الإسلام و العلمانية

[Aya 7ekaya]

موضوع جميل جداا
بس انا عايزة اوضح حاجة الناس العاديه اللى هم الشعب اللى بيقولو كلمه علمانيه او انهم ينتموا ليها اصلا مايعرفو يعنى ايه علمانيه
بس فى ناس بتاخدها من نحيه ضد الحكم الاسلامى وخلاص او اهو تيار ماشى ضد اى تيار اسلامى

بس ده نتيجه صورة غلط الاعلام او او او وصلها للناس عن الاسلام على انه تشدد وظلم وكل حاجة وحه
بالعكس احنا لو فعلا طبقنا الاسلام دين ودوله هنكون احسن امه ف العالم وده وعد ربنا لينا
والدليل ايام الدوله الاسلاميه ف الازدهار كان الاسلام يطبق ف كل جوانب الحياه علشان كده كان عندنا قوة دلوقتى مفيش مقارنه
ربنا يطبق فينا شرعه

[king lion]

اقتباس المشاركة الأصلية كتبت بواسطة silver spectra أنا كويس الحمد لله أخبارك انت دايما مش بنتقابل غير في نادي التكفير , ما تعملي عضوية فيه هههههههه

طيب الحمد لله انك بخير ويارب ديما يارب
انا لله الفضل والمنه تمام وزى الفل

والله انا مش عارف ليه بتشوفوا المواضيع
على انها كده بس ماشى حاضر حعملك كارنيه فى النادى :079:

اقتباس حمدين صباحي طيب ما انت كويس اهو ,,امال بتكفر في الافكار المختلفة معاك و بعدين بتصوتلها ازاي!

إى نعم حمدين صباحى

مين قالك أنى بكفر وليه بتقول بكفر نفسى أفهم بجد

أعتقد اننا أتكلمنا مرة فى موضوع الأنتخابات ده
وقولتلك أنى بختار على أسس معينة

يعنى حمدين صباحى وباقى المرشحين

كل واحد عنده مميزات وعيوب فى البرنامج الخاص بيه

كمثال
حمدين مختلف معاه أنه مقلش صراحة أنه حيطبق الشريعة
فى ضوء انه غيره قال كده زى الدكتور ابو الفتوح مثلا

بس تعالى شوف المناظرة اللى كانت مع عمرو موسى
ولما أثار الحديث عن النقطة دى حصل نوع من التردد
فى الرد بعض الشىء

وده حيوضح أكتر فى الرد على النقط اللى جاية

اقتباس تفتكر فكر حمدين صباحي بيتطابق مع فكرك ؟

انا قولتلك أن فيه نقط بكل تأكيد مختلف فيها مع حمدين صباحى

اقتباس طيب ازاي مش بيتطابق و هتصوتله ؟ مش دا بيدل على ان في جزء انت بتتقاطع معاه فيه ؟

حقولك أزاى مش بيتطابق وحصوتله يا طارق وركز معايا

إى شخص فى الدنيا مش ممكن حيتطابق الفكر بنسبة 100 %
حيكون فيه نقط أختلاف بين الأتنين وده مش عيب

الأنتخاب والتصويت بالنسبه ليا أمانة شديدة جداً

يعنى فى البداية أنا كنت بأيد الشيخ حازم صلاح أبو أسماعيل
وكنت مقتنع جدا بالبرنامج الأنتخابى بتاعه
وكان عندى خلاص هو ده الشخص اللى مقتنع بيه أقتناع تام
وحصل موضوع القضية والراجل لم يثبت شىء
خلاص طلع من الأنتخابات

حطيت الباقى كله مع بعض طبعا أستثنى شفيق وعمرو موسى
لأنى رميهم من حسباتى ككل

لما حطيت حمدين صباحى مع دكتور عبد المنعم مثلا
فى مفاضلة بينهم

كان فى نقطة ضعف عند حمدين صباحى وهى الشريعة
فى نفس الوقت كانت النقطه دى مرجحة كفة ابو الفتوح

وصدقنى لو كان فى تقارب فى قوة البرنامجين
كنت رجعت كفة أبو الفتوح على صباحى

لكن كان فى فروق مش بسيطة فى باقى الجوانب
من وجهة نظرى على الأقل
وده اللى خلانى أرجح كفة صباحى

اقتباس طيب و تفتكر ان فكره مع الشريعة أو ضد الشريعة؟ جاوبني و هرد عليك

هو الراجل لما يقول الشعب مصدر السلطات والتشريع يبقى ايه

يبقى حيمشى على نظام غير النظام الإسلامى
لأن المعروف أن الإسلام هو مصدر التشريع

وانا منتظر ردك

[SiLver Spectra]

