مستلزمات العروسه من الالف للياء بالصور(تنشيط القسم)

[jasmean]

ازيكوووووووووو ياعرايس ويابنات الموضوع ده مش بس للعرايس ده لكل البنات عشان يخدوا فكره وميجبوش كل حاجه مره وحده عشان الموضوع ده بيبقى مرهق اوى يلا نبتدى بقى... هنبتدى بالمطبخ وده مستلزماته كتير اوى اول حاجه انتى حابه تعملى المطبخ ايه؟الوميتال ولا خشب؟؟ هقولكو رأيى بس قبل ما قولكو رايى شوفو الصور دى مطابخ الوميتال ومطابخ خشب........ نبتدى بالألوميتال نيجى بقى للمطابخ الخشب اقولكو رايى بقى طبعا المطابخ الالوميتال تكسب اولا مش هتشوفى عمرك فيه صراصير او فيران ده غير الوان الالوميتال الروعه وسهولة تنضيفه وكمان هيعيش معاكى سنين وسنين مش هيجراله حاجه من الاخر عملى جدا انصحكو بيه... يلا بقى نقول هنشترى ايه فى المطبخ بالنسبه للاجهزه الكهربائيه: طبعا التلاجه وانصحكو بتوشيبا العربى -والبوتاجاز مفيش كلام كريازى مع حبى واعتزازى :biggrin::biggrin::biggrin: وفيه انواع بوتاجازات بيبقى الفرن لوحده والبوتاجاز لوحده بس غالى شويه بس بيبقى شكله روعه فى ديكور المطبخ- غسالة الطباق انا كنت جايبه فريش للطباق والحلل بحوالى 2700 جنيه عمليه جدا واستعمالها سهل وبتوفر مسحوق -فرن كهربا واحسن نوع التركى طبعا ومش غالى اناجايبه بتاعى بحوالى 350 جنيه (ونصيحه منى ابعدوووووووو عن الميكروويف خالص عشان اضراره كتير جدا)-كيتشن ماشين-كبه للحمه-مضرب بيض-خلاط ومفيش احلى من مولينكس فرنساوى-غلايه كهربا_شفاط يونيفرسال جامد جدا بحوالى 640 جنيه ديب فريزر وده احجام وانتى وراحتك-ماكينة كابتشينو نيجى للحلل بقى والطباق طقم ستانلس_طقم صاج_طقم تيفال_طقم الومنيوم_طقم بايركس طقم اركوبال_ طقم صينى شيك عشان العزومات_طقم بايركس_طقم ملامين عشان استعمال المطبخ وكام طبق استانلس طقم توزيع_شنطة سكاكين_شنطة معالق_صوانى بيتزا وصوانى للكيك والحلويات وصوانى للطبخ والخضار_وطواجن_منخل استانلس_ماكينة البيتيفور_حله ضغط_غلاية لبن طاسات باجام مختلفه وطاسه لقلى البطاطس_طقم كنك للقهوه_براد شاى_كسروله طقم صوانى ستانلس وميلامين_طبق فاكهه كريستال_شيالة كحك_طقم بهارات_اطقم كاسات للعصير_واطقم للشربات_اطقم فناجين قهوه وشاى_اطقم كوبايات ميه فوط مطبخ-مريلة مطبخ-بلاستيكات لغسيل الخضار-مانعة فوران اللبن-مبشرة بصل-مفرمة توم-قطاعة بيتزا-نشابه لفرد العجين-مصافى استانلس-مقاور_فرش لدهن الصوانى-لوحة تقطيع للخضار_باسكيت للربش_طقم تلاجه-اطباق جلى-كاسات ايس كريم_معلقة ايس كريم-دوارق للميه بلاستيك وازاز-قطاعة بطاطس_هون(متهيالى مش هتحتاجيه)-مصفة مكرونه-مصافى للحلبه والينسون-مسن-صفاية معالق للحوض-قشارة توم-مخرطة ملوخيه_جوانتى بلاستيك عشان غسيل الطباق(حتى لو هتجيبى غسالة طباق برضه هتحتاجيه)-ساعه للمطبخ وتايمر-ميزان_طقم كاكاو- طقم خشاف-عصارة ليمون وبرتقال-حمالة اطباق ومعالق_مضرب استانلس يدوى_قوالب جيلى وكريم كراميل وصوانى كب كيك-وقوالب رز للعزومات-قطاعة جزر وعجين-ماكينة الكابتشينو لرغاوى الكابتشينو-مقص لتنضيف السمك-اوانى بلاستيك غويطه للعجن والكيك-مجات يااااااااااااااااارب مااكون نسيت حاجه نيجى بقى لهدوم العروسه طبعا اهم حاجه قمصان النوم ولازم تنوعى فى الالوان ولازم واحد ابيض عشان الصباحيه وتجيبى قمصان طويله وقصيره وساتان وقطن ودى شوية قمصان نوم اتفرجو وادعولى نيجى بقى للبيجامات ودى كترى منها وادى صور لشوية بيجامات عجب الموديل