الإسلام و العلمانية

[doiss]

مش تقول طيب من الاول ؟
طبعاً بعد ردك يا محمد للأسف وبمنتهى الصدق صدمتني ..
مش تقول من الاول انك بتتعامل على ان الفكر الليبرالي او العلماني عقيدة ؟ ههههه
طيب يا محمد مع كامل الاحترام لكـ ,,
إطلع على الفرق ما بين الفكر والعقيدة الاول بعد كدة إطرح مواضعيك وانا اعلم تماما انك لو اطلعت بشكل جيد على الفرق بينهما فستتغير دفة تفكيرك بشكل واضح إن لم تكن تستمتع وتستلذ بتكفير الاخرين :biggrin:

[●•0دموع الورد ●•0]

لى عوده ان شاء الله

[king lion]

اقتباس المشاركة الأصلية كتبت بواسطة doiss مش تقول طيب من الاول ؟ طبعاً بعد ردك يا محمد للأسف وبمنتهى الصدق صدمتني .. مش تقول من الاول انك بتتعامل على ان الفكر الليبرالي او العلماني عقيدة ؟ ههههه طيب يا محمد مع كامل الاحترام لكـ ,, إطلع على الفرق ما بين الفكر والعقيدة الاول بعد كدة إطرح مواضعيك وانا اعلم تماما انك لو اطلعت بشكل جيد على الفرق بينهما فستتغير دفة تفكيرك بشكل واضح إن لم تكن تستمتع وتستلذ بتكفير الاخرين :biggrin:

تعرف بجد انا اللى انصدمت مش انت يا ضياء

تقدر تقولى فين فى ردى بالكامل قولت كلمة عقيدة

انا قولت منهج مش عقيدة وفى فرق كبير بين منهج أنتهجه
فى حكم دولة وبين عقيدة بعتنقها

مش كده برضه وله ايه

وياريت تقولى انا فين فى الموضوع ككل قولت عقيدة ؟؟؟؟

انت لو قريت كلامى صح مكنتش اتصدمت لانه طبيعى جدا
ومفهوش شىء غريب ولا عجيب

بس برضه نفسى افهم أيه ناقص فى الشريعة الإسلامية
يخلينا نتجه للعلمانية بكل محاسنها ومصايبها الكبيرة

[doiss]

اقتباس اخى الكريم من أتى قبل من الإسلام العظيم أم العلمانية والليبرالية

طبعاً دة اكبر دليل ومش محتاج اني اتعمق اكتر في اساسيات نقدك او تحليلك او طرحك للموضوع لأن الجملة دية تبين اساسيات قياسك او مقارنتك والهدف المُغيب من طرحك للموضوع ما بين الدين الاسلامي كعقيدة وديانة , وما بين الليبراليه والعلمانيه وهم فكر ناتج عن ظروف إجتماعية وإجتهادات دنيويه وليس دين سماوي او عقيدة سماويه !!!!
وعلى الرغم فلقد وضعتهم بكفة والدين الاسلامي بكفة اخرى وهم ليسوا بدين وليسوا بعقيدة دينية وليسوا بمنهج ديني نهائياً !!!!!!!!!!

اقتباس ما الذى ينقص الإسلام وشرع الله تعالى لكى نحتكم إليه هل منعك الإسلام من التفكير والتقدم والعلم والرقى لم يمنع الإسلام ذلك إذا لماذا نلجاء لغير شرع الله لنحتكم اليه ونجعله نهج لنا وبه مفاسد عظيمة وخطيرة

ودية بردو صلب مشكلتك يا محمد , اللي بنبهك ليها ان عندك فكر ليبرالي لا يتعارض مع الدين الاسلامي واوجدت لك منة شريحة واستندت على نص قرآني لدعم الفكر وانه فكر يتوافق مع الشريعه والدين الاسلامي !
لكن المشكلة انك تهيء للقارىء ان الفكر ضد الدين وتوهمهم ان الليبراليه او العلمانيه منهج ديني ضد الاسلام وهي فكر لة ايجابياتة وسلبياتة !
وتوجد شرائح كثيرة تستند على الفكر الليبرالي كحرية مستمدة من الدين الاسلامي فما اوجة عدائها للإسلام هنا او للعقيدة والمنهج الاسلامي !!!!
زي ما فية مفكرين اسلاميين بيخطأؤ فبردو هتلاقي اخطاء بكل فكر او إجتهاد !

