الصحافة فين رئيس مصر اهو

[morshooo]

بسم الله الرحمن الرحيم

الفترة الحالية فى مصر بتشهد انتخابات رئيس مصر القادم

انا عايش بقالى 27 سنة اول مرة اشوف انتخابات للرئاسة وأول مرة اشوف

مرشحين وأول مرة اشوف ناس بتعلن ترشيحها للرئاسة وأول مرة اشوف دعاية اعلانية لمرشحين

يعنى من الاخر اول مرة اشوف انتخابات فى مصر .

النهاردة كنت فى طريق صلاح سالم دا شارع طبعا غنى عن التعريف عشان فية

بيت الرئيس السابق واحتمال يبقى الرئيس القادم كمان بيتة هناك

بالصدفة وانا هناك لقيت ناس كتير ماشيين وطبعا رافعين لافتات اكيد اكيد عن

حازم صلاح ابو اسماعيل

وعلى فكرة انا قربت احلم بية من كتر ما بشوفة فى الشوارع وعلى العربيات ^_^

الجميل فى الــ شوفتة النهاردة ان كان فى بنات منقبات كتير جدا يعنى تقريبا بتاع

1000 فتاة ماشيين ورأ يجى 3000 واحد وبيقولو

الصحافة فين رئيس مصر اهو

وشوية وغيرو الهتاف لـــ

عايزين حازم علشان حازم

ههههههههههههههه

انا بس كان نفسى اسئلهم سؤال انتو عرفتوة منين انا اول مرة اسمع عنة اليومين الــ فاتو بس

كنت اعرف ابوة واسمع عنة لكن دا طلع بالمقدر جديد واحتمال كبير يكسب الانتخابات

لسبب بسيط ان احنا شعب للاسف مبيفهمش والا بيعرف يعنى اية أقارن بين

المرشحين وازاى اختار مرشح عن طريق برنامجة الانتخابى زى الــ حصل

فى انتخابات مجلس الشعب الست بهانة جارت الست نفيسة جوزها قالها اختارى

الاخوان عشان الحاج احمد صاحب الشغل قالى ان الاخوان احسن فطبعا

الست بهانة والست نفيسة والحاج احمد نزلو وصوتو للاخوان كل دا عشان

الحاج احمد قال لجوز للست بهانة ان الاخوان احسن يعنى اخدو 4 اصوات

صوت ممكن يكون مقتنع بيهم و3 اصوات ميعرفوش يعنى اية انتخبات اصلا ^_^

طبعا انا مش بقلل من الاخوان والا حاجا بالعكس انا شايف ان الاخوان قوة لا يستهان بيها

ولكن انا شايف ان الاخوان بقى عندهم طمع عايزين ياخدو كل حاجا يعنى

انتخابات مجلس شعب وكمان اكيد رئاسة الجمهورية واعتقد ان فى وقت من الاوقات

هيبقى الاخوان واقف فى مكان وباقى القوة السياسية واقفين فى مكان اخر

وهيحصل صدام بينهم وفى الاخر الشارع المصرى هو الخسران

قبل ما اختم بس بمناسبة

عايزين حازم علشان حازم الــ انا شايف انة تقريبا كدا والله واعلم لو بقى

رئيس الجمهورية فهنروح لمكان كل سنة وانتو طيبين

لان الفترة الجاية فى مصر مش محتاجة رئيس تحت التمرين بالعكس

دى عايزة رئيس فاهم عشان اهم مرحلة هى مرحلة ما بعد الثورة

يعنى من الاخر كدا زى ما قال فريق ( كاريوكى ) فى اغنية

مطلوب زعيم الــ بطالبكم بسماعها لانها اغنية بجد جامدة جدا

وخاصة اخر 3 كلمات فيها الــ بيقولو فيهم

( بالاختصاااااااااار مطلوب دكر )

[بسمة العمر]

والله مسالة الانتخبات دى ربنا يعديها على خير

ويخوفى يكون النهردة علشان الرئسه بيلف فى الشوارع

وبكرة يقعد على الكرسى وما يقوم زى غيرة

ويامر بجمع المال وتكنيزة

وكل اللى نقدر نقوله

ربنا يرشح لمصر اللى يستحقها ويكون خايف عليها وعلى شعبها

ويحميها من الاعداء وينصرها امام الدول

ويشوف شعبها دة ومطالبه

دة اللى نتمناة حاليا

وربنا يوفق لمصر الخير

تسلم الايادى احمد

جميل موضوعك

[ساحر الأحزان]

الانتخابات حتحدد مين الى حيصلح للرئاسة لان العمل السياسى يحتاج

الى حنكة وخبرة بة فهو سوف يكون رئيس دولة وليس محافظ

او وزير ولكنها مسئولية

وكل مرشح حيعرض برنامجة الانتخابى

ومن يكون بة الصالح العام فسوف يختارة الشعب

جميل موضوعك تحياتى علية

[قلم بلا حبر]

ولاد ابو اسماعيل

ممارسات الناخبين لا يسأل عنها الرجل ,, وده للحق ليس الا

اتعلمنا اننا لو حتى حننتقد نبعد انتماءنا ونحاول نشوف بمنظار الحق والعدل والخير لمصر

والا فوقفتنا قدام النار كانت تمثيليه !!!!!!!!!

