قصه رائعه وقيمه أتفضلوا

[عاشقة الهدوء]

السلام عليكم ورحمة الله وبركاته من اجمل الحكايات اللى عدت عليا فى حياتى كلها حكاية زوجة صابرة ومؤمنة بقضاء ربنا .. حكاية زوجة اتجوزت من رجل اقل منها ماديا واجتماعيا ومع ذلك وقفت جمبة وما بخلتشى عليه باى شىء .. ساعدته بورثها كله لغاية ما بقى له اسم فى عالم ( المقاولات) وركب العربية وفتح مكتب ..وبنى بيت كبير جداااا بس طبعا كان ناقصهم حاجة واحده وكانت فرحتهم تكمل ................. ( الخلفة ) الزوج كان عنده مشاااااكل فى الإنجاب لفوا كتير على كل الدكاترة وكلهم اجمعوا انه محتاااااااااج علااااااج بكل حب اتقبلت الزوجة الخبر ده وشجعت جوزها انه يتابع مع الدكاترة وبقت دايما تديله الامل فى بكره ومررررت السنين والزوج بيتعالج وكل ما يروح للدكتور يقوله لسه ربنا ما امرشى يرجع لمراته وهو فاقد الامل انه يخلف ويقولها انه خلاااص هيبطل يروح للدكاتره تبتسم زوجته وتقوله ( خلى ثقتك فى الله ) يرد عليها ويقولها لو كنتى عاوزة تخلفى انا عندى استعداد اطلقك وروحى اتجوزى وخلفى وعيشى حياتك ترد عليه وتقوله انا لو كنت عاوزة اخلف فعلشان يكون لى اولاد منك انت رد عليها الزوج وقالها خلاص هكمل العلاج واروح اعمل تحاليل ولو الدكاترة قالولى لسة ..... مش هكمل تااااانى ويأذن ربنا ان الزوج فى المرة دى يرجع لمراته وهو مش مصدق نفسه نتيجة التحاليل بتقول انه ( قاااااااااادر على الإنجااااااااااب ) وتفرح زوجته بالخبر وتبدأ فى الإستعداد بإستقبال ( الطفل ) اللى عاشوا يحلموا بيه لكن............ ما يحصلشى حمل برضة ويرجعوا يروحوا للدكاترة من تاااانى وفى المرة دى الدكتور يطلب تحاليل من الاتنين ؟؟؟؟؟؟؟؟ والمفاجأة الزوجة محتاجة لعلااااااج ياااااااااااااااااه تااااااااانى هو انا لسة هستنى تاااااااااااانى انا خلاص زهقت ومليت انا عاوز يكون ليا طفل قبل ما اموت طفل يورث مالى واسمى ؟؟؟ شوفى يا بنت الناس انا هتجوز وحده تخلف لى ولى العهد وتكون صغيرة وانتى شوفى ايه اللى يرضيكى لو تحبى الإستمرار معايا او الطلاق اللى هتقولى عليه انا موااااااااافق ردت عليه زوجته وقالت بس الدكتور مقالشى ان انا حالتى صعبة او محتاجة وقت طويل فى العلاج ده هو يا دوب شهرين تلاتة وان شاء الله هقدر اخلف قالها كده كده انتى داخله على الاربعين سنة واللى اعرفه ان الوقت ده بيبقى صعب ان الستات تخلف فيه وبالفعل اطلقوا والزوج راح اتجوز من بنت صغيرة زى ما قال لمراته السابقة وقسما بالله العظيم ما هتصدقوا اللى حصل مراته تحمل بالفعل بس ( سبحااان الله ) الحمل ما بيثبتشى !!!!!!!!! مره ورا مره ومفيييييييش حمل بيثبت نهااائى وبعد ما زهق ومل طلق مراته التانية واتجوز التالتة . خلفت وجابتله الولد اللى كان بيحلم بيه .. الولد اللى هيشيل اسمه وهيورث ماله بس هو فين ماله ؟؟؟؟؟؟؟؟؟ دا غير ان حياتهم كانت جحيم خسر فلوووووس كتير واتبهدل جداااا فى حياته خصوصا ان مراته التانية بهدلته فى المحاكم .. ومراته التالتة علشان عارفة انه كان هيموت ويخلف بتذلة بإبنهم وانها ممكن تاخده منه وما تخلهوش يعرف يشوف ضفرة اما بالنسبة للزوجة الصابرة .. اتقدملها ناس كتير وبقت ترفضهم ومع ضغط الاهل اتجوزت شخص طيب وكريم شوفوا بقى حكمة ربنا يشاء رب العالمين ان الزوجة تحمل اه والله تحمل وهى فى سن (45) من غير ما تتعالج ومن غير ما تفكر انها تحمل سبحاااااااااان الله والاجمل من كل ده انهاااا تحمل فى تؤم ( ولدين زى القمر ) ربنا يباركلها ويباركلكم ويدى كل مشتااااقة بالمناسبة الولدين دلوقتى بقى عندهم 6 سنين قصه منقووله راااقت لى أتمنى تنال أعجابكم أختكم (عاشقة الهدوء )

