حلقات برنامج ( لو )

[morshooo]

بسم الله الرحمن الرحيم اهلا ومرحبا بكم مع اختلاف الوقت واختلاف الزمن بقينا نشوف العجب يعنى من فترة هى مش كبيرة اوى والا حاجا يعنى من حوالى 40 سنة كدا ( لو ) شوفنا افلام الستينات والسبعينات وشوفنا الممثلات كانو بيلبسو اية وقتها ولو شوفنا كمان القبلات الى كانت موجودة فى الافلام والمشاهد الجنسية فى الوقت دا . ممكن دلوقتى نقول ان افلام الوقت الحالى افلام عادية جدا صحيح الملابس مغرية وبعض الكلمات وممكن المشاهد كمان بس اعتقد انها مش زى افلام السبعينات والستينات كمان فى اختلاف حصل كان ممكن نشوف فيلم واحد بيجمع اكثر من بطل يعنى كتير شوفنا ( حسين فهمى مع نورالشريف ومحمود عبد العزيز ) دلوقتى نادر لو شوفنا بطلين مع بعض ولو حصل بنلاقى الفيلم بنسبة كبيرة مالوش اى لزمة والا نفهملة قصة والا تعرف مين البطل وتحس ان كل واحد عايز يظهر انة افضل من التانى . يمكن فى اعضاء هتستغرب من المقدمة دى ولكن الى حابب اقولة ان اختلاف الوقت بيبقى معاة اختلاف فى الاشخاص وتفكيرهم يعنى محدش يستغرب من والدة او والدتة او حتى عمة او خالة لما يعترض على حاجا من وجهة نظرك انتا انها صحيحة وانك صح وهما غلط لسبب بسيط وهو ان زمنهم غير زمنا . النهاردة هتكون معانا ضيفة متميزة وهى ضيفة حلقتنا النهاردة معانا المتالقة دائما بنت بسيطه

تعالو نشوف لو مرت بالمواقف الى اتقالتلها كانت هتتصرف ازاى لـــــو جاتلك رسالة خاصة بالمنتدى من اقرب صديقة ليكى بتقولك خلاص علاقتى بيكى انتهت ومش عايزة اعرفك تانى هتعملى اية ؟ هسالها عن السبب واذا سال السبب بطل العجب يعنى من الاخر هعمل الى عليا علشان مش من الناس الى بيضيعوا الصداقه بسهوله نزلتى موضوع مهم جدا وكل زميلك قالولك كدا بس محدش فيهم ساب ولا رد على موضوعك حتى زميلك الى قالولك انه مهم هتعملى اية ؟ ممكن اضايق شويه بس مش هزعل طالما الموضوع استفادوا منه وممكن يكون من وجهه نظرى هوا مهم بس بالعكس الموضوع مش مهم هوامحبوش يحرجونى يعنى هحاول احط مبررات لنفسى ارضى بيها روحى علشان مش بحب ازعل من حد اصفى قلبى بسرعه القلب فيه الحب اهم شئ القلب ينبض ليحب كل شئ لا ليكره اى شئ وكمان فيه مواضيع الواحد مش بيكون لاقى ليها ردمش عارف يقول ايه دخلتى منتدى تانى وبالصدفة لاقيتى مواضيعك منقولة هناك بالرغم من انها مواضيع بقلمك انتى ممكن تعملى اية ساعتها ؟ مش هزعل والله اهم شئ المصلحه العامه والاستفاده بس هزعل لو الى اخد المواضيع ناسب الموضوع ليه هبعتله رساله على الخاص اعاتبه بس بالزوق اعرفه غلطه بقيتى مشرفة قسم ومع مرور الوقت لقيتى نفسك مش قادرة تقدمى حاجا تفيد القسم بس الادارة متمسكة بيكى فى الاشراف وبالذات على القسم دا هتعملى اية ؟ هيا الاداره هتتمسك بيا فى حاله لوانا فعلا بفيد القسم ولكن طالما مش قادره اقدم الخدمه لظروف خارجه عن ارادتى هضطر انسحب جاتلك رسالة خاصة من عضو بيقولك انا بحبك هتتصرفى ازاى ؟ ههههههههه اكيد هيكون فيه علامه استغراب بس هرد عليه واقوله اممممممممم مرتبطه هيا حصلت معايا قبل كده بس كان المرسل يشبه العفريت يعرف عنى كل حاجه على الرغم انه عمره ماشفنى ولاحتى بلدى فين وكان يعرف شكلى ويعرف حاجات كتير عنى بجد والله مش بهزر اسئله شخصيه لـــــو لقيتى حد بيكلمك على موبيلك وبيقولك انة يعرفك والرقم دا معايا من فترة ومش مقتنعه انك ماتعرفهوش ؟ على الرغم ان زاكرتى قويه الصوت الى بسمعه مش بنساه بس هعديها واقول السن برده بينسى امممممممممم لوكان ولد هكبر دماغى لان دفاترى نضيفه لكن لو بنت من رغيها وطريقه كلامها هعرفها لوعملت ابوالعريف لو ماشيا فى شارع فاضى خالص مفيهوش غيرك وفجأة لقيتى نااااس كتير جدا حواليكى هتعملى اية ؟ هقرا دعاء فاخشيناهم وهم يبصرون حصلت والله مع حد اعرفه وقراها والى حواليه مشفهوش على الرغم ان كان ادامهم وهسلم امرى لربى وبعدين انا مش بمشى لوحدى ههههه اول مرة تزورى واحدة صحبتك ودخلتى العمارة الى قالتلك عليها وخبطى على شقة والناس دخلوكى وفجأة اكتشفتى انك دخلتى شقة غلط هتعملى اية ؟ على حسب الناس ممكن يكونوا ناس شكلها مايرحش هبعت رساله لصاحبتى تجيب حد يجى ياخدنى اكيد لو دخلت شقه غلط يبقى فى عماره مش هكون ناسيه العماره كمان دايبقى زهايمر منى قبلتك بنت فى الشارع وعارفاكى جدا وعارفا اسمك ورقمك وكل حاجا وبتفكرك بمواقف حصلت بينكم بس انتى مش فاكراها خاااالص هتقوليلها اية ؟ هقولها ممكن استعين بصديق يفكرنى بيكى حد طلب منك مساعدتة بس لو ساعدتية ممكن يبقى فيها ضرر ليكى انتى هتعملى اية وهتقوليلة ايه ؟ افضل الامور الوسط هتوسط حل المشكله اوهجيب وسيط تانى جايز مايضرنيش ولا اضره لانى لوضريت نفسى هدور على حد يخلصنى يبقى مش هنخلص من المشاكل ودلوقتى تعالو نشوف الاغانى دى الضيفة هتهديها لمين : خلينى زكرى وائل جسار الى من جرحنى جعلت له فى قلبى حب كبير وجعل لى من قلبه جرح عميق خلينا اصحاب محمد محى لااحد بستناك اليسا لابى الله يرحمه بستناه بس للاسف مش راجع بس انا محتاجه انى ارحلها بس لماالعمر ينفذ عنيا بتحبك تامر حسنى الى حبيب العمر وبكدا بتنتهى حلقتنا انتظرونى ومواقف جديدة مع ضيفـــ / ـــه جداد اوعو تروحو اى توبيك تانى :079: تحياتى morshooo

