طلبت ولما تطلب يجي المطلوب ..

[doiss]

طلبت ولما تطلب يجي المطلوب ..

بما ان المقربين عارفين اني بعز الخواطر (العالم الاخر) ..
فحاولت اتخيل الجو اللي هما عايشينة ومعيشين نفسهم فية بس بإسلوبي وخيالي مع احترامي لاي خواطري وخواطرية تحت الشجرة مستخبية :biggrin: ,,

نبدء ....



اسم العضو : الشاعر فجلة
الموضوع : رثاء في القفص ..

شديت عصايا من القفص زعلت العصايا اللي جمبها ,
قولت اشوف عصايا تسد مكانها ملقتش ! فسرقت مشبك وخدت نصه عشان امشي بية الحال والمتحال .
حطيت بالقفص فجل وجرجير بردو محدش اشترى .
هزرت مع صاحبي وضربتة بالقفص .. اتكسرت منه عصايا تانية .
اخر مزهقت قعدت ع القفص .. سمعت صوت طقطقة واتكسر القفص .
قولت اصلحة وابيعة وروحت للنجار .. قالي فية عصاية ناقصة مكسورة !
رجعت تاني بالقفص وانا حزين ومكسور العصايا ..
وياريتني مجبت القفص وكنت سيبته وحيد .
ولا اني اشوفة بيوم مكسور وعايش لوحدة حزين .
:497:
ــــــــــــــــــــــــــــــــــــــــــــــــــ ــــــــــــــــــــ

رد على موضوع القفص بواسطة العضوة : كريمان الرقيقة اوي بس مش علطول :762:

سلمت اناملك ايها الفجلةُ المبجلة وسلم لنا بوح فجلتك ايها الشاعر الرقيق .
فرثائك يا فجلة لا يضاهيه الرمان ولا الحبهان يا ابن المحروقة .
واسمحلى اعبر على فجلتك البهية كطيف وهبو كلب لم يستحم منذ 9 اشهر ,
فلقد ادهشني حرفك وكم من قفصٍ مكسور العصا ولا تدري النفس ان القفص على الرصيف مبجلاً .
فارجوك لا تحرمنا من فيضان بوحك .. ولو ع القفص فانا بابا خضري وممكن يساعدك ..
هتيجي لبابا أمتى يا ابن المرهفه ؟

ــــــــــــــــــــــــــــــــــــــــــــــــــ ـ
الجولة الصانية (آن آن آن)



اسم العضوة : مشعورة ومسعورة بنفس الوقت :741:
اسم الخاطرة : نفسي بأي قرد والسلام .



احبك يا مسبسب يا ابن القردة وانت عامل مطنش .
طول عمري عيني عليك بس انت ع الشجرة متعالي وواخد موزك ببوزك وضارب بوزك .
فاكر شجرتنا ؟
فاكر حكايتنا ؟
فاكر قردنتنا ؟
لما كنت ادلعك واقولك حمرا تقولي يا قردة دية روز ؟
مش حنسى حبك ليا ولا القردة ميار الحقودية .
اللي طول الليل مستخبية تقشرلك الموز وتاكله هيه
حبك بقلبي كبر مع اول سودانية اديتهاني بعيد الحب :sml39:
لما قشرتهالي وغلطت وبدل متحطها ببوقي حطيتها ...... بإيدي :sml1:
آخ منك انت آآآخ يا شقي ومدوخني السبع شجرات .
ومهما تهجرني وتخلي حد غيري يفليك .. حبك جوة قلبي بقملك وحشراتك شديد ..
:jester:

ــــــــــــــــــــــــــــــــــــــــــــــــــ ـــــ
رد على موضوع (نفسي بأي قرد والسلام)
بواسطة العضو : زينهم الجريء والغريق

اثلجتي صدري وتجيشت مشاعري يا صاحبة القلب الرقيق يا بنت الهابله .
استمتعت بسمفونية قرودي معزوفة على اوتار كلبي .
فإشجيني ايتها القردة الرومانسيه الشقية العبيطة الهابلة القوية المفترية .
واطربيني عشقاً ومزقي وبعثري شعري المنكوش واخبطيني على رأسي بالشاكوش.
فمازال في جعبتك موز وفي جعبتي سوداني لنلملم جروحنا ونفلي بعضنا .
لقد رسمتي لوحة لقرد القرود ع الشجرة مسنود .
فها انا كلي جرب وقشعريرة من نزف قملك وجربك دائماً .



صلامو عليكو ..
:769:

[Lαzєzα]

هههههههههههههههههههههههه
ايه التهييس اللى ع الصبح ده ؟ =))
بصراحه نو كومنت يليق بالتوبيك :d
بس هو عاملى دماغ جامده :d
تسلم ايدك ضياء

[SiLver Spectra]

ههههههههههههه
انت لما بتفصل بتبقى مشكلة

سلمت أناملك و ظوافرك و بصماتك و رجلك و شعرك و سدرك على هذا الطرح
لقد أتلجت ظهري لان المروحة متسلطة عليه

[тoкα..♥]

هههههههههههههههه
حصلك آي ي ضيآء ؟
وآلله كنت كويس وبعقلك )
آول مرة آشوفك سآرح بخيآلك آوي كدآ =))
موضوع حلو ي آستآذنآ وخزعبلآوي وش
دوآم آلخيآل

[doiss]

مش هرد رد رومانسي ولا خواطري بقى حلو اللي فوق :biggrin:
اهم حاجة اكون وصلت ليكوا خبرة حقيقية بكتابة خاطرة او شعر :445:
نورتوني وزودتوني ونقصتوني بنفس الوقت :762:

[dяєαм..|♥]

ههههههههه
لا بجد توبيك حلو اوى
بالذات بتاعت القرده دى جميله ههههه
شكرا ع الخزعبلايه الحلوه دى

[حنـــــون]

يانهااااااااااااااااااااااااااااار
ايه بس دا المتنبى معانا وانا معرفش
بجد موتنى من الضحك ياضياء جامد جدا جدا جدا
كتبتها ازى دى يابنى
تسلم ايدك ^^

[Lost Pearl]

هههههههههههههههههههههههه

لأ طلعت موهبة يا ضياء

انت جبت الكلام ده منين :079:

مش عارفة اجيب اقتباس كله عجبني الحقيقة ههههههههههههه

تسلم ايديك و انت متخزعبل كدة :biggrin:

تم التقييم

[DESERT]

يارايق :079::079:هههههههههه ضياء باشا مزاجو عالى اوى جامد يا جامد حزعبول فى الجون تسلم:biggrin:

[۩۩ elMagic ۩۩]

ههههههههه
لا جامده يا ريــس
تعيش وتتخزعبـل ى معلم
مودتــــى