♥ قلب مفتوح ♥

[ويبقى الأثر]

يقول رسول الله صلى الله عليه و سلم " لَزوال الدنيا أهون عند الله مِن قتل رَجل مُسلم" . رواه الترمذي والنسائى


مهما كان موقعنا مؤيد او معارض ,, أو غير مهتم بالأحداث
حرام قتل شاب مصرى مسلم أيا كان موقفه السياسى
يارب ألطف بمصر وشعبها

[ويبقى الأثر]

أحياناََ لاأدري لماذا أكتب!
لكنّني أعلم جيدًا
أنّنى سأعلم ذات يوم..

[ويبقى الأثر]

يا الله

وصل بنا الحال حد الانقسام الأسرى الى مؤيد ومعارض

حقاََ

أشتهى وطناََ بلا وجع

[ويبقى الأثر]

تناقض مرغوب
بمعنى
احيانا حظنا يخلينا نشتغل حاجه مش تخصصنا ومش حابينها
لكن فى الوقت نفسه بتحب يكون ليك مكانه بعملك ده طالما قبلت انك تشتغل فيه
اه مش بتحبه لكن فى واجبات ومسؤليات لازم تأديها وع اجمل وجه
هوا الواحد بيجتهد كواجب عليه رغم انه غير مرتاح

[ويبقى الأثر]

اول يوم صيام

كان يوم مرهق جدااااااااا

مزروعه فى المطبخ م الصبح علشان اخواتى وولادهم معزومين عندنا

لا وكله كوم وغسيل الاطباق بعد الفطار كوم تانى بجد

يلا كله يهون عشان خاطرهم

كل عام والجميع بالف خير

[ويبقى الأثر]

زى النهارده السنه اللى فاتت كنت هنا
ياه حاجه تانيه وحياه تانيه وجو ايمانى تانى
كل ماافتكر بدمع
يارب اكتبها ليا تانى انا وكل حبايبى
اللهم امين

[ويبقى الأثر]

كأننا نلعب لعبة المتاهات
فى أوطاننا
أوطان تشرب كؤوس الحزن
من شرقها لغربها
أيها السافكون للدماء
الشاهرون سيوف الظلم كفا
اجهضتم احلامنا
وشحتم حروف قصائدنا بالسواد
حزن يصرخ بين السطور
ترى أين السبيل للخروج من تلك المتاهات
تشوقت أحرفنا لضوء الشمس
للياسمين
للمطر
للحظة فرح فى عالم الغيب
لتضحك قصائدنا !!
فاأين السبيل للخروج !!

[ويبقى الأثر]

يارب أتيت اليك بأدمعى ..
فقد ثقل هم القلب كاهلى..
لجأت اليك ياكريم لأننى
لم أجدمن يجبرسواك خاطرى ..

[ويبقى الأثر]

أتعلم أيها الحرف أنني كلما لاطفتك كلما قسوت علي
تستعصي عليّ أحيانا كثيرة ..
وأظل أنتظرك أنا وصفحتي البيضاء التي كثيراً ما أبللها بالصمت
ننتظر ..
وعندما تأتي تهرب مني نفسي
ويهرب كل شيء كان يعبث في دمي ..
آلان جئت وقد مضى كل شيء ؟!
عد لي عندما تعد لي غياباتي ..
ولاتغب عندما تكون حاضرة ..
وهات معك باقة من خيال

[ويبقى الأثر]