ياعينى عليكى يا مصر

[الرحــاال المٌتَمرد]

~ ياعيــ ـنى عليــ ـكى يا مصــر ~


"أقبل النقد"


يا عينى عليكى يا مصر
ياحزينه وعمرك ما حسيتى بنصر
كان الأمل فى ثوره التحرير ~ لما طالبنا بالتغيير
كانت القلوب صافيه وكلها خيــر
لكن الحقيقه غير ~ الخير أكله الطير
مانلومش على مباركـ ~ دا طلع عنده ضمير
أما ولادك ~ بيدبحوكى من غير رحمه ولا تفكير

إتحكمت الفلوس فى النفوس
وإتبدل الحلم لكابوس ~ حب السلطه والنفوذ

الأخوان سيطروا على البلد وكأنها حقهم المشروع
والشعب لازم يمشى وراهم ~ سمعاً وطوع

الكتاتنى عينه على اللجنه التأسيسيه للدستور
مهم إحتكروا البرلمان ~ راح الحزب الوطنى وجه عليهم الدور

وباقى الأحزاب صوتهم غايب ~ الفالح منهم والخايب
ماهو التيار الإسلامى مخلاش للباقيين نايب

الشيخ على جمعه راح القدس ~ طالبوه بالإستقاله
إتهموا بالخيانه ~ وهو بيقول بأدى رساله

وجماعه لازم حازم فى الميدان معتصمين
حقهم !! بس شوفوا وصلت البلد لفين

العسكر غرق البلد ~ وبيتفرج على التخبيط
لآ تعرف دا قله وعى ~ ولآ مؤامره وتخطيط

والغلابه إللى على الكنبه فى البيوت ~ ملازمهم السكوت
هيفضل دا حالهم ~ لما العمر يفوت

واللجنه الإنتخابيه طرحت الأسماء الملغيه .. خيرت ونور وأبو إسماعيل
الكل إعترض وأولهم الدعوه السلفيه .. أما الأخوان فــ عندهم البديل

موسى وأبو الفتوح ومرسى
الكل بيصارع عــ الكرسى

وإتساوى الأعمى بـ البصير ~ فى الزفه الكل طراطير
مستنى تحديد المصير ~ لــ وضع عاوزله تفسير


~ ياعيــ ـنى عليــ ـكى يا مصــر ~

..وليده اللحظه..

جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحـــــال بلا عنـــوان

[ŌиĹч.Ḿё]

ربنا يعديها على خير بقا
تسلم ايدك على الكلمات
مبدع

[ŅĢM]

ربنا يستر الأيام اللى جايه دى

وربنا يعديها على خير

تسلم الأيادى

[غزاوية وافتخر]

بجد عيني عليكي يامصر::
كلماتك بتتكلم باللي بداخل الشعب..
وربي يرفع عنكم وتبئاالامور احسن من كده وترجع
من الاول واحسن
كلمات كتير مميزة

[سارية فى درب الرسول]

الكل بيصارع حتى يفوز بالكرسى وكأنها امله وحابين تحقيقها

وناسين انها امانه مكلفين بيها الكل بيدور لشئ واحد هو المنصب

انما الشعب هو الى فعلا غلبان لازميرضى بالرئيس الجديد اين كان

ربنا يقدر الخير لمصرنا ولشعبها

ربى يحفظك ودام ابداعك المتجدد

[دمعه حائره]

فعلا اخى
ياعينى عليكى يامصر
صراع ومشاكل وخراب فى كل مكان ماتعرف مين سببه
ومبارك هوا السبب ورث الفساد لشعب بأكمله
والكل طمعان ولابقينا عارفين مين صادق ومين خاين وجبان
كاعادتك مبدع تسلم ايدك ويدوم تواجدك الرائع
ويارب ولى على مصر من يصلح

[~..a7la smile..~]

ان شاء الله ربنا يسترهآآ
ويعدي الايام ده علي خير
اشكرك أخي

[كبرياء أنثى..]

كالعادة قلم رائع ومميز
وجهد مبذول
تسلم ايدك

[S n i p e R]

برغم بعض اختلافتي معاك في قراءتك السياسية للأمور

لكن قصيدة مميزة فعلا وجميلة اخي ايمن

في منتهى الابداع

سلمت انت وسلمت اناملك

تحياتى

[~♥ Queen sozan♥~]

ربنا يحفظك يا بلدى من كل سوء

كلمات جميلة ومميزة كا العادة ,, يدوم تميزك يارب

منتظرين كل جديد من نبض قلمك