آنت مصري آذآ آنت .. !

[ε s я α α]

آنت مصــرى .. آذآ آنــت برنس :d
نآيس ي تقى .. آنآ فعلآ معرفش همآ ليه بيعملو كدآ
بس من وجهة نظرى ... حسبى الله ونعم الوكيل فـ آللى خلآنآ
يبئآ شكلنآ كدآ برآ .. كملى كتآبــة و أنآ معآكى هكمل قرآية ^^

[тoкα..♥]

اقتباس المشاركة الأصلية كتبت بواسطة عاشقة الهدوء هرد عليكى بكلمتين بس عارفه العيب فين ياتقى أنك مصريه أوعى تقولى عشان كرامتنا متهانه لالالا معاش ألى يهين كرامتنا بس سياسة الدول الاخرى العربيه مصر والمصريين عندهم أنهم بينظروا لينا بزاويه على قدر شخصياتهم وعقولهم ؟؟؟ يارب تكونى فهمتينى ياتقى ؟؟؟ عشان الموضوع ما يأخدش مجرى أخر وتسلمى ياحببتى موضوع قيم ربنا يحفظك

رآيك آحترمو جدآ
بس مش دي آلمشكله بردو
آنتي لو آهلك عرفوكي آزآي تحآفظي على كرآمتك صح لمآ تروحي بيت جوزك طبيعي مش هتقبلي آن كرآمتك تتهآن
نفس آلفكرة
لو بلدنآ حآفظت علينآ جوآهآ محدش هيقدر يكلمنآ برآهآ
نـورتي ي هبهـوب

[тoкα..♥]

اقتباس المشاركة الأصلية كتبت بواسطة ۩۩ elmagic ۩۩ فعــلا للأسف المصــرى دايما بره بلده متهان وبيحس بتفرقه كبيره انا والدى راح بريطانيا ولندن ولف الخليج مأقولكيش كانوا بيعاملوا ازاى بس هو قدر بعلاقته واسلوبه يوطد العلاقه بينه وبين البعض فا التفرقه بقت شئ الى حد ما مبهم مش ملحوظ تعرفــى احنا اللى عملنا فى نفسنا كده احنا اللى زرعنا فى قلوبهم التفرقه دى وهو عمتاً بيقولكـ من خرج من داره اتقل مقداره ان شاء الله كل المغتربين يرجعوا بلدهم وانتى اولهم تعيشى فى بلدكـ متصانه وكرامتكـ محفوظه وينصلح حال البلد جميل موضوعكـ يا تقــى مودتـــى

مش فآهمه حته آحنآ آللي زرعنآ في قلوبهم آلتفرقه دي
زرعنآهآ آزآي طيب ؟؟
ومش فكرة آن من خرج من دآره آتقل مقدآره
آلفكـرة آنك يآ تخرج بكرآمك
يآ تقعد ف بلدك آكرملك
طآلمآ ف آلحآلتين فيه آهآنه
بلدك آحسن بقآ من غيرهآ ..
آلجميل وجودك ي آحمد
نورت ,,

[سآرهہ]

لآ يآ تقى ش هنقول نونو ولآ حآجه d:
بـس آنآ عآرفه وده فعلآ اللى بيحصـل آيآم مآكنت بـروح آلآردن وآنآ صغيره كده
كـنت بحس بكده فعلا
بـس آهوو بقى ,, تسـلم آيديكـى

[بـقـآيـآ ح ــڻيـڻ დ]

موضوعكـ جمييل ياتقى
يمكن الناس المغتربين حاسين بكدا عننا آكيد
بس هقولكـ حاجهـ احنا السبب فى كدا او مصر عامهـ هى السبب
يعنى لو بصيتى عندنا هتلااقى المرتبات قليلهـ جدا بالنسبهـ لامريكا ودول برا
فطبيعى جدا اما تطلعى تشتغلى برا مرتبكـ مهما حصل عمرهـ ماهيوصلهم
والمعظم بيستغل الحكايهـ دى
ولو اتكلمتى هيقولكـ ما كنت بتاخد اقل من كدا فـ بلدكـ احمد ربنا
عكس دا فى دول امريكا كل واحد بياخد ع قد عملهـ مش جنسيتهـ !!
الـ يشتغل بضمير وبزيادهـ ياخد زيهـ زى المواطن الـ معاهـ الجنسيهـ
هى دى النظريهـ
بالنسبهـ للمعاملهـ الحياتيهـ بئا
دى مش بتبقى من اهل البلد كلهم هتلاقى فئهـ صغيرهـ هى الـ كدا
زى ماتكونى ناقلهـ من مدرستكـ لمدرسهـ جديدهـ
هتلاقى بنات تعاملكـ وحش وتحاول تضايقكـ وناس هتحبكـ وتقرب منكـ