بمعنى ,,
لو حد قالك كل واحد حر يكفر او يؤمن بالله انا ماليش دعوة ربنا هيحاسبة هل دة مخالف للدين ؟
طب ما القران ذكر دة ولا هو عشان متذكرش كلمة فكر ليبرالي بالقران يبقى حرام ؟
انت نفسك روحت انتخبت عن طريق الديموقراطية رغم انها مش مذكورة بالقرآن بس دية فكر بيواكب حرية الرآى والتعقل والتدبر المنصوص عليها بالقرآن !

اقتباس أولا سجادة الصلاة ليست فكر الحادى كما تقول لأنه ثبت فى الحديث الصحيح أمرني رسول الله صلى الله عليه وسلم أن أناوله الخمرة من المسجد فقلت إني حائض فقال تناوليها فإن الحيضة ليست في يدك صحيح مسلم خلاصة الدرجة صحيح

انت روحت فين بس ؟ ههههههه
يا محمد اللي صنع السجادة ملحد وانت بتصلي عليها يعني واحد مش معترف بدينك اصلاً ,
اللي عاوز اوصلهولك اننا ممكن ننتفع من الملحد والعلماني والليبرالي ونتبادل معاهم المنفعه ونعيش معاهم بسلام مش نكفرهم ونقول انهم ضد الدين !
طب بتصلي على سجادتهم وبتسمح بالسبح وصناعات الصين الملحدين تتباع لية بالحرم المكي ؟

شوف ,
عشان يوصلك الفرق ما بين الفكر والعقيدة ,,
الفكر ممكن نختلف فية لكن مش معنى كدة اني اقصيك او اكفرك واقول انك عدوي لان ممكن شريحة كبيرة من الملحدين او ي حد مختلف عنك بعقيدتك ميبقاش دينك بدماغة اصلاً ولا بيفكر فيك وكل همه بالحياة التقدم الصناعي ومنفعة الناس وتبادل الخبرات والانتاج وهكذا ,,

لما تيجي انت وتكفرة وتقول انة عدو الاسلام والدين مع ان الراجل معملكش حاجة ودية حرية فكره او عقيدتة . تبقى انت كدة بتسعى انك تعيش بقمقم وكهف وتحط كل الناس اعدائك !
نفسي اعرف بتجيب العدوانية دية منين ؟
دة اول الكلام هو السلام عليكم مش اللعنات والتكفير لمجرد اختلاف الفكر !


نفسي افهم حاجة واحدة بس ,, لية لما الكفار كانوا عايشين بشبه الجزيرة العربية وسط المسلمين محدش كان بيعمل زيك كدة ويبقى عاوز يقصيهم ويطردهم ويكفرهم طول مهو قاعد وشوية شوية هيجيب سيف ويبتر رقابهم !!!

لما اقولك انت غريب بجد متزعلش انا بكلمك كأخ ((انت عدواني وعنصري يا محمد)) بنظر المعتدلين والله ما بكذب بجد واتمنى تقبل الكلام من اخوك ولو مش عاجبك هحذفة تحت امرك دية حريتك الشخصية ,

حاول تقبل فكر الناس وتاخد المفيد منهم واللي ينفعك ويفيدك سواء من كافر او بعقيدة اخرى لأن جميع الاديان مبادئها تتفق مع الاسلام ..
وبالنسبة للفكر ,, مفتكرش ان اي عمل او صناعة او تجارة ناجحة تسعى لرقي الانسان وللخير هتكون مخالفة للاسلام لمجرد كون المخترع او المكتشف صاحب فكر اخر وبالتالي ارفضة كلياً وجزئياً ,
حاول تقبل الناس يا محمد شوية وخلي بقلبك مساحة للتعايش والتسامح وتبادل المنفعه حتى لو من كافر ,, وبلاش لغة العداء والنفور المستمرة باغلب إطروحاتك لانها بجد بتشعر البعض ان صاحبها عنصري ومتطرف وعدواني ,

وانا قولت وجهة نظري واعتذر لعدم المداخلة مرة اخرى فكلٍ عبر عن رأية وقناعتة ,,

خالص الاحترام ..