يبقى كدا اقدر أطلعلك كشف طبي و اقولك
مبروك طلعت ليبرالي

لأنك دورت في ايجابيات مرشح بالرغم من انه مش بيتطابق معاك 100% و لكن مع ذلك قدرت تتعايش معاه و تشوف الجزء الايجابي فيه بدون ما تشتم و تسيئ اليه بالرغم من انك اكيد عارف و فاهم يعني ايه فكر اشتراكي ناصري
و بالرغم كمان انك عارف ان في ناس افضل منه من الناحية الدينية
و لكنك رجحت كفة حمدين
دا ان دل فيدل على ان فكرك فيه جزء متحرر , خلاك ما تبصش بعنصرية و تختار الاقرب الى فكرك من الناحية الدينية
يبقى زي ما قولت
مبروك طلعت ليبرالي و انت مش واخد بالك
هتسميه ايه بقى ؟ :762:

[king lion]

اقتباس المشاركة الأصلية كتبت بواسطة silver spectra يبقى كدا اقدر أطلعلك كشف طبي و اقولك مبروك طلعت ليبرالي لأنك دورت في ايجابيات مرشح بالرغم من انه مش بيتطابق معاك 100% و لكن مع ذلك قدرت تتعايش معاه و تشوف الجزء الايجابي فيه بدون ما تشتم و تسيئ اليه بالرغم من انك اكيد عارف و فاهم يعني ايه فكر اشتراكي ناصري و بالرغم كمان انك عارف ان في ناس افضل منه من الناحية الدينية و لكنك رجحت كفة حمدين دا ان دل فيدل على ان فكرك فيه جزء متحرر , خلاك ما تبصش بعنصرية و تختار الاقرب الى فكرك من الناحية الدينية يبقى زي ما قولت مبروك طلعت ليبرالي و انت مش واخد بالك هتسميه ايه بقى ؟ :762:

يا سلام يا سلام

الروشته دى مضروبة على فكرة يا دكتور :079:

وخلى بالك بقى عشان حشتكيك فى نقابة الأطباء بجد

بص يا طارق انا قولتلك أيه فى ردى فوق

نقطتين مهمين جدا

فى الجزء الأول قولتلك انى كنت مقتنع جداً بحازم ابو أسماعيل
ولما خلاص منزلش الأنتخابات أبتديت أدور بين المرشحين
وأقارن بينهم

وقولتلك شوف مثلا مناظرة ابو الفتوح مع عمرو موسى
ولما أثير نقطة الشريعة

الراجل تردد بعض الشىء وقال كلام مخالف فعلاً وحقيقى
للى كان قاله بالفعل فى حلقة مع منى الشاذلى

عن حق الأعتقاد وأن المسلم أذا تحول للمسيحية وغيرها
على الدولة حمايته
وأن حد الردة لا مكان له

بالعقل والمنطق أذا كانت الشريعه كانت مرجحة كفة أبو الفتوح زى ما قولتلك وحط معاهم البرنامج الأنتخابى بتاعه

اللى من وجهة نظرى شفت برنامج صباحى أقوى منه بمراحل

ضيف عليه نقطة أزاحة الحدود بشكل أو بأخر
لكسب مشاعر بعض الناس

يبقى فى كل الأحوال فى عدم وضوح تام للأمور

فده برضه يرجح كفة صباحى عندى عن أبو الفتوح

برضه اللى حيجننى أيه ناقص فى شرع الله أننا منحتكمش ليه
ونمشى عليه ما دام كل ما يتمناه الأنسان موجود فيه

من مواكبة للعصر والتقدم والرقى والأختراع والأحترام

فى نقطة مهمه برضه يا طارق أتمنى تفهمها كويس

هو لما أفاضل بين شخصين الأتنين مسلمين
وكل واحد فيهم ليه برنامج

أختلفت مع ده فى أشياء وده فى أشياء تانيه

وأخترت بينهم ده يخلينى ليبرالى

خلى بالك الدين مش عصبيه وتشدد وعنصرية بالعكس
الدين فتح المساحة للعقل والأختيار فى الأمور الحياتية
اللى بعيدة عن الحدود الشرعية والمعروفة

ابو الفتوح النقطة اللى كانت فى صالحة الشريعة
وبعد المناظرة ومخالفة كلامه السابق
بقى فيه نوع من التخوف انه فعلا خالص النية وحيطبقها
ضيف على ده برنامجه الأنتخابى اللى كان أقل من صباحى