[ساحر الأحزان]

عودة جميلة مرشو

باستضافة جميلة لبنت بسيطة

واجابات متعقلة وسلسة جدا

جميل الحلقة

والاسئلة المميزة

تحياتى لكم

[dяєαм..|♥]

حوار جميل جدا
واستضافة جميلة مع عضوه متميزه
شكرا مورشو
وننتظر الحلقات القادمه ان شاء الله

[الخواجة دراجون]

كلام جميل جدا ومواقف مضحكة وحزينة بردة بس الاحسن
انك بتستضيف شخصيات جميلة ومحترمة زيك اخى
مــــــــــيـــــــرشــــــــو
الله ينور اخى الغالى على موضوعك الرائع
ومستنين جــــــــــــــــــديـــــــــــــــــــــدك
تقبل مرورى
*.*.*.*.*.*

الخــــــــــــــــــــــــــــــــــــواجة

[booody99]

موضوع جميل جدا واسئله منوعه لكن انت ميرشو احسن من كده وان شاء الله للأحسن دايما
تقبل مروري

[ღḾăĺăҜ ღ]

توبيك رووعة يا مورشو يسلموو الايادى
الاسئلة جميلة اوى وكمان الاجابات جميلة
يسلممموووو

[دمعه حائره]

حوار جميل من اسئله واجابات
نورتى يا بنوته وربنا يوفقك فى حياتك
وتحققى كل طموحاتك
تحياتى للجميع

[شاعرة الرومانسيه]

حوار جميل

محااااور جميل واسئله متنوعه واجابه لذيذه

واقول لبنوته انتى قمر واجاباتك بنت جدعه

متااااااااابعه

[بنت بسيطه]

	المشاركة الأصلية كتبت بواسطة ساحر الاحزان

	عودة جميلة مرشو باستضافة جميلة لبنت بسيطة واجابات متعقلة وسلسة جدا جميل الحلقة والاسئلة المميزة تحياتى لكم

مشكور لزوقك الرفيع

[بنت بسيطه]

	المشاركة الأصلية كتبت بواسطة الخواجة دراجون

	كلام جميل جدا ومواقف مضحكة وحزينة بردة بس الاحسن انك بتستضيف شخصيات جميلة ومحترمة زيك اخى مــــــــــيـــــــرشــــــــو الله ينور اخى الغالى على موضوعك الرائع ومستنين جــــــــــــــــــديـــــــــــــــــــــدك تقبل مرورى *.*.*.*.*.* الخــــــــــــــــــــــــــــــــــــواجة

مشكور اخى لمرورك