[*دموع القمر*]

جزاك الله كل خير
سلمت اناملك

[SiLver Spectra]

معلش سؤال برا الموضوع
انت هتنتخب مين يا محمد ؟

[king lion]

اقتباس المشاركة الأصلية كتبت بواسطة doiss طبعاً دة اكبر دليل ومش محتاج اني اتعمق اكتر في اساسيات نقدك او تحليلك او طرحك للموضوع لأن الجملة دية تبين اساسيات قياسك او مقارنتك والهدف المُغيب من طرحك للموضوع ما بين الدين الاسلامي كعقيدة وديانة , وما بين الليبراليه والعلمانيه وهم فكر ناتج عن ظروف إجتماعية وإجتهادات دنيويه وليس دين سماوي او عقيدة سماويه !!!! وعلى الرغم فلقد وضعتهم بكفة والدين الاسلامي بكفة اخرى وهم ليسوا بدين وليسوا بعقيدة دينية وليسوا بمنهج ديني نهائياً !!!!!!!!!!

طيب كويس أنك نسخت الجملة دى

هو لما تيجى تقولى لا أله إلا الله حرية فكر ليبرالى
المفروض أقولك أيه يا ضياء

لا المفروض أقولك اه صح حرية فكر ليبرالى

لا طبعاً لأن أساس حرية لا إله إلا الله وأعتناقك لدين الإسلام
حرية كفلها الإسلام نفسه والليبرالية ملهاش إى دخل فيه

هو لما يجى ناس يقولوا عايزين الدولة علمانية

مش لازم نبين ان فى الأساس مينفعش نقارن السما بالأرض

مش المفروض نوضح ونحط النقط على الحروف

ونقول لا تعالوا بقى انتم عايزين تغرقونا فى بحور الرذيلة الغربية

لا عندنا دين إسلامى عظيم وشريعة تقدر تحكمنا

وحطيت سؤال إيه ناقص فى الشريعة الإسلامية عشان نستبدلها

وصدقنى لحد دلوقتى مفيش رد نهائى يا ضياء

وانا بكرر وبقول أيه ناقص فى شرع ربنا عشان يحكمنا ؟؟؟

مستنى رد ده لو فيه رد

تقدر تقولى ايه الفرق بين الفكر والتيار والمنهج و النظام

كلها أسماء للعلمانية هو مش فى كتاب برضه ذكروا فى كتبهم التيار العلمانى او الفكر العلمانى او المنهج العلمانى او النظام العلمانى

هو لما الفكر يتحط موضوع التنفيذ والعمل الفعلى

بيكون ايه ؟

معلش بس يا ضياء هى كلمه منهج مختصة بالدين بس

يعنى كل الكتاب لما ذكروا فى كتبهم المنهج الناصرى
كانوا يقصدوا بيه ديانة وعقيدة ؟؟؟؟

ياريت يا ضياء برضه تقولى ليه الجاء لليبراليه وله علمانية

وانا عندى شريعة منزلة ومؤمن بيها أشد الأيمان

وربنا سمح أننا نجتهد فى جزء كبير منها مما يواكب إى عصر
يعيش فيه الأنسان

ليه نفسى أفهم بجد

اقتباس ودية بردو صلب مشكلتك يا محمد , اللي بنبهك ليها ان عندك فكر ليبرالي لا يتعارض مع الدين الاسلامي واوجدت لك منة شريحة واستندت على نص قرآني لدعم الفكر وانه فكر يتوافق مع الشريعه والدين الاسلامي !