ده رجح صباحى عنه

برضه مش ليبرالى :079: :079:

نورت يا طارق

عاشقة الهدوء والأخت وردة خجولة

بعتذر ليكم جدا عن التأخر فى الرد

[●•0دموع الورد ●•0]

يجب علينا ان نحكم الشرع الذى شرعه الله ونهج عليه خير الانام

وولا يجب علينا اتباع اى طائفه اتباع أعمى
بمجرد ان بعض الناس يسيرون على ضربها

فلن يتحقق الامن والامان وراء تلك الطوائف التى تفرق الدين عن أمور معاشها
وتقول بانه دين حد من حريتنا
هذا مفهوم خاطئ يجب أن يعد الكثير التفكير

لانه لو فكر بعقله لراى أن الدين الاسلامى دين يسر وسماحه اشتمل على كل صغيره وكبيره كل حكم كل شئ
ليصلح به العيش ويتحقق العدل والامان والمساواه والحريه........


جزاك الله أخى موضوعك المتميز
وعلى توضيحك

[doiss]

لا احنا مش متفقين يا محمد ,
احنا متفقين على انك شخص محترم سواء برا او جوا الموضوع لكن بالنقاش مش متفقين طبعاً عشان متعملش لبس بالامور اني متفق مع موضوعك وان الاختلاف بسيط هههههه
انا قولتلك انا قولت وجهة نظري ومش حرد تاني فمتحللهاش اتفاق على موضوعك ,
انت راجل الليبرالية ولا العلمانيه عندك يعني شذوذ وقلع للحجاب واعمال مخلة بالاداب وفجر وفسوق ههههههه يبقى متفقين فين ؟
لما تفصل بين الفكر والعقيدة وان التعزيرتطبيقة قدر المستطاع مفهوش مشكلة مع شرائح كبرى من الفكر الليبرالي لان الفكر الليبرالي بيمثل عرف مُكمل وفق الثقافة والظروف الاجتماعية والعادات والتقاليد بكل مجتمع .. فوقتها ممكن نوصل لنقطة اتفاق ,
لكن انت راجل بتكفر الليبرالي والعلماني وبتخلط الفكر المكمل لظروف العصر بانة بيشكك بالعقيدة يبقى مش حنتفق :biggrin:

[Iѕlαм Ч 3αlαм]

وعليكم السلام ورحمة الله وبركاته

موضوع مميز يا محمد
ربنا يكرمك ويجعل جهدك فى ميزان حسناتك


اولا توقعت لما طارق سألك السؤال ده انه عايز يشوف فكرك هايوافق فكر مين
والحمد لله صح ظنى

بالنسبة لضياء

انا ما أقدرش اكفر الليبرالى ولا العلمانى الا فى حالة اتيانه بنواقض الاسلام
او الشرك والكفر وغيرها
طيب فرضنا ان الليبرالى والعلمانى قالك ان الحكم لا يكون للدين الاسلامى
مع رضاه بذلك
ياترى ده يبقى ايه؟
تانى حاجة موضوع سجادة الصلاة والعلم والتكنولوجيا
اولا هاتلى دليل على ان الدين الاسلامى لا يؤيد العلم والمعاصرة والتكنولوجيا
واقصد من كلمة المعاصرة مواكبة العصر بشرع الله مش هاسيبها مطلقة
قال تعالى ( وخلقنا لهم من مثله ما يركبون )

طبعا لو سيدنا محمد اخبر الأمة فى عصره عن ان هناك فى المستقبل ستكون الطائرات والسيارات والقطارات وغيرها
توقع ماذا سيقولون عن خير الانام اكثر مما يقولونه
ولهذا جعلها الله تعالى مبهمة حتى تواكب عصر النبوة ولا يحصل للاسلام الضرر

ولا تنسى الدبابات والمجانيق التى استعملها النبى عليه الصلاة والسلام كأسلحة حربية حديثة مقتبسة من الفرس
يعنى سواء صنعتها بلاد اوربية او غيرها هذا لا يهم
فنحن لم نطلب منهم ان يصنعوها لنا
وان صنعوها لنا
فلا تنس ان هناك مسلمون مثلنا
فتصنع لهم كما تصنع لنا


هارجع للعامية شوية

هاسألك سؤال انت وطارق

ولو سمحتم الاجابة لان ده مش اختبار ليكم ده مجرد مناقشة ووصول لعرض الافكار

ما هى الليبرالية

وما هى العلمانية

وما هو الاسلام

وهل هناك فرق بينهما وبين الاسلام؟

[doiss]

