حلقات برنامج ( لو )

[بنت بسيطه]

	المشاركة الأصلية كتبت بواسطة • الـقـلب ღالـصامت •

	عودة موافقة يا مورشدى القسم نور ,, واجبات مميزة وجميلة من عضوة محبوة جداا منورة الحلقة يا قمر موافقين دايما

دانورك ياحبيبتى مشوره لمرورك

[بنت بسيطه]

	المشاركة الأصلية كتبت بواسطة بنوته بريئه

	حلقه جميله قوي وضيفه عسل بأجاباتها وربنا يرحم باباكي وبابايا وبابات كل الناس ... تسلم ياميرشو ع الحلقه جميله قوي مانتحرمش رنيـــن

امين يارب اللهم لايجعلنا اعيش لحظه فراق اخرى لاناس غالين على قلوبنا

[بنت بسيطه]

	المشاركة الأصلية كتبت بواسطة يارات الحب

	حلقه جميله جدااا مرشو والضيفه من كلامها دمها خفيف وزي القمر كمان واجابتها صريحه وبطبيعتها شكراا للشخصيات البريئه دي وننتظر كل الشخصيات الجميله ان شاء الله

انتى الاجمل والاحلى مرسى لزوقك

[فرحة]

حلقه حلوه والضيفه زى العسل
واجابتها جمييييييله

[♥..pure]

أموت واعرف ايه علاقه المقدمه بـ الحلقه نفسها
هي حلوه بس اعتقدانها فضفضه يعني :d
حلقه جميله ومنورهـ يـ بنت بسيطهـ ,,
اجابات جميله منكـ ومميزهـ
نورتي البرنـآمج :/
دوام التـآلق ..

[morshooo]

بسم الله الرحمن الرحيم

اهلا ومرحبا بكم

وحلقة جديدة من برنامجكم

لـــــو

كل واحد فينا بيبقى لية حلم وهو صغير وبيحاول يوصلة

يعنى انا مثلا كنت بحلم انى اكون ( ظابط ) وساعات كنت بحلم اكون

( دكتور ) وكمان حلمت اكون ( مهندس ) ومكنش عندى مانع كمان فى احلامى

انى اكون ( لاعب كورة مشهور ) وبرضو مكنش عندى مانع اكون ( مزيع )

كانت احلامى مبنية على شخصيات أعجبت بيهم وكنت دائما بقول

ياااااااااة انا ( لـــــو ) مكان الشخص دا هعمل وهعمل وهعمل .

بس مكنتش بفكر ( لـــــو ) انا مكانهم وحصلتلى مواقف بتحصلهم كنت

ساعتها هتصرف ازاى .

بمناسبة المواقف بقى النهاردة معانا

ضيفة مميزة ومجتهدة جدا بالمنتدى

مشرفة قسم الصور واخبار الفنانيين

بيعجبنى فيها أصرارها على نجاح قسمها

رغم قلة عدد الاعضاء فية

معانا النهاردة

فرحـــة

مشرفة صور و أخبار الفنانين



تعالو نشوف المواقف الـــ

اتحطط فيها ضيفتى النهاردة كانت اية

وهى لــــو حصل معاها فعلا

المواقف دى كانت هتعمل اية

لـــــو


1 - تم منعك من ارسال رسائل خاصة عن طريق الادارة ومحدش قالك السبب . هتعملى اية ؟

اكيد احب اسأل عن السبب لانى محبش اكون زى الاطرش فى الزفه

اذا قالو السبب هكون سعيده لانهم اهتمو وعرفونى السبب واذا مش قالو لى

السبب وطولو المده .. هسيب المنتدى :sml7:

2 - لقيتى اقرب صديقة ليكى فى المنتدى بعتتلك رسالة خاصة ما يحتويها ( ان خلاص هى عرفت انك بتكدبى عليها بقالك فترة كبيرة وعلاقتكم خلاص انتهت ) رغم انك مش كدا هتعملى معاها اية ؟

طالما صحبتى اوى يبقا بحبها واكيد مش هيرضينى زعلها ولازم

احاول اكلم معاها واعرف ليه قالت كده ..

