لمناهضة العرى و الإباحية

[أحمد الخزرجى]

لمناهضة العرى و الإباحية

هل انت موافق على ما يعرض من مناظر مخلة فى أغاني الفيديو كليب ؟

هل تعرف أنها خطة مدروسة جيدا .. و تنفذ بأيادي عربية ؟
هل تشك للحظة أن الإباحية " خطة تحاك لأجل تمييع الشباب " ؟

هل ترضى لآمك أو لأختك أو لزوجتك ان تشاهد مثل هذه الفضائح العربية ؟

هل ترضى لأبنائك أن يكونوا ذات هوية مميعة و شخصية تافهة ؟

هل تعرف أن أحد الإعلاميين اليهود قال :" أمرأة عارية تفعل بأمة محمد
ما لا يفعله مدفع و رشاش " .ـ

هل توافق على السلبية التى تعانى منها الأمة العربية و الإسلامية ؟
و هل ستظل صامت و ساكت ؟
لماذا لا تصرخ و تقول كلمة حق ترضى بها الله ؟

نحن لا نوافق على تمييع الشباب .. و نحن لا نوافق على ما يعرض من عرى
و إباحية .. ونحن نرفض كل البرامج التافهة والإعلانات الرخيصة والأفلام
التافهة .. نحن لا نرضى لآمك ولا نرضى لآختك وأبنتك أن يشاهدن مثل هذه
السموم .. نحن نحميك وسنقف بجانبك .. ولكن " نرجوا أن تقف بجانبنا أنت
.. نرجوا منك ألا تخذلنا

نحن نقول لك " أن ما يعرض خطة صهيونية يتم تنفيذها بأيادي عربية " .. ـ
ونقول لك أن وقت حان للإنتفاضة فقد سئمنا الذل والصمت .. ونعلنها
مدوية أننا لن نكل ولن نمل حتى نمسح ونزيل مشاهد العرى والإباحية من
الفضائيات ولن نصمت ولن نسكت على ما يعرض فى الإفلام والمسلسلات

فقد حرمنا من الكلمة فى الشارع .. وها قد وجدنا مجالا مفتوحاً نعبر فيه
عن أرائنا .. نحن نتظاهر على الانترنت ونصرخ فى وجوه الحكام العرب
والمسئولين حتى يتقوا الله في الشباب والفتيات العرب والمسلمات .. نصرخ
فى وجوه كل من ينشر قلة الأدب، سواء فى الإعلام أو فى الميدان .. نحن
على الإستعداد للشهادة فى سبيل الله حتى نحرر أوطاننا من الغزو الثقافى
الإباحى ومن كل فكرة دخيلة تضر أكثر مما تنفع .

[ساحر الأحزان]

دى العولمة والانفتاح يعنى انت قدامك التلفزيو

ومعاك الريموت

وبتقدر تختار القناة الى تعجبك

يعنى الحكاية عرض وطلب وطالما للاسف فية قبول على العرض

يبقى حيزيد الطلب بسى العرى والاباحية

مفيش حاجة تيجى من وراهم الا التدنى فى الزوق والاختيار

ربنا يهدى

تسلم على موضوعك

[fankosha]

لابد من وجود وقفات اعلامية
لمكافحة العرى والمشاهد الغير اخلاقية
ويكون فى رقابة جيدة وقوانين لمنع العرى نهائيا
وربنا يهدى الجميع
اشكرك على الموضوع الذى يستحق النقاش الجيد

[الأميرة رودي]

هو أكيــد كل شئ فى ايدين الرقابه على الاعلام

ولآبــد ان تتخلى الرقابه عن موقفها السلبي وتلغى كل ماهو اباحى او مثير للشاب او الفتاه ..

لكنهم بيلجأو لمثل هذه المناظر لجذب المشاهده وتحقيق مشاهده أكتر ومكاسب أكتر

يعني ف الاول والآخر الموضوع هنا هو أهداف تجاريه..

و الاعلام وبقى فيه انفتاح اكتر من الاول بكتييير

ربنا يهدينا جميعا

تسلم ع المناقشه القيمه أحمد
تحياتي لكـ

[Pr.Jolinar]

ليت الأحوال تنقلب .. والأوضاع تتحول .. والظروف تتغير
ليت الصحابة كانوا بيننا اليوم ..!
نحن من وصفناا النبي بأحبابه .. كيف وتلكـ الظواهر متفشيه في مجتمعنا ..!؟!
أعانناا الله وأصلح أمورناا
سلمت لطرحكـ ..
~|

[αЛαstoOorα]

من آنتم؟ كككك قذافي :/)

عاوزين نعرف يعني ..مين انتم عشان نقدر نقف معاكم بقلب من حديد؟

ومنين عرفتم آن كل دا خطة صهيونيه يعني ؟ وهنعمل هجوم وانتفاضة على مين هنا آحنا؟!!

