باصي يا حمادة !!!!!

[GLAMOROUS]

باصى ياحمادة




سيداتي آنساتي سادتي..



وزي ما حضراتكم شايفين الكورة مع حمادة من فرقة الحناكيش ..




حمادة معاه الكورة..



ماشي حمادة بالكورة..



عدى حمادة من الأول والتاني والتالت..



خلاص كفاية كده يا أبوحمييييييييييييييد باصي لزمايلك بقى..



طبعا حضراتكم سامعين زملاءه وهم بيندهوا عليه







"باصي ياحمااااااااااااااااااادة .. باصي يا عم !"




































وحمادة ولا هو هنا..









































ماشي حمادة بالكورة..


































قرب على الجول..

































هيشوط..


































ممكن يجيب جول..









































آآآآآآآآآآه ه ه ه ه ه ه ه..






































برافو عليك يا ميشووووووووووووووووووو ..



مدافع جامد بصحيح..



انتهز إن حمادة تعب من المشوار الكبير اللي عمله..



وخطف من قدامه الكورة قبل ما يشوطها..



وضاع المجهود..












مش كنت باصيت الكورة لزمايلك يا ابو حميييييييييييييييد ؟!


























تفتكر شفت المشهد اللي فات ده كام مرة؟!












كام مرة كنت "حمادة" اللي مفكر نفسه بيلعب المباراة لوحده وبس..


مع إن فيه عشرة تانيين بيلعبوا معاه في نفس الفريق؟






















وكام مرة كنت مطنش زمايلك وهم بيندهوا عليك


"باصي يا كابتن .. باصي يا عم .. باااااااااااااصي يالاااااااااااااااا !"



وعملت نفسك مش واخد بالك..



لأنك متخيل إنك لو باصيت الكورة لحد تاني وجاب هو الجول هو اللي هياخد كل الأضواء..



وإنت مهما عملت مش هتاخد ضوء زيه؟








انا عن نفسي شفتها كتيييييير .. يمكن ساعات كنت منهم زمان


بس الحمد لله دلوقتي مابقتش كده خـالص





معظمنا معندوهوش الثقافة دي..



ثقافة الكل في واحد..



وده مش مبدأ اشتراكي شيوعي لو جه في بال حد منكم..



مطلقا..



ده مبدأ إنساني بحت..



مبدأ زرعه فينا الله سبحانه وتعالى لما خلانا مانقدرش نمشي بشكل متزن إلا لو كنا بنمشي على رجلين اتنين مش رجل واحدة بس..



واللي خلانا نشوف بشكل أفضل لما نبص بعنينا الاتنين مش عين واحدة وبس..


إيد لوحدها ماتصقفش




حتى الحيوانات والحشرات يا جدع !!!!!




على العموم ...





اقعد كده على سلم بيتكم..




وتابع مجموعات النمل وهي بتتحرك وبتنقل ذرات السكر اللي وقعتها على السلم ..




هتلاقي لو ذرة السكر كبيرة..




حوالي خمس أو ست نملات بيشدوها مع بعض..




عمرك ماهتلاقي نملة عاملة فيها "شجيع السيما" وماسكة ذرة السكر الكبيرة لوحدها وبتجري بيها هي وبس..




لأن النملة عارفة إن




"نملة لوحدها ماتصقفش"!




بلاها نمل دلوقتي...



وتعال للبشر..





البشر الحقيقيين..



دكتور "أحمد زويل" عالمنا المصري اللي أخد أهم جايزة عالمية في العلوم..



دايما بيكون حريص على إنه يؤكد إن الجايزة مش بتاعته وبس..



وإن الكشف اللي وصل له ماوصلوش لوحده.. أبدا..



كان دايما بيؤكد أن وراء الاكتشاف ده فريق عمل كبير جدا..



وأنه لولا الفريق ده متعاون عمرهم ما كانوا وصلوا لكل اللي وصلوا له..







قولولنا ازاي ممكن نغرس روح الفريق..

وروح الجماعة فينا..

[doiss]

السلام عليكم اخي الفاضل """

وبدون مجاملة موضوعك تناولتة بفكرة بسيط وجميلة ورائعة ""

واحييك علي الطرح الجميل ""

ولي عودة ان شاء الله """

"" اخوك ضياء """

[نانو]

اسمح لي ابدي اعجابي بقلمك وتميزك واسلوبك الراقي وتالقك

مشكوووووور والله يعطيك الف عافيه

[فولدمورت]

الصورة دى كانت فى كل واحد فين يتمنى انه يكون مميز
بس العمل الجماعى هو افضل الاعمال توصل بشكل أفضل
و إن أردتا لتميز لازم تتعلم القيادية
اللى بتعلمك العمل الجماعى فى اطمار منظم و راقى
تسلم على الموضوع الجامد جدا

[بسبوسه]

اولا بجد طريقه الطرح لسؤالك روعه وبتجذب جدا
وفعلا روح الفريق في كل حاجه مهمه جدا
بس بتهيألي احنا نقدر نخلي روح الجماعه تنتشر اذا حصل حاجه واحده بينهم الا وهي


