اقتباس موضوع مميز يا محمد ربنا يكرمك ويجعل جهدك فى ميزان حسناتك

آمين !! ههههه
اي حاجة قالها محمد آمين لمجرد انه بيكفر الفكر العلماني او الليبرالي !
نقطة نظام ومراجعة لنفسك يا اسلام :biggrin:
لانك نقدت نفسك هنا وقولت عكس كلام محمد (كينج ليون)

اقتباس انا ما أقدرش اكفر الليبرالى ولا العلمانى الا فى حالة اتيانه بنواقض الاسلام او الشرك والكفر وغيرها

عشان اثبتلك انك داخل تؤيد الموضوع تأييد بدون تركيز لمجرد الهجوم على اي ايدلوجيات حديثة ,,
انت شكرت محمد ولم تعلق عليه ثم رجعت واتيت بردك الرائع لتنقد موضوعة بوجهة نظرك التي اقتبستها واتفق معها ولكنك توجهها لي بدلاً من ان توجهها له !! ههههههه

ومادم دية وجهة نظرك اللي انا شرحتها لمحمد واغلق ذهنه تجاهها يبقى كان من باب اولى توجة نقدك لية مش ليا :biggrin:
لان معنى كلامك ان الليبرالية او العلمانية لا يوجد لها قاعدة ثابتة ولكنها مجرد إتجاه فكري يمكن تطبيق ايدلوجياته بما يوافق اتجاهك الديني ,
يعني واحد عاوز ياخدها بحرية الشذوذ مثلاً فدة وفق مجتمعه وعادتهم وتقاليدهم ان لم تمنعه , لكن احنا مجتمع شرقي ومن ثم فليونة الاتجاة الليبرالي ستنحصر بما يوافق الحرية المتعارف عليها سواء وفق مرجعية دينية او عادات وتقاليد شعبنا !
يعني لا اله الا الله دية قيود انت بتضعها على نفسك ان حريتك مش هتتعدى انك تشرك مع الله احداً .
وبالتالي انت واكبت حرية المعتقد وبنفس الوقت وضعت قيود للفكر الليبرالي وفق عقيدتك او دينك او اتجاهك ومنهجك الديني :biggrin:

ودة المقصود من الفكر الليبرالي للمسلمين .. انة حر الابداع او الصناعة او التكنولوجيا بما لا يخالف الشرع او الدين ,

لكن لما يجي محمد يكفر الفكر الليبرالي او العلماني ككل فدة مش مقبول ومرفوض وتدخل انت تأييدة ثم تعترض عليه !
يبقى انت عندك مشكلة بالمصطلح لمجرد سماعك لة مش اكتر (يعني بيجيلك ارتكاريا من اسم المصطلح مش اكثر) :biggrin:
لانك دخلت تصفق لمحمد لمجرد ذكر لفظ ليبرالية او علمانية وانهم ضد الاسلام ثم فسرت المصطلح ضد صاحب الطرح وواكبتة مع الاسلام بالادلة ههههه يعني الموضوع ارتكاريا مش اكتر :biggrin: ..

اقتباس تانى حاجة موضوع سجادة الصلاة والعلم والتكنولوجيا اولا هاتلى دليل على ان الدين الاسلامى لا يؤيد العلم والمعاصرة والتكنولوجيا

ياريت تقرأ كويس مقصدي من ذكر سجادة الصلاة وهو توجه لنقد محمد يعني بردو دة رد ليك على محمد مش عليا هههههه
مش بقولك المصطلحات عاملة لك ارتكاريا زي محمد !
لأن انا كان مقصدي هو نفس ردك اللي اقتبستة ان العلوم حتى لو من كافر لا يوجد سبب لمهاجمتم كما فعل محمد وهاجم وكفر اصحاب الايديلوجيات الليبراليه حتى لو كانت لا تختلف عن معارضة العقيدة او الشرع !
فتبادل المعارف والعلوم لا يخالف الدين وكان ردي لمجرلاد ان اوضح لمحمد مدى تناقض فكرة وطرحة ,,

اقتباس هاسألك سؤال انت وطارق ولو سمحتم الاجابة لان ده مش اختبار ليكم ده مجرد مناقشة ووصول لعرض الافكار ما هى الليبرالية وما هى العلمانية وما هو الاسلام