كل بلد ليها آعلامها وليها آسلوبها فى العرض وطريقة تخاطب الشعب بتاعها بطريقتها ،

انت مبتحبش ..فيه غييرك بيحب ...انت مش عاوز تشوف الغلط ..فيه اكتر منك حابين يشوفوه ..

مش هنقدر نسيطر على عقول الناس حتى فـ المتعه والتسلية لآنها حريه شخصية ؟

سواء كانت غلط كانت صح ..فا الناس عارفه فين الغلط من الصح ..والغلط لي جمهوره

زى ما الصح لي جمهوره . والا مكنوش الآتنين بينافسو بعض وناجحين ؟

.مش كل الناس حلوة ومش كل الناس وحشة صوابعك متشبهش بعض

آنت مثلا لو شوفت حد وحش وبيعمل الغلط وبعيد عن ربنا ..ممكن تنصحه وتكلمه يقرب من دينه وربه

لكن يستحيل آنك تجبره ع الصلاة والايمان والتقوي غير لما هو يكون عاوز كدا؟ حتى لو قعدت تكلم فيه

من هنا لعشرين سنة ..طلاما هو مش عاوز يبقة مش هيحب كلامك ولو حب كلامك وهو مش عاوز مش هينفذه غير

بآيرادته هو وبس؟ مش بآيرادتك انت؟ زى ما في كليبات وعري واباحه فـ الشاشة ..فيه قنوات دينيه كتير

وفيه ريموت ..لو انا مشاهد تقي وبخاف اشوف الاباحه وقلة الادب ..هقلب ع المجد على اقرآ واسمع سورتين

آنما انا لو انا بحب اشوف مش هقلب ..ودي سهلة آوي ...يعني الريموت هو الحل :/)

وكل واحد عقله فـ راسهُ يعرف خلاصهُ ....، آنما تقولي آنتفاضة ونعمل ثورة وبتاع ..مش هنعمل ثورة على حرية

الناس كل واحد وبرحته ..وكل الناس عارفة الغلط من الصح فين ,

من آنتم بقة ؟ :/)

[شاعرة الرومانسيه]

غابت الرقابه اولا بوسائل الاعلام

وثانيا فى محيط معظم الأسر

ربنا يهدينا جميعا

[أحمد الخزرجى]

اقتباس المشاركة الأصلية كتبت بواسطة ҝηĩģђт אСαpтαĩ من آنتم؟ كككك قذافي :/) عاوزين نعرف يعني ..مين انتم عشان نقدر نقف معاكم بقلب من حديد؟ ومنين عرفتم آن كل دا خطة صهيونيه يعني ؟ وهنعمل هجوم وانتفاضة على مين هنا آحنا؟!! كل بلد ليها آعلامها وليها آسلوبها فى العرض وطريقة تخاطب الشعب بتاعها بطريقتها ، انت مبتحبش ..فيه غييرك بيحب ...انت مش عاوز تشوف الغلط ..فيه اكتر منك حابين يشوفوه .. مش هنقدر نسيطر على عقول الناس حتى فـ المتعه والتسلية لآنها حريه شخصية ؟ سواء كانت غلط كانت صح ..فا الناس عارفه فين الغلط من الصح ..والغلط لي جمهوره زى ما الصح لي جمهوره . والا مكنوش الآتنين بينافسو بعض وناجحين ؟ .مش كل الناس حلوة ومش كل الناس وحشة صوابعك متشبهش بعض آنت مثلا لو شوفت حد وحش وبيعمل الغلط وبعيد عن ربنا ..ممكن تنصحه وتكلمه يقرب من دينه وربه لكن يستحيل آنك تجبره ع الصلاة والايمان والتقوي غير لما هو يكون عاوز كدا؟ حتى لو قعدت تكلم فيه من هنا لعشرين سنة ..طلاما هو مش عاوز يبقة مش هيحب كلامك ولو حب كلامك وهو مش عاوز مش هينفذه غير بآيرادته هو وبس؟ مش بآيرادتك انت؟ زى ما في كليبات وعري واباحه فـ الشاشة ..فيه قنوات دينيه كتير وفيه ريموت ..لو انا مشاهد تقي وبخاف اشوف الاباحه وقلة الادب ..هقلب ع المجد على اقرآ واسمع سورتين آنما انا لو انا بحب اشوف مش هقلب ..ودي سهلة آوي ...يعني الريموت هو الحل :/) وكل واحد عقله فـ راسهُ يعرف خلاصهُ ....، آنما تقولي آنتفاضة ونعمل ثورة وبتاع ..مش هنعمل ثورة على حرية الناس كل واحد وبرحته ..وكل الناس عارفة الغلط من الصح فين , من آنتم بقة ؟ :/)