لو على الراجل فانا متابعه من اول مره خرج فيها ,,, وبصراحه ومن غير صدام مع التيار الدينى

انا مش بأيد الاجتياح الدينى للبلد بالشكل اللى حاصل ,, ويكفى نظره خاطفه على تونس حنلاقى اننا بنخترع حاله وعايزين نسميها الروشته المصريه للثورات

لا بالعكس احنا متخبطين واكثرنا تخبطا هو التيار الدينى لحداثة عهده بالعمل السياسى

انما لو عن الراجل ده كشخص ,, فهو مؤهل وبقوه لقيادة مصر مع اختلافى معاه فى بعض الافكار

وده شئ صحى ,, لانك فى الاخر مش بتتكلم عن رسول او نبى ,, ده بنى ادم عادى يعنى حتتفق معاه فى حاجات وتختلف فى حاجات تانيه

اكتر حاجه عجبتنى فيه ,, هى وضوح موقفه من قضايا حساسه جدا ,, لطالما عانينا منها ومن عدم الشفافيه فيها

حتى الاخوان بيتجنبوا الدخلو فى اى نقاش خاص بها

زى العلاقه بين عنصرى الامه ,, وهو شدد على حكاية عنصرى الامه ووضحها بطريقه اقنعتنى بصراحه

رؤيته لفكرة مؤسسات الدوله ,, استفدت منها جدا وبتدل على انه عقليه مدركه لابعاد الموقف

دول ابرز حاجتين بيندرج تحتهم العديد من الفرعيات اللى اتفقت معاه فيها

لكن المشكله من هم اكثر تأييدا لهذا الرجل ؟؟

هم السلفيين بما نعرفه عنهم من اندفاع عاطفى ودينى يصل احيانا الى التعصب

فحصل الخلط بين الرجل وبين مؤيديه

فأصبحنا بنبص على الرجل من زاوية مؤيديه وليس شخص وافكار حازم ابو اسماعيل

فى مقوله (( ان كرهتموهم فلا تذموهم ))

وحق الرجل اننا ننصفه كشخص ,, اما عن دعايته وبرنامجه فاتفق واختلف معاه براحتك

بمناسبة البرنامج الانتخابى بتاعه

ملامح البرنامج واهم الركائز بتاعته كانت واضحه جدا فى معظم اللقاءات اللى اجراها فى البرامج

ومش معنى ده ان مؤيدى ابو اسماعيل عارفيثن البرنامج

بالعكس فى نقاط يمكن كتير من مؤيديه لو فهموا مقصده فيها خصوصا الاخوه السلفيين يمكن يتراجعوا عن تأييده

لكن على النقيض فى افكار هو عبر عنها بصدق لفتت انتباههم فى ان الرجل هو مثال لمن سوف يطبق شرع الله فى الارض

والرجل مقالش بده ,, وان كان تمناه

لكن على العموم احنا كى جى وان ديمقراطيه ,,, فكتير قوى حتلاقى مواقف حتستفزك وتضحكك وتبكيك وتعصبك

كوكتيل احاسيس لحد ما نعرف الرئيس مين هو

موضوع جميل

بالتوفيق

تحياااااااااااااتى""""""""

[morshooo]

اقتباس المشاركة الأصلية كتبت بواسطة بسمة العمر والله مسالة الانتخبات دى ربنا يعديها على خير ويخوفى يكون النهردة علشان الرئسه بيلف فى الشوارع وبكرة يقعد على الكرسى وما يقوم زى غيرة ويامر بجمع المال وتكنيزة وكل اللى نقدر نقوله ربنا يرشح لمصر اللى يستحقها ويكون خايف عليها وعلى شعبها ويحميها من الاعداء وينصرها امام الدول ويشوف شعبها دة ومطالبه دة اللى نتمناة حاليا وربنا يوفق لمصر الخير تسلم الايادى احمد جميل موضوعك

اهلا بيكى بسمة

نورتى التوبيك

واشكرك على مشاركتك الغالية

[همسه الجوارح]

هو بصراحه انا كمان اول مره اسمع عنه
الفتره الاخيره
وزى ماقولت السيط ولا الغنى
الناس كلها بتتنقل الكلام وخلاص من غير مابتفهم
وصوره فى كل مكان حواليا
حتى فى ابواب الشقق وعربيات الخضار
والباعه والمحلات
ومافيش صورة ولا حتى اسم لاى عضو تانى
انا مش هجزم انه انسان وحش
ولا هيستخدم السلطه بشكل تجريبي
ويصدر قرارات عشوائيه
ولكن اتمنى اللى يشيل حمل مصر يقدر يوقفها
من تانى ويهتم شويه بمحدودى الدخل
ويشغل الشباب اللى بيعدى ع التلاتينات ومش قادر يتجوز
ويوزع مصار مصر وخيرها بالعدل
مصر مليانه بالمصادر المختلف للاموال
ولكن مش بتشوفها غير فى القصور والعربيات الفارهه
اللى بيمتلكها المسؤلين الكبار
واحنا نعيش ع المعونه اللى بيزلونا بيها
مشكور اخى وفى انتظار رئيس يرفع بمصر
ويغير مجراها للافضل

[ياسمينااا]

بالنسبه ليا طبعا مع احترامي للتيارات الدينيه انا مش مايده ان اللي يحكم مصر يكون منهم لان كفايه اوي اللي بيحصل في البلد وكمان طمعانين في كل حاجه خدو انتخابات مجلس الشعب والشوري ودلوقتي عينهم علي رئاسة الجمهوريه هما اصلا لسه جداد في موضوع السياسه دا والمفروض اللي يحكم البلد يكون محنك وعنده خبره لانها مسئوليه كبيره
وان شاء الله يكون الرئيس القادم يحقق اللي احنا نتمناه منه مش بعد ما يقعد علي الكرسي خلاص ينسي كل حاجه
موضوع جميل يا احمد
تسلم ايدك
ودي وتقديري لك