اعترافات ادم وحواء

[براءة حلم]

موضوع حلو ياقمر
بانتظار الحلقات بالتوفيق يارب

[غزاوية وافتخر]

فكره مميزة جدا..
وبانتظار ول ضيوف الحلقات
يسلموا علي الافكار

[ملكة الهدوء]

يسلموا لحضوركم الراقى جميعاا

قريبا اول حلقه

نورتونى

[توحد ارواح]

فكره رووووعه

مشكوره يا قمر

و فى انتظار التنفيذ

بالتوفيق ليكى دايما

[ملكة الهدوء]

ازيكم بارب تكونوا بخير طبعا انا مش قولت فكره التوبيك هتكون ازاى ف التوبك الاول البرنامج هيكون عباره عن هستضيف ادم وحواء وهقدم لكل منهم اسئله يجاوبوا عليها وبعدين هسيب التوبيك خالص ليهم هههههههههه كل واحد منهم هيعلق على اجابه التانى وبعدها يسألوا بعض اى اسئله لمده 3 ايام ويوم الاحد بأذن الله يكونوا معانا ادم وحواء جداد المهم بقى انا طولت عليكم معانا طبعا ادم وحواء اسئلتى لكبرياء رجل كانت هى 1_ما هى مواصفات فتاه احلامك ؟ تكون على طبيعتها وبسيطه الى حد كبيراما الموصفات زي أي انسان عاديبس حد يفهمني ويقدر يتطبع مع كل عيوبي 2-ماذا تود ان تعترف لحواء ؟ وما هو الاعتراف الذي اقوله لها ولا احمل من داخلي اسرار لتلك الجنس الناعم 3-مقوله توصف بها لنا حواء بوجهه نظرك ؟ وراء كل عظيم امراه وامام كل عظيمه رجلف الرجل هو القائد والمراه هي المساند فلن ينجح القائد بدون مساندوالمساند بدون قائد لا يوجد 4- هدية اتمنتها من حواء ؟ لم انتظر في يوم هديه من ادم باعتبارهم اخواني واصدقائي فليس تربطني علاقه بحواء سواء اهلي فقط وهم بالنسبه لي اجمل هدايا اعطاهم الله لى فالهديه لا يعطي هديه كفى انك تكون طوال الوقت تشعر بابتسامه معهم 5-عندما تكون معجبا بها .. ماهي طريقتك في الوصول الى قلبها اذا اردت الوصولالى قلب أي حواء اكون فقط على طبيعتي ولا اظهر باي صوت جماليه لانها تزال مع الوقت !! 6- ايهما اجمل المراة في الواقع ام في الخيال!! وكيف تكون جميله وهي في الخيال فلا في الخيال الا جمال لمن لم يحالفهم الحظ حتى يعيشوا الواقع اكيد الواقع اجمل لاني مش بحب ارسم صور وهميه تحطم مع الوقت 7- كلمه لا تحب سماعها من حواء؟ اى شي يقلل من انوثتها اكيد مش بحب اسمعه 8-مذا تفعل اذا تزوجت بأمرأه شديده التعلق بأهلها وطلبت منك ان كل يوم تزورهم ؟ من حقها انها تسال وتكون على علاقه مع اهلها لانهم اهلها ولكن مش كل يوم لان الموضوع هيبقى شبيه بعدم وجود حياه جديده او زوج اكيد هيبقى في رد فعل 9- ماذا تفعل اذا احبيت امرأه بشده وعند مقابلتك بها قالت لك انك كنت مجرد رهان وليس اكتر ؟ هناك اشياء تكشف مع الوقت الا اذا كان الحب لا يحكمه العقل فمن الممكن ان ياخذني التيار وراء تلك الحالات اذا كان الحب بالقلب دون حكمه العقل 10- ما رائيك بحواء اليومبوجه عام ؟ الحمد لله اصبحت بمكانه مرموقهوحصلت على اكثر من مركزوهي كالرجل الان في جميع المجالا تما عدا الوظائف او الاعمال التي لا تصلح لهاولكن احيانا الحريه والموضه تفسد الكتير منهاوانا ارفض أي شئ يكون مخالف للدين او للاخلاق اجابات جميله اوى منك كبرياء برغم الدمبلوماسيه الكبيره ف الاجابه واسئله sereen كانت هى 1-مواصفات فتى احلامك ؟ بصى فتى احلامى لازم يدخل دماغى ويكون دماآآآغ ههههه بصى ياستى اولا " التوافق العقلى التقارب فى التفكير والتفاهم والاقتناع العقلى المرن "يكون فيه مرونة فى التفكير " نحترم عقول واراء بعض "ممكن يسمع لارائى وافكارى وانا اسمع لاراءة وافكاره احس ان بينا مشاركة فى الرأى" يكون حكيم وذو شخصية : عندة شخصيه واراء حكيمة يقنعنى بيها واتعلم منة منغير اما يفرضها ولا احس انة تابع لافكارى وانا اللى بفكرله وبس!! ولا احسانة عاوز يفرض رأية وبس وبيمحى شخصيتى !!يحترم عقليتى وشخصيتى وارائى حتىلو كان شايفها غلط "يوجهنى للرأى الصح من غير اما يقلل من تفكيرى ..ويكونرأيى له اهميه فى حياتة زى ماهيكون راية مهم فى حياتى يشاركنى اهتماماتىوافكارى واشاركة اهتماماتة وافكارة هحب اللى بيحبة وهو كدة كمان ونخطط مع بعض واحدة واحدة شكل حياتنا التوافق العقلى دة اهم نقطة واللى ع اساسى هيكون سهل كل المواصفات الباقيه ثانيا " الدين تكون علاقتة بربنا كويسه واخلاقة كويسه علشان يراعى ربنا فيا ويخاف يظلمنى .. واحس انة عندة ثقافه دينية ومهتم بيه وبيحرص ع زيادة فى الدين مش احس بسطحيتة فى الدين وانة فى البقاق هوجاهل بأسسيات الدين تالثا " التوافق الاجتماعىوالعمرى والثقافى توافق فى العادات والبيئات وتوافق فى السن لا استهيفة ولا احس انى بكلم بابايا ويكون مثقف او ع الاقل مؤهله مناسب يتقبل عيوبى قبل مميزاتى وفى المقابل هعمل كدة واكون مرتحاله لان لو ارتاحت لحد هصمم انى افهمة واغوص جواه بقا هههههه رابعا " الاحترام المتبادل والثقه يكون باله طويل ومش