غناء علي اوتار الحزن

[واد حبيب]

الغربه قربت علي الانتهاء
بعد 6 ايام من اليوم اكتر من 1000 واحد من الشركه عندنا هيتم تسفرهم بعد انتهاء عقودهم ورفض شئون الاقامه تجديد عقود الشركه وانتهت العقود بتاعتهم
وانا عقدي في الشركه باقي في سنه و4 شهور وهينتهي خالص
وان شاء الله مش هيجدد تاني

[واد حبيب]

الواحد طول النهار تعبان وعندي صداع
ومش طايق كلمه من حد
الحمد لله اتخنقت مع اتنين بس النهارده

[واد حبيب]

مفيش حاجه حلوه في الدنيا الواحد يستاهل انه يعيش علشانها

[واد حبيب]

واخد دور برد بسم الله ما شاء الله داخل بضمير اوووي

[واد حبيب]

بقالي 4 ايام عندي برد جامد ساعات بيكون شديد اوي وساعات بيكون عادي بس مفيش اي سخنيه ولا حاجه ولا وجع في الزور
النهارده في الدوام لقيت المديره جايه تقولي يا محمد انت كان ليك شغل مع حنان قولتلها اه بس بقالها 4 ايام مش جت الدوام قالتلي اصل عندها كورونا قولتلها اللي يبشرك بخير ابقي روحي اكشفي انتي قالتلي ليه قولتلها انتي كل يوم قاعده مع مرقبه القسم بتاعها وهيه بتقعد مع المراقبه كتير انا مكتوب عليا اخلط الناس اللي عندهم كورونا
بس الحمد لله عندي المناعه كويسه بس بتاثر بحاجه بساهل والحراره عندي تمام

[واد حبيب]

لم اراها من قبل
ولا اعرف حتي شكلها ولكن حزنت عليها حزن يكفي بلد
عروسه بنتها اللي ماتت يوم حنتها
قمه الحزن والالم والجراح علي كل من يعرفها

[واد حبيب]

عندنا في البيت حوش كبير مليان طيور بط وفراخ ووز ورومي وحمام طول ما انا في البلد علشان متعود اصحي بدري والبيت كله نايم كنت اقوم وانزل اخد المفتاح وافتح الحوش واحط لطيور اكل وميه وانضف تحتهم واغسل الحاجه اللي بيشربو بيها يطلع حريم ولاد عمي يتريقو عليا ويقولو لولاد عمي حماده بيصحي بدري يحط ميه واكل لطيور والحريم نايمه يفضلو طول النهار يتريقو عليا ويقولو دي شغل الحريم مش شغل الرجاله
انا عندي الموضوع عادي اوي طول ما الحاجه دي في بتنا ونفعه البيت وملك البيت مفيش حاجه اسمها شغل حريم وشغل رجاله اي المشكله لما تعمل اي حاجه في بيتك طول ما هيه نافعه ليك

[واد حبيب]

ظهور حاله تانيه بكورونا في الاداره النهارده
وطلعونا كلنا نروح دلوقتي الساعه 11 الضهر

[واد حبيب]

عودي
عودي لقلبي من جديد
عودي لحضني الوحيد
عودي لايامنا الجميله
عودي لنفسك المكان
اللي شاهد علي حبنا
عودي ورجعي ايااام
السعاده والفرح والهنا
عودي انا من بعدك وحيد
عودي ووقفي دموع عيوني
اللي من بعدك بتنزل سيول
عودي يا حب عمري الوحيد
عودي وبلاش الالم والفراق
عودي انا قلبي ليكي مشتاق
عودي اليا وامسكي ايدايا
ونعبر انا وانتي الطريق
ونحقق اللي مش حققنا زمان
عودي وفي حضنا خليكي فيا
عودي صورتك مش بتفارق خيالي
عودي صوتك في قلبي وفي بالي
عودي اشتقت لريحه انفاسك
عودي بنظره من عيونك تحيني
عودي وخليني المس شعرك بايدي
عودي نفسي ابوسك علي خدودك
عودي عودي عودي
هيفيد في اي البعاد
غير الالم والجراح والاهات
كل يوم فات مليان الم وعذاب
والسعاده فاتت عليها ايام وزمان
مش عارفه تدخل المكان
اللي كنتي ساكنه فيه والضحكه
ماليه كل الجدران والسعاده في كل مكان
عودي وكفايه جرح الدنيا عليا
عودي انا خلاص مش قادر
عودي في انتظارك في نفس المكان
اللي شهد اول يوم علي حبنا
عودي يا حب قلبي الوحيد


محمد رمضان

[واد حبيب]

كل سنه والجميع بخير