غناء علي اوتار الحزن

[واد حبيب]

غناء علي دقات القلب

[واد حبيب]

علي دقات القلب بكتب كلماتي
مليانه حزن والم وجرح واهات
مفيش طبيب ولا دواء نافع
كله بيقول كلام بس مش نافع
جرح الحبيب صعب وكبير
ملوش علاج ولا حتي هيطيب
الا مع رجوع الحبيب

[واد حبيب]

كل حاجه مفتوحه امام الناس الاسواق والمقاهي
الحاجه الوحيده المقفوله هيه المساجد

[واد حبيب]

كان نفسي تكوني معايا
في كل وقت وكل زمان
مش تبعدي مهما كاااان
انا عمري ما زعلتك ابداا
انا كنت بموت علشانك
وبعمل الا يرضيكي
من غير ما افكر ولا اقول
كنت بعمل كل شي علطول
بس في ناس زباله ضدينا
واقفه علطول في وشنا
بتقول كلام يجرح قلبنا
ويبعد السعاده والحب عننا
نفسي اطلع روحها واقولها
انتي زباله وابعدي عننا
رمضان شهر كريم
نفسي يكون عليا سعيد
وننسا كل اللي فات
ونرجع مع بعض زي زمان
نفسي اشوف النوجه
والشكولاته وبلح الشام
دايما قدامي زي زمان
محروم منهم من قبل رمضان

[واد حبيب]

لزم كل سنه في رمضان يموت جنود من جنودنا
رحم الله ابطال القوات المسلحه وجنودنا البواسل

[واد حبيب]

كل مره تبعد وتروح
وانت عارف اني مظلوم
بتسمع كلام وبدون تفكير
بتبعد وتمشي بعيد
مفيش مره تفكر
مين من بعدك هيستفيد
المفروض تكون اتعلم
من كل اللي فات وانقال
كل كلام وكدب من
انسان مريض وتعبان
مش ورا غير اذيت الناي
ده مجنون رسمي وحمار
الفهم عنده بيطلع من نار
شيطان عايش وسطنا
علشان يفرق الاحباب
انت بس فكر في الكلام
وهترجع ليا تاني زي زمان
وهتقولي خدني في حضن
وضمني ونسيني اللي فات
انا بغير عليك وغيرتي
صعبه مش زي كل البنات
وانت قولت استحمل مهما كان
متزعلش اعوضك علي اللي فات
وافضل معاك طول الحياه




رمضان كريم

[واد حبيب]

يارب عدي الايام دي علي خير
وارفع البلاء عن جميع المسلمين

[واد حبيب]

مسلسل الاختيار اللي بيجسد شخصيه الشهيد احمد المنسي
احمد العوضي قام بدور الارهابي هشام عشماوي الناس كرهت احمد العوضي كانه هشام عشماوي الحقيقي مع نهايه المسلسل ممكن يقتلو احمد العوضي بجد ربنا يرحم المنسي وكل شهداء مصر

[واد حبيب]

من الواضح كده ان الوضع هنا مطول شويه ولا في شغل ولا في خروج والحظر 16 ساعه ومصر مش عوزه تخدنا
يبقي الواحد يفضل زي ما هوه ياكل وينام وينام وياكل علي ما ربنا يصلح الحال ومصر ترضي عننا وتخدنا

[واد حبيب]

كده شهرين بظبط من غير شغل قاعدين في السكن
الشهرين دولت اقسم بالله في ناس هنا مش لاقيه تاكل خالص
ولا فيه قبض ولا في شغل وكمان فيه حظر
الموضوع ده لو طول شويه هنا في ناس حرفيا هتموت من الجوع
ياريت الحكومه المصريه تحس بناس اللي متغربه وقاعده ولا معاها فلوس ولا شغاله ومصر مش عوزه تستقبلهم
ربنا يرحمنا برحمته