هنا انت كونت عقيدة شخصية لمستها من توجيهك سؤال لي ولطارق بأننا ضد الشريعة هههههه
يعني حسبتها اننا فريقين انت ومحمد متفقين ضد رايى انا وطارق رغم انك نقدت محمد واتفقت مع رايى بردودك بدون ان تشعر لمجرد ارتكاريا المصطلحات التي يستغلها محمد لتكفير اي ايديولوجية لا يستوعبها عقله مع احترامي لة ,,

وافتكر النبذة اللي رديت بيها عن تطبيق الليبراليه وفق عادات وتقاليد او بمرجعية دينية لمجتمع معين تقدر تشغل مخك وتقيس بيها على مرجعيتك وتتفق وتتقابل معها بما لا يخالف شرع الله :biggrin:



خالص الاحترام ,,

[قلم بلا حبر]

علشان متتعبشى نفسك يا ضياء

محمد بيقرا ردك علشان يرد عليه

مش علشان يفهم اللى فيه

انت قلت اللى يخلى واحد ملحد يقف ليك احتراما ويقولك انت نموذج لانسان متدين بيدعو لدينه بافعال واقوال ويجذب اى حد للدخول معاه فى دينه

انا فاكر ان فى دكتور امريكى كان بيدرس فى الجامعه الامريكيه مصر ,, وفضل مقيم فى القاهره تقريبا 15 سنه

واعلن اسلامه بعدها

فلما سألوه ليه اسلامك اتأخر كده

قال ,, المسلمين هم السبب

فاحنا بنوضح فى شكل ردود ,, ان مش كل المسلمين عنصريين ومش كل المسلمين بينكروا الاخر مهما كانت ديانته

(( ادع الى سبيل ربك بالحكمة والموعظة الحسنه ))

فده حال الدعوه لغير المسلمين والمسلمين ,,, وده اللى الاسلام طبقه فى بدء الدعوه سرا ومن ثم جهرا ومن ثم بيان الاحكام ثم الحدود الى ما غير ذلك

الاسلام تحدث عن نفسه

(( إِنَّ الدِّينَ يُسْرٌ وَلَنْ يُشَادَّ الدِّينَ أَحَدٌ إِلَّا غَلَبَهُ ))

مش بالعافيه ,, انما بيسره

اعجاز الاسلام كان فى تحديه بلغة قرأنه العربيه فى قوم هم اهل الفصاحه والبلاغه والبيان

واعجاز الاسلام فى 2012

هو يسره واتساعه للجميع تحت مظلته ,,,

اما مفهوم الدين عند البعض فليس ادل على ذلك

من قرار الملك عبد الله باقالة الشيخ القائل بفتوى ارضاع الكبير

وليس ادل على ذلك من سخرية المصريين كلهم من قانون جماع الوداع

وليس ادل على ذلك من هذا الاعتذار









وقسما بالله وده على لسان سلفى هنا يا ضياء فى المدينه المنوره لما سألته ياترى يا شيخ اللى فى العباشيه بلطجيه والا ثوار ؟؟

قاللى انا فاهم انت تقصد ايه بس مين قال اننا كنا بنأيد الكلام بتاع المشايخ ,,,

السلفيين منقسمين ما بين لسفيو اسكندريه وسلفيو حزب النور وسلفيو العلماء محمد حسان وغيرهم

وفى سلفيين ابتعدوا عن ده كله بسبب التجاوزات اللى حصلت بسبب السياسه

ولما سألته وليه كل الانقساماتا دى ؟؟

قاللى مينفعشى ابقى عارف انى كلام الشيخ ياسر برهامى غلط ورؤيته للوضع غلط وامشى ورا كلامه

قلت بس ,,,,,

مصر لسه بخير

عقبال الاخ محمد والاخ بودى والاخ اسلام والاخ خالد

وربنا يهدى الجميع

احنا مش عايزينها امريكا

ولا عايزينها فرنسا

بس فى نفس الوقت

مش عايزينها السعوديه

ولا عايزينها قندهار

ولا عايزينا طهران

احنا عايزنها مصر

اللى الرسول صلى الله عليه وسلم قال (( وهم فى رباط الى يوم الدين ))

ومعنى رباط ,, يعنى اتحاد

والاتحاد عمره ما كان بين الشخص ونفسه

او بين الايدولوجيه ونفسها

انما الاتحاد بيكون بين ناس مختلفين فى الفكر انما متحدين على نفس الهدف

وهدفنا ,, مصر قويه متطوره

ومظنش ان نغمة انت علمانى وانت ليبرالى وانت اسلامى ,, حتجيب التطور والخير لمصر

عايز تثبت انك صح ,, اثبته بالعمل مش بالكلام

لو بتعرف تتكلم فكتير افصح منك

ولو عندك دليل ,,, فكتير عندهم ادله يفندوا بها ادلتك

انما اللى انا مقتنع بيه ,, ان واحد مسلم فى امريكا اسلم على ايده اسره كامله لمجرد انه كان بيتعامل معاهم باخلاق الاسلام