طيب خلينا كده بالعقل مع بعض لما أنت عندك كل شىء
أنت حابه موجود فى الشريعة

والإسلام مش حرمك من حاجه عايز تفكر وتخترع فكر واخترع
عايز تبدع أبدع الدين مش مانعك من ده

فيها ايه لما تعمل كل اللى انت عايزة تحت شرع ربنا

فيها ايه بدل ما ناخد قانون فرنسى خايب زى قضايا الزنا مثلا
ونطبقة ويبقى قانون

نطبق الشرع المنزل من الله

بص سيبك من الحدود خالص عشان دى مفهاش أجتهاد

تعالى لأى شىء تانى أنت راجل قانون مش كده

لما يكون فيه مشاجرة مثلا وواحد جرح واحد وله عامله عاهه مستديمة

بدل ما نحط قانون وثغرات وكلام فارغ ليه ميكنش الأمر محدد

اهو ده مثلا فيه أجتهاد لما يقعد العلماء والشيوخ والحاكم
ورجال القانون ويحطوا عقوبه حسب حجم الواقعه

بما يتناسب مع العصر اللى عايشينه ايه المانع قولى

ما أحمد زى الحج أحمد اهو

ليه نمشى بقوانين غيرنا ما الشرع فى أمور كتير سمح بيها فى الأجتهاد مش متجمد يعنى ولا متحجر

اقتباس لكن المشكلة انك تهيء للقارىء ان الفكر ضد الدين وتوهمهم ان الليبراليه او العلمانيه منهج ديني ضد الاسلام وهي فكر لة ايجابياتة وسلبياتة ! وتوجد شرائح كثيرة تستند على الفكر الليبرالي كحرية مستمدة من الدين الاسلامي فما اوجة عدائها للإسلام هنا او للعقيدة والمنهج الاسلامي !!!! زي ما فية مفكرين اسلاميين بيخطأؤ فبردو هتلاقي اخطاء بكل فكر او إجتهاد !

بص يا ضياء إى فكر فى الدنيا يحاول أقصاء الدين وتحجيمة
فى البيت والمسجد ويعزله عن الحياة بيكون ضده

انت قولها بالله عليك

حديك مثال بسيط جدا وأتمنى تفهم قصدى ولو مره واحده

انت راجل مسلم والحمد لله

مش حضرتك الحمد لله بتصوم وتصلى وتحج وبتأدى كل فروضك

طيب فى الشغل مش بتتعامل مع الناس بما يرضى الله
وبأخلاق الإسلام ولو فيه إى موقف أتعرضت ليه بينك وبين نفسك
بتقول لا ده حرام اعمله او أقبله لان ده رشوة او فيه شىء مخالف لعقيدتى

يبقى هنا انت مفصلتش الدين عن شغلك الدين كان فى حياتك كلها

أتمنى تكون فهمتنى يا ضياء

اقتباس بمعنى ,, لو حد قالك كل واحد حر يكفر او يؤمن بالله انا ماليش دعوة ربنا هيحاسبة هل دة مخالف للدين ؟ طب ما القران ذكر دة ولا هو عشان متذكرش كلمة فكر ليبرالي بالقران يبقى حرام ؟ انت نفسك روحت انتخبت عن طريق الديموقراطية رغم انها مش مذكورة بالقرآن بس دية فكر بيواكب حرية الرآى والتعقل والتدبر المنصوص عليها بالقرآن !

والله يا ضياء انا بجد موضوع التكفير والتحليل والتحريم
مش بحب أتكلم فيه لكن لو محدد فى شىء معين بشوف الكتب اللى عندى وأشوف أقوال علماء المسلمين أيه فيه

ضياء على فكره انا حاسس اننا مش مختلفين

بس اللى ملاحظه اننا مش فاهمين بعض او مش عارفين نتواصل كويس مع بعض

انا مختلفتش معاك فى التعقل والتدبر والأخذ بالأسباب
ما الدين سمح لينا بكده وحثنا على كده

