غناء علي اوتار الحزن

[واد حبيب]

لو كانت الراحه في البعاد
ابعد علشان الكل يرتاح

[واد حبيب]

مهما كانت اسباب البعاد هتندم علي اللي فات
من حب وحنان وطيبه واحترام
هتندم علي اجمل ايام عشتها ولا في الاحلام
هتندم علي الخوف اللي كان في قلبي عليك
هتندم علي كل يوم هيمر عليك وانا مش معاك

[واد حبيب]

مهما كانت حياتك صعبه ومخنوق ومدايق دايما
طول ما انت بعيد عن ربنا هتلاقي حياه اصعب واصعب
بطل تشتكي وتقول مش عارف حياتي صعبه كده ليه وتعمل المستحيل وبرضو حياتك زي ما هيه
جرب كده تقرب من ربنا وهتلاقي حياتك بقت احسن بكتير والفرح والسعاده حوليك علطول

[واد حبيب]

من زمان وانا متعود اللي ينساني انساه ومش بفكر فيه
اوعي تفتكر اني كنت ماضي وانتها ده انا في القلب ساكن عمري ما بتنسا
مع كل دقه في قلبك هتلاقي اسمي
مع كل نظره في عينك هتشوف صورتي
مع كل ليله حلوه هتعيشها هتفتكر كل لحظه كنت فيها معاه
ايوه انا الحب الكبير والعشق الوحيد والقلب السعيد

[واد حبيب]

راجع بعد سنين تقولي انت فين
راجع تدور علي الاحلام اللي انتهت من زمان
راجع تقولي عوزك القلب الطيب عوزك راجع وكلك امل ترجع تاني ليا
خلاص ما عتش ينفع القلب مات واندفن والحب كله انتها
اوعي تفكر اني نسيت كل اللي كان بنا زمان
كنا احلي اتنين ودخل بينا الشيطان وانتهي الحلم الجميل
الي كان قرب علي الانتهاء

[واد حبيب]

كنت زمان عايش معاك وقلبك الكبير ساكن فيه
فاجئه وبدون مقدمات قولت ابعد ومش عوزاك
الحب اللي بنا انتهي وقلبي خلاص نسي اللي فات
قولتلك هتندم قولتلي الحياه بتنسي كل شي
اوعي تنسي نفسك لو حولت في يوم تنسي اللي فات

[واد حبيب]

كل يوم بيعدي وانا معاك بشوف الدنيا احلي من اللي فات
انت الحب الوحيد والقلب السعيد والعقل الكبير
انت حياتي كلها وعمري اللي جي واللي فات انت الدنيا الحلوه
ربنا يخليك ليا واعيش عمري كله معاك

[واد حبيب]

كل حاجه بين اديك تفضل او ترحل دي خاصه بيك
بس هتفصل مهما كان الحلم الجميل اللي كنت عايش بيك



معلومه صغيره علشان محدش يفتكر حاجه
اقسم بالله الكلام ده كلام عادي ما اقصد بيه اي حد مهما كان هوه

[واد حبيب]

مفيش حد بيزعل علي حد سوء كان قريب او بعيد حلو ولا وحش
كل واحد بياخد مرحله من حياة الانسان ممكن يفضل معاه لاخر العمر
وممكن ينتهي العلاقه في وقت قصير
التاس بتزعل علي اي حد بيفرقو حتي لو كان واطي بس له ذكره جميله حتي لو بسيطه

[واد حبيب]

النهارده وانا مروح من الدوام
ولسه معدي من عند الاشاره لقيت سياره جيه سريعه علشان تعدي الاشاره وهيه مفتوحه وركبها بنت وبتتكلم في التلفون خبطت سياره من الخلف مع السرعه سياره البنت انقلبت ومشت وهيه مقلوبه اكتر من 50 مرت وانا بشاهد الموقف ومزهول من اللي حصل اول ما السياره وقفت وهيه مقلوبه وبدخن فتحت السياره لقيت اللي بتقول الحقني اموت طلعتها من السياره بس دوختني علي ما فكيت حزام السياره وهيه رجليها فوق ودماغها تحت لما السياره انقلبت طلعتها والغريب انها طلعت سليمه مفهاش اي حاجه وانا بكلمها بقولها انتي سليمه تقولي اه سليمه وبعدها اول كلمه تقولها بعد ما طلعت هاتلي النضاره والتلفون من السياره قولتلها نعم انا مفيش اعصاب المس حاجه تاني السياره هتولع علي ما الناس اتلمت والشرطه جت بيقولي مين طلعها قولتلو انا قالي هيه فين قولتلو اهي زي القرده قالي دي اللي كانت في السياره دي قولتلو اه وربنا قالي سبحان الله لها عمر جديد
الحمد لله اربع سيارت كل اللي فيهم بخير مفيش غير واحد هندي اللي دراعو انكسر
وانا فضلت اكتر من ساعه مش مستوعب اللي حصل قدامي