ده يمشى اوى للعروسه المليانه هيبينها انحف لانجيرى وبديهات حملات وكت ونص وكم وكترى منها وبنطلونات باجى قطن وجينز بانتكور وطويل وبرمودا وشورتات ستان وقطن وجينز وفساتين قصيره بتبقى حلوه اوى فى البيت زى كده ملابس داخليه واندروير وبرا هاتى منهم اطقم وهاتى الوان مختلفه وكترى طبعا البورنس او البشكير بادواته وفوطك وكام شبشب فرو وبلاستيك وشباشب للحمام وياسلام لو باليرينا على كل لون فستان تبقى كيوت اوى وعبايات لاستقبال الضيوف هاتى مثلا 6 شتوى و6 صيفى و2 روب صيفى و2 شتوى واسدال صلاه وكام طقم خروج على كام شوز وسابو وشنطه ونسقى فى الوانهم وطرح واكسسوارات ومش تنسى دبابيس الطرح نيجى بقى للبيرفيوم والميكب والعنايه الشخصيه بالنسبه للبيرفيوم كترى منها جدا عشان عريسك مش يمل انا بحب بيرفيوم لانكوم وشانيل وكل وحده وذوقها وادى مجموعة بيرفيوم فرنسيه بعضها من لانكوم... دى بقى (سكاد)نااااااااااعم اوى تشمى وتدوخى :n20063::n20063::n20063: طبعا معجون اسنان وياريت بالنعناع وفرشاة اسنان وغسول ومطهر للفم غسول او دش مهبلى بريحة الورد موجود بالصيدليات صابوناتك(مش تستغنى عن الصابون المغربى) وصابون للعنايه بالمنطقه الحساسه وشاور جيل بروايح مختلفه ولوشنات وكريمات ومرطبات للجسم وسكرب للجسم والبشره وليفتك المغربى طبعا مش اى ليفه عشان تخلى جسمك يبرق وشامبوهات 3 او 4 انواع من شامبوهاتك المفضله والبلسم بتاعك المفضل وحجر القدم وزيت ياسمين بيعطر الجسم وريحته خيال ولو حطيتى منه شويه فى البانيو هيشيل التوتر ويزود ثقتك بنفسك معطرات للشعر-سيرم للشعر لو شعرك جاف-سبراى للجسم-ومزيلات لرائحة العرق-بودره لتنعيم وتعطير الجسم-كريم لليد والارجل--توك واساتك ومشابك وطواق وسورتيتات للشعر على كل لون بيجامه وفستان عندك سيدى ياسيدى الراجل هيتجنن:;mnm;2::;mnm;2: طبعا بنس للشعر واكسسوارات حلقان واساور ياريت تكون بسيطه جدا جدا ومش مكلكعه ولايقه على فساتينك وتتلبس مع الفساتين فقط مش ينفع مع قمصان النوم ولا البيجامات طبعا-مانيكيرات بالوان مختلفه-ادوات الباديكير-ادوات الفرينش مانيكير-اسيتون-سيشوار للشعر-مكوه سيراميك-ماكينة سيلك ابيل من براون لازالة الشعر_فرش ومشاط للشعر وهاتى مشاط خشب وابعدى عن البلاستيك بتأذى الشعر وياريت تجيبى سبت كبير وشيك تحطى فيه اكسسواراتك بخاخ للسيقان عشان مظهر رجلك يبقى حلو ومفيش حبوب ولا عروق حمرا ولا بقع واحسن بخاخ للسيقان طبعا سالى هانسن الامريكى نيجى للميكب :;mnm;24::;mnm;24::;mnm;24: بصى مش تكترى اوى ميكب يعنى كام صابع روج وركزى فى الالوان الناعمه وانا بحب ميكب لوريال البودر وركزى فى البيجيات وابعدى عن الروز خالص وحاسبى من البودره المائيه بتضر البشره الاى شادو البودره اقلام الكحل والماسكرا كريم الاساس او الفونديشن ياريت يكون اغمق من لون بشرتك درجه عشان لماتحطيه يبان طبيعى وده كريم اساس سبراى للجسم من ديور الكونسيلر منه انواع السايل والاستيك والكومباكت والكومباكت مثالى للبشره الدهنيه البلاشر يكون لونه خفيف اوى وناعم عشان مش تبقى شبه عروسة المولد وطبعا الجلوس او الروج السايل فرش للأىشادو والبلاشر مثبت الميكب عشان خروجات وسهرات شهر العسل وده من فوريفر والف مبروووووووووك ياعرايس ومتنسوش تدعولى يابنات عشان بجد تعبت فى الموضوع ده

[Ŗăήćy]

مجهود رائع جدا يـآقمر تسلم ايدك

[وفيت حتى انتهيت]

موضوع متكامل
يسلموا ياقمر على الطرح