3- جيتى تدخلى المنتدى لقيتى اسمك محظور والادارة مطلعة رسالة عن سبب حظرك وكان انك اتعديتى على عضو اخر بالكلام الخارج ؟ هتتصرفى ازاى ؟

لو عملت فعلا كده .. اكيد ابقا استاهل الحظر ومش هيبقا ليا عين ابص

للمنتدى تانى .. بس ده فى حاله لو غلطت وجرحت فى عضو بدون سبب

4 - نزلتى توبيك فى قسمك ودخل عضو قال ان التوبيك غير مفيد ؟

عادى دى وجهة نظره وهو حر فيها

5 - دلختى توبيك وسبتى رد وصاحب التوبيك اخد اقتباس من الجميع ورد عليهم واخد اقتباسك وسابلك علامة استفهام على كلامك ؟ هتقولى اية لنفسك ؟

هقوله شكلك مش فاهم الرد بتاعى يقصد اااااايه

وبرضه ده اللى هقولوله لنفسى


ودى المواقف الشخصية

لــــــو

1 - كنتى راكبة ميكروباص والسواق مشغل اغنية شعبية بصوت عالى جدا وانتى مصدعه وحالتك منيلة وواحد من الركاب قالة واطى شوية والسواق قالة مش عاجبك انزل هتعملى اية :biggrin:؟

اها هو قال ليها هى انا مالى ههههه .. بس وقتها هسكت خالص ولا كأنى

تعبانه ولا اى حاجه بلاش قلة قيمه ..السواقين دول ممكن يجبوك الارض (اكيد مش كلهم ياجماعه)

2 - كنتى ماشية انتى وصحبتك وفى شباب ماشى وراكم بيعاكسكم ولما بصيتى بالصدفة لقيتى حبيبك واحد منهم مع انة ميعرفش ان انتى الــ بيعاكسك ؟

ههههههههههههه اكيد هيبقا يومه مش معدى ...

بس فعلا دى عمرها

ماحصلت معايا ..

3 - لو بتبصى من بلكونة البيت ولقيتى مكتوب قدام البيت عندكم حد كاتب ( بحبك يا واسمك الحقيقى ) هتعملى اية ؟ واهلك هيقولو اية :biggrin: ؟

ههههههههههه حاجه حلوه والله بس ده شغل عيال شويه ..اكيد

هكون مكسوفه مش من اهلى من الشارع كله اكيد هيكون قراها واللى

شافها زمانه بلغ اللى مش شاف ,,,اما اهلى مش هيقولوا ليا حاجه

لانهم اكيد واثقين فيا وده مش ذمبى ان حد سايبلى رساله بس اكيد اخواتى

الصبيان لما يعرفوه هيولعو فيه

4 - انتى راكبة ميكروباص ورمروحة بس المشكلة انك ركبتى غلط وكنتى تعبانة اخر حاجا ونمتى فى الباص ولما صحيتى لقيتى نفسك فى مكان تانى خاااالص هتعملى اية :762: ؟

هههههههههههههههه هى حصلت والله بس الحمد لله مكنتشى لوحدى

كان معايا صحبتى الانتيم ..كنا راكبين ع اساس انها راحه بلدنا المهم

والعربيه بتحمل نقول لنفسنا الاشكال دى غريبه مش اشكال الناس اللى عندنا

بس مع ذلك سكتنا ..والعربيه مشت بالفضل الله ههههههه وفى نص الطريق

قلنالالالالالا احنا يااسطى ركبنا غلط,, والله العظيم كان هياكلنا يعنى ايه

انتو عاوزين الاجره ..قلنا لا عاوزين ننزل (طبعا ده غير نظرات الركاب لينا )

قلنا انزلو بالسلامه بس مفيش ولا مليم ..طيعا نزلنا بس كان هاين عليه يزقنا

مش ينزلنا (بس كان يوم حلو ضحكنا فيه ع نفسننا ههههههه)

5 - كنتى رايحة عند بنت زميلتك ونسيتى الشقة ودخلتى شقة تانية وطلعت الشقة دى مشبوهة اول لما دخلتى لقيتى ضحك ومسخرة :762:هتتصرفى ازاى ؟

طبعا هبقا خايفه جداا منهم .. وربنا يقدرنى واكلمها تنزل او تطلع تاخدنى

تاخدنى مهى اكيد فى نفس المنطقه او العماره

وهقولها نصيحه سيبى الشقه اللى انتو ساكنين فيها

بقولك اية جوبى وارغى بقولك بلاش اجابة الكلمتين وبس

فاهمة والا


وبعد ما ضيفتى هتنصح زميلتها بأ انها تسيب الشقة بتاعتهم

بتكون خلصت حلقة النهاردة

انتظرونى وحلقة جديدة من

لـــــو

:003:

[اهلاويه موت]

توبيك جميل اووووى

[●•0دموع الورد ●•0]

ههههههههههه حلوه الحلقه جدا
ابقى خدى بالك قبل ما تركبى يا فرحه

[مشتاقه للجنه]

أجابات حلوه يا فرووحتى وبدل على شخصيه طيوبه ومسالمه

ال صحباتك تسيب الشقه بسببك ههههههههههههههه

مورشو استضافه جامده

موفقين

[booody99]

اسلوب راقي وكلام معبر مع ضيف بسيط ومميز

بصراحة كلمات استفدنا منها واسمتعنا معكم

تسلم أيدك على البرنامج الرائع

كل الأحترام والتقدير