♥ قلب مفتوح ♥

[ويبقى الأثر]

كثيراََ مانرى الاشياء على غير حقيقتها
لأننا
نكتفى بقراءة العناوين

خارج حدود الحرف
كنتى قولتيلى لما تقولى جزر هتلاقينى بجد وحشتينى فينك يارب تكونى بخير
وجزر جزر جزر بئا

[ويبقى الأثر]

وعن لغة البيبهات
إبن اختى سنه وشهرين
كل مايبئا عاوز حاجه منى مش بينطق غير بحرف واحد (دددددددددد)
انى افهم عاوز إيه مفيش فايده
لما مش بيلاقى نتيجه معايا
يمسك ايدى ويودينى مكان اى حاجه عاوزها ويشاور عليها
بتعبه أنا صح

خارج حدود الحرف
الواد اللى فوق ده انا بموت فيه

[ويبقى الأثر]

لحظات الفراق ليس لها وقت محدد
فقط كونوا لطفاء
لربما لايسعفنا الوقت للإعتذار أو التبرير

قيثاره

خارج حدود الحرف
ومع مشوار تكملة دراستى وعمل دبلومه هرجع اذاكر تانى سعيده بالقرار ده

[ويبقى الأثر]

وعن انك تبقا بتكتب قصيده جديده
بمدونتك مباشره وليدة اللحظه
ويحصل ان الجهاز يهنج ويحلف ماهو متحرك الا اما تقفله
وتضيع المشاركه قبل الحفظ
ده بئا الخنقه نفسها

خارج حدود الحرف
هكتبها برضه

[ويبقى الأثر]

أحياناََ بيستعصى علينا ترجمة احساس معين نحسه لحروف وكلمات
بنحسه بس مبنكتبوش

قيثاره

خارج حدود الحرف
حاله من الخذلان

[ويبقى الأثر]

وعن إنك تصحى مخضوض على صوت أمك وهى بتقول هموت وتسمعها وهى بتنطق الشهاده
وانت عاجز ومش عارف تعمل ايه وتبقى حاسس انها خلاص ممكن تكون اخر مره تشوفها
تبقى دنيا ماتستاهلش



وعن انك تشوف اتنين اخوات فى الشارع الى ساكن فين بيتخانقوا وفيهم واحد رفع سلاحه على التانى
وممكن بضغطه واحده يضيع منه اخوه وعلى اديه وكله بسبب المال
يبقا دنيا ماتستاهلش



وعن انك تشوف اتنين رؤساء بعملك بيتخانقوا على كرسى الاداره وكل واحد فيهم بيرمى
كلام ع التانى وممكن يقول حاجه مش فيه وينسبله تهم باطله وبعد ماكنا بناخدهم قدوه
ينزلوا من نظرنا
يبقا دنيا ماتستاهلش


وعن انك توافقى تتخطبى لواحد مش مناسب ليكى فى اى حاجه لمجرد ارضاء والديك
وبعد محاولات كتير وتحاولى تتاقلمى ع الوضع وتفهميه وتحبيه متعرفيش وتفشل العلاقه
بعد شهر وتسمعى من امك كلمة سامحينى يابنتى بس بعد ايه
يبقا دنيا متستاهلش



كل دى حقائق فى دنيا متستاهلش

قيثاره

[ويبقى الأثر]

اليك انت يامن تفيض الى بكل قطرات الدفئ,,
حروفك وحديثك رغم ألمة احيانا ..
الا اننى اجد الراحة بقربك
نبضك واحساسك يشبة قطرات المطر الشتوى الندى
تقرأ مابأفكارى,,
وبين خلجات نفسى قبل غيرك
تكتب لى اجمل الاخطوطات
التى لم يكتبها لى غيرك,,
تسقط منك الكلمات متدفقة كحبات مطر لؤلؤية..
تمسك بك يدى فتزداد خفقات قلبى فرحا
واعشق الحديث معك ,,
تكتب عن حزنى ,,
فتنهمر من ثنايااك الدمعات فتجعل من احرفى
مطويات من الاحاسيس العذبة رغم حزنها
لم تغيب عن ناظرى قط عندما اريدك اعرف اين اجدك
فانت اجمل ماقادة الى القدر فى حياتى
كاتم اسرارى وانيس وحدتى
تقرا بما بى قبل ان اتكلم,,
تستطيع ان تخرجنى من حزنى ببوحك
اجدك فى فرحى
وحزنى
حتى فى عتمة ليلى عندما يراودنى القلق اجد بقربى
ابوح لك بما يخلج صدرى
نعم انة انت
انت ياقلمى العزيز
أهملتك كثيراََ غبت عنك ولم تغب عنى
لتقبل اعتذارى

قيثاره

خارج حدود الحرف
فى مدونات بدخلها بقول ماشاء الله ربنا يبارك لصاحبها ويحفظه
حقيقى فى بعض الكلمات بتأثر بطريقه ايجابيه على قارئها بتبعث جواه شعور جميل

[ويبقى الأثر]

جميل جدا انك تقعد مع نفسك تتناقشوا
ممكن تزعلوا مع بعض وممكن تتفقوا
لكن اكيد هنطلع بنتيجه مرضيه للطرفين

قيثاره


خارج حدود الحرف
المشاركات الجايه هتكون من غير خارج حدود الحرف

[ويبقى الأثر]

المشاركه دى لجزر

بقولها ماتتخيليش فرحت بالاطمئنان عليك امبارح ازاى

يارب النت يرجع عندك بسرعه

اه على فكره كانت مفأجاه لى انك فاكره رقم اخر صفحه بمدونتى شوفتيها

انتى كتير جميله

[ويبقى الأثر]

اخر مشاركه بالصفحه دى هتكون ممضيه باسم قيثاره
صفحات جديده هبدأها مع اسمى الحقيقى ومصالحه مع نفسى وقلمى

منه احمد