إحزنى يا أم الشهيد

[الرحــاال المٌتَمرد]

~إحزنــ ـى يا أم الشهــ يد ~

"أقبل النقد"


عدت علينا السنه وزياده ,, وإحنا بنستنى الحكم فى القضيه
نبقى صحاب الحق وولادنا المدبوحين .. ومش عارفين إللى بيجرى .. ماهى الجلسه سريه
بقولك إيه يا قاضى .. مانوفر الإنتظار .. وكله يروح عــ الدار عشان ننهى المسرحيه .. وطظ فى الرعيه
ماهى حكومه مكتومه .. خايفين يقوموا بقومه .. وينصروا الضحيه .. ماهم أتباع الطاغيه
بيضيعوا فى وقت .. ووقت بيجيب وقت .. نطلع من جلسه .. ندخل فى جلسه .. والنتيجه هيـه .. هيــه
اليوم دا إستئناف .. وبكره إستشكال .. وبعده كوســه ومحسوبيــه
وقضيه تجيب قضيه .. لحد ما ننسى التهمه الأصليــه
ماهى طبطبــه ومداديــه ,, مراوغه وإتفاقيـــه



يا حضــرت القاضى
هقدملك الدليــل ,, بس أحكم أنت بضميـــر
شوف دماهم هنــا على الأرض سايل من الصعيد للتحرير

قوموا فتشوا الصخور ,,
إنبشوا فى عضم القبور ,,
إدخلوا قلب البيوت .. هتلاقوا كام ألف قلب مفطور


لسـا مستنيين شهود ,,
لجل ما الحق يعود !!
يا حضــرت القاضــ ــى

الحق مش ليهم لوحديهم ..
لسا فى الآاف التراب متاويهم ..
ماحدش حااسس بعذاب أهاليهم ..

والأحداث كل يوم بتزيد
فى السويس وبور سعيد
ولا إنتوا خلاص نسيتوا ,, وشغلكم العهد الجديد





إحزنى يا أم الشهيــد
إبنك حقــه جاله فى شويه قصايد وأناشيد


..وليده اللحظه ..

جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحـــــــــــــــــــــــال بلا عنوان

[دمعه حائره]

اللهم ارحم جميع الشهداء وانتقم ممن قتلوهم
كلمات قويه كاعادتك تعبرببراعه عن نبض الشارع المصرى
ومعاناته مع الفساد والطغيان
سلمت اناملك اخى ودام تواجدك الرائع
تحياتى والتقييم

[أتعبنى الفراق]

اليوم دا إستئناف .. وبكره إستشكال .. وبعده كوســه ومحسوبيــه
وقضيه تجيب قضيه .. لحد ما ننسى التهمه الأصليــه
ماهى طبطبــه ومداديــه ,, مراوغه وإتفاقيـــه


المبدع دائما رحال بلا عنوان رائع ما سطرت


وأصبت القول سيدي هذا هو حالنا لنا الله اخي


مالنا سواه هي دي الحقيقه مماطله في الحكم ولا في


حكم ولا حقوق كله عند ربنا شعورك النبيل نثرته


بكلمات يبكي لها القلب قبل العين اخي لك تحياتي


وخالص مودتي واحترامي ارفقهم مع التقييم

[booody99]

ياااااه لما نتكلم عن أم الفقيد

لما تفقد قلبها النابض بضربة من حديد

تخيل لو دي أمك واخوك كان شهيد

مش هتتهنا بلقمة عيش من حزنها الشديد

كلمات مؤثرة جداً يا رحال وأسلوب معبر وفريد

تسلم أيدك على أبداعك واتحافنا بكل جديد

كل الأحترام والتقدير ويارب انصرنا ياقوي يامجيد

[كريم عاصم]

كلمات جامدة أوي رحال

حقيقي أثارت مشاعري وربما قد أبكتني

كان العنوان قوي

وعندما دخلت كانت الكلمات أقوي بكثير

لهذة الدرجة تأثرت بها وأول مرة أعجز عن الرد

سألتزم الصمت

ودعواتي لكل أسر الضحايا والشهداء بالصبر والسلوان

تقبل بسيط مروري

كريم عاصم

[ŌиĹч.Ḿё]

حوار جميل ةحزين فىنفس الوقت
وربنا يرحم كل الشهداء المسلمين
تسلم استاذى تقيمى+آحترآمى^^

[mīĐŏ ǺĻ ƒâηâη]

بصرآحه آنته ابهرتنـى بكلمـآتكـ الرآئعه
فعلآ كلامكـ كـلـه مظـبوط
بـآتمنـآلكـ التوفيق اخـى

[شاعر الإحساس]

ماهي القضيه معروفه,,

ونتيجتها محفوظه ,,,

وكل اللي بيتعمل ,,قضايا مدروسه

والقصه زي ماهي ,, ونهايه معروفه



ايا صاحبي الرحــ ال

دوما ما تحكي لنا الواقع ,

ومايدور خلفنا ,,, وما نعاصره

تحاكي لنا القصه في سطور,,

فينكشف بها المستووور,,



اسلوبكــ كالعاده رائع

طريقة شعريه ,,, متمكنه ولا شكــ

وابياتك متزنه ,,, بقوافيها

برغم انك تحكي قصه,,, عن حال بلدنا

ولكن تزخرفها دوما بإبداع الحرف

وجودة التصوير والتعبير ,,بطريقةشعريه عاليه



اللهم اصلح حالنا ,, وهديء قلب ام الشهيد

وارجع لها حقها ,, لا بأبيات القصيد,,

بل بما ترضاه يا رب العالمين,,,

فما بيدنا نحن غير هذه الابيات ,,

والا فعلنا ,,, ولكــ ن ...


خاااالص تحياااتي وتقديري اليك

دومت بكل خير وسعاده


"شــاعر الإحســاس"

[غريـب ألأطـوآر]

رحـأل

كلمـأت جميلة ومعبرة جدا

ومؤثرة ـأيضـا


سلمت يدـاك يا مبدع

وتقبل مرورى المتواضع

[سارية فى درب الرسول]

رحمهم الله رحمة واسعه

ونسئل الله تبارك وتعالى ان يلهم امهاتهم الصبر

اخى رحال

رائعه جديده من روائعك المتجدده

دام الله عليك قلمك وفكرك الراقى