عصبى او يتنرفز عليا بسرعها و يحرجنى وسط الناس و يكون بيحبنى وحاسس بأهميتى عندة فى حياته وبالنسبالى هحبة وهيكون اهم حد عندى خامسا " الشكل : مش هقول عاوزاة وسيم زى توم كروز بس ع الاقل شكله يكون مقبول بالنسبالى ومتقبلاة الرجوله : احس انة قادر يتحمل المسئوليه ويعتمد عليه ولو احتاجتة الاقيه ويحسسنى بالامان ويعرف يحتوينى ويمتص اوقات عصبيتى لانى هقدرة وهمتص اوقات عصبيته سادسا " يكون انسانى : فيه جوانب انسانية زى الرحمة والخوف عليكى والحب ويكون عندة قلب يسامح ويصفا مايعاملنيش بقسوة وجفاء اسمعة ويسمعنى : يكون عنده صبر انة يسمعنى ويتفهمنى ويريحنى فى الكلام ويكون مرن ويعرف ايه اللى بحبة ويعمله ويبعد عن اللى مش بحبة وبالمقابل انا هكون زية بالنسبه للمادة :يكفينى انة يقدر يفتح بيت وعندة مصدر شغل كويس لان بالنسبالى هعيش مع انسان يهمنى مواصفاته وطباعه اكتر من فلوسة هى دى شكل حياتى اللى انا عاوزاها ع راى ناسى عجرم هههههههه ههههههههههه يارب تلاقى كل الى تحلمى بيه 2-ماذا تودى ان تعترفى لادم ؟ اممممم اعترف بإية ! مش عارفه حواء ماتقدرش تعيش من غير ادم فحواء حد ضعيف فبلاش تستقوى عليها وراعى ربنا فيها دة لكل ادم 3-مقوله تصفى فيها ادم بوجهه نظرك؟ مافيش وصف افضل من وصف القران الكريم "الرجال قوامون على النساءبما فضل الله بعضهم على بعض وبما أنفقوا من أموالهم..." صدق الله العظيم 4-هل تحبى ادم الذىيطيع لكل طلباتك ؟ بحب ادم اللى يكون عنده شخصيه يعنى مش عاوزاة خاتم فى صباعى رغم بنات كتير بتحب النقطة دى ولا عاوزاة يرفض كل اللى اطلبه منة ويرفض كل ارائى يكون ادم متزن لو رفض يكون عندة سبب لدة ماهو الموضوع مش غلاسة يعنى خصوصا لو كان الموضوع قادر عليه وفى نفس الوقت احس بدلالى عليه واهميه طلبى عندة مش يضرب بعرض الحائط كل طلباتى لمجرد التعنت وخلاص ومافيش اهمية لكلامى واحتياجاتى 5-كلمه لا تحبى سماعها من ادم ؟ اى كلمة فيها جرح ليا... لما بتجرح اوى ردة فعلى بتكون غلسة اوى وقويه 6-صفه تكرهيها فى ادم ؟ مش بحب ادم البخيل الشكاك بتاع البنات او سى السيد اللى بيكون مفكر نفسه انة متجوز خدامة وعابدة مش انسانة او اللى عندة تصلب فى الرأى ومساحة النقاش معاه محدودة 7-ماذا تفعلى اذا كنتى تحبى شخصا وكان يشك فيكى وبتصرفاتك وقام بعملاختبار لكى بأن جعل احد الاصدقاء يتصل بكى ويجرى معك محادثات وقد انتىاكتشفتى هذا الاختار بنفسك ؟ اولا انا هنجح فى الاختبار لانى عارفه نفسى ... دى ثقه !! علشان دايما عندى خطوط حمرا مش بخلى حد يتخطاها وعمرى اما هقبل ع نفسى انى اكون متجوزة واعاكس حد تانى اذا كان عمرى اما هقبلها قبل اما اكون متجوزه ازاى هقبلها وانا فى وضع زوجة لازم تصون زوجها ..!! ثانيا : اكتر حاجة ممكن تضايقنى هو الشك وبكتشفه بسرعه ولما بحس ان حد شاكك فيا بتخنق لان كدة الثقة معدومة واساس اى علاقة هى الثقه المتبادله ولو اكتشفت الموقف هتضايق منة جدآآآ وهتتوتر العلاقة بينا لان الشكاك خياله بيصورة حاجات وبتلاقيه بيشك فى صوابع ايدية وبيخنق ع اللى معاه الثقه اهم حاجة هو مش معاها طول الوقت يبقى الواحدة لو مش كانت من جواها واثقة فى نفسها وبتصون زوجها وقادرة تحافظ ع نفسها وبيتها يبقى مش تستاهل تكون تكون زوجة وام ..دة رأيى انما لو دخل الشك وعدم الثقه بينهم هتنهار العلاقة والثقة بالنسبالى اهم عامل فى العلاقة 8-ماذا تفعلىاذا جاء ادم وقالان كنتى مرحلهلكى انسى بها حبى الاول ؟ هرد عليه بكل ثقه ياترى هتلاقى حد تانى يقدر ينسيك حبى !!! وادوس ع قلبى بأقرب شوز جنبى وهينزل من نظرى جدا لانة بيقوله من غير اما يراعى حتى مشاعرى واللى بينسى حد بحد بيظلم نفسه والشخص الجديد فى حياته 9-ما الذى تخافى منه من طبع ادم ؟ اكتر طبع بكرة بجد ادم اللى بيلعب بديله وبتاع البنات ومهما اما كبر بيفضل فيه.. وبعرف اكشفه عندى الحاسة السادسة فى دى " ساعات بقول يارتنى ماكنت ذكيه فبعض الرجال بتعجبهم الانثى اللى بيستغبوها ههههههه " ادم بتاع البنات بيبان ع طول حتى لو كان عامل نفسه مؤدب كلامة بيكشفه 10-صفى ادم اليوم بوجه عام ؟ يعنى ايه ادم اليوم زى حكمة اليوم كدة ولا ايه ههههههه والله ادم اليوم حالته صعبه خالص .. الله يكون بعونهم فى الظروف اللى كل مرة بتزيد صعوبة قدامة لان الحياة بقت صعبه بكون مشفقه عليهم فعلا ادم اليوم بيكون محتاج حواء اليوم اللى يكون بالنسبالى المادة مش كل حاجة وتكون عندها استعداد انها تقف جنبة وتساعده شرفنى حضوركم الجميل كبرياء رجل وsereen ولكم حق العتليق والاسئله وللاعضاء لها حق التعليق على اجابتهم واسألتهم ولكن بعد 3 ايام بعد تعليق واسئله الضيوف انتظروا الحلقه اقادمه من اعترافات ادم وحواء مع ملكة الهدوء