اقتباس انت روحت فين بس ؟ ههههههه يا محمد اللي صنع السجادة ملحد وانت بتصلي عليها يعني واحد مش معترف بدينك اصلاً , اللي عاوز اوصلهولك اننا ممكن ننتفع من الملحد والعلماني والليبرالي ونتبادل معاهم المنفعه ونعيش معاهم بسلام مش نكفرهم ونقول انهم ضد الدين ! طب بتصلي على سجادتهم وبتسمح بالسبح وصناعات الصين الملحدين تتباع لية بالحرم المكي ؟

يا ضياء شفت بقى اننا مختلفناش كتير

بس المشكله اننا مش قادرين نتواصل كويس مش اكتر

انت لما اتكلمت عن السجادة انا افتكرت اللى اخترعها يعنى
فعشان كده قولتلك اللى كتبته ده

انا معاك انها بتتصنع فى الصين ومليزيا ومن ناس مش معترفين بالإسلام أصلا

طيب وهو انا قولت بلاش نتعامل معاهم ونقفل على نفسنا
انا مقولتش كده ابدا على فكره

نتعامل معاهم ناخد منهم اللى ينفعنا ونعيش فى سلام مفيش مشكله
وهو انا قولتلك نحاربهم

يا ضياء انا بتكلم عننا هنا فى مصر

أفهمنى بس الله يكرمك

دلوقتى انا بتكلم عن الشريعة ماهو ربنا ادانا حق الأجتهاد والتفكير والسعى والأخذ بالأسباب وكل شىء ليه أمشى على الفكر العلمانى

انت فاهمنى ليه اخده كسياسه دولة عندى هنا

مش معنى انى امشى بالشريعة

اننا نجيب واحد من الأزهر نقوله امسك وزير خارجية
ما بديهى ححط أنسان دارس ومعاه اللى يأهله لده

انت فاهم قصدى يا ضياء وله ايه

اقتباس شوف , عشان يوصلك الفرق ما بين الفكر والعقيدة ,, الفكر ممكن نختلف فية لكن مش معنى كدة اني اقصيك او اكفرك واقول انك عدوي لان ممكن شريحة كبيرة من الملحدين او ي حد مختلف عنك بعقيدتك ميبقاش دينك بدماغة اصلاً ولا بيفكر فيك وكل همه بالحياة التقدم الصناعي ومنفعة الناس وتبادل الخبرات والانتاج وهكذا ,,

انا فاهم يا ضياء انت قصدك أيه كويس

وبرضه انا حوضحلك انا اقصد ايه
ويارب نفهم بعض

لأنى والله وبصدق حاسس اننا مش مختلفين كتير من خلال كلامك فى المشاركة دى وضحت حجات كتيرة

بص يا ضياء الفكر ماشى كل انسان ممكن يختلف مع التانى حسب عقله ومفهومه ده طبيعى لأن العقول مختلفه

الموضوع مش موضوع عدوى وتكفير والكلام ده
ما أقرب مثال عندى فى البيت مأيدين حمدين صباحى من اول ما نزل
وانا كنت مأيد أبو أسماعيل قبل القضية
هل معنى كده انهم كانوا أعدائى ماهم كانوا عايزين البرادعى

الأختلاف فى الأفكار مفهوش اى مشكله يا ضياء

لكن أننا نخلى ده نظام دولة نمشى عليه طيب ما الأحسن
والأصلح والأفيد نمشى على الشرع ماهو سامح لينا نجتهد ونشغل المخ ونفكر وكله تمام

بالنسبة للملحدين وتفكيرهم فينا طب ليه منبقاش احسن منهم
ونخترع ونفكر وننتج ونتقدم وهو الإسلام منع ده

اقتباس لما تيجي انت وتكفرة وتقول انة عدو الاسلام والدين مع ان الراجل معملكش حاجة ودية حرية فكره او عقيدتة . تبقى انت كدة بتسعى انك تعيش بقمقم وكهف وتحط كل الناس اعدائك ! نفسي اعرف بتجيب العدوانية دية منين ؟ دة اول الكلام هو السلام عليكم مش اللعنات والتكفير لمجرد اختلاف الفكر !

