" عاجز . عن . الشكر " .. يحاور .. " الفتاة التي ذهبت إلي الجحيم " ..!

[" عاجز . عن . الشكر "]

	" عاجز . عن . الشكر ".. يحاور .. " الفتاة التي ذهبت إلي الجحيم " ..!! هكذا كان حواري مع إحدي الفتيات التي وضعها القدر في طريق مُظلم مليىء بالأوجاع والألام , وسوف تكشف لكم السطور عن الجحيم الذي ذهبت إليه هذه الفتاة وهي في كامل قواها العقلية للأسف الشديد .. س / نتعرف بيكي ؟ ج /أنا بنت زى أي بنت بسيطة مُحبة للحياة , عندي 23 سنة , تخرجت من الجامعة وأعيش في أسرة مستقرة ميسورة الحال مفيهاش مشاكل . س / إتفضلي حضرتك .. أيه هي مشكلتك ؟ ج /مشكلتي ملهاش حل للأسف , أنا في فترة الجامعة إرتبطت بزميل ليا وحبينا بعض , وعشنا مع بعض قصة حب كبيرة يشهد عليها كل زمايلنا في الكلية , لكن " يا فرحة ما تمت " ..!! س/ يا فرحة ما تمت !! .. يبقي أكيد إتخلي عنك وإختفي من حياتك ؟ ج /لا أبداً , اللي حصل إنه طبعاً مش ميسور مادياً زينا , ومكنش جاهز لأنه يتقدملي ويخطبني , المهم عدت سنه وراها سنه وبداء العرسان يتقدمولي , وبضغط كبير من أهلي إضطريت اوافق علي عريس مفيهوش أي عيب , ومن هنا بداءت مأساتي ومعاناتي ..!! س / المأساة والمعاناة .. أكيد طبعاً دا لأنك بعدتي عن حبيبك وإرتبطي بإنسان غيــره ؟ ج / دا طبعاً كان المفروض يحصل , لكن أنا معملتش كدا لأني مقدرتش أبعد عن حبيبي , فضلت علي إتصال بحبيبي حتي بعد ما إتخطبت وإنكتب كتابي كمان بس لسه شويه علي دخلتي , ودا لأني مقدرش أستغني عنه تحت أي ظرف من الظروف , ومهما حصــل ..!! س / بس دى " خيانة " .. إزاى تستمري في علاقة مشبوهه زى دى , وبعد ما رزقك ربنا بزوج ممتاز علي حد قولك ؟ ج / أنا قولتلك مكنتش أقدر أستغني عنه , كنت مُستعدة إني أنتحر لو بعد عني , وبصرف النظر عن إنك سميت دا خيانة , دى حاجه مكنتش في أيديا , وعاوزه أقولك بجد إني مكنتش أقدر أكمل في العلاقة دى .. !! س / أي علاقة بالضبط ؟ .. علاقتك بحبيبك أم علاقتك بخطيبك ؟ ج / علاقتي بخطيبي طبعاً , وأنا عارفة كويس إني لو فسخت الخطوبة هكون مُطلقة لأنـه كاتب كتابــي , لكن كل اللي كنت لازم أعمله هو إني أرجع لحبيبي ..!! س / وياتري فعلاً كان عندك القدرة إنك تعملي كدا ؟ ج / طبعاً قدرت لأني صارحت خطيبي بعلاقتي بواحد تاني غيره , وإني بحب الواحد دا من أيام الكلية , ومقدرش أستغني عنه ولا أعيش من غيره , وطبعاً خطيبي لما عرف كدا طلقني فوراً , ورجعت تاني لحبيبي .. !! س / طيب وإيه كان رأي حبيبك في موقفك من " الطلاق " ؟ ج / هو اللي ساعدني علي كدا , ووعدني لما أفسخ الخطوبة هيتقدملي برغم أنه وضعه المادي مش ميسور حالياً . س / ياتري نفذ وعده وأتقدملك فعلاً ؟ ج / المفاجأة هنا بقي , بعد فسخ خطوبتي لما طلبت منه أنه يتقدملي علشان يخطبني , رفض !! .. وقالي بالحرف كدا " هتجوزك عُرفي " .. لكن إنسي موضوع إني أتقدملك وأجي بيتكم دا نهائي ! .. أنا مش قادرة أوصفلك صدمتي كانت أد ايه ! .. صدقني لو قولتلك أنا كرهت نفسي , كرهت حياتي , كرهت كل حاجه في الدنيا بسببه .. أنا خسرت كل حاجه .. خسرت أهلي وكرامتي .. أنا مش عارفه ليه حصـل معايا كدا ؟؟ .. أنا مخونتش خطيبي لأنه كان عارف إني مش بحبه , وفي نفس الوقت مقصرتش مع حبيبي اللي كان عارف كويس أوى أنا كنت بحبه أد إيه .. !! أرجوك قولي أنا ليه حصــل معايا كدا .. ليه نهايتي كانت بالشكل دا .. ليه ؟؟؟ .. ليه ؟؟؟ ... !!! هذا كان حواري مع " الفتاة التي ذهبت إلي الجحيم " بكامل إرادتها , و لا أحد يستطيع أن ينكر بأن أحداث هذه القصة تتكرر بشكل مُخيف , لذلك نطرح هذه القصـة , ونضعها علي قائمة إهتمامات كل فتاة يمكن أن يأتي عليها اليوم التي تجد فيه نفسها بين " أحضان الجحيم " .. وبعد أن تعرفنا علي مأساة تلك الفتاة , أريد أن أقول بأن هذه هي نهاية " الحب المريض " .. عاقبها الله علي حبها المُحرم بأنها خسرت نفسها وكرامتها وأهلها وزوجها .. النقاش مفتوح أمامكم , وليضع كلاً مناسؤال الفتاة " أنا ليه حصـل معايا كدا " فيما سوف يكتب لنــا .. لا تنسي الإجابــــــة علي سؤال الإستفتاء .. أتقدم بخالص ووافـر التحيــة كان معكم .. " عاجز . عن . الشكر "