[Lost Pearl]

هههههههههه حلقة حلوة و انا مش هاتكلم الا اما ال 3 ايام يخلصوا بقي

الشروط :biggrin:

نورتوا يا سامي و سيرين

تسلمي يا قمر ع الجهد

[♥..pure]

اجـــآبـآت سيرين عجبـآني جدا علفكرهـ
عقـل وحكمه مفيش بعد كدا ,,
منور يـ سامي والله
اجاباتك جميله وان شاء الله تلاقي بنت الحلال
موفقين بئه
وعايزين نشوف الخناقات
انا جايه اهدي النفوس مش اكتر =))

[عاشقة الهدوء]

لا حلقه جامده جدا مع ضيفين يعتبروا من عمالقة

وروائع هذا الصرح الطيب المتألق منتدانا الغاالى

سامى , سيرين أسعدتونا بحواركم وفى أنتظاركم

وأن شاء الله ليه عوده ربنااااااا يحفظكم نورتم وتسلمى ياملكه مووفقه دائما ربنا يحفظك وأجمل تقييم

[۩۩ elMagic ۩۩]

هههه
حلقه جميله جداا
بالتوفيق ليكـ يا سامى بأذن الله
وماشاء الله سيرو الله ينور اجابات مميزه
مش هنعلق غير بعد التلت ايام الشروط بتقول كده :biggrin:
يلا عيشــو بقـى
واحنا متابعين من بعيد لبعيد

[كبرياء رجل]

اقتباس المشاركة الأصلية كتبت بواسطة lost pearl هههههههههه حلقة حلوة و انا مش هاتكلم الا اما ال 3 ايام يخلصوا بقي الشروط :biggrin: نورتوا يا سامي و سيرين تسلمي يا قمر ع الجهد

النور نورك لوست بيرل
اشكرك لحسن الحضور
واتكلمي براحتك عادي ولا يهمك احنا بنحب الصراحه
شكر ليكي تحياتي