لا قال ليهم انتم كفره ولا قال ىليهم دينكم غلط ,, ولا اتكلم معاهم فى حاجه دعويه

مجرد انه طبق دينه على نفسه

فالناس انبهرت بيه كنموذج ,, فاستدلوا على اللى المنهج اللى بيتبعه

فاكتشفوا انه الاسلام ,, فاسلموا

سيبوكوا بقى من المواضيع دى ومصر بلد متدين بالفطره ,, وعلياء المهدى لما اتعرت محدش صقف ليها

بس لو كنت شفت عداد الزوار بتاع مدونتها

كنت حتعرف يا شيخ محمد ان فى حاجات تانيه اولى من مواضيعك الصاروخيه اللى بتتحفنا بيها كل شويه

انت مسلم ,, وانا مسلم ,, وضياء مسلم

ما فى القلوب لله وما فى العقول لله

انت لا يهمك الا عملك ,,, ونفسك

وربنا يكرمك وتكون نموذج يقتدى بيه الناس

ومتكونشى مجرد راديو يسمعه الناس ويقولوا الله ,, ويقوموا يعملوا برده اللى كانوا بيعملوه

القدوه عمرها ما كانت باللسان (( ان الله يحب احدكم اذا عمل عملا ان يتقنه ))

حسسنا انك بتحب مصر علشان على الاقل نسمعلك

ده انت يا راجل فى عز المشاكل اللى فيها مصر الاقيك انت وبعض الاخوه بتتكلموا عن ايران

اى منطق ده

يعنى بيتك مولع ,, تقوم تسيبه وتقول على فكره يا ضياء البيت اللى جانبكم فيه شقة دعاره

حفظ النفس مقدم على جميع المصالح

ومصر فيها ازهاق للنفس

ياريت يكون قلمك ليه دور توعوى فى المنتدى ,,

بدل ما انت بتعلم الاطفال والمراهقين والشباب ازاى بتكون التفرقه بين ابناء الدوله الواحده وبين ابناء الدين الواحد

علموهم ايه هى حقوقهم

ازاى يقدروا يحافظوا عليها

ازاى يقفوا فى وش حاكم جائر ويقولوا كلمة حق

ويا عم هات ادله من الدين ,,, بس اكتب ما يجمع ,, وابعد عن ما يفرق

مظنش ان التتار لما دخلوا مصر كانت مصر متحده ,, دى كانت على شفا حرب اهليه بين اقطاى وعز الدين ايبك

ومع ذلك فى عز المحن بيكون الاتحاد

اللى انت بتتكلم فيه ده ان شاء الله بعد ما نستقر والشباب يشتغل وال 40% تحت خط الفقر يبدأوا يلاقوا مصدر دخل ويكون لينا رئيس منتخب وسياسه خارجيه ثابته

قول اللى انت عايز تقوله

ولو انى دايما حكون فى صف اللى بيجمع مبيفرقشى

(( ولو شاء الله لجعلكم امة واحدة ولكن ليبلوكم ايكم احسن عملا ))

فمتفكرشى انك انت اللى حتوحد مصر او غيرك او غيرك

مصر موحده ومصر مرتبطه بترابها وبدم اولادها

ومش مستنياك تحدد ليها منهجها

حدد منهجك انت ,, وانزل اشتغل وكون قدوه

ادع للاسم بعملك مش بلسانك

تحيااااااااااااااااااااااااتى""""""""""""

[Iѕlαм Ч 3αlαм]

آمين !! ههههه

الأسلوب الساخر دائما لا يفيد

اي حاجة قالها محمد آمين لمجرد انه بيكفر الفكر العلماني او الليبرالي !
نقطة نظام ومراجعة لنفسك يا اسلام :biggrin:
لانك نقدت نفسك هنا وقولت عكس كلام محمد (كينج ليون)

اولا التكفير مش أمر هين
ومش أى حد يكفر



عشان اثبتلك انك داخل تؤيد الموضوع تأييد بدون تركيز لمجرد الهجوم على اي ايدلوجيات حديثة ,,
انت شكرت محمد ولم تعلق عليه ثم رجعت واتيت بردك الرائع لتنقد موضوعة بوجهة نظرك التي اقتبستها واتفق معها ولكنك توجهها لي بدلاً من ان توجهها له !! ههههههه

