قلب مات

[الرحــاال المٌتَمرد]

~ قـلـ ب مــ ـات ~




"أقبل النقد"

قلب مات من غير جروح .. من غير ماينطق أو يبوح
حس بألم وإزاى يروح .. من غير ما يسأل كام سؤال
يعنى إيه .. ويعنى ليه ؟!

يعنى إيه؟!
تحب بأمانه .. ماتلاقيش غير الخيانه
ويعنى ليه ؟!
تتمسك بحبك .. ماتلاقيش غير الإهانه


الناس نصحتنى منه .. قالولى دا خاين وغشاش
لما يصاحب واحده .. يفضل وراها مايسبهاش
فى كل مكان معاها .. عينه عليها مايفارقهاش
ولما تقع فى غرامه .. يبسها . لانه ماحبهاش
ولما يقابلها مره تانيه ... يعمل نفسه مايعرفهاش
قالولى إنه غدار ومايسواش

مصدقتش كلام الناس .. وقولت ماتظلمهوش
يمكن إللى كانوا قبلى .. هما إللى مافهمهوش

إتعلقت فى حباله الدايبه .. ومشيت معاه فى الطريق
كنت الحبيبه والأخت والصديق .. وخير رفيق

عشمنى بالحب .. وقال إنه إتغير على إيديا
فرحت .. وفرحتى كانت قد الدنيا

وماصدقتش روحى لما قالها ..
إن دبلتى فى إيده .. وعمره ماهيشيلها
ومكانتى جوه قلبى.. مافيش حد هيشغلها
دعيت لربنا يخليهولى وفرحتى يتممها

وفى مره غاب عنى وقال عشان ظروفه
ولما طال غيابه .. وحشنى روحت أشوفه

لقيته فى نفس المكان اللى إتقابلنا فيه مع الضحيه الجديده
لما شوفتها .. صعبت عليا.. فكرتنى بنفسى فى البدايه وأنا عبيطه
لما عشمنى بالحب .. وأهو صدمنى .. بالحقيقه
قالى الدنيا دى غابه أوعى تبقى بريئه


عارفين إيه هو إللى واجعنى
مش أنه غدر بيا وخدعنى
إللى واجعنى إنى مصدقتش إنه هيبعنى

وإن قلبى عليه هيهون
بعدما ملك روحى .. قدر يخون
وقبل بكسره قلبى إللى كان عليه حنون
وبقى قلبى ميت مدفون
ودا جزاء إللى يأمن لواحد ملع ــون


~~ وليده اللحظه ~~


جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رح ـــال بلا عنوان .. رئيس الجمهوريه:biggrin::biggrin:

[سارية فى درب الرسول]

كثر فى ايامنا الحديث عن الخيانه وعدم الوفاء بالعهود

لاكن قلمك جسدها ببساطه اكبر

رائع ما نثرت والاجمل تعبيرك المبدع

ربى يحفظك ويبارك بقلمك

[SplendiD SouL]

يعنى إيه؟!
تحب بأمانه .. ماتلاقيش غير الخيانه
ويعنى ليه ؟!
تتمسك بحبك .. ماتلاقيش غير الإهانه

عارفين إيه هو إللى واجعنى
مش أنه غدر بيا وخدعنى
إللى واجعنى إنى مصدقتش إنه هيبعنى

كلنا بنقابل اشخاص قلوبها دفنوها من زمان
رائع برافوا عليك بجد رائعه
والتلقائيه في الكلمات كمان جميله
دوام التألق والابداع

[عاشقة الهدوء]

ايه ده ياواد يا أيمن يخرب عقللك برافو برافو برافو

كلمااات رائعه وقيمه متقنه حروووف من ذهب

قووويه مؤثره تسلم أيدك عجز قلمى عن التعبير فأى كلمه

هتخرج تانى منى قليله على تميزك وروعة كلماتك وحقا راااقت لى هذه الكلمات

عارفين إيه هو إللى واجعنى
مش أنه غدر بيا وخدعنى
إللى واجعنى إنى مصدقتش إنه هيبعنى

وإن قلبى عليه هيهون
بعدما ملك روحى .. قدر يخون
وقبل بكسره قلبى إللى كان عليه حنون
وبقى قلبى ميت مدفون
ودا جزاء إللى يأمن لواحد ملع ــون


حقاااا أخى وأجمل خمس نجوووم وتستحق التثبيت كماان

دوام التألق لشخصك يا أيمن لا حرمنا الله من تواجدك

القيم بيننا لك أحترااااامى

[ساحر الأحزان]

جميل الاختيار رحال

وجميل الكلام

وعند موت القلب بالحياة

تموت الروح

ويغيب الاحساس

دمت مميز الاختيار

[السفينة]

الخيانة


خِنجَرٌ مسموم يخترق قلبك

يترُكَك بين وجودٍ وعَدم

كالمذبوح يترنَح من الألم

يتمسك بالحياه وهو ينزف دَم

اخي رحال
زخـّآتٌ من عطر قلمك تنآثرت هنا
قلم عذب انتقى لنا اعذب الكلمات واجملها
بتلك الروح الشفافه التي تحملها
ولحروف تبعثرت هنا حملها قلمك الينا
باقة معطرة من الورد
طبت وسلمت
تحيتي

[مشتاقه للجنه]

الله عليك وع كلماتك الرائعه
ربنا يديم نبض قلمك

موفق

[booody99]

كلمات كانت معبرة ومؤثرة

أسمحلي لن أستطيع الرد على روعة كلماتك

أسلوب متميز كعادتك وموضوع أروع

تسلم أيدك على الأبداع

كل الأحترام والتقدير

[أتعبنى الفراق]

متميز كعادتك اخي رحال وصفت حالة

انتشرت جدا الايام دي باسلوب سلس

وكلمات منتهي الروعة لم اقل لك دمت

متميز وإنما اقول دام التميز لك ودي وتقديري

اخي لشخصك الرائع

[شظايا عمر]

كان زمان الطيبه هي الطيبه

والطيب برئ وعلي نياته

ودلوقت الطيبه بقت سذاجه

والطيب عبيط وأهبل


كان زمان الحب من نظرة عين

او دقة قلب صادقه ومخلصه

دلوقت الحب كلام محفوظ

وبيصدقه كل غبي ومنحوس
‏

زمان كان زمان

ودلوقت كل حاجه اتغيرت


بجد رائع رائع رائع

قمه في الإبداع والرقي

وصفت وعبرت وبمنتهي البراعه

عن ضياع الحب وموت قلت

عن ذئب ينتقل من انثي لاخري

ويمثل عليها دور المتيم المحب

وما هو الا ماكر خبيث لعين

كلماتك الرائعه فاقت الوصف

منتهي الجمال والإبداع

تحياتي واحترامي لروعة الحرف هنا