قلوبڪم لَيست للـــــ/ تجْربـہ

لذا إخْتــاروا منْ ينبضُ [♥] لأجلهآ بإتْقـان

[كبرياء رجل]

اولا طالما الانسان كويس
هيقدر يختار اللي يشاهده
واكيد علىت التلفزيزن كتير من القنوات المفيده الجيده
البعض ديني والاخر برامج ومواكبه احداث وغيره
ولكن لا نبرر من يقومون بهذه الاعمال المغضبه
الخارجه عن المنظموم الديني والاخلاقي


موضوع مميز اشكرك تحياتي

[قلم بلا حبر]

هل انت موافق على ما يعرض من مناظر مخلة فى أغاني الفيديو كليب ؟

الاول نتفق ايه هو تعريفك ووصفك للمشاهدى ,,, علشان اقدر احكم انا معاك والا ضدك

يعنى ممكن يكون ظهور بنت فى كليب من غير نقاب مثلا بالنبه ليك اباحيه ,, فدى محتاجه تصورك لمفهوم كلمة الاباحيه

[COLOR="rgb(72, 61, 139)"]هل تعرف أنها خطة مدروسة جيدا .. و تنفذ بأيادي عربية ؟
[/COLOR]
طيب سيبك من اللى بيخطط وسيبك كمان من اللى بينفذ ,, فى طرف تالت (( اللى هو المتلقى )) والا انت شايف ان شباب البلد كلها بقوا محتاجين يتحط الصخره على صدرهم ويقولوا (( احد احد ))

[COLOR="rgb(72, 61, 139)"]هل تشك للحظة أن الإباحية " خطة تحاك لأجل تمييع الشباب " ؟
[/COLOR]
مش خطه اوروبا نفسها بتعانى من الاباحيه المفرطه وقد ايه انها ساهمت فى انحطاط المجتمع وتقزيم دور الاسره ,,, يعنى مش احنا بس اللى بنشتكى ,, بس فى زمن السماوات المفتوحه ,, واعلام القريه العالميه الواحده ,, كل اللى انت بتقوله ده مجرد نكته ,,, يعنى الشباب يضحكوا عليها ,, زى ما عملوا مع الاخ اللى كان مقدم مشروع لاغلاق المواقع الاباحيه ,, وحتتعب نفسك ليه ,, اسأل اى حد فى دول الخليج لو انت عايز تتفرج على موقع محجوب صعب والا سهل ,, ؟؟؟ حيقولك اسهل من انه يتحجب اصلا :biggrin:
لما تٍالهم تلاقيهم قالوا ليك ,, احنا بنعمل اللى علينا قدام ربنا ,, ومسن عرفك ان اللى انت بتفكر فيه هو ده المطلوب ,,, فى حاجات ممكن تعملها افيد من كده ,, بس انت مش حابب تفكر فيها لانها محتاج خيال ومحتاج نقالش ومحتاجه اسلوب اقناع ,, وفى الغالب اللى بيتكلم بنفس اسلوب الموضوع هنا ,, بيكون (( أأمر فأطاع )) فعملية التوعيه صعبه جدا عليه ,, ميقدرشى يقعد يقنع شاب بادوات العصر اللى احنا فيه ,, لازم حتلاقيه راح مصدر ليه الايه والحديث ,, ولو منفذتش حتخش النار ,,
اى عقل ده ,, الخمر فى الاسلام اتحرم على 3 مراحل ,, الصحابه وهم فى المدينه كانوا لسه بيشربوه ,, وده لو اداك مثال حيديك قد ايه الاسلام متسامح مش دين متعجرف ,, دين يتسع لمراعاة الظروف والابعاد ,, مش مجرد بس طاعه عمياء



