تغريبة وجع

[احمد صلاح محمود]

تغريبة وجع

بطلت اكتب الشعر

أصل مش لاقى سميعة

ما هو كلامى مر

ودايما ع الوجيعة

بقول الصعب ما بهاود

ويقولوا عندى بيعاند

ياعم قول حاجة تفرحنا

خدنا م الحزن ريحنا

انت غاوى تدوخنا

شايف الدنيا حلوة قوى

قلت تجرحنا

مجروحين خلقة قطيعة

كل الكلام ف الجرح يتشابه

كل الكلام فى الالم واحد

وأنا يا حبيبتى ايش اكون

لو عشت حياتى عاقل

والدنيا جنون

وقانونها واحد

مفيش يقين كله ظنون

واياك فى يوم تصدق

انك بطل

انت مفتون

بص حواليك

تلاقيك ماشى

بتحاوطك عيون

بتقول بحبك

بتقول كرهتك

تقرر تبيع

تقرر تخون

تلقى قلبك

يقولك قطيعة

يا حبيبتى

نفسى أقولك بحبك

من غير ما التفت حواليه

نفسى أبوح ويفارق الدمع عينيه

يا حبيبتى

انا انت

وانت زهقتى

وبتسألينى مالك

مش عارف

صدقينى مش عارف

شعر / أحمد صلاح مشالى

[قلب وكلمات]

ليه يا أحمد والله انا سمعك أهوه

ايها الراقي


والاخ الفاضل

كتبت

فاتقنت وابدعت

اخي الفاضل

تقبل تواجدي

خالص تحياتي

قلب

[واد حبيب]

كلمات جميله منك يا احمد
ابداع عالي وكلمات في قمه الجمال منك
اكتب وكلنا في انتظار كتباتك الجميله
تقبل مني كل احترام وتقدير
الحبيب

[شظايا عمر]

مه ما فيش غير الحزن

اللي في الاغلب بنعيشه فعلا

فعشان كده بنكتب عنه بكل احساس

كلماتك جميله بصراحه ابداع

واسلوب تمتلكه سلس وشيق

وحاله وصفتها

فأتقنت وصفها

وابدعت في التعبير عنها

وفي سردها بطريقه جميله

وبشعر عالي

وبقلم متمكن

ابدعت اخي

ادام الله عليك هذا الابداع

تحياتي وتقديري لجمال ما نثرت

[شاعر الإحساس]

ما الشعر ايه غير حاله ,,

ياناس بطلوا قواله ,,

لو كل واحد بقى ف حاله

ومحدش يقول ايه ماله

ممكن نموت بألامنا ,,

بس مين يفهم,,ياخساره ياخساره


احمد صلاح

ايا صاحبي الراقي

هيا دي الحياه ,,, ودي حكاويها

ودي الناس,,, وطبيعتهم ,, وحياتهم

دائما لا يروق لهم اي شيء,,

يقولون اكتب لنا فرحا ,, دعنا نفرح

وحين تتغنى لهم لتفرحهم,,, ينتقدوك تجريحا

يقولوا الناس في حزن وذاك يتغنى,,,

الا يستحي ,, الا يتأثر ,,,,, الخ

ولكــ ن,, ماذا نفعل ,,, فقط ما نراه صحيحا,,

ولا نلتفت,, كثيرا


القلم يعبر عن حاله ,,

حالة شاعر ,,, ربما يجهلها الناس ,,,

فلا حكم يصح ,,,قبل الاستماع للحاله


ايها الرائع ,,, اسلوبك شعري رائع

وكلماتك متمكنه ,,, وقمة في الروعه

وتعبيراتك بقوافيك العاميه نقيه جميله


فأنت كاتبع رائع,, فاستمر


خااااالص تقديري وتحياااتي اليكـ


دومت بكل خير وسعاده


"شــاعر الإحســاس"

[(طائر الشرق)]

قول يا عم أنا سامع كلام

وكمان سعيد لأنك يا صاحبى

بتقول الحقيقة وبتحكى عن

حال ناس مساكين فى قلب

الهم عايشين ومستسلمين

وانا كنت واحد منهم وكلامك

خلانى أفكر من تانى أسيب

دنيتهم وأروح أعيش فى عالم تانى

وكفايه علينا وجع وهم وليالى غم

من قلبى بحييك يا عازف النغم

دعواتى لك بدوام السعادة والتوفيق

عصام