[قلب وكلمات]

القصة جميله فعلا يا هبه

تسلم اديكي على النقل وكفاية

أنها راقت لكي بس شكلها واقعيه فعلا

والله يهب لمن يشاء الذرية ويجعل من يشاء عقيم

سبحان الله في خلقه

الزوج كان ندل جدا

تحياتي لكي يا هبة وربنا يسعدك

قلب

[دمعه حائره]

سبحان الله
انما يوفى الصابرون اجرهم بغير حساب
قصه جميله جدا هبه
تسلم ايدك ومانتحرمش من وجودك الغالى

[اميرة ابراهيم]

القصة رائعة جدا اشكرك

[۩۩ سيد الشرقاوي ۩۩]

اختياار قييم جدا منك ياااهبه
تسلم ايدك علي الاختياار
احترامي

[عاشقة الهدوء]

اقتباس المشاركة الأصلية كتبت بواسطة قلب وكلمات القصة جميله فعلا يا هبه تسلم اديكي على النقل وكفاية أنها راقت لكي بس شكلها واقعيه فعلا والله يهب لمن يشاء الذرية ويجعل من يشاء عقيم سبحان الله في خلقه الزوج كان ندل جدا تحياتي لكي يا هبة وربنا يسعدك قلب

ربنا يخليك أخى الغالى قلب وكلمااات أسعدنى مرورك أخى

وكلماااتك الرائعه والقيمه مثل شخصك نورتنى لك أحترااامى

[شظايا عمر]

سبحانك يا الله

ربنا عظيم جدا جدا

مش بيسيب حق حد

بينتقم من كل جبار

بينتقم من كل ظالم

سبحانك يارب

محتاجين نكون في قوة إيمان المرأه دي

وقوة صبرها وعزيمتها

عشان نعرف نعيش

وعشان يكون ربنا معانا في كل وقت

سبحانك يا الله

قصه فعلا رائعه رائعه رائعه

تسلمي يارب علي الاختيار الجميل ده

[عاشقة الهدوء]

اقتباس المشاركة الأصلية كتبت بواسطة دمعه حائره سبحان الله انما يوفى الصابرون اجرهم بغير حساب قصه جميله جدا هبه تسلم ايدك ومانتحرمش من وجودك الغالى

تسلمى ياحببتى الآجمل مرورك يامنه

ربنا يحفظك ويعزك نورتينى

[عاشقة الهدوء]

اقتباس المشاركة الأصلية كتبت بواسطة اميرة ابراهيم القصة رائعة جدا اشكرك

الرائع مرورك ياحببتى نورتينى ربنا يحفظك

[عاشقة الهدوء]

اقتباس المشاركة الأصلية كتبت بواسطة سيد الشرقاوي اختياار قييم جدا منك ياااهبه تسلم ايدك علي الاختياار احترامي

الآقيم والآروع مرورك أخى ربنا يبارك فيك

ويحفظك نورتنى ياسيد لك أحترامى