لما يقولى اركن دينك على جنب عشان متجمد ومتحجر
وراجعى ومتخلف ما انا لازم اتجن

شىء تانى يعيش ويفكر ويعمل اللى هو عايزه
بس ميحكمنيش بنظام حيفتح علينا أبواب جهنم

يا ضياء انت شفت البنت اللى بعد الثورة دى عملت ايه
وله ايناس الدغيدى وغيرهم كتير

تخيل انت بقى لو قولنا يله علمانية حتبقى البلد عامله ازاى
حتبقى هيصه

انا اللى بقوله ومقتنع بيه انت ليك فكر مفيش مشكله
وانا ليه فكر برضه مفيش مشكله

لكن خلينا نجتمع على الشرع

تعرف يا ضياء والله اكتر اللى بتكلم معاهم فى كده
بيكونوا متحفزين جدا ويمكن اكتر من اى حد بشوفه فى المنتدى
وده فى الحياة العامة يعنى

وبلاقى ان التخوف من الناس اللى موجوده على الساحة حاليا
مش من الشرع وبلاقى ان الفكر متقارب جدا ومفهوش مشكله

اقتباس نفسي افهم حاجة واحدة بس ,, لية لما الكفار كانوا عايشين بشبه الجزيرة العربية وسط المسلمين محدش كان بيعمل زيك كدة ويبقى عاوز يقصيهم ويطردهم ويكفرهم طول مهو قاعد وشوية شوية هيجيب سيف ويبتر رقابهم !!!

نفسى افهم بس انت ليه فاهمنى غلط كده

هو انا اقصيت حد يا ضياء انا بقول الشرع
بلاش ندافع عن العلمانية ونرفعها فوق الشرع مهما كان
لأنها فى الأول والأخر فيها مصايب وبلاوى

وكل محاسنها موجوده فى الشرع يبقى ليه ادافع عنها

الفكر والأبداع ما الشرع عطاك الحق فى ده
التقدم والرقى برضه عطاك الحق فى ده
الحب والأيخاء بغض النظر عن الديانة وحسن الجوار
برضه ادنا الحق فى ده

انت فاهم قصدى

اقتباس لما اقولك انت غريب بجد متزعلش انا بكلمك كأخ ((انت عدواني وعنصري يا محمد)) بنظر المعتدلين والله ما بكذب بجد واتمنى تقبل الكلام من اخوك ولو مش عاجبك هحذفة تحت امرك دية حريتك الشخصية ,

لا يا ضياء صدقنى كلامك مش مزعلنى ابداً تعرف ليه
لانى بحترمك جدا وبعتبرك أخ

وطالما الكلام منك او من طارق فأنا مش بزعل من كلامكم
لأنى فاهم كويس اننا بنحترم بعض وعمرنا ما بنقلل من بعض حتى لو أختلفنا

بس على فكره حد تانى حيقولى عنصرى حتلاقينى ناطط عندك فى الشكاوى :079:

بهرج معاك مش اكتر

وصدقنى انت فاهمنى غلط بس يمكن مع الوقت تغير نظرتك فيا

اقتباس حاول تقبل فكر الناس وتاخد المفيد منهم واللي ينفعك ويفيدك سواء من كافر او بعقيدة اخرى لأن جميع الاديان مبادئها تتفق مع الاسلام .. وبالنسبة للفكر ,, مفتكرش ان اي عمل او صناعة او تجارة ناجحة تسعى لرقي الانسان وللخير هتكون مخالفة للاسلام لمجرد كون المخترع او المكتشف صاحب فكر اخر وبالتالي ارفضة كلياً وجزئياً , حاول تقبل الناس يا محمد شوية وخلي بقلبك مساحة للتعايش والتسامح وتبادل المنفعه حتى لو من كافر ,, وبلاش لغة العداء والنفور المستمرة باغلب إطروحاتك لانها بجد بتشعر البعض ان صاحبها عنصري ومتطرف وعدواني , وانا قولت وجهة نظري واعتذر لعدم المداخلة مرة اخرى فكلٍ عبر عن رأية وقناعتة ,, خالص الاحترام ..

