عيد تحرير سينا

[الرحــاال المٌتَمرد]

~ عيد تخرير سينــا ~



"أقبل النقد"

فــ 67 اليهود إعتصبوا الأرض المصريــه
إحتلوا سينا ,, والصدمه كانت شديده
6 سنين ,, عُمر النكسه المدويه
لحد ما عبرنا فــ حرب أكتوبر المجيده


إحتفلنا وعشنا لحظات سعيده ,,
لحظات نصرالأمه الوحيده ,,
ومن أيامها وبعد معاهده السلام بيدبرولها مكيده
أهداف الصهاينه معروفه ,, وأحلامهم مديده


عيد تخرير سينا
أم الدنيا إتفرق شملها
ولادها خانوها ,, باعوا أرضها
بإديهم حطموا دروعها ورمحها


باعوا المصريين أرضهم زى عرب 48
والبدايه بــ دِير ,, والنهايه زى فلسطين
هنصحى فى يوم نلاقى اليهود مستوطنين
وصلوا لحلمهم إللى رسمُوا من سنين,, وإحنا مغيبين


فوقُوا يا مصرييٍن
بآيه مهمومين !!! ,,

أيه أهم من الأرض إللى فدآها خيرة الرجال
ضحوا بحياتهم فدا وغيروا الحــال لـــ حال


مش هعيد وأزيد فى الكلام
لحد أمتى هنفضل مقيدين بــ معاهده السلام
رافعين إيدينا ومعلنيين الإستسلام
مستنين رصاصه الرحمه إللى فيها الختام


عجبى عليكم عجب ,, بنطاطى من غير سبب
بنقدملهم فروض الطاعه ,, ونقول أأأأأأأأأأأدب
مفرطين فى حقنا إللى إتسلب
بنقول دا نصيب وإنكتب

خوف منا ملهوش أى داعى
عزيمتنا ضعيفه والعدو واعى

كل سنه وأنتى بسلام يا سينا
وولادكــ سايبين خيرك ,, وترابكــ بور
واليهود عينهم عليكى ,, وبيزرعوا البزور
والكل واقف بيشاهد ,, عاجز حزين مكسور
ضمريهم ميت ,, وشرفهم ساكن القبور


"وليده اللحظه"


جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحــــــــــــــــــاال بلا عنوان

[Lost Pearl]

معاك حق

كله نايم ف العسل

و محدش هامه ايه حصل


ربنا يهدينا و ينصرنا يا رب

تسلم يا ايمن

كلمات قوية و مميزة كالعادة

تستاهل 5 نجوم اكيد و ده اقل واجب

تم التقييم

ف انتظار جديدك

[ساحر الأحزان]

هى مناسبة سعيدة علينا

لاننا رجعنا ارضنا

وبقت تحت سيادتنا

جميل كلماتك

ويدوم حب الوطن

[Marwan1337]

M3ak 7a2

[~ NoDa~]

يسسلم ابدآعك ، كلماات جميلة
ربنآ يفوقنا ويرشدنا للصح والحق يآ سآحر ،
تقبـل مرووري ~

[سَـلمَى]

كآن نفسي نحتفل بالعيد ده بظروف أحسن من كدآ

بس إن شاء الله نحتفل فيهـ المرة الجاية وإحنآ بخير والبلد بخير

كلمآت جميلة يآ أييييمن ^^

تسسسسسسسسلم إيدك عليهآ

متفوق كآلعآدة

[الأميرة رودي]

الله يكون فى عونك ياسينا

وكأنها مش مصريه

لو شوفت جماعات التكفيــر الملثمين فيها مش هتقول ابدا ان دى فى مصر..

رجعت من ايد المغتصبين ولا لاء مش عارفين ؟

تسلم يارحال صوره واقعيه جسدتها انت بقلمك المنفرد

تحياتى لك دائمـــا

[countess]

تسلم ع مشاعرك نحو سينا

تقيمي

~~~~

[شاعرة الرومانسيه]

كلمات رائعه يا رحال

والله عندك حق

ننتظر جديدك

[طمطم]

كلامك كله صح ع فكرة
بس نقول ايه بقى
ربنا يهدينا
تسلم يا ايمن ع الكلمات الرائعة دى
احلى 5 نجوم
ف انتظار جديدك
تحيــــــاتى