موضوعكـ حلو جدآآ
وبسيبب مشاكل نفسيهـ فى اول حياهـ الناس الـ بتغترب
بس لازم تاخدى ع الوضع لحد ما ترجعى عندنا بئا
وان شاء الله ترجعى قريب يابت وترتاحى:sml2:

[الحان الورد]

،

جيتِ ع الجرح يا تقى

أولاً الموضوع جميل بجد واستمتعت وانا بقرأه وبقرأ الردود كمان ,
ثانياً بقى , كرامتنا وشكلنا في عيون الناس برآ ..
اللي انتِ ذكرتِ انه بيحصل في مدرستك بيحصل في كل مدارس المملكة
بس عارفة , انا اقتنعت فعلاً ان فئة معينة هم اللي بيعملوا كدا
غالبيتهم بنات صغيرين ( دماغهم صغيرة جداً جداً )
وحكاية مصري خايس وريحتك والكلام دا انتشر عندهم زي الموضة , وهم بيقلدوا من غير مايفكروا في
اللي هم بيعملوه , بس من جوآهم غيرانين وحاقدين ..
افتكر أختي أيام ماكانت في ثانوي .. كانوا البنات بيقولولها اقرأي أذكارك عشان احنا بنحسدكو !
على شطارتكم واهتمام اهاليكم بيكم !
هم من جواهم عارفين الحقيقة وعارفين يعني ايه مصري .. بس بيتكبروا ع الفاضي
بس زي ماقلتلك فوق , دي فئة معينة من البنات ( ومش كلهم كمان في بنات محترمين ودماغهم كبيرة بس للأسف قليلين ) .. غير كدا , تعالي شوف الكبار بقى في السن .. بتلاقيهم حاجة تانية , في ناس بتحب المصريين جداً
وفي مدرسة ليا ( ربنا يكرمها ) دايماً كانت بتقولي انا واصحابي المصريين ان مدرساتها كانوا مصريات
وكانت بتحبهم جداً وكل ماتشوفنا تفضل تكلمنا مصري وتهزر معانا .. بس غالبية المدرسات بيحبوا البنات المصريين على فكرة
بنبقى هاديين كدا ومع نفسنا وشاطرين , وحكاية الهدوء دي مش عارفة هي فعلاً صفة موجودة في شخصية البنت ولا دا شيء ناتج من احساسها انها مش وسط أهلها ومش بتعرف تأقلم معاهم ..
غير كدا الهدوء والأدب صفة مفتقدة دلوقتي في الجيل الجديد ( وهكرر مش كلهم طبعاً )
بس انا بشوف البنات في المدرسة فعلا وبيصعبوا عليا المدرسات والادارة والله , بقينا جيل صعب أوي
اللي قصدي اقوله بقى من حكاية البنات دي , ان الجيل الكبير فاهم وعارف ( ومش كلهم بردو ) انما من جواهم عارفين .. لكن الجيل الصغير .!!!
دا ب النسبة للمجتمع ك شخصيات .. ب النسبة بقى لـ الناحية الاقتصادية
ف الوضع معروف للكل , لو احنا متكرمين في بلدنا مكناش اضطرينا نسيبها ونتغرب ..
وفي بردو جنسيات تانية , حقوقهم ضايعة جداً ومغلوبين على أمرهم ونادراً لما بتلاقي كفيلهم او الناس
اللي هم بيشتغلوا عندهم .. بيعاملوهم كويس ..
بصرآحة ( مع احترامي الكامل لأي حد سعودي هنا ) ..
فئة كبيرة من الشعب السعودي جواهم حتة تكبر فظيعة على اللي حواليهم ,
مش عارفة عشان عارفين انهم معاهم فلوس يعني ولا ايه ..
بس في الآخر هرجع وأقول مش الكل , انا عشت في السعودية اكتر ماعشت في بلدي وليا ذكريات
هنا عمري ماهنساها وناس هفضل أفتكرهم ب الخير دايماً .. ومش بشيل من السعوديين بشكل عام بالعكس
انا أهلي كانوا دايماً يقولولي اني أكتر وحدة من اخواتي عرفت أتأقلم معاهم واصاحبهم لان دايماً مكنش بيبقى في الفصل أي مصرية غيري , وساعات كانوا بيفتكروني سعودية ^_^
في حاجة كمان احب اقولها لـكل طالب مصري مغترب .. كبر ثم كبر ثم كبر لحد ماتزهق :biggrin:
بجد والله ان الواحد يبقى واثق في نفسه ومش هامه أي حد وبيكبر دماغه عن الحاجات الصغيرة , هيرتآآآآح
وكمان انا شايفة ان المصري ممكن يكون ليه جزء ولو صغير في الموضوع دا ,
لانه من الأول قبل على نفسه الاهانة ,, بس هنرجع ونقول بردو في ناس مغلوبة على أمرها ومش لاقية بلد تدافع عنها !

