ياعينى عليكى يا مصر

[همسه الجوارح]

والله عندك حق
ياعينى عليك يام الدنيا
بتتقلب حالك فى كل ثانيه
ربنا يستر على اللى جاى
وعلى الامور كلها
تسلم ايدك يارحال
احترامى

[الأميرة رودي]

فعلا ياعينى عليكى يامصر

كترت جراحك على ايدين ولادكـ

شوكه بيزرعوها كل يوم فى ضهرك ..

تفرقه وانقسامات اعتصامات ومهاترات...

وكل واحد عامله حزب وطمعان فيكى وناسيين هيبتك وكرامتك

أيـمن

امتعتني بهذا النص الجميـل

وجذبتني تفاصيـله الرائعة ..

سرد سلس واسلوب ساخر

من اجمل ما قرأت ليومي هذا

تحياتى لك ولقلمك

ودمت مبدعا رائعا

[╯ Princess ╭]

اه والله ربنا يستر عليها

ويعديها على خير

تسلم على الكلمات

تحيتي

[قلب وكلمات]

تسلم اديك يا رحال

لخصت الحكاية الله ينور عليك

شاعر مهموم بهموم بلده

ربنا يطلعنا منها على خير

كل بيخبط في كله

وفي الاخير احنا اللي خسرنين

اللهم ولي علينا القوي الأمين

خالص تحياتي يا كبير

قلب

[جبل عالي]

جمال وروعة لا تقاوم

وتقول انها وليدة اللحظة إذاً فأنت بحق مبدع

بارك الله فيك رحال

حقاً قلمك فى تقدم مستمر وملحوظ

بارك الله فيك وبارك لك قلمك

[Words Whisper]

أنا مش هتكلم عن الجزئية الخاصة بالمرشحين للرئاسة

مع انه فيه ليا رأي تاني بالنسبة لها بس مش هنقلبها سياسة :biggrin:

بالنسبة لجزئية الثورة

لا الثورة مش ضاعت مع كامل احترامي لرأي حضرتك

آه فيه سلبيات كتير جدا جدا جدا

بس وقت مبارك مش كان أحسن ولا حاجة

السبب في اللي بيحصل هو حالة الحبس العام اللي كانت في الحكومة السابقة

+ حاجة انا بشوفها مهمة اوووووووووووووي

الوقت بقى فيه أمل انه بكرة هيكون أحسن

اننا لازم نتحمل مسؤولية بلدنا و مش نرمي كل حاجة على الحكومة واحنا واقفين نتفرج

زي ماكان الوضع قبل كده والأغلبية تقول وانا هعمل ايه ده الحكومة

انما الوقت كلنا مش نقدر نخلي مسؤوليتنا ولا حد يقدر يقول ماليش دعوة

لأنه كلنا مسؤولين تماما عن اللي بيحصل الوقت واللي هيحصل بعدين لأنها اختياراتنا ..

طبعا كأسلوب و فكرة رااائع

شكرا لقلم حضرتك

تسلم

ودمت بحفظ الرحمن ..

[حبرالقمر]

اقتباس المشاركة الأصلية كتبت بواسطة رحال بلا عنوان ~ ياعيــ ـنى عليــ ـكى يا مصــر ~ "أقبل النقد" يا عينى عليكى يا مصر ياحزينه وعمرك ما حسيتى بنصر كان الأمل فى ثوره التحرير ~ لما طالبنا بالتغيير كانت القلوب صافيه وكلها خيــر لكن الحقيقه غير ~ الخير أكله الطير مانلومش على مباركـ ~ دا طلع عنده ضمير أما ولادك ~ بيدبحوكى من غير رحمه ولا تفكير إتحكمت الفلوس فى النفوس وإتبدل الحلم لكابوس ~ حب السلطه والنفوذ الأخوان سيطروا على البلد وكأنها حقهم المشروع والشعب لازم يمشى وراهم ~ سمعاً وطوع الكتاتنى عينه على اللجنه التأسيسيه للدستور مهم إحتكروا البرلمان ~ راح الحزب الوطنى وجه عليهم الدور وباقى الأحزاب صوتهم غايب ~ الفالح منهم والخايب ماهو التيار الإسلامى مخلاش للباقيين نايب الشيخ على جمعه راح القدس ~ طالبوه بالإستقاله إتهموا بالخيانه ~ وهو بيقول بأدى رساله وجماعه لازم حازم فى الميدان معتصمين حقهم !! بس شوفوا وصلت البلد لفين العسكر غرق البلد ~ وبيتفرج على التخبيط لآ تعرف دا قله وعى ~ ولآ مؤامره وتخطيط والغلابه إللى على الكنبه فى البيوت ~ ملازمهم السكوت هيفضل دا حالهم ~ لما العمر يفوت واللجنه الإنتخابيه طرحت الأسماء الملغيه .. خيرت ونور وأبو إسماعيل الكل إعترض وأولهم الدعوه السلفيه .. أما الأخوان فــ عندهم البديل موسى وأبو الفتوح ومرسى الكل بيصارع عــ الكرسى وإتساوى الأعمى بـ البصير ~ فى الزفه الكل طراطير مستنى تحديد المصير ~ لــ وضع عاوزله تفسير ~ ياعيــ ـنى عليــ ـكى يا مصــر ~ ..وليده اللحظه.. جميع الحقوق محفوظه للكاتب وللموقع يحظر النقل الإ بالإشاره للمصدر وصاحب الكلمات رحـــــال بلا عنـــوان