الحب


فعلا لو كل الناس في اي جماعه بيحبوا بعض بجد هتكون كل حاجه حلوه كل واحد هيتمني للتاني انه يكون هو كويس
لو في البيت الاسصره كلها بتحب بعضها اوي والعيله مترابطه بالحب هتلاقيهم ايد واحد

ولو لاقيت شلة صحاب بيحبوا بعض اوي هتتلاقي عندهمانتماء جدا لبعضهم

ولو لاقيت الحب في المدارس والمستشفيات ...........الخ
هتلاقي مجتماعنا بقه ايد واحده وحاجه واحده

ده رائي الحب ثم الحب ثم الحب
اسفه علي الاطاله

[Şα3Đ..♥]

الف شكر يا غالي علي الماتش ده
بس هو مين ومين اللي كانو بيهجصو
اصدي بيلعبو
ههههههههههههههههههههه
عموما تسلم رجليهم وايدك
ههههههههههههههههههههههه

[kanabisho]

تعلم روح الجماعة من الطيور
ألم تسأل نفسك عندما يأتي فصل الخريف وترى جماعات الطيور تتجه نحو الجنوب ‏وهي تطير على شكل الرقم 7 ,
يا ترى لماذا تتخذ الطيور هذا الشكل بالذات أثناء الطيران ؟؟؟؟؟

لقد توصل العلم إلى أن كل طير عندما يضرب بجناحيه يعطي دفعة إلى أعلى للطائر الذي يليه ‏مباشرة , وعلى ذلك فإن الطيران على شكل الرقم 7 يمكن

سرب الطيور من أن يقطع مسافة ‏إضافية تقدر على الأقل بـ 71 % زيادة على المسافة التي يمكن أن يقطعها فيما لو طار كل طائر بمفرده........

‏إذاً تعلم من الطير أن مجموعة الأفراد الذين يعملون في فريق واحد يتخذون الوجهة نفسها ‏يصلون إلى أهدافهم بصورة أسرع وأسهل فيتعاونون ويدعم بعضهم بعضاً .......

‏وعندما يخرج أحد الطيور عن مسار الرقم 7 فإنه يواجه فجأة بسحب الجاذبية وشدة مقاومة ‏الهواء , لذلك فلإنه سرعان ما يرجع إلى السرب ليستفيد من

القوة والحماية التي تمنحها إياه ‏المجموعة ...

‏وهكذا فإن الإنسان ضعيف بنفسه قوي بإخوانه وإذا ابتعد عن الجماعة فقد لايستطيع مقاومة ‏التيار ...... ‏وعندما يحس قائد السرب بالتعب لأنه يتحمل

العبء الأكبر من المقاومة فإنه ينسحب إلى الخلف ‏ويترك القيادة لطائر آخر , وهكذا تتم القيادة بالتناوب ...

‏إذاً يعلمنا الطير أنه مما يجدر الإهتمام به التعاون في عملية القيادة والتناوب عليها من قبل ‏الأكفاء خاصة عندما يكون العمل صعباً ....‏أما أفراد الطيور

الذين في المؤخرة فإنهم يواصلون الصياح أثناء الطيران لتشجيع الأفراد الذين ‏في المقدمة على المحافظة على سرعة الطيران ........

‏إذاً تعلم أن العبارات التشجيعية تساعد دائماً في تنشيط الذين يعملون في الخطوط الأمامية ‏وتحثهم على التقدم دائماً بالرغم من الضغوط المستمرة ........

‏وأخيراً فعندما يمرض أحد أفراد البط أو تصيبه رصاصة صياد فيتخلف عن السرب , يقوم ‏اثنان من الطيور بالانسحاب من السرب واللحاق به لحمايته

ويبقيان معه حتى يتمكن من اللحاق ‏بالمجموعة أو يموت فيلتحقان بسرب آخر .

مشكور على موضوعك الجميل دة بجد انت افدتنا بصورة بسيطة من التعبير يعنى معقدتش الامور

تقبل مرورى

kanabishooooo

[GLAMOROUS]

اقتباس المشاركة الأصلية كتبت بواسطة doiss السلام عليكم اخي الفاضل """ وبدون مجاملة موضوعك تناولتة بفكرة بسيط وجميلة ورائعة "" واحييك علي الطرح الجميل "" ولي عودة ان شاء الله """ "" اخوك ضياء """

مشكور ضياء علي ردك الجميل

[GLAMOROUS]

اقتباس المشاركة الأصلية كتبت بواسطة نانو اسمح لي ابدي اعجابي بقلمك وتميزك واسلوبك الراقي وتالقك مشكوووووور والله يعطيك الف عافيه

مرسي علي الكلام الحلو ده نانو

[GLAMOROUS]

اقتباس المشاركة الأصلية كتبت بواسطة فولدمورت الصورة دى كانت فى كل واحد فين يتمنى انه يكون مميز بس العمل الجماعى هو افضل الاعمال توصل بشكل أفضل و إن أردتا لتميز لازم تتعلم القيادية اللى بتعلمك العمل الجماعى فى اطمار منظم و راقى تسلم على الموضوع الجامد جدا

مشكور اخي علي مرورك القيم طبعا مفيش شك او اختلاف علي افضلية العمل الجماعي