أولا الشكر مش شرط يكون ع مضمون الموضوع
لانى لو شكرته ع مضمون الموضوع هاضيف مداخلات ليه
وراجع ردودى ع بعض مواضيعه
انا شكرى على مجهوده ووجهة نظره
ودعوته للإسلام
واعتقد دى مافيهاش أى مشاكل
ولو مش عايز تقتنع بكلامى
فدى حريتك
والله اعلم بالسرائر
اما مداخلتى للموضوع
هى مش دفاع عن حد
انا داخل ابدى وجهة نظرى للموضوع


راجع معايا مبادئ العلمانية

1- الإيمان المطلق بالمادة وبما يحس ويشاهد وإنكار ماوراء الطبيعة من الامور الغيبية
2- تقديس العلم التجريبى والاعتماد على الحواس كمصدر للمعرفة والكشف عن الحقائق
3- معاداة الأديان عامة والأديان السماوية خاصة ومحاربتها بعنف سواء وقفت إلى جنب العلم أو عادته
4- من العلمانيين من ينكر وجود الله تعالى ويجعلون الطبيعة بديلا عنه وينسبون إليها ما يجب أن ينسب لله من الخلق وتسيير الكون وغيره تعالى الله عما يقولون علوا كبيرا
ومنهم من يؤمن بوجوده ولكنهم يعتقدون أنه لا علاقة بين وجود الله وبين حياة الإنسان على الأرض
5- إنكار الآخرة والبعث والحساب وعدم العمل للآخرة
6- إقامة حاجز المى الروح والمادة
7- إنكار القيم الإنسانية والمثل العليا واعتبارها قيما سلبية
8- فصل الدين عن الدولة وإقامة الحياة على أساس مادى ورفض التحاكم إلى شرع الله تعالى
9- اعتقاد أن التدين حرية شخصية فى نظاق حياة الفرد الشخصية
أما المجتمع والدولة فلا سلطان للدين عليهما
الخلاصة: أن العلمانية لا تمنع الفرد أن يتعبد لله فى المسجد ويصلى ويصوم ولكنها ترفض الخضوع لشرع الله والالتزام به فى إطار المجتمع والدولة
10- الأخذ بمبدأ النفعية فى كل شئ فى الحياة
11- الأخذ بمبدأ الميكافيلية:biggrin: كفلسفة للحكم والسياسة والأخلاق

دى مبادئ ليهم
طبعا لو ركزت هاتلاقيها مبادئ كفرية

طبعا ماتنساش نظرية دارون الكفرية
اضافة للمبادئ والمعتقدات الباطلة الفاسدة
والتى للأسف ينحاز لها الكثير من الناس
يبقى ده معتقد ولا لا؟

ومعلوم ردا على كلامك
ان أى إنسان يخترع عقيدة غير عقيدة الاسلام او فكر فابالفعل ليس له قواعد ثابتة
لان منهجه مهزوز ليش ثابتا
فـ بالتالى يغيره بما يناسبه ويوافقه ويعادى ما لا يرضاه

[/QUOTE]يعني لا اله الا الله دية قيود انت بتضعها على نفسك ان حريتك مش هتتعدى انك تشرك مع الله احداً .
وبالتالي انت واكبت حرية المعتقد وبنفس الوقت وضعت قيود للفكر الليبرالي وفق عقيدتك او دينك او اتجاهك ومنهجك الديني :biggrin:

ودة المقصود من الفكر الليبرالي للمسلمين .. انة حر الابداع او الصناعة او التكنولوجيا بما لا يخالف الشرع او الدين ,
[/QUOTE]




حضرتك مش انا اللى بشرع قوانين إسلامية
ده إلهك وإلهى
وقيودها لازم يخضع لها الكون كله
بدون جدال او نقاش
وتفرض على الجميع رغم أنوفهم
ولا فهى معاندة لله بما شرع وعدم القبول له
وللأسف مشكلتك انك فاكر ان الفكر الليبرالى والعلمانى تكنولوجيا وصناعة فقط
انا وضعتلك المبادئ
راجعها