طيب انا مش بعترض انى أخد اللى ينفعنى من علم
ومن أمور حياتيه وده بيحصل بالفعل

انا مش بقول عشان ديانته او انتمائه او فكره ارفضه

انا بتكلم اننا مسلمين وفى بلد مسلم
يبقى نحكم بشرع الله أولى من أننا نحكم بالعلمانية

ده كان الغرض مش اكتر

وعلى فكرة أنا فعلا حاسس ان فى كتير جدا أخدين فكرة
انى متشدد ومتعصب وممكن أرهابى كمان
بس صدقنى دى مش الحقيقة خالص

بس حنقول ايه ان شاء الله نقدر نقرب اكتر وجهات النظر
وتشوفوا فيا جانب كويس غير النظرة دى

أحترامى وتقديرى لشخصك الطيب

[king lion]

اقتباس المشاركة الأصلية كتبت بواسطة silver spectra معلش سؤال برا الموضوع انت هتنتخب مين يا محمد ؟

طيب ازيك الأول يا طارق

نجاوب انت هرينى اسأله فى كل موضوع تدخل تسأل

بعد حازم صلاح ابو أسماعيل واللى حصل

وبعد ما شفت البرامج الأنتخابيه بتاعت المرشحين

حنتخب

حمدين صباحى

رغم أنى عارف انه حيخسر وفرصته قليله
بس انا مقتنع بيه بصراحه

وحاسس انه يقدر يعمل شىء للبلد

أتعبنى معاك وأسال تانى :079:

براحتك بهزر اسأل براحتك
ونورت الموضوع

[SiLver Spectra]

اقتباس المشاركة الأصلية كتبت بواسطة king lion طيب ازيك الأول يا طارق نجاوب انت هرينى اسأله فى كل موضوع تدخل تسأل بعد حازم صلاح ابو أسماعيل واللى حصل وبعد ما شفت البرامج الأنتخابيه بتاعت المرشحين حنتخب حمدين صباحى رغم أنى عارف انه حيخسر وفرصته قليله بس انا مقتنع بيه بصراحه وحاسس انه يقدر يعمل شىء للبلد أتعبنى معاك وأسال تانى :079: براحتك بهزر اسأل براحتك ونورت الموضوع

أنا كويس الحمد لله أخبارك انت
دايما مش بنتقابل غير في نادي التكفير , ما تعملي عضوية فيه هههههههه

حمدين صباحي
طيب ما انت كويس اهو ,,امال بتكفر في الافكار المختلفة معاك و بعدين بتصوتلها ازاي!
تفتكر فكر حمدين صباحي بيتطابق مع فكرك ؟
طيب ازاي مش بيتطابق و هتصوتله ؟ مش دا بيدل على ان في جزء انت بتتقاطع معاه فيه ؟

طيب و تفتكر ان فكره مع الشريعة أو ضد الشريعة؟
جاوبني و هرد عليك

[ساحر الأحزان]

الاسلام لم يتقوقع على نفسة ولكنة طلب انك تاخد الى يفيدك وتبعد عن الى

بيضرك يعنى هما اخدو مننا طرق البداية وكملوها

يعنى انا كمسلم التزم بمادىء دينى وامشى عليها وفى نفس الوقت محبسشى

على نفسى عندك مثال بسيط للعمليات الحساسة الى بتجرى اكتر الناس

بتعملها فين مش برة وبأيدى اجنبية يعنى المقصود الى عايز اوضحة

هل لازم اسمع القنوات الاباحية واقلدهم فى موضوهم وتقاعليعهم

واجيب الضرر والانحلال لنفسى واترك المفيد لية

انت قدامك طرقين

اختار الى مناسب ليك ياما تاخد النافع ليك ولغيرك

وانك تترك الى ممكن يضرك ويضر نفسك

وفى نفس الوقت تكون مسلم مثقف ومطلع على شان تعرف ترد وتحاور

على من يتطاول على دينك بالاساليب المقتعة

تحياتى لجميل موضوعك