سيارتك تحت المجهر

[دمعه حائره]

ههههه
بجد اجابات جميله وضحكتنى ربنا يسعدك
حتى وانت بتحكى الحادثه
ربنا يحفظك انت والمدام وماتتكرر الحادثه دى تانى ابدا
نورتنا اخى واتمنالك التوفيق دايما
وفى انتظار بنات مصريه

[بنااات مصرية]

اوكى انا جيت اهووووووووووووو

ثوانى واجاوب

[بنااات مصرية]

اهلا بكم اعضاء منتدانا الغاليين

دى فكرة هاعرضها عليكم اتمنى تعجبكم وتلاقى تفاعل جميل منكم

هاعرض بعض الاسئله الخاصه بالسيارات

واول عضو يدخل يجاوب على الاسئله

وبعدها يختار عضو بعده يكون ضيفنا الجديد

دلوقتى مع الاسئله

1-اسمك ايه ؟
شيماء

2-عندك سيارة نوعها ايه؟وموديل سنه كام؟

28 موديل 70
لو مش عندك تتمنى تشترى سيارة نوعها ايه؟
همر
3-لونها ايه؟
اسود
4-مين علمك السواقة؟وكان عندك كام سنه؟
ف مركز تعليم ...من سنتين
5-اكتر مكان بتحب تسوق فيه السيارة فين؟
ف المهندسين
6-تقريبا السرعه اللى بتسوق بيها كام؟
50 او 60 اصلا الشوارع ف القاهرة زحمة متقدرش تزود عن كدا
7عملت حادثه قبل كده ؟
مرة اول م اتعلمت
8-ايه اول مخالفه اخدتها؟
سير خلف الطريق
9-ممكن تسلف عربيتك لحد؟ومين هوا؟
اخويا وبس
10-لو حبيت تروح مشوار تاخد مين من الاعضاء معاك؟
منة
11-بتشغل ايه على الكاسيت داخل السيارة؟
قران
12-فين ابعد مكان سافرت ليه بالسيارة؟
لا مش حافظة اى طريق سفر
13-بتركن سيارتك فى جراج ولا فى الشارع؟
تحت البيت
14-داخل شنطة سيارتك ايه اهم حاجة بتحتفظ بيها؟
الاستبن والكُريك
15-هات صورة لسياراتك اوسيارة احلامك؟
بلاش احراج ههههههههههههههههههههههههههههههه
اختار عضو\ةيكون ضيفنا بعد

وانا هاختار اول عضو معانا
عضو مهتم بقسم السيارات
سيد الشرقاوى

ميرسى ع الدعوة الجميلة واسيب منة تختار بدالى

[دمعه حائره]

نورتى ياشيمو اجاباتك جميله وربنا يستر طريقك ياحبيبتى
حلوة السرعه الهاديه خلينا فى حالنا:d
وهاختارالضيف الجديد
عمرو الجورى

[عمرو الجورى]

اهلا بكم اعضاء منتدانا الغاليين

دى فكرة هاعرضها عليكم اتمنى تعجبكم وتلاقى تفاعل جميل منكم

هاعرض بعض الاسئله الخاصه بالسيارات

واول عضو يدخل يجاوب على الاسئله

وبعدها يختار عضو بعده يكون ضيفنا الجديد

دلوقتى مع الاسئله

1-اسمك ايه ؟
عمرو
2-عندك سيارة نوعها ايه؟وموديل سنه كام؟
مرسيدس بطة موديل 1986
لو مش عندك تتمنى تشترى سيارة نوعها ايه؟
ان شاء الله ناوي أجيب هونداي العائلية ودي صورتها

3-لونها ايه؟
ان شاء الله يكون لونها كحلي أو نبيتي
4-مين علمك السواقة؟وكان عندك كام سنه؟
أخويا اللي أصغر مني هو اللي علمني السواقة
من أربع سنيين تقريبا يعني كان عمري 29
5-اكتر مكان بتحب تسوق فيه السيارة فين؟
واللهي بصراحة الشوارع هنا في السعودية واسعة جدا
ولكن طبعا ان شاء الله بتمنى أسوق عربيتي الجديدة في مصر
6-تقريبا السرعه اللى بتسوق بيها كام؟
يعني انا سوقت على الطريق الدولي هنا في السعودية
ومش بحب أزود عن 130 كيلو
7عملت حادثه قبل كده ؟
الحمد لله يعتبر لا
مرة واحدة بس ولد صغير راكب سيارة جيب تيوتا رجع مارشليه وطلع على عربيتي
اللي كانت قبل دي هونداي أكسنت بس كنت واقف وجت سليمة والحمد لله .. المشكلة هنا في السعودية في أطفال غالبا بيسوقوا العربيات
8-ايه اول مخالفه اخدتها؟
أول مخالفة مش كان معايا رخصة أصلا
بس شرطي المرور خلافني حزام أمان
لأن مخالفة الرخصة 500 ريال وحزام الأمان 150 ريال بس
9-ممكن تسلف عربيتك لحد؟ومين هوا؟
بصراحة أنا بتحرج أمنعها عن حد ودا طبيعي هنا غير مصر
10-لو حبيت تروح مشوار تاخد مين من الاعضاء معاك؟
كل الأعضاء بس عارف طبعا العربية مش هتاخدهم كلهم
بس أنا بحبهم كلهم بجد وأتمنى أشوفهم كلهم
11-بتشغل ايه على الكاسيت داخل السيارة؟
واللهي أولا عندي اسطوانات قرآن
للشيخ عبد الباسط ومشاري العفاسي
والأغاني عندي أم كلثوم وميادة الحناوي وكاظم الساهر
12-فين ابعد مكان سافرت ليه بالسيارة؟
المطار في ينبع يبعد عني 350 كيلو
13-بتركن سيارتك فى جراج ولا فى الشارع؟
في الشارع
14-داخل شنطة سيارتك ايه اهم حاجة بتحتفظ بيها؟
عندي طبعا عدة كاملة للسيارة
واللي بهتم بيه دائما براد الشاي وسكر وشاي وبوتجاز صغير
بحب أطلع على البحر كتير وبحب أعمل شاي طازة