انا عندي تعليقين تعليق على الكتابه ككتابه ادبيه فهي رائعه بجد بكل المقاييس عبرت عن الحدث بمنتهى الطلاقه اجدت الوزن والقافيه ولم تهدر المعنى كلمات منمقه ومصاغه بحرفه متناهيه
سلمت الانامل
اما كتعليق على الفكر قد اختلف معك فانا لست ضد التيار الاسلامي بالعكس اكره كل الفلول ولااظن ان الكتاتني او الاخوان استولو على شئ بالعكس هم حين قررورو ان يقترحو مرشحا كان ذلك لانهم راو عدم تاثيرهم في مجلس الشعب وعدم اعتبار رايهم وتقييد المجلسل لهم فلااتلوموهم ولا تبحثو عن اجازاتهم قبل ان يكون رايهم حرا وبيدهم قرارهم لابيد المجلس العسكري
سلمت الايادي تقبل م ر و ر ي اختك حبــــــــــــــــر القمــــــــــــــر

[مِسكُ الشَهادة]

الغالي أيمن يقبل النقد ...
نقدي كان ليس للمضمون
إنما كان لبعض المعاني ...
وطبعا ًالنقد هنا ليس للقصيدة كقصيدة
رائعة مميزة جدا ً كشخصك يا غالي
إنما كتفسير لبعض المعاني لا أكثر ولا أقل
ولكنها قصيدة رائعة جدا ً ومنسقة بطريقة
متميزة ...وبألتأكيد إحنا إخوة وأصدقاء
ونتقبل نقد بعضنا البعض بروح أخوية
مش تزعل يا ريسنا ....
اخوك المحب لك في الله ...خالد

[الرحــاال المٌتَمرد]

اقتباس المشاركة الأصلية كتبت بواسطة words whisper أنا مش هتكلم عن الجزئية الخاصة بالمرشحين للرئاسة مع انه فيه ليا رأي تاني بالنسبة لها بس مش هنقلبها سياسة :biggrin: بالنسبة لجزئية الثورة لا الثورة مش ضاعت مع كامل احترامي لرأي حضرتك آه فيه سلبيات كتير جدا جدا جدا بس وقت مبارك مش كان أحسن ولا حاجة السبب في اللي بيحصل هو حالة الحبس العام اللي كانت في الحكومة السابقة + حاجة انا بشوفها مهمة اوووووووووووووي الوقت بقى فيه أمل انه بكرة هيكون أحسن اننا لازم نتحمل مسؤولية بلدنا و مش نرمي كل حاجة على الحكومة واحنا واقفين نتفرج زي ماكان الوضع قبل كده والأغلبية تقول وانا هعمل ايه ده الحكومة انما الوقت كلنا مش نقدر نخلي مسؤوليتنا ولا حد يقدر يقول ماليش دعوة لأنه كلنا مسؤولين تماما عن اللي بيحصل الوقت واللي هيحصل بعدين لأنها اختياراتنا .. طبعا كأسلوب و فكرة رااائع شكرا لقلم حضرتك تسلم ودمت بحفظ الرحمن ..

أختى الغاليه
على الرغم من أن قسم الإبداعات لــ طرح الإبداعات ولمشاركه الخوه والاخوات فى النقد الأدبى
الــ إننى سأفتح المجال للمناقشه هنا لتوضيح بعض الامور حتى يتضح وجهه نظرى للجميع
بسم الله

