اقدر ائول انى طموحه بس احيانا بصاب بالاحباط وانى هفشل
(فى الدراسه بالذات بردو) ^_^
مش عارفه ليه هههههههههههه
وطموحاتى انى اكون ناجحه فى حياتى واحققق ذاتى
ويبئالى اسمى المعروف واعمل حاجه مفيده للناس
ورضا ربنا قبل كل حاجه اكييد ... (:

*ممكن تقولنا ايه الصعوبات اللى واجهتكـ فى حياتكـ ؟
وياترى قدرت تواجهها وتتخطاها ولا استسلمت لها ؟

بعدى عن اكتر الناس اللى بحبهم ...
بابا سافر يشتغل فى بلد تانيه وسافرنا معاه
سبت صحباتى واهلى وكل الناس اللى بحبهم
ساعتها بجد كنت مكتئبه بشكل فازييييييع
ومكنليش نفس انى اعمل ايييي حاجه
بس بعدها ابتديت انظر للحياه من منظور مختلف ومسبتش الكئابه دى تتملكنى
(ههههههههههه حلو العربى دا ^_^)
وخدت على الوضع وبئالى صحابى بردو

والله مش عارفه اهو اعتبروا دى صعوبه ^_^

*لما الدنيا بتخبط معاكـ وتديكـ دهرها بتعمل ايه ؟

مبسمحلهاش تدينى ضهرها
بصبر وبدعى ربنا وبعمل اللى ائئدر عليه عشان اعدى الازمه دى
وبطلب مشوره وراى الناس اللى يئدروا يساعدونى
باختصار لما الدنيا تدينى ضهرها بلفلها ^_^..

يا واد يا جامد :biggrin:

*فى رأيكـ ايه الاسباب الى بتخلى الواحد يستسلم بسهوله
لأى عقبه تقابله ؟

انو يفقد الامل فى انو يئدر يعديها وميكونش واثق من نفسو انو يئدر يعديها
ويبطل يحلم ويبئا عندو طموح.

*لما يواجه المرء مشكله معينه فى رأيكـ الافضل ان يواجهها
بمفرده ولا يجب ان يستعين بمن هو أكثر خبرة منه ؟

اكيد لما يستعين بحد ياخد برائيه ويثق فيه ويشجعو
احسن مايواجهها لوحدو
بس بردو فى حاجات المفروض الواحد ياخد قراره فيها لوحدو
من غير استعانه بحد.

*فى رأيك الثقه بالنفس ليها دور فى الموضوع دا ؟

اه طبعا الثقه بالنفس تلات تربع اسباب عبور الازمات
لما الواحد يحس انو يئدر يعمل الحاجه اللى عايزها ومفيش حاجه تئدر تهزمو
كدا تئريبا عدا الازمه لانو غالبا هيعملها.

*قولنا بقى انت بتعمل ايه لما تواجهكـ مشكله
بتستعين بحد ولا بتواجهها لوحدكـ ؟

بستعين بربنا ئبل اى حد
دايما بئول اللهم ارزقنى الخير من حيث لا ادرى
لان ممكن الحاجه اللى انا مقتنعه بيها وعايزه متطلعش الخير
بعد ربنا بستعين باقرب الناس ليا اللى هما ماما واختى ... (:

ايه رأيك فى المقولات ديه
* الواد دا وشه فقرى
* البنت دى نحس
* انا حظى وحش فى الدنيا دى
* ابعد عنى انت عينكـ وحشه ؟؟؟ :biggrin:

مقولات الناس المتخلفه
هههههههههههههه
مفيش حاجه اسمها نحس
كل حاجه عند ربنا مكتوبه يعنى القدر مش هيتغير بمجرد
انى شوفت حد او ئطه سوده عدت من ادامى مثلا
هههههههههههههههههه
دا تبرير الفشله لما يفشلوا فى حاجه وميحبوش يرموا اللوم على نفسهم
وبعدين التطير او التشاؤم الاسلام نهى عنو
ليه بئا.

*كلمة تحب ان تقولها للجمهور علشان تقدر تعيشها صح ؟

الدنيا فيها حاجات كتير حلوه تستحق اننا نعيشها لو فكرنا شوويه
بلاش التشاؤم والافكار السوده اللى بتخلينا عاملين زى المحبوسين فى ازازه
مش ئادريين نطلع منها
الدنيا مش هتتاثر لو دايئت نفسى
ليه طيب ما افرح وأفرح اللى حواليا
الدنيا مش مستاهله ازعل نفسى عشان حاجه ^_^

* اخيرا السؤال المعتاد فى كل برنامج هنــا
ايه رأيك فى البرنامج دا وفى الاسئله ؟؟

بصراحه بصراحه
أسئله
very to7fa
بجد خلتنى افكر فى الدنيا من الناحيه التانيه
ميرثيييي اخر حاجه على الاستضافه الحلووه دى ^_^




اجاباتكـ جميله جداا
واضح انكـ شخصيه هاديه جدا وعقلانيه
ربنـا يوفقكـ ى قمــر فى حياتكـ
نورتى أول حلقه

...

اتمنى الحلقه تعجبكم
خالص احترامى وتقديرى

[ŌиĹч.Ḿё]

ـآهآشكًٍِلهًِآ وآثقًٍِة منًٍَِ نفسًَِهآآ
وحلقةًٍ جآمدةًٍَِِ يابرنسًٍٍِِِ
وفىٍ]ًَِ آنتظآآر
ـآلمزيد بقى
آخوكمًٍَِ

[Lost Pearl]

اجابات جميلة اوي يا روبي

فعلا شكلك بنوتة عسولة و هادية كدة و رايقة

ربنا يكرمك و يحفظك دايما

تسلمي يا قمر

مشكور يا احمد ع الجهد الجميل

تحياتي ليك

[ساحر الأحزان]

حلقة جميلة ماجيك

مع عضوة ذات حضور جميل ومميز

اجوبتها جميلة جدا

تحياتى لكم

[SiLver Spectra]

نورتي يا رباب البرنامج
مش كان اسمك رباب برضو؟
اصلي بنسى بسرعة )

بداية موفقة يا ماجيك للبرنامج