الدنيا ربيع والجو بديع

[أبـكتنــى ذنوبــى]

ازيكم يا أحلى اخوات فى الله
.. عاملين إيه .. جايب لكم انهارده مفاجأة الربيع .. مفاجأة 2012 ..

الدنيا ربيع والجو بديع .. قفل لي على كل مواضيع بنات مصر

وتعالى عندي هنا
بيض ملون .. رنجه .. تونه .. أحلى SMS بمناسبة عيد الربيع لحبيبة القلب ..
حود علينا .. خد فكره واشتري بكره ..

تعالوا نسمع الحوار اللذيذ آخر حاجه ده مع الشابين الروشين طحن دول ونستمتع

تيمو : - واد يا ميشو ازيك يا حبوب .. عامل إيه ؟
ميشو :- قشطه وزي الفل يا كبير .. انت أخبارك إيه ؟ الجو انهارده تمام خالص .
تيمو :- أيوه يعم لازم يبقى تمام .. مش انهارده عيد الربيع .. لازم يكون الجو بديع

ميشو :- أما أنا يا تيمو جايب SMS جديده آخر حاجه ، عشان بنعتهم لبنات الشله .. هيروشوهم ..

تيمو :- طيب وريني كده .. يا ما جاب الغراب لأمه

( طبعا مش هجيب لكم الرسايل عشان حبايبي الحلوين ميبعتوهاش لحد ) ..

نرجع للروشين طحن ..

تيمو :- فعلا يا ميشو رسايل تمام ..
اديني كام واحده ابعتهم للحته بتاعتي ..

ميشو :- ابعت يا عم ما كله على قفايا ..

تيمو :- هتروح فين انهارده ؟
ميشو :- ودي عاوزه كلام .. هشم النسيم طبعا ..

تيمو :- لوحدك ولا معاك الـــ ...

ميشو :- بلاش إحراج يعمونا .. طبعا مع الــ ...

تيمو :- بايضه لك في القفص يا سيدي .. اللي اداك يدينا يا خوووويا ..
وأحلى مالشرف مافيش ( لقطه أبيض واسود كده عالماشي من بتوع زمان ).

إيه رأيكم في الحوار الروش بين الشابين الروشين في اليوم الروش ده ؟

طبعا أنا مش مبسووووووطه خااااااااالص من الكلام ده

وهقولكم مش مبسوطه ليه .. بس لما أقابلكم كمان شويه ...

فااااااااصل ونوااااااااصل ..