[/QUOTE]يبقى انت عندك مشكلة بالمصطلح لمجرد سماعك لة مش اكتر (يعني بيجيلك ارتكاريا من اسم المصطلح مش اكثر) :biggrin:
لانك دخلت تصفق لمحمد لمجرد ذكر لفظ ليبرالية او علمانية وانهم ضد الاسلام ثم فسرت المصطلح ضد صاحب الطرح وواكبتة مع الاسلام بالادلة ههههه يعني الموضوع ارتكاريا مش اكتر :biggrin: ..
[/QUOTE]

لا مش ارتكاريا
لانك للأسف مش فاهم ازاى بيتم محاربة الإسلام
بالطبع انت مش هايهمك محاربة الإسلام حتى لو انمحى من الارض
لانك عايش بفكر آخر
ومش انت لوحدك
غيرك كتير
قال تعالى ( فإنهم لا يكذبونك ولكن الذين كفروا بآيات الله يجحدون )
ده للكفار فمن باب أولى انه يكون للمسلمين
للأسف الناس عارفة اللى بتعمله غلط لكن الهوى واتباع النفس الغاوية
لازم لما اشوف كلمة ليبرالى او علمانى
لازم احاربهم
لانهم بيحاربوا دين الاسلام
وبعدين انا قرأت موضوع محمد
مش باشوف الاسم وخلاص زى ماسيادتك بتدعى


[/QUOTE]
لية موضحتش ان السجادة اللي انت بتصلي عليها دية فكر الحادي (مستوردة من الصين) ؟
لية موضحتش ان المواصلات اللي بتركبها صناعة فكر علماني ؟
لية موضحتش ان الادوية اللي بتعالجك نتاج فكر ليبرالي وعلماني !!
انت لية بتختزل وبتعمم ان اي فكر مخالف ليك مش مفيد وبيسيء للإسلام !!
طب اهو الفكر المخالف ليك سايبك تنتفع بما يتوصل الية من تقدم وانت كل وظيفتك بالدنيا انك تطرح مواضيع عليه وتكفرة وتقصيه من الدنيا !

لية مش بتوضح ان فية منهم ناس بتسعى لتحقيق علوم تنفع الانسان ولا هو اللي بيصنع عربية ولا طيارة بيعملها عشان قاعد بيفكر ازاي يطعن بالإسلام !
هو فاضيلك ولا فاضي لامثال نفس نهجك !![/QUOTE]


الموضوع ده تروح تقولوا للحاكم بتاعك السابق
اللى كان بيمنع عنك الابتكار
مش تيجى تقوله لينا
انا كان مقصودى من الرد عليك فى النقطة دى حاجة
ان اولا دول مش بيصنعوا بس
ومش اهتمامهم الصناعة والتطوير بس زى مانت بتقول
انا سبق وقولت انى اهتمامهم محاربة الدين ايضا
بالمادة
وبعدين العلوم كلها مقتبسة من العرب
وانت عارف لما حصل الغزو الاستراتيجى وصاحبه الغزو الفكرى
وانتقلت علومنا الى الغرب
قاموا هما بالتطوير ونجحوا
ماسألتش نفسك ليه هما نجحوا واحنا لا
ولما فكرنا ننجح اتعرضنا لقيود الحاكم
وفى اللى خرج نفسه من القيد وسافر يتعلم فى نفس البلاد اللى بتعادينا
يعنى مش الاسلام بيقتصر على النهج اللى انت بتقول عليه
لا الاسلام بيقتصر على جميع جوانب الحياة
وعلى اساس ماشاء الله عليهم
هما اللى بينفعوا
واحنا اللى بنضر الناس:079:
عجبى لكلامك





وهاقولك فى النهاية
على كلامك الأخير
اولا انا معملتش فريق
بس انا عارف هاتتكلم ازاى انت وطارق
وزى ماقولتلك انا بتناقش للوصول للفكر
مش اكتر
كونك انك حطيت انى عملت فريق
فدى مشكلتك انت
تانى حاجة
انا زى ماوضحت
انا دخلت مش للدفاع عن حد
انا دخلت واتكلمت معاك خصوصا لنقض بعض كلامك
اللى تم اقتباسه
فهمته انت بقى ارتكاريا
عادى مافيش مشاكل
وهاقولهالك
اى موضوع هايدخل فيه الليبرالية والعالمانية او غيرها من المعتقدات مش الأفكار
لان اللى ليه مبادئ يبقى اعتقد المبادئ وجعلها مذهب ومعتقد ليه
اكيد هاهجمه لانهم بيهاجموا الدين
وماتدخلش الصناعة فى الموضوع
سواء انت او غيرك
لان الصناعة متفق على التعلم والتكنولوجيا سواء ف الاسلام اى فى غيره

موفق