دي صورة عربيتي المرسيدس البطة

اختار عضو\ة يكون ضيفنا بعدك

أنا بختار العضوة القديرة حبر القمر
مش عارف هي دخلت قبل كده ولا لا

[حبرالقمر]

1-اسمك ايه ؟
حبــر القمــر

2-عندك سيارة نوعها ايه؟وموديل سنه كام؟

ههههههههههههههههه انا لسه بتعلم سواقه عشان كده ماما جبتلي عربيه فيت ميه سبعه وعشرين عشان اكسرها لاني كنت في السعوديه وكان ممنوع البنات يسوقو بس لما نزلت مصر وركبت الترام وبروح كليتي فساعه اكتشفت انه لازم اسوق

لو مش عندك تتمنى تشترى سيارة نوعها ايه؟
تؤ عندي عزيزه قلتلك وان شاء الله حغيرها بس لما اتعلم

3-لونها ايه؟
عزيزه لونها احمر بس ان شاء الله الجديده يااسود يانبيتي وغالبا اسود
4-مين علمك السواقة؟وكان عندك كام سنه؟
ناس كتير تقريبا مفيش حد فيل العيله ولا عيلة العيله مجاش اداني حصه اتعلمت وانا تمنتاشر سنه اول منزلت مصر لانه مكنش ينفع قبل كده
5-اكتر مكان بتحب تسوق فيه السيارة فين؟
هههههههههههههههه أي مكان فاضي مفهوش ناس المعموره مثلا المنتزه من جوه كده ههههههههه

6-تقريبا السرعه اللى بتسوق بيها كام؟
اعلى حاجه ميه

7عملت حادثه قبل كده ؟
ييه مش قدره اقولك اول حادثه عملتها في امتحان السواقه بس الصراحه العيب مش مني الراجل الي جنبي الخمسين جنيه وقعت ومشفهاش راح مزود بنزين ولبست في الرصيف وسقط بس المره الي بعدها بقى نجحني لان الخمسين ادتهالو فعنيه بعد عنك بلد فقر لازم تديهم فلوس والا حتسقطي حتى لو كنتي محترفه وانا بسوق بقالي نص سنه كده بس لسه ممشتش بالعربيه لوحدي ومع زلك اليوم الي مشيت بيها لوحدي مع ماما وتشمللت وقال حوديها السوق خبط تاكسيين اتنين فسنيتين وطبعا ماما اعدت تفرق عليهم فلوس وانا كنت ميته من الضحك في العربيه ونزلتلهم ماما تتصرف معاهم بس حكتهم يعني مش خبطه خبطه بس هما بيافورو ومره تانيه كانت طلعايه وعزيزه ملهاش في المطالع فرجعت على العربيه الي وراها ووزعت برده فلوس بحس اني لازم زي الافلام الي فيها حد خليجي يبقى ماسك كبشة فلوس ويفرق هههههههههههههههههه

8-ايه اول مخالفه اخدتها؟
مخدتش لسه الحمدلله هههههههههه
9-ممكن تسلف عربيتك لحد؟ومين هوا؟
تؤ اوصله انا ومفيش حد من صحباتي اصلا بيعرف يسوق

10-لو حبيت تروح مشوار تاخد مين من الاعضاء معاك؟
اي حد مبيعملش دوشه هههههههه
11-بتشغل ايه على الكاسيت داخل السيارة؟
مبشغلش لاني لسه مبتدئه والكاست بيوترني وبيشتت انتباهي
12-فين ابعد مكان سافرت ليه بالسيارة؟
هههههههههههههههههه مخرجتش بره اليكس
13-بتركن سيارتك فى جراج ولا فى الشارع؟
احيانا واحيانا بس عزيزه متقولش لا لو حتى سبتيها فنص الشارع كمطب يعني
14-داخل شنطة سيارتك ايه اهم حاجة بتحتفظ بيها؟
شنطة الاسعافات ههههههه طبعا مش حشيل معايا عده مليش تعامل معاها بس ممكن ابقى اشغل صحباتي اجبلهم كل وحده بالطو من الي معانا يصلحو بيه
15-هات صورة لسياراتك اوسيارة احلامك؟
تؤ مبحلمش بعربيات حجيب اي عربيه اتوماتك جديده وخلاص مش هوايتي اصلها
لكن حجبلكم صوره لعربيه شبه عزيزه اصل انا وعزيزه قصة غرام


أختار ادبس بعدي الاميره رودي

[الأميرة رودي]

هههههههههههههه

والله انتى عسل
وعزيزه دي حكايه لوحدها مالهاش فى المطالع ورجعت لورا على العربيه اللى وراها ... يانهاااااري ههههههه
بس عاوزه افهم حاجه انتى مع كل البهدله والحوادث وتفريق الفلوس ده
ومأخدتيش ولا مخالفه !!