خليتيني أرغي رغي زي ماكون صدقت :biggrin:
بس حلو الموضوع
بالتوفيق ..

[booody99]

بصراحة يا تقى الكلمات الي كتبتيها في الأخر مؤثرة بجد من الواقع

انا شايف نفس رأيك بردو في المدرسة العنصرية صعبة جداً والواحد بيتألم من جوا

تعرفي يا تقى بس مجرد مثال

اختي الصغيرة في 2 ابتدائي جاية مرة تقولي

يا عبدالله هو مصري دي شتيمة!!

لو انتي مكاني هتقولي أيه؟

أنا صراحة كنت هعيط الكلمة هزتني بجد على كرمتنا المهدرة

موضوع جميل جداً ولكن يارب اوضعنا تتحسن ولا نحتاج لحد

تسلم أيدك وكل الأحترام والتقدير

[тoкα..♥]

اقتباس المشاركة الأصلية كتبت بواسطة SiLver Spectra بصي انتي بتقولي ليه الامريكي رابته مثلا اد المصري تلت مرات طب ما الهندي هتلاقي رابته نص المصري و الباكستاني برضو الصيني هتلاقيه رخيص بس ممكن اغلى شوية من المصري دا له علاقة بحاجه اسمها سوق العمالة حسب راتبك في بلدك انت لو في بلدك بتاخد راتب كبير ,,هيضطر يديك راتب اكبر في البلد الي محتاجة عمالة اما لو رابتك ضعيف في بلدك فطبيعي راتبك هيزيك بقيمة مثلا تلت او اربع اضعاف الي هتاخده في بلدك كأقصى حد بس عارفه الميزه بقى في اوروبا او امريكا او كندا او استراليا انك لما بتشتغل هناك بتاخد مرتب أد الي بياخه ابن البلد عندهم هناك بيقدسوا حاجه اسمها حقوق الانسان و اعطاءه واجباته و بيقدسوا حاجه اسمها العمل يعني مافيش حاجه اسمها ابن البلد الي ياخد الجايزه او هو الي يترقى و دا هو سر نجاحهم بلد زي امريكا لو قاعدت فيها 5 سنين بس ممكن تاخد الجنسية و البلد هناك الي كسبانه ,,هو هيكسب خبرة و كفاءات البلد في الاصل قايمة على التجنيس بحيث انه يقدر يعتمد على نفسه و يكون مجتمع من ولاد البلد و بيشغوا كل الوظائف بيطبقوا الحديث بس هعدل عليه (لا فرق بين عربي أو أعجمي الا بالعمل) اصل في النهاية كلنا بشر و عايشين على يابسة ايه الفقكرة بقى اني اميز بينهم عشان اصله او لونه او شكله! المهم انك تشتغل بحس فعلا ان الناس دي الي بطبق الدين بتاعنا الي هو في الاصل قائم على العدل نيجي للخليج بقى الخليج لأ مش بيدي لحد الجنسية النتيجة انه هيفضل طول عمره محتاج للعمالة للمهن الحرفية و الفنية و غيره ممكن مستقبلا يقدروا يستغنوا عن المهن الهندسية او الطبية بس دا مستعبده حاليا مازالوا بيحتاجوا لكن هيظلوا في حاجه لمهن حرفية و بدنية و دا كمان بيضر الاقتصاد بتاعهم لانها اموال العامل بيحوشها و بيحولها لبلده الحوالات في الخليج في السنة الواحده بتزيد عن 100 مليار دولار ارقام فلكية ,,و كلها بتروح لدول اصحاب العمالة اكبر دول في العالم بتتحول منها فلوس (لو قارناها بعدد السكان) و دي نتيجة طبيعية من عدم التجنيس و المواطنة فالعامل بيشتغل و عارف انه في اي لحظة ممكن يروح ,,فبيعيش معيشة مؤقتة ,,و بيحاول يحوش على اد ما يقدر عشان يضمن مستقبله فطبيعي هتلاقيه بيحافظ على الفلوس و مش بيصرف و غيره و بالتالي ممكن تسمعي تريقه بقى و بصل و معرفش ايه لان هو عايش حياة طبيعية و مش مؤقته و بيصرف فلوسه و التاني المغترب ياعيني غلبان و عايش حياة مؤقته فبيحوش ,مش هيقدر يركب احدث سيارة و يفرتك في فلوسه عشان يكون حاجه للمستقبل زي ما بيقولوا الي مايعرفش يقول عدس و الي ما بيحسش و بيفكر كويس هيقول الي يعجبه

