غناء علي اوتار الحزن

[واد حبيب]

والله البنات دولت عوزين الدبح
ايوه كلكم
من فتره وانا وخطبتي في شد علي غرفه النوم
هيه عوزه تعملها علي زوقها وانا عوز اعملها علي زوقي
وفي الاخر قولتلها اختريها انتي علشان انا اللي اخترت لون السرميك
قالت اوك بس اختارها زي ما انا عوزه
قولتلها ماشي
امس بعت فلوس علشان اوضه النوم
اختي اتصلت بخطبتي رد عليها قالتلها اعمليها علي زوقك انتي
بس انا عوز اللون اسود ههههههه
اتصلت انا بالليل علي خطبتي
اول كلمه قولتهالها اسود وحياة امك
السرميك اسود في ابيض والغرفه سوده
شكلها كده هنكون ايامنا سوده
فضلت تضحك اكتر من ساعه

[واد حبيب]

اقتباس بمناسبة فرض الضرائب على العاملين بالخارج : ثلاث شرائح ضرائبية أعدتها الجاليات المصرية في الخارج، وستكون ضرائب الشريحة الأولى (شريحة العمال) ما بين 150 و200 دولار سنوياً، فيما ستكون ضرائب الشريحة الثانية (المؤهلات المتوسطة) ما بين 250 و300 دولار سنويا، أما الشريحة الثالثة فتكون للمؤهلات العليا وتكون ضرائبها ما بين 400 و500 دولار سنويا.

انا عوز دكر في مصر يقولي ادفع ضرائب علشان السفر
وربنا ما دفع اي حاجه غير اللي بدفعو لاذن العمل

انا بضيع يا وديع

[واد حبيب]

نصيحه الي كل شباب عوز يجوز
فكر الف مره قبل ما تعمل كده
علشان لو عملت كده هيطلع عين اللي ...........
زي ما ان حصل فيه كده
هوه الواحد علشان يجوز يشوف ايام سوده كده
يقطع الجواز وسنينه
شوفي الفلوس اللي انصرفت علي الشقه ولسه عوزه تاني
شقه مكونه من اربع غرف مع رشيشن مع صله كبير ومطبخ كبير و3 بلكنات وحمام
السقه اخد 30 الف
السباكه والكهرباء الاسسات بس 12 الف
المحاره والطي 14 الف مع المصنعيه
السرميك 22 الف
غرفه نوم 33 الف
الدهانات 9 الف
الستاير لسه مجبتهاش
والله لسه باقي كتير
مش الواحد لو كان بنت كان احسن ههههههههههههههههه

[واد حبيب]

اقتباس إن القلب ليحزن والعين لتدمع ، بكل الحزن والأسى تشييع قريتنا صرد أحد شبابها الي مثواه الأخير ( محمد عبدالله فتوح) بعد أن توفاه الله في الأردن وجثمانة في الطريق الي القرية الأن ، لا نقول إلا ما يرضي ربنا إنا لله وانا اليه راجعون ، اللهم ارحمه وتجاوز عن سيئاته ، اللهم اغسله بالماء والثلج والبرد ، اللهم اجعل قبره روضة من رياض الجنة ولا تجعله حفرة من حفر النار اللهم ثبته عند السؤال ، اللهم اجعل هذه الليله أسعد لياليه يارب العالمين ، اللهم ألهم أهله الصبر والسلوان وَبَارِكْ في إبنته واجعلها من الصالحين ، اللهم أبدله دار خير من داره وأهل خير من آهلة أمين أمين يارب العالمين ، أدعو لاخيكم فهو في أشد الحاجة الي دعائكم ..

الله يحرق الغربه وسنينها
بيموت فيها اطيب شباب بلدنا
ربنا يرحمك يا محمد

[واد حبيب]

اول مره في حياتي احس اني دماغي ضايعه ومش عارف افكر

[واد حبيب]

[واد حبيب]

اضحك مع محمد الصعيدي
معايا واحد في الدوام صعيدي من سوهاج
الواد ده لما جم يوزعو الغباء اخدو كله لوحده
من ساعه كده كان عندنا شغل وانا وهو شغلين لوحدنا
في شل في مكان علي لزم يطلع علي كرسي علشان يعمله
في كراسي بعجل وفي كراسي عاديه
اخد الكرسي اللي بعجل وطلع يقف عليه
قولتلو بلاش يا محمد الكرسي بعجل وممكن تقعد
قالي انت اهبل هوه انا من الغربيه قولتلو ماشي يا عم العقل
طلع علي الكرسي ابو عجل ومفيش نص دقيقه لقيت الكرسي اتحرق
محمد ده واقع علي وشه في الارض
وانا مش قادر امسك نفسي من كتر الضحك
وفي الاخر بيقولي ده طلع الكرسي بيمشي بعجل
هههههههههههههههه

[واد حبيب]

[واد حبيب]

[واد حبيب]

ولا المنتدي نافع ولا الفيس نافع
شكل كده النوم هكون الحل