لالالالا دى كوسه

احابات عسل ياقمرى وربنا يخليلك عزيزه وتتربى فى عزك
وعقبال ماتجيبي العربيه اللى بتحلمى بيها....

انتى هنا دبستني وانا أتدبست قبل كده فى التوبيك ده
اختــارى بقا حد ماجوبش...
تسلميلي ياقلبي على الدعوه وربنا يحميكي ويكفيكي شر الحوادث يارب

[حبرالقمر]

اوك ندبس ماتركس

[ماتركس]

-اسمك ايه ؟


احمد محمود الشريف

2-عندك سيارة نوعها ايه؟وموديل سنه كام؟

انا عندي اتنين سياره ملكي الشخصي وسياره ملك الشغل

انا طبعا عايش في الامارات بس السياره اللي ملكي الشخصي

ميني كوبر الصغنتوته دي علي قدي اما الملك الشغل سياره جيمز امريكي لونها ابيض اما الميني كوبر بتاعتي لونها احمر


لو مش عندك تتمنى تشترى سيارة نوعها ايه؟

لا يا عم عندي وكنت بتمني اشتيري ميني كوبر واشتريتها

3-لونها ايه؟

احمر برضوه بحب اللون الاحمر

4-مين علمك السواقة؟وكان عندك كام سنه؟

انا اتعلمت وانا صغير انا طبعا قبل ما اسافر الامارات طبعا انا كنت عايش في الصعيد علشان صعيدي اعيش فين يعني فتعلمت علي الجرار الزراعي بتاعنا اصلا كنت بحب الارض اوي بس اتعلمت عليه انا بحب الصراحه

5-اكتر مكان بتحب تسوق فيه السيارة فين؟

انا ورايح دبي ياااه متعه التسوق لسبب الردار بيقفشني علي 180 وانا بحب السرعه فبسرعه علي مزاجي اما جوه المدينه بيصيد علي 80 فبضر امشي علي اقل من مهلي دي المخالفه 300 درهم يا عم

6-تقريبا السرعه اللى بتسوق بيها كام؟

مليش وقت معين بسوق فيه بس في الاغلبيه الصبح الساعه 8 والظهر والعصر والليل يعني معا توقيت الصلاه

7عملت حادثه قبل كده ؟

اه ده انا اسمي احمد حوادث والله عملت فواق ال20 مخالفه في الحوادث

8-ايه اول مخالفه اخدتها؟

مخالفه ساعد اللي هيه حدثه بسيطه واقف علي الاشاره ونسيت نفسي روحت خبط سياره بنت نزلت تعيط هههههههههههه
قوالتله هنصلحهالك بتبكي ليه تقوالي منك لله لسه مشتريها جديد قوالتلها علشان تحرمي تقفي قدامي تاني

9-ممكن تسلف عربيتك لحد؟ومين هوا؟

سياره الصغنتوته الميني كوبر استحاله اركبها لحد لسبب مش بخيل والا حاجه اصلا بركبها لصاحبي فبيبوظها علشان هيه صغيره اما حد يعوز سياره بقوالهم خدو الوحش الامريكي زي القطر ضخمه اوي

10-لو حبيت تروح مشوار تاخد مين من الاعضاء معاك؟

اكيد محمد علاء المراقب حبيبي

11-بتشغل ايه على الكاسيت داخل السيارة؟

انا عندي مومري كارت في الاغلبيه اكمل وتامر عاشور وشويه شعبي علشان اشهيز

12-فين ابعد مكان سافرت ليه بالسيارة؟

السعوديه لما سافرت السعوديه انا واصحابي

13-بتركن سيارتك فى جراج ولا فى الشارع؟

لا في الشراع عادي مفيش جرجات عندنا في الامارات

14-داخل شنطة سيارتك ايه اهم حاجة بتحتفظ بيها؟

يعني ممكن الاب توب ولبس الكوره يعني مفيش حاجه محدده

15-هات صورة لسياراتك اوسيارة احلامك؟

انا كانت عندي صوره ليا بس انا في الشغل هيه علي جهاز البيت
بس هجبلكم صوره شبيها لسايرتي الميني كوبر

[دمعه حائره]

عمرو الجورى,,حبر القمر,,ماتركس
نورتوا التوبيك
وبجد اجاباتكم رائعه
ربنا يحفظكم ويبعد عنكم الحوادث
وتحققوا كل امنياتكم يارب