[COLOR="rgb(72, 61, 139)"]هل ترضى لآمك أو لأختك أو لزوجتك ان تشاهد مثل هذه الفضائح العربية ؟
[/COLOR]
طيب مرضيتشى ,, وبعدين ,, اغصب عليهم يعنى ,, هو ده قصدك ؟؟والا اغصب عليهم عن طريق غير مباشر انى اقفل القنوات دى
انت عارف حجية الامه دى ايه ؟؟
انها فى وسط المعاصى دى كلها فيها ناس بيتكلموا عن الدين بشكل وسطى ,, زى افطار رمضان ,, تبقى قاعد قدام الاكل وحتموت من الجوع والعطش ومتقدرشى تقرب ليه ,, مش لمجرد ان حد غصبك ,, ممكن تاكل بالسر ,, بس ربنا حيبقى مطلع عليك ,, اكيد انت حتقول كده
بادوات عصرنا حقولك انك لو مش قادر تتحمل موقف زى ده وتسيطر على احساس الرغبه اللى عندك ايا كان نوعه ,, يبقى اكيد عمرك ما حتكون انسان ناجح فى حياتك لان سهل اغراءك
دى صح ودى صح ,, والاتنين بيكملوا بعض ,, الناس لازم تفهم ليه مش بس هو كده وخلاص


[COLOR="rgb(72, 61, 139)"]هل ترضى لأبنائك أن يكونوا ذات هوية مميعة و شخصية تافهة ؟
[/COLOR]
اللى حيحدد ده تربيتى ليهم

لو فرضت انى اخدتهم على الضعف وتلقى الاوامر وانا اللى احدد وانا اللى اختار ,, بمجرد فراغ موقعى (( والاعمار بيد الله )) حتلاقى الهرم انهار وبقوا مطالبين انهم ياخدوا قرارات وهم اصلا مبيعرفوش يفرقوا بين الصح والغلط لانى عودتهم انا اللى بعمل وانا اللى بامر وانا اللى بحدد ايه هو الصح وايه هو الغلط ,,,
يبقى حتى لو كنت مانع جهاز التليفزيون والكمبيوتر والدش ,,, لو اتعرض عليهم مجرد المتابعه صدقنى كل اللى منعته عنهم حيكون بالنسبه ليهم شئ من ضرورات الحياه
انما لو ربيته على التفريق بين الصح والغلط
لو ربيته ازاى يقدر يحدد هو عايز ايه ويتحمل نتيجة قراره
مع توجيه منى بشكل غير مباشر
حيوصل لمرحلة اعتماده على ذاته ,, خلاص مش حيبقى محتاجنى جنب منه او ماشى وراه علشان اشوف هو بينفذ القانون والا لآ
لانه هو اللى حيرفض اى حاجه غلط حتى اللى انا مناقشتوش فيها قبل كده مجرد انها تتعرض عليه حيقدر يحللها ويشوف هى فعلا غلط والا ..
محتاجين مساحه لابناءنا يتحركوا فيها

[COLOR="rgb(72, 61, 139)"]هل تعرف أن أحد الإعلاميين اليهود قال :" أمرأة عارية تفعل بأمة محمد
ما لا يفعله مدفع و رشاش " .ـ[/COLOR]

ومسألتش هو ليه ده بيحصل ؟؟

هل امة محمد الشهوه عندهم اكتر من اى شهوه فى العالم ؟؟؟؟

هل الست العاريه دى مش موجوده فى اى مكان فى العالم ؟؟؟؟

حتلاقى الاجابه ان العيب مش فى جملته ,,ز العيب انها فعلا تنطبق علينا ,, فكر ليه تنطبق حتلاقى الاجابه على موضوعك

[COLOR="rgb(72, 61, 139)"]هل توافق على السلبية التى تعانى منها الأمة العربية و الإسلامية ؟
[/COLOR]
من حيث طريقة التوجيه اللى خرجت علينا بعد الثوره بشكل راديكالى ده هو السلبيه بجد ,, انك تعتمد على الفرض والاجبار دى حجة من لا عقل له ,, اللى ميقدرشىى يقنع اللى قدامه باللى هو بيقوله
فى ناس بتقول على طول ,,, هو الدين فيه اقناع ,, مرحلة الاقناع خلصت من زمان احنا دلوقتى مأمورون ننفذ بس ؟؟؟