[حياتي ذكريات]

هي اللي عملت في نفسهآ كده
بدل مآ تنزل كلمة اهلهآ في الأرض وتبقى مطلقة
كآن مفروض من قبل مآ تتخطب ترفض
تآني حآجه كآنت مفروض تكتشف خدآع اللي بتحبه
هي للأسف حكمت عآطفتهآ فضيعتهآ
ودي مشكلة أغلب البنآت
بيضحك عليهم بسهولة
اللي حصل حصل ومآ ينفعش الندم عليه
تحآول تتأقلم وتنسى وتبدأ حيآة جديده

تسلم على الموضوع
متشكرة ليك

[.نبض القلوب.]

اول حاجة هى غلطانة لانها اتخطبت
مدام مش بتحب الانسان دا وبتحب غيره ليه ارتبطت بيه من الاساس
ليه يعنى تخلى شكلها وحش واهلها
ليه تكون كدا تكون علاقة محرمة وهى فى الاساس متزوجة
او مكتوب كتابها
هى فعلا اللى عملت فى نفسها كدا
ودا كان جزائها ان هى ممكن يكون اطلق عليها لقب خائنة
لانها خانت الزوج دا
ربنا يهدى الجميع ويهديها
ممتاز موضوعك
تمنياتى لك بكل خير

[مجرد حطآم]

الغلط من الفتاه لانها اصغت لـ كلام ذئب بشري !!

وايضا لأنها كانت على علاقه بـ حبيبها و هي مخطوبه 00

وايضا لأنها تطلقت من شاب دون سبب وجيه ((وابغض الحلال عند الله هو الطلاق))

طبعا حبيبها ما هو إلا شيطان على هيئه ملاك بـ نظرها 00

ولو كان يحبها حب صادق لتمنى لها الخير حتى لو كان سيعيش بعدها بجحيم 00

في بعض المواقف لازم ندوس على عواطفنا عشان نقدر نحل مشاكلنا و ما نزيد من حجمها لكن هي سكتت و في الأخير ندمت 00

بس المفروض إنها تفرح لأنها عرفت معدنه 00

تسلم إيدك حبيبي على الحوار المؤلم 00

[دمعه حائره]

الوضوح مع النفس اولى خطوات السعاده
مافيش حد بيغصب على بنت الايام دى فى جوازة
وطالما وافقت يبئا ترضى بما قسمه الله وتصونه
وطبيعى الشاب التانى يرفض الارتباط بيها
لانها فى نظره لاتؤتمن
لكنلازم تخرج من التجربه دى بفايدة تعلمها
ازاى تختار صح بعد كده
شكرا على موضوعك القيم

[همسه الجوارح]

لا القى الوم عليها
فلا يعلم كم عانت من الضغوط الا الله
ولكن الوم من وضعت كل شئ فى يده
وخانها لماذا فعل بمن
اعطته قلبها وكرامتها ونظره الناس لها
لماذا واجه الخير بالشر
والحب بالغدر جايز جزء من اللوم عليها
لانها اختارت خطاء وتسرعت فى كتب الكتاب
ع الاقل الخطوبه اهون
ولكن هذا قدر الكثير
مشكور اخى ع الطرح

[Silver Flower]

وانا كمان مع دعاء
اولا هي خانت خطيبها وكان كاتب كتابها يبقى مراته شرعا
ولازم تصونه وتصون اسمه
وبرضوا ما احترمت امها وابوها
يبقى ما في امان عليها
دي نهايه كل غلط
شكرا لموضوعك والعبره الجميله منه

[ساحر الأحزان]

هى لو بتحبة بجد كانت ما وافقت على الخطيب الى تقدم ليها

وتمسكت بالى قلبها اختارة

انما تتخطب

وهى مخطوبة تفضل على علاقة بية

يبقى دة الخطاء بعينة

لان دة حيكون زوجها المستقبلى يبقى لازم تعرف كدة

واية موقفها لو هو عرف بالى تعملة

جميل اختيارك

وجميل موضوعك

[مان مصر]

طبعا اللى حصل معاها ده عقاب من ربنا ليها
لانها اكيد جرحت الخطيب ده فهذا جزاء الله لها
ربنا يحفظ اخاتنا من شياطين الانس

[S n i p e R]

هو الغلط اكيد على الاتنين

لكن الخطأ الرئيسي خطأ الشاب

ودور البنت كان مساعد لنمو افعال الشاب دي

موضوع مميز يا استاذنا

تحياتى ليك