بالنسبة لجزئية الثورة

لا الثورة مش ضاعت مع كامل احترامي لرأي حضرتك

آه فيه سلبيات كتير جدا جدا جدا

بس وقت مبارك مش كان أحسن ولا حاجة

السبب في اللي بيحصل هو حالة الحبس العام اللي كانت في الحكومة السابقة
..
سيدتى وأنا لم أصرح بأن الفتره الماضيه فتره حكم الرئيس المخلوع محمد حسنى مباركــ كانت أفضل
ولكن أسلوبى هنا أعتمد على السخريه بقولى
مانلومش على مباركـ ~ دا طلع عنده ضمير
أما ولادك ~ بيدبحوكى من غير رحمه ولا تفكير
لم أقل أن مبارك كان عنده ضمير وأنتهيت ولكنى أستخدمت العباره تمهيداً لما سيتبعها ..أننا شاركنا فى ما يحدث وما وصل اليه حال بلدنا الحبيب
حاجة انا بشوفها مهمة اوووووووووووووي

الوقت بقى فيه أمل انه بكرة هيكون أحسن

اننا لازم نتحمل مسؤولية بلدنا و مش نرمي كل حاجة على الحكومة واحنا واقفين نتفرج

زي ماكان الوضع قبل كده والأغلبية تقول وانا هعمل ايه ده الحكومة

انما الوقت كلنا مش نقدر نخلي مسؤوليتنا ولا حد يقدر يقول ماليش دعوة

لأنه كلنا مسؤولين تماما عن اللي بيحصل الوقت واللي هيحصل بعدين لأنها اختياراتنا ..

دائما الحكومه لها العامل الاهم وتتحمل المسئوليه ,, لانهم أناس فوضهم الشعب لتسير الأعمال ولأصلاح حال البلااد ومن ثم العباد .. ولا يغير الله من قوم حتى يغير مابأنفسهم
أتفق تماماً مع سيادتك فى أن الجميع عليه مسئوليه تجاهه وطنه وأهله ..
ولكن مسئوليتنا تتلخص فى أداء واجباتنا على أكمل وجهه
فى الوظائف الحكوميه وغير الحكوميه .. ولكننا فى الأول والأخير لسنا أصحاب قرار
ولسنا قائمين على إداره شئون البلاد وبدون شك الجميع هنا وهنـــاك فى كافه البلاد العربيه والغربيه وكل من يحمل الجنسيه المصريه يتمنى الخير ,, كل الخير لمصر وأهلهــا وأن تعود تعود لمكانتها الطبيعيه بين البلدان ,,
تشرفت بمرورك هنا .. وبنقدكــ السياسى ,, وأتمنى أن تسعدينا دائما بنقدك الأدبى
تحياتى وتقديرى لشخصك ولفكرك الناضج

[الرحــاال المٌتَمرد]

اقتباس المشاركة الأصلية كتبت بواسطة حبرالقمر انا عندي تعليقين تعليق على الكتابه ككتابه ادبيه فهي رائعه بجد بكل المقاييس عبرت عن الحدث بمنتهى الطلاقه اجدت الوزن والقافيه ولم تهدر المعنى كلمات منمقه ومصاغه بحرفه متناهيه سلمت الانامل اما كتعليق على الفكر قد اختلف معك فانا لست ضد التيار الاسلامي بالعكس اكره كل الفلول ولااظن ان الكتاتني او الاخوان استولو على شئ بالعكس هم حين قررورو ان يقترحو مرشحا كان ذلك لانهم راو عدم تاثيرهم في مجلس الشعب وعدم اعتبار رايهم وتقييد المجلسل لهم فلااتلوموهم ولا تبحثو عن اجازاتهم قبل ان يكون رايهم حرا وبيدهم قرارهم لابيد المجلس العسكري سلمت الايادي تقبل م ر و ر ي اختك حبــــــــــــــــر القمــــــــــــــر

أختى الفاضله ( حبر القمر)
أهلا وسهلا فى واحه الإبداعات الأدبيه
أختلاف الرأى لا يفسد الود قضيه ..
وأنا من من عانوا من النظام البائد كحال المصريين جميعاً
وتطرقت لكتابه القصيده نظراً لما أراه الأن من (أحتكار) التيار الإسلامى على كافه شئون البلاد
لا يوجد جماعه دائما على صواب ولا يوجد جماعه دائما على خطأ ,, الحل معرض للخطأ
ونحن عانينا من وجود حزب منفرد بكل شىء فى السابق .. والأن ورغم أختلاف الحزب والفكر والمنهج لكنه فى الاخير ستحكم مصر بحزب منفرداً اذا استمر الوضع كما هو عليه وأستطاع التيار الإسلامى الوصول الى منصب الرئاسه ... وهذا لا يعنى أننى فى خلاف شخصى من الأخوان او الدعوه السلفيه
أكن للجميع كل الأحترام والتقدير وفى النهايه لكل منا وجهه نظر يعبر عنها
وحفظ الله مصر وشعبها ,,,
سعدت بمرورك من هنا .. وتشرفت بمحاورتك ..
ولكِ كل الأحترام والتقدير
تحياتى