اكبر غلط واكبر وهم عيشتوا نفسكم فيه ,, الاسلام عمره ما كان ولا حيكون دين مرحلى او دين مرتبط بعصر او بحقبه معينه وعلى كل الازمنه والعصور اتباعه من خلالها ,, الاسلام هو الدستور الباقى ,, يلاءم الجميع ويحتوى التطور ويقبل بالحديث ويتفهم لجوهر وجود الانسان على الارض الا وهو اعمارها ,, والاعمار لن يكون بفهم ابناء عصر معين لدين معين واتباع من بعدهم لكل ما قالوه
احنا بحاجه لاجتهاد يواكب تطور الحياه اللى بقينا فيها
اللى خلى كبار مشايخنا فى الاول حرموا التليفزيون وبعد كده رجعوا حللوه فيما لا يخالف شرع الله
نفس القصه مع الدش والنت والديفيدى والام بى ثرى والموبايل
بجد حاجات تحزن
وده سببه انهم بيقدموا طاعة الناس ليهم على طاعة الناس لربهم ,,, لانك لما تحكم عليا اتبع مفهومك يبقى بطيعك انت انما لما يكون لى حق الاختيار من عدة مفاهيم يبقى انا بطيع ربنا
وده فايدة ان فى عصر من العصور كان فيه 4 مذاهب
انما النهارده انا شايف ان الوهابيه بتفرض نفسها بقوه وبتمنع اى شئ تانى سواها
يعنى لازم تسمع كلامنا ,,

[COLOR="rgb(72, 61, 139)"]و هل ستظل صامت و ساكت ؟
[/COLOR]
على ايه بالظبط :biggrin:

لو على اللى بيحصل فى اخر نقطه ,, فاحب اقولك انهم مش مدين فرصه لحد يعترض واللى بيعترض جواب تكفيره بيبقى جاهز على المكتب

انما لو على موضوعك ,, فمفيش حد ساكت ,, انت بس اللى متخيل كده ودى نظرية (( احنا لوحدنا اللى صح )) انما لو دورت على ناس عاديه جدا مكن تكون عايشه فى العشش واسأل ابناءهم ياترى بابا بيسمحلك تتفرج على العرى والاباحيه ((احتمال مش حيفهم الاباحيه دى زيى برده على فكره :biggrin)
وسافر فى كل حته فى مصر ,, حتلاقى ان الناس متفقه على مبدأ واحد اننا دولة اخلاق قبل ما اى تيار اسلامى يخرج علينا ويهنينا باننا شعب فاسق ,, مفيش واحد حتلاقيه بيربى بنته على انها لما توصل لسن معين لازم يكون ليها بوى فرند ,, ولازم متكونشى فيرجن ,,
احنا مش ساكتين ولا عمرنا كنا ساكتين
وحتلاقى حاجه زى القنوات اللى انت بتقول عليها دى ,, فى ناس مش مستنيه ان حضرتك وغيرك تقفلوا القنوات دى ,,, كفايه انه يمسك الريموت والضبط ويحدد القنوات دى ويعملهم حذف لو هو شايف انها اباحيه (( ومتنساش اننا مختلفين لسه فى توصيف الاباحيه ,,))

[COLOR="rgb(72, 61, 139)"]لماذا لا تصرخ و تقول كلمة حق ترضى بها الله ؟
[/COLOR]
رضاء الله لا يحتاج الى صراخ فى عصر يحترم الهدوء

القرأن لما نزل ببلاغته كان تحدى للعرب فى شبه الجزيره العربيه لانهم كانوا اهل لغه وشعر وبلاغه ,, فطبيعى ان معجزته كانت تكون تحدى لقواهم البلاغيه
قال تعالى (( وان كنتم فى ريب مما نزلنا على عبدنا فأتوا بسورة من مثله ))
شفت التحدى قد ايه يعنى انتم اهل بلاغه وفصاحه وبيان وقوة حجه ,, واللغه العربيه بتاعتكم اساسا ,, ومع ذلك مش حتقدروا تجيبوا بسوره منه ,, انت عارف ان فى بعض السور مش بتكمل سطر ,, يعنى مش قادرين يجيبوا سطر من القرأن ,,
يبقى لما تيجى النهارده وتشوف معطيات العصر اللى انت موجود فيه حتلاقي اغلبها مبنى على اعمال العقل والهدوء فى الاختلاف والرأى والرأى الآخر والتطور التكنولوجى واليات تانيه كتير

يبقى لو عايزين نرضى الله وزنحقق اللى حضرتك بتطالب بيه ,, لازم الناس التانيه تشوف قد ايه الاسلام مش بالجمود اللى بيتحدث بيه بعض المسلمين ,, انما هو قادر متى اتيح الفهم الصحيح له ان يساير التطور فى اى زمان ومكان ويتفوق عليه

وحاول تقرا عن حقبة المسلمين فى الاندلس

تحياااااااااااااااااااااااااااااااتى""""""""""""