مسابقة فاصل ونعود

[╯ Princess ╭]

مساء / صباح الخير على الجميع النهرده هنقدملكم احنا مشرفين القس مسابقة جديده لقسم اليوتيوب بعنوان ( فاصل ونعود ) << مش الفلم بتاع كريم عبد العزيز لا دا المسابقة بتاعتنا معلش يا جماعه بنرطب الجو بس :biggrin: ::: فكرة المسابقة ::: المسابقة عبارة عن اننا هنحط فيديو وعليه اسئلة يعني مش هتكتر عن 5 يعني يا خمسة يا اقل وعليكم انكم تجاوبي على الاسئلة دي دي الفكرة الرئيسة تعالوا بقا نفهم التفاصيل ::: تفاصيل المسابقة ::: اولا : المسابقة مستمرة كل اسبوع هينزل فيديوهين بحيث ان انا و ديزيت المشرف اللي معايا في القسم كل واحد هينزل فيديو يوم في الاسبوع يعني هم يومين بس في الاسبوع كل يوم هينزل فيه فيديو واحد مني وواحد من ديزيرت وكل واحد هيحط الاسئلة اللي على مزاجو ثانيا: ليك الحق في انك تجاوب في نفس الاسبوع مرة معايا ومرة مع ديزيرت مفيش مشكلة ثالثا: الاجابه هتكون في رساله خاصة لأننا هناخد اول 3 اجابات فقط وعليك انك تجاوب على الاسئلة كلها مش سؤال ولا اتنين والباقي لا لان لو حصل كدا مش هيتحسبلك ولا سؤال ومفيش اشتراك في المسابقة عايز تحل في اي وقت اهلا بيك رابعا: اللي يحل الاسئلة ويبعتها يروح في الموضوع بتاع المسابقة ويكتب انو ارسل الرساله اللي فيها الاجابات عشان نبقا واضحين عند كل الاعضاء وميحصلش مشاكل ومحدش مثلا يجي في دور ديزرت يبعتلي الرساله بتاعت الفيديو لا كل واحد مننا انا وديزرت حط فيديو تبعتولوا هو بس خامسا: مواعيد تنزليي الفيديوهات: ◣ĐěŠèЯT◥ يوم السبت яϊηĉєṣק يوم الاربعاء سادسا: اخر حاجه هيتم عرض النتيجه بردو في نفس الموضوع بتاع المسابقة هنقول مين اللي بعت الاول والتاني والتالت وجوايزهم وكمان هيتم عرض حلول الاسئلة يعني المسابقة والفيدوهات والحلول كلها في موضوع واحد عشان محدش يقعد يدور في القسم وان شاء الله المسابقة هنبدأها من الاسبوع الجاي ::: الجوايز ::: هتكون على 3 مراكز اللي هيبعت الاول هياخد 70 مشاركة واللي هيبعت التاني هياخد 50 مشاركة واللي هيبعت التالت هياخد 20 مشاركة اعداد وتنفيذ:: مشرفي القسم:: ◣ĐěŠèЯT◥ яϊηĉєṣק استمتعوا معنا دايما وتابعوا جديدنا وقسمنا واكيد مش هتقدر تغمض عينك :biggrin: ووانتوا طالعين كدا خدلكم لفة على القسم كدا نشطوه شوية ورشوا هنا ميه وهنا ميه عشان ينشط كدا عايزة الاقي المية مغرقة القسم بس خدوا بالكم تتزحلقوا :biggrin: <<< شوية استظراف :biggrin:

[DESERT]

ان شاء الله القسم هيبقى غير معانا واى استفسار احنا موجودين سوا яϊηĉєṣק و ◣ĐěŠèЯT◥
واكيد شكر خاص ل رباب بتتعب بجد اتمنى الفكرة تنال اعجابكم
ودايما بنقول
يوتيوب مختلف :biggrin:

[פﭠة ﺳگـړُھَہّ]

جديه الفكره وحلوه اوى
بس ياريت كنتو تحددو ميعاد يكون افضل لان فى شرط دلوقتى انكم مش هتاخدو غير اول تلاته
ومافيش كمان تحديد يوم او وقت معين,, يكون احسن لو اتحدد....

[۩۩ elMagic ۩۩]

جميله جداا الفكـره
الله ينور رباب واحمد
موفقين بأذن الله
مودتـــى

[SplendiD SouL]

الترجمه امتي بقي
مفهمتش والا كلمه
بس شكله كلام جميل وكلام معقول :762:
وفي انتظار التنفيذ انا اللي فهمته هيبقي فيه اسئله وفيديو ونجاوب
لو صح يبقي كدا فل اوي سيبك من الباقي
في انتظار التنفيذ وشكلها فكه حلوه تحياتي بقي

[زهره الشتاء]

لآ حاجة لذيذة وجميله
وفكرة راقييييه
متابعه معاكم ان شاء الله
وبالتوفيق لكم
دمتم بخير

[دمعه حائره]

مسابقه جميله وجديدة موفقين ان شاء الله

[╯ Princess ╭]

اقتباس المشاركة الأصلية كتبت بواسطة حتتة سكره جديه الفكره وحلوه اوى بس ياريت كنتو تحددو ميعاد يكون افضل لان فى شرط دلوقتى انكم مش هتاخدو غير اول تلاته ومافيش كمان تحديد يوم او وقت معين,, يكون احسن لو اتحدد....

ماشي يا قمر لما تبدأ هنحدد ميعاد

اقتباس المشاركة الأصلية كتبت بواسطة Beauty Soul الترجمه امتي بقي مفهمتش والا كلمه بس شكله كلام جميل وكلام معقول :762: وفي انتظار التنفيذ انا اللي فهمته هيبقي فيه اسئله وفيديو ونجاوب لو صح يبقي كدا فل اوي سيبك من الباقي في انتظار التنفيذ وشكلها فكه حلوه تحياتي بقي

:biggrin::biggrin::biggrin:

هوا دا بالظبط

استمري

...(:

[عيوني هلاك]

فكرة حلوة اوي بس ياريت يكون في تنية علشان نقدر نجاوب
وفي انتظار جديدكم بالتوفيق

[الأميرة رودي]

الفكره جميله طبعا ..
تسلمو وو
بس من الآفضل يارباب تحددى يوم ليكي ويوم لــ ديزرت..
لآن كده هتلاقي ناس عاوزه تشترك بس مش هتعرف الايام ايه بالظبط.
وممكن مش تدخل ف اليوم ده خالص فيروح عليها الاشتراك..
منورين وموفقين وانا هتابع معاكم