عجبني تحليلك جدآ ي طآرق وربنآ
كآن مفروض آنت آللي كتبت آلموضوع مش آنـآ :biggrin:
بس فكرة آلتريقه آنت خلتهآ تتمحور بس في آللي عآيشين عيشه على قدهم
عشآن كدآ بيمسكوهم تريقه
لآ آلحكآيه متعممه
يعني آلمصري يبقى ريحتو معرفش آي
حتى لو آلمصري دآ همآ عآرفين آنو رتبه كويسه وعآيش كويس زيهم
بس آلآحسآس بآلملوكيه وآلعظمه موجود ف آلخليجين وبآلآخص آلسعوديين لآني معآشرتش غيرهم
آلكون عندهم بيتبلور جوآ فلوس وبس !
عشآن كدآ لآزم يحطو عنصريآت
آنت مسكت بس نقطه آلروآتب
آنآ كنت بتكلم بشكل عآم ف آلآحسآس بآلتفرقه
ومن ضمنهآ موضوع آلروآتب
بس رد كآفي وشآفي ي دكتر
نورتي

[۩۩ elMagic ۩۩]

اقتباس المشاركة الأصلية كتبت بواسطة ѕамватека مش فآهمه حته آحنآ آللي زرعنآ في قلوبهم آلتفرقه دي زرعنآهآ آزآي طيب ؟؟ ومش فكرة آن من خرج من دآره آتقل مقدآره آلفكـرة آنك يآ تخرج بكرآمك يآ تقعد ف بلدك آكرملك طآلمآ ف آلحآلتين فيه آهآنه بلدك آحسن بقآ من غيرهآ .. آلجميل وجودك ي آحمد نورت ,,

احنا بجهلنا وتخلفنا زرعنا فى قلوبهم اننا مش بنفهم حاجه
فا بيبصولنا من فوق لتحت وبأستحقار معروف فى بلاد بره ان المصـرى دا
دماغه راكبه شمال ومبيفهمش حاجه
شوفـى حال البلد دلوقت عايزاهم ازاى يوقرونا ويحترمونا
واحنا اصلا مش محترميين بلدنا
والفكـره يبقى افضل خليكـ فى بلدكـ لان صعب تخرج من بره وكرامتكـ متصانه
بس تعرفــى الميزه بره مصــر
ان على قد ما تشتغل هتاخد حقكـ
بعكــس هنـا لما صاحب العمـل بيشوف واحد شغال كويس بيجـى عليه اكتر
ويزود الحمـل عليه ومش بيديه حقـه علشان كده الكرامه مش بتتحط فى الاعتبار
وبيبقى الشاب كل همه انه يسافر بره مصــر بغـض النظـر عن الكرامه اللى ممكن تتهان
خلاصة الكلام لو البلد انصلح حالها محدش هيخرج بره بلده ..
وياستى انتى مش نونو بالعكــس ى توتى :biggrin:
يلا استمرى بقــى

[S n i p e R]

معلش انا بختلف مع طارق تماما

انت تناولت الموضوع يا طارق من ناحية اقتصادية بحتة

اللى بنتكلم عليه

اسلوب تعامل المواطنين مع الوافدين

واحتقار ومنخير فوق

ومع الوافدين والمصريين بالاخص

بس هي الفكرة بسيطة من وجهة نظري

المستوى الفكري هو اللى بيحدد رؤية الاشخاص لغيرهم

يعني انتى عمرك مثلا مثلا شوفتي طالب خليجي

بيشتغل على مشروع علمي او بيتكلم في الكيمياء النووية

او عارف هي ايه اصلا

انا مش بجرح في اخواتنا الخليجيين

بالعكس انا اعرف شخصيات خليجية في منتهى الاحترام والاخلاق والعلم

ودماغهم توزن دماغ المصريين كلهم سوا

بس انا بتكلم على الفئة اللى من النوع اللى منخيرهم فوق دول

للأسف الشديد الفئة دي اتربت على اساس انهم طبقة اعلى مننا

ولو بصينلها من الناحية الاقتصادية هيكون طبعا صحيح 100%

لكن لو بصينلها من الناحية الاجتماعية هنلاقيهم اقل مننا بمراحل

وعشان انت مصري لازم تكبر وتترفع عن النوعيات دي

تتجاهلها تماما ولا كانك سامع حاجة

عشان انت عارف انت فين وهو فين ودماغك عاملة ازاي

ودماغه عاملة ازاي

وكما اقول دائما

كبر الكبروة وامسح السبورة

موضوع جامد جدا يا تقى